ارجو النصيحة

[sefeleslam]

السلام عليكم ورحمة الله وبركاته
انا شغال على الثردى ماكس منذ فترة كبيرة ولكنى لم اخرج اى عمل كبير
ليلة امس فقط تمكنت من عمل شخصية بسيطة وحركتها بمساعدة دروس الاخ سديم فى الحركة
انا المفروض انى اشتغل فى شركة كبيرة فى السعودية فما هى البرامج التى احتاجها لكى اصبح قدير بهذا العمل وهل هذه المجموعة
http://www.studiocartoon.com/maxtf2.html
تكفى ام احتاج الى جانبها مجموعات اخرى
الرجاء الرد باسرع وقت وبالتفصيل اعزكم الله

[el_ash3al]

السلام عليكم ورحمة الله وبركاته
المجموعة اللى أنت حاطتها جميالة كاسطوانات لمعرفة سير العمل أو ما يعرف بال workflow بس حاول تشوف الشركة طالبة أيه
يعنى طلبة مصممين ولا محركين ولا ناس بتوع كمبوزت وهكذا ثم بعد كده كثف تركيزك كله على الحته اللى أنت هتشتغل فيها وطبعا فى هذه الحالة هتحتاج لبعض الاسطوانات الاجنبية المتخصصة . والتى تستطيع الحصول عليها من التورنت لو عندك نت ووقت وصبر . واما انك تشتريها .
أرجو ان اكون قد أفدتك ومضيعتلكشى وقتك .
سلااااام

[sefeleslam]

السلام عليكم ورحمة الله وبركاته
المجموعة اللى أنت حاطتها جميالة كاسطوانات لمعرفة سير العمل أو ما يعرف بال workflow بس حاول تشوف الشركة طالبة أيه
يعنى طلبة مصممين ولا محركين ولا ناس بتوع كمبوزت وهكذا ثم بعد كده كثف تركيزك كله على الحته اللى أنت هتشتغل فيها وطبعا فى هذه الحالة هتحتاج لبعض الاسطوانات الاجنبية المتخصصة . والتى تستطيع الحصول عليها من التورنت لو عندك نت ووقت وصبر . واما انك تشتريها .
أرجو ان اكون قد أفدتك ومضيعتلكشى وقتك .
سلااااام

جزاك الله خيرا اخى لقد افدتنى فعلا واشكرك من كل قلبى
وكان عندى سؤال اخر هذه المجموعة بالنسبة للماكس تقديرها كام بالمئة
يعنى مستواها كويس ولا للمبتدئين ولا للمحترفين ولا ايه بالظبط علشان انا من مصر وهتبقى تكلفة عالية شوية عليا وخايف تطلع زى الاسطوانات التعلميمة اللى انا جيبتها من مصر كلها اى كلام
ارجو الافادة

[sefeleslam]

اما بالنسبة للتخصص دى مجموعة كبيرة بتضم مجموعات كبيرة تحتها زى مستشفى السلامة عندنا فى مصر
فانا لسه مش متخيل شركة كبيرة زى دى هتطلب منى شغل ايه اعمله

[dezigner]

أنتبه تشتريها .
ياما شريت زي كذا اسطوانات اكتشفت اني ضيعت فلوسي .
جرب التورنت واسطوانات جنومون راح تكون راضي عن نفسك اذا طبقتها .

[sefeleslam]

أنتبه تشتريها .
ياما شريت زي كذا اسطوانات اكتشفت اني ضيعت فلوسي .
جرب التورنت واسطوانات جنومون راح تكون راضي عن نفسك اذا طبقتها .

شكرا اخى على النصيحة ولكن هل اشتريت هذه المجموعة من قبل ام لا
انا شوفت الدروس اللى مضمونة فى الاسطوانة وعجبتنى جدا تصيميم شخصية فتاة وعمل حركة عليها وتصميم سيارة وتصميم شكل الراجل الغريب اللى كان فى فيلم مملكة الخواتم يعنى حاجات ما كنتيش احلم انى اصممها قبل كدا
بس انا خايف بعد ما اجيب الاسطوانات تطلع مواضيع ضعيفة وما تفدنيش فى حاجه
وفى ملحوظة انى المجموعة عربية وانا زى الزفت فى الانجليزى يعنى لو جيبت دروس اجنبية هتبقى صعبة عليا قوى
وبرده انا لسه مستوايا فى الماكس مش تمام
ولو جيبت المجموعة كلها هيبقى افضل ولا لا وهل سعرها مناسب

وعايز منكم النصيحة ومعلش طولت عليكم

[sefeleslam]

ارجو الرد باسرع وقت ممكن
جزاكم الله خيرا

[dezigner]

أنا اشتريت لأخي من نفس المكان Studio Cartoon سيديات صنع سيارة بالمايا مع الإضافات من شركة ديجيتال تيوتورز (6 سيديات ) طلعت ملفات العمل ماهي كاملة مافيه بلوبرنت . ومستحيل ديجيتال تيوتورز ينزلوا حاجة من غير ملفات العمل .
علامة استفهام .؟؟؟
بالنسبة للسعر فهو معقول اذا انها أصلية . وحط تحت أصلية 200 خط .

[el_ash3al]

أقولها لك صراحة أخى ورزقى على الله أنا لم أستمع الى تلك الاسطوانات بس واضح من المواضيع اللى فيها أنها مناسبة للمبتدئين ولكن لو حابب حاجة بالعربى
قدامك حل من أتنين من وجهة نظرى
لو أنت أمامك متسع من الوقت وبحثت هنا فى المنتدى أو فى منتدى طريق الجرافيك عن مواضيع مثل التى فى الاسطوانات
اللى أنت عارضها صدقنى هتلاقى كتير من الدروس العربية والمجانية جزى الله أصحابها الخير الكثير

لو أنت مستعجل وزى ما قولت ولا تجيد الانجليزية فلا يوجد أمامك ألا أن تشترى بعض المجموعات العربية
سواء المجموعة اللى أنت عارضها أو أى مجموعة أخرى وأنا شخصيا أنصحك بمجموعة أخونا وأستاذنا الباشمهندس
أحمد صبحى (ahmed_3d) أرجو أن أكون كتبت الاسم صح وأرجع وأقولك تانى أنى برضه لم أستمع ألى تلك المجموعة ... وكم اتمنى !! وهذه ليست دعاية للباشمهندس احمد فهو ما شاء الله عليه لا يحتاج الى ذلك . ولكن من
متابعتى للدروس المجانية اللى عارضها ... الصراحة حاجة عالية جدا جدا جدا . فعلا دون مبالغة . تبارك الله .
وهى أيضا بالعربى . ويمكنك متابعة مواضيعه الكثيرة والمنتشرة هنا فى المنتدى أو فى منتدى طريق الجرافيك.
والسلام عليكم ورحمة الله وبركاته

[sefeleslam]

بس فى مشكلة ان البشمهندس احمد فى القاهرة وانا فى الاسكندرية
وما ينفعش اخذ اسطوانات الكورس من غير ما اشترك فى الكورس ودى مشكلة لان صعب حكاية الاقامة فى مكان تانى غير كدا هحتاج كمبيوتر ومش معقول هاخذ الكمبيوتر بتاعى من محافظة لمحافظة تانية

[el_ash3al]

مين قالك ياأخى أن ماينفعشى تشترى الاسطوانات من غير ما تحضر الدورة
أقرأ هذه الصفحة
http://www.maxforums.net/showthread.php?t=104299
بالتوفيق أخى

[sefeleslam]

لكن فى هذا الموضوع الكلام غير ذلك
http://www.maxforums.net/showthread.php?t=102442
فى رابعا

[sefeleslam]

اود ان اشكركم اخوانى الكرام على التفاعل الجميل وهذا يبين كما حبكم لخدمة الاخرين وجزاكم الله خيرا