ســــــــــــــــــؤال مــــــــهم ؟؟؟؟؟

[salsbeel]

ممكن اذا حدى بعرف كيفية اظهار الحركة في الرند؟؟؟؟؟
شكرا....

[toxic15987]

بصراحة مش فاهم السؤال ؟؟

[salsbeel]

عند عمل رند تظهر الصورة فقط وليس الحركة

[توفيق عبي]

المكان المؤشر عليه بالازرق اضغط عليه فقط ستتم معلينة الحركة .

http://www.maxforums.net/uploaded/60524/1250802115.jpg

[salsbeel]

شكرا لك اخي يعطيك العافية

[توفيق عبي]

هذه الطريقة لمعاينة الفيو بورت فقط اما للقيام بالرندر النهائي فتوجد طريقة اخرى وسابحث عندي على درس فيديو يشرح لك ذلك ..

[toxic15987]

اه فهمت
انت عايز تخرج المشهد ملف فيديو او سيكونس
طيب دة يبقى عن طريق حاجة اسمها batch render
فى المايا وفى مواضيع كتير جدا فى قسم المايا بتشرح الموضوع دة ومنها فيديوهات كمان
حاول تدور عليها فى المواضيع السابقى للأعضاء

[salsbeel]

شكرا لكم اخواني وانا صراحة حاولت ادور عليها بس ما لقيت لانو حكولي لازم يكون في function للحركة
يا ريت تساعدوني في هذا الموضوع

[toxic15987]

رقم 1 - اعدادات الريندر
رقم 2 - تقدر تختار محرك الريندر اللى انت عايزة سواء مايا سوفت وير او مينتال راى على كل حال اعدادات الريندر
للفيديو سيكونس واحدة فى الأثنين
رقم 3 - نوع الملف اللى انت عايز المايا يخرجه سواء avi او iff على حسب اللى انت محتاجة
(نصيحة) حاول انك ماتعملش ريندر فى المايا لملف avi ودة لسبب مهم جدا حضرتك لو الجهاز انقطعت
عنه الكهرباء او حصلت اى مشكلة هاترجع من الأول انما لو عملت ريندر iff او tif او اى اميج
كل مل عليك ساعتها لو حصل مشكلة انك تجيب اخر صورة اتعمل لها ريندر كامل وتحدد اعدادات الريندر
كما هو موضع فى الرقم 6 تخلى ال start fram من مكان ما حصلت المشكلة سواء فى اى فريم او كدة
يعنى مثلا لو انت النور قطع فى الفريم 100 وانت عندك 150 فريم يبقى هاتخلى ال start fram من
اول 101 بدل ما تبدأ من الأول ...
رقم 4 - دى عشان تخلى اسم الملف وراة رقم بترتيب الفريمات اللى انت عملتلها ريندر ودة عشان لو هاتحط
الملفات دى فى الأفتر ايفيكت او اى برنامج تانى يتحطوا من غير مشاكل فى الترتيب بسدد اسم الملفات .
رقم 5 - رقم 5 دى هى الخانات اللى انت عايز تضيفها لأسم الملف (انا عارف انك مش فاهم قصدى )
فاكر فى الحساب بتاع ابتدائى مش كان فى حاجة اسمها خانة الآحاد والعشرات والآلاف اهى دى كدة لو
انت هاتعمل ريندر ل 1000 فريم يبقى لازن تبقى الخانة رباعية لو هاتعمل ل 100 فريم يبقى هاتبقى ثلاثية
لأن تسلسل الأرقام بعد اسم الملف فى حالة الألف فريم هايبقى مثلا img_1000 يعنى فى اربع خانات
بعد اسم الملف يعنى الـ fram padding 4 خانات
رقم 6- دى مهتمة ببداية الريندر بناءاً على الأنيميشن بتاعك بيبدأ منين ؟؟ من الفريم الأول او بادئ من الفريم
الأول ولكن منتهى عند الفريم كذا ....
رقم 7 - سيبك منها عشان انا كنت هاقول لك ملحوظة بس خلاص عشان انا نسيت انا كنت هاقول ايه

والصورة اهى

http://img268.imageshack.us/img268/3215/64177601.jpg


نيجى بقى عشان نعمل الريندر بتاعنا
من قائمة ريندر هانختار ريندر باتش زى ما هو موضح فى الصورة اللى تحت دى

وهنا بقى يجى السؤال طيب الملفات اللى اتعمل لها رندر هاتبقى فين هاتبقى موجودة فى فولدر ايمج فى البروجيكت بتاعك

(على فكرة تقدر تقفل البرنامج لأن الباتش ريندر بيبقى شغال فى الباك جروند بتاع الجهاز )
دة عشان توفر الرامات للباتش ريندر بدل ما يبقى المايا شغال على الفاضى وغالبا الباتش ريندر هاياخد 99% من البروسيسور فاماتحاولش تتحرك فى الجهاز

http://img256.imageshack.us/img256/6684/95994929.jpg

[toxic15987]

وطبعا فى حاجة .... الخطوات احتمال يكون فيها حبه تشوش ولكن اعتقد ان الفكرة وصلت لك

[توفيق عبي]

طريقة حفظ المشهد على شكل فيديو

http://www.4shared.com/file/126916941/c1d56fad/AVI_____.html

[salsbeel]

شكرا كثير كثير لكم يا اخواني وشكرا على الشرح المفصل اخ toxic الله يعطيك العافية
وشكرا على الرابط اخ توفيق