اللعنة على autodesk

[funboy]

مكتبتش الموضوع ده إلا بسبب إني إتخنقت من أوتوديسك
أنا شايف إنهم ما طوروش أي حاجة في المايا على العكس قاعدين يطوروا في الماكس والمدبوكس حتى السوفت إيميدج
والمايا كل اللي بيعمله شوية لعب في القوائم من غير أي لزمة
بعد ما إتعودت على مايا 2009 هرجع تاني ل 2008 لإن الإسكريبتات والبلاجنز متوفرة له
أما ل 2009 فبعضها غير متوفر بل لم يصدر أساسا
أنا راجع ل 2008 وأنا مبسوط لإني شايف إن 2009 لم يضف شيئا يستحق وبالتالي لن أحزن عليه
وللأسف لن أهتم ب 2010
.......شيء محزن الناس بتطلع لأدام واوتوديسك بترجع المايا لورا ....طب ليه إشتروه ما إلياس كانت أحق بيه

وأضحكتني كلمة more simulation في 2010 أوتوديسك بتستعبط (لمؤاخذة) بتصيع علينا
طبعا هي ممكن تعمل cloth برقبة syflex بس أكيد أوتوديسك بتاخد فلوس من الشركة دية وأكيد shave& hair cut
يعني بتحصحص منهم :)
وده معناه إنها عمرها ما هتطور تطوير يستحق في هذا الجزء

أكبر غلطة في التاريخ حدثت عندما أشترت autodesk المايا .......اللعنة على أوتوديسك .

[anime.van]

نفس الرأي تطلع الإصدارات بسرعة وليس هناك فرق كبير
بس مافي داعي إنك تلعن
خليك على مايا 2008 أفضل لك

[محب خير]

أخي الكريم
المسلم ليس بلعان ولا فاحش بذيء
استغفر الله

وحسب ما فهمت أنت لم تشتري النسخة الاصلية وإنما منسوخ

فأنت تأخذ جهدهم وتلعنهم

الله يهديك ويهدينا ويهديهم قل آمين .

[funboy]

تمام أخي محب الخير آسف على ذلك

وخلي أوتوديسك ترجعنا ورا وتطلع الناس كلها للأمام

كلمة اللعنة أردت بها فقط التعبير عن الغضب .سؤال : من هنا عنده نسخة مايا أصلية ؟؟؟؟ هل ستظن إنها أفضل؟؟؟

[أبو عبدالعزيز]

لقد كتبت رأيي في هذه الشركة منذ زمن وللأسف يبدو أنه صحيح
أتوقع والله أعلم أن السيناريو سيكون تطور بسيط في المايا والسوفت ايمج وتطور هائل في الماكس وذلك أن المدعوة أوتو ديسك ستقوم بأخذ مطوري المايا والسوفت ايمج وجعلهم يطورون الماكس ومن ثم تقوم الشركة بإضافة مميزات كانت في المايا والسوفت ايمج للماكس مون ثم يصبح 90% من مميزات المايا والسوفت ايمج موجودة في الماكس ويصبح المايا والسوفت ايمج مجرد اسم لبرنامج يحوي بعض مميزات الماكس 2015 ومن ثم تعلن أوتو ديسك عن إلغاء الدعم للمايا والسوفت ايمج ومن ثم بعدها تقوم بإلغاء البرنامجين بحجة قلة المبيعات
هذا ما أتوقعه من شركة مثل أوتوديسك والله أعلم
وياليت لو ماكسون تشتري المايا كان تشوف التطورات صح
شوف الفروقات بين نسخ السينما 9&10&11 صراحة فروقات تصيبك بالذهول موب مثل اوتو ديسك
الحمد لله اني استخدم نسخة مايا مقرصنة
وإلا لا أدري ما سيحصل لعقلي لو اشتري نسخة اصلية في ظل هذه التطورات المهولة:p

[donjwan88]

اخي العزيز دة تقريبا مع باقي البرامج التي اشترتها اوتوديسك وعلى فكرة على حسب ما فهمت من اللي قرأتة ان شركة اوتوديسك مطورتش حاجة في النسخة الجديدة من السوفت ميج كل اللي هي عملتة اضافت بعض البرامج التي كانت مستقلة الى البرنامج


على العموم شكل اوتوديسك ناوية تقضي على مايا وسوفت اميج واتخالي الموضوع في الاخر يرسى على ثري دي ماكس بصراحة انا بدأت احس ان الشركة فعلا عقيمة في تطوراتها على العموم اعتقد اصلا ان المايا والسوفت اميج كاملين في كل شئ علشان كدة التطورات كانت لا تذكر


ومعدتش تفرق ما دمت بتطلع بنفس النتيجة اللي انت عاوزها مهما كان البرنامج المستخدم

[funboy]

كنت شفت في الماكس 2009 مكعب في الفيوبورت كانوا فرحانين بيه أوي لدرجة إنهم كانوا مخليينه واكل كل الفيوبورت وكان مضايق كل الناس وبيخفوه ده طبعا خدوه من المايا وحطوه في الماكس بس لاقيتهم في ماكس 2010 ظبطوه وخلو شكله شيك ومناسب لحجم الفيوبورت زي المايا

يعني خدوا مميزات المايا وحطوها في الماكس وخلوا مايا زي ما هو معرفش ليه ...ولا هما معرفوش يطوروا في المايا وبيضحكوا علينا بشوية لعب وكلام فاضي

ألياس كانت شركة محترمة جدا وعشان كده قفلت

[anime.van]

أظن رأيي موافق لبعض أراء الإخوة
بأن المايا يعتبر الآن برنامج مكتمل تقريباً
ولا يحتاج لكثير من التطوير لذلك لا نجد إختلاف كبير في الإصدارات الجديدة
بعكس البرامج الأخرى

[N.nabil]

ماتقلقش ..بكره المايا يتباع

[mtarq]

أظن رأيي موافق لبعض أراء الإخوة
بأن المايا يعتبر الآن برنامج مكتمل تقريباً
ولا يحتاج لكثير من التطوير لذلك لا نجد إختلاف كبير في الإصدارات الجديدة
بعكس البرامج الأخرى

:ok::ok::ok:

[kemoemo]

معرفش ليه الهجوم ده على برنامج الماكس

الى فاكر ان اتوديسك بيتطور الماكس عشان تقضى على البرامج التانيه

وانها خدت من المايا وحطت فى الماكس ده كلام غير سليم

الى يشوف الماكس 9 او حتى 8 لغايه ماكس 2009

الفرق الى ما بنهم الكيوب الغبى بيتاع الفيوبورت وتحسنات فى المنتل راى بس فين بقى خادت من المايا الكيوب خدوه مش عاوزينه مالوش لازمه اصلا

جت فى ماكس 2010 عملت زى ما عملت فى باقى البرامج ضفت فيه اقوى بلجنز مودلينج لغايه دولقتى

للماكس يعنى ماطورتش حاجه اضافه حاجه جاهزه وبس وادوات المودلينج الجديده دى مش محتجها المايا اساسا

لانى شوفت ادوات المودلينج بيتاعت المايا حلوه الصراحه عجبتنى

كل الى عاوزه المايا فى نظرى انهم يجمعو بعض الادوات يحطوها فى اداه واحده

بدل ما كل حاجه اداه الاكسترود اداه والبيفل اداه لكن كل ده فى الماكس اداه واحده
فيها الادوات دى عشان كده الماكس متفوق معمارى

اتوديسك اصلا ما بقتش عارفه تعمل ايه او تطور اى حاجه سواء ماكس او مايا

معرفش انا فى المطورين والمبرمجين فى الشركه دى لازمتهم ايه بدل هما عمالين يضيفو مش بيطور

[بونواف]

أظن رأيي موافق لبعض أراء الإخوة
بأن المايا يعتبر الآن برنامج مكتمل تقريباً
ولا يحتاج لكثير من التطوير لذلك لا نجد إختلاف كبير في الإصدارات الجديدة
بعكس البرامج الأخرى

احسنت اخي انمي ..

بالضبط ..

المايا كالاناء الممتلء .. لا تستطيع ان تزيد عليه ..

فهو كامل .. الكامل الله ..

[houdhxp]

فكر من جديد
http://img.directindustry.com/pdf/repository_di/14521/autodesk-alias-surface-91355_1b.jpg

[Gabre]

السلام عليكم
يا جماعه انا جديد و عندى 2009 و 2010 و مش عندى 2008
و فى اخ من هنا نصحنى ب 2010
و الكلام الى فى الاول دا ميطمنش
طيب ينى اسيب المايا و اروح للماكس ولا اجيب 2008 ولا افضل على 2010؟

[بونواف]

2010 ..

خليك مع الجديد .....

[Gabre]

شكرا لاهتمامك بس كنت عايز اعرف ليه الاخ funboy هيرجع ل 2008؟

[anime.van]

شكرا لاهتمامك بس كنت عايز اعرف ليه الاخ funboy هيرجع ل 2008؟

الأخ ذكر السبب في موضوعه
لإن الإسكريبتات والبلاجنز متوفرة ل2008
أما ل 2009 فبعضها غير متوفر بل لم يصدر أساسا

وهناك سببان عندي سأضيفه

1- بأن المميزات في الإصدارات الجديدة قليلة ولا يستحق بأن أغير الإصدار الذي معي من أجله

2- أغلب الدروس يتم على إصدار 2008
ومنها الدروس العربية لكارتون لاب

[بونواف]

بالنسبه لي ..

لاحظة ان الباك برنر المضاف على مايا 2010 يعتبر جوهري ..

حيث لا احتاج الى برامج اخرى للرندر فارم ..

و لاحظت في تطوير بالانميشن .. يبدو انهم قد عدلو على الرندر مشين .. صار اسرع .. و السرعه ملحوظه ..

و قد طوروا مقبس الـ fbx .. اصبح في توافق مع الموشن بلدر اكثر من السابق ..

هذا التطور في ما يخصني ..

و هناك تطورات كثيره تساعد على تسريع الورك فلو و العمل ..

مثل ما سبق و قلنا .. يعتبر المايا متكامل .. و التطوير اكيد سيكون طفيف .. و لكن فعال

[A.Atiq]

يا حبيبي خليك على الماكس وريح بالك :)

آسف ان كنت أزعجتك

[توفيق عبي]

يا حبيبي خليك على الماكس وريح بالك :)

آسف ان كنت أزعجتك
ابو دبابة اين دبابتك ام نسيتها في قسم الماكس اذهب واحضرها حالا والا عرَِضت نفسك للخطر بدونها في قسم المايا .

[graphology]

المايا أخذ مجموعة من الميزات من الماكس وبعدين أخذ الماكس الماكس من المايا الكيوب اللي إلى الآن ما بحب أشتغل عليه
لكن الاضافات على المايا الجديدة راح تخله احترافي ليش زعلانين

[funboy]

graphology واضح إنك فهمت قصدي من الموضوع غلط بس قبل ما أتكلم لازم تعرف إن الموضوع ليس موضوع مقارنة
بين مايا وماكس كما يفعل
بعض السف .....

ولكن ما أغضبني أن أوتوديسك لا تطور في المايا إلا تطورات محدودة في حين إنها تقفز بالرامج الأخرى
ورغم كل ذلك ورغم ما أحدثته من تطوير في الماكس
لا توجد ميزة في الماكس لا يوجد مثلها أو أفضل منها في المايا
وتوجد ميزات في المايا قد لا نراها إلا في الماكس 2018

ولما إتكلمت على الكيوب كان فقط على سبيل المثال وليس الحصر

ولا أعتقد إنه تم إضافة شيء للمايا من الماكس