Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

واقعي المجهول ولحظاتي في فيضااااااان جده!!!

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واقعي المجهول ولحظاتي في فيضااااااان جده!!!

    أنقل لكم هذا الموضوع من أحد المنتديات ..

    الموضوع :

    يوم يستحيل نسيانه في حياتي يوم الاربعاء 8-12-1430

    بهادا اليوم كنا انا وزوجي سهرانين الين الفجر وكان اول يوم اسهر فيه لين الفجر من مده طويله المهم اننا صلينا الفجر ورحنا بسااابع نومه المهم ماصحينا الا على صوت المطر يطق على المكيف من برا الا وانا انط من فوق السرير على الشباك واطالع الا واشوف الدنيا تمطر واصرررررخ باعلى صوتي من الفرح <لاحظو في البدايه اصرخ من الفرح >لاني من زماااااااان وانا اتمنى اشوف مطر وامووت على المطر وكنت دايما اسال نفسي وزوجي واهلي لما يجوني وكل من حولي واقول ياربي ليه جده ماتمطر وكان هادا الشي مضايقني مرررررره وكنت احسب كم يوم يجي جده الغيم بالسنه وطبعا نادرا الحمد لله رب العالمين بس على كل شي لكن الحين بس عرفت ليه جده ماتمطر ..<<الله له حكمه بكل شي سبحانه وتعالى>>..
    المهم قلت لزوجي الا نطلع نتمشى بالمطر وكانت الساعه التاسعه صباحا تقريبا وطلعنا نتمشى بالسياره شوي ندور بالحي .وانا الدنيا ماهي واسعتني من الفرحه .وكان الجو يجنن مع ان المطر كان قوي وكل ماله يزيد بس ماحسيت بخوف او رهبه من فرحتي بالمطر .وشوي الا ويزيد لدرجة ان زوجي مو قادر يشوف الطريق وقررنا نرجع للبيت شوي نفطر ونروح نتمشى البحر بعد مايهدا المطر شوي< بس الظاهر ان البحر هو اللي جانا>ورحنا البيت فطرنا وجلسنا شوي على الشباك نشوف المطر وجلسنا نسولف الين الساعه 12الظهر واجلنا الطلعه لاننا كنا سهرانيين ومانمنا الا اربع ساعات .ودخلنا عشان ننام والاحوال برا تماااااااام والمطر خف . والله يابنات والله بس <<ثلث سااااااااااعه>> من دخلتنا الغرفه الا والشغاله تدق الباب بقوه واحنا لسا دوبنا داخلين بالنومه وتدق الباب وتصرخ وطبعا اول مره تسويها وتقول بابا بابا السياره السياره وزوجي يسمع صراخ سيارته وقال شكل سيارتي انسرقت انا قمت مرعوبه وخايفه واحس شي كاتم علي صدري حاسه ان فيه كارثه والله هادا كان احساسي بس ماتوقعت المطر لان المطر وقف خلاص بس الدنيا غيم .بس والله الشي اللي شفته اكبر والله من الكااااااارثه !!!
    وقف زوجي ع الشباك وصرخ ياالللللللللللله اش هادا لااله الا الله ..وانا واقفه بعيد ماابغى اشوف شي من الرهبه لاني حاسه بخوف داخلي خوف كبير قبل مااعرف الموضوع.واوقف ع الشباك واشوف سيارة زوجي تسبح وسط نهر جاااااااااااري وشوي والا كل سيااااارات الجيران والغنم والجمال وكل شي قاعد يسبح والله العظيم طوفااااااااااااان والمشكله كل هادي الاشياء صارت <<بس بثلث سااااااااعه >>بس من كان يتوقع؟! وتحولت فرحتي الى.......
    <قدرة العظيم لااله الا هو وهنا العظه والحكمه والعظمه تجلى في علاه لااله الا هو <<رددتها كثيييييرا وانا في قمة الدهشه والذهول والرهبه تفكرت كيف بهادي الفتره القصيره كل هادا الدمااااااااااااااااار يصير والله وقفت بعدها اترقب بصمت والطوفاان او النهر او السييييييييل الهائج الذي لاتستطيع اي قوه على الارض ايقافه سواه سبحانه وتعالى والله وقفت مستسلمه واشوف المويا تزيد.. تزيد والله العظيم ماني قادره اتحرك من عظمة الموقف وماكان شي في بالي الا ان جده جااااااااااااالسه تغرررررررررررررق والله تغرررررررررررررق وكنت جالسه اترقب استنى بس متى يدخل المويا علينا .... من جد جالسه استنى فعلا استسلمت.
    مع اننا كنا في الدور الاول بس كنت متاكده اننا وسكان العماره وكل اهل جده خلاااااااااااااااص راح تكون النهايه.... لااله الا الله ..... وكل هادي اللحظات مع انها لحظاااات ولكنها مرت بطيئه ..وبطيئه جدا وماصحاني من هادي اللحظات الا دق الباب والصراخ اللي مستحييييييييييل انسى صداه ماحييت.. الا وجارنا يصرخ يقول لزوجي الدنيا تغرق والسيارات كلها راحت واسمع اصوات الرجال يهللون ويكبرون والاصوات قويه جدا في العماره مسويه صدى وزوجي معاهم ودخل زوجي ركض المطبخ يصرخ وين المطرقه وين الالات الحرمه اللي تحت بالدور الارضي جالسه تغرق هي وبنتها والباب مسكر عليهم بالمفتاح والا اسمع صوت الرجال طلعوا الحرمه.. طلعوا الحرمه ..كسروا الباب ..لان المفتاح طبعا غرق زي ماكل شي ف بيتهم غرق والحرمه طبعا زوجها في الحرب وعندها امها واختها وشااااااايب مسكين وكان برا البيت واسمع صراخ الحرمه وهادا اكثر شي خلاني افقد السيطره وانهاااااااااااااااار واسمعهم كسروا الباب الحريم غرقوا كسروا الباب واصوات المطرقه واصوات صرررررررررررراخ واصوات رجال والماء كل ماله يزيد عليهم حتى هم كانوا على وشك الغرق .والله العظيم رعب عمري ماعشته ابد انهيااااااااااار.. ذهول وقلت خلاااااااااص لزوجي الحياه والموت بيد الله وهادا من علامات الساعه وشكل القيامه بتقوم خلاااااااااص واخيرا كسروا الباب وطلعوا الحريم للدور الرابع عشان الماء بازدياد والحرمه تصرخ بنتي بنتي وبنتها كانت بيدها بس ماتنلام من الرهبه وقالي زوجي يله كل الشقق طلعوا الدور الرابع عشان الباب الرئيسي انهار من الماء ودخل الماء خلاص عبا الدور الارضي بالكااااااااااااااامل مستوعبين ياناس بالكااااااااااامل .وطلعت وشفته واصل نص الدرج اللي يوصل للدور الاول وقتها انهرت صرخت وبس صرت اقول الحياه والموت بيد الله وزوجي شكله تغير وانهار وقالي يله بسرعه كلنا بنطلع الدور الرابع وانا رافضه قلت ماابغى اطلع المكتوب بيصير الله يرحمنا برحمته بس واروح اتوضا واصلي وادعي واستغفر وابكي من هول الموقف وزوجي يترجاني اطلع فوق وطلعنا كلنا والحاله كل مالها تسوء اكثر وفوق شفت كل جاراتي اللي لنا ثلاث سنوات ونص ماقد احد شاف احد الا داك اليوم بس كاننا نعرف بعض من زمان جلسنا نواسي بعض وكل وحده اولادها بحضنها وكل نظراتهم كانت نظرات ترقب وخوف من مجهول . سبحان الله فكرت بيني وبين نفسي كنت دايما اقول ماعندي جيران والعماره هادي مافيها جيره واجتمعنا<< بس شوفوا كيف اجتمعنا >>وشوفوا< الظرف>اللي خلانا نجتمع اول مره .الله له حكمه بكل شي..
    وشوي شوي الحمد لله هدينا وجلسنا وتقبلنا الموضوع وصرنا بس نعرف اش صار وكيف الوضع من اتصالات ازواجنا وبعد تقريبا اربع سااااعات قالوا لنا الحمد لله وقف السيل الهائج والله ماكان سيل كان فيضاااااااااااان وماادري اش اسميه بس الحمد لله رب العالمين على كل شي .وبعدها حمدنا الله كثييييييييرا على لطفه ورحمته بنا صحيح وقف بس خلف وراءه دمار كل الدمار خسائر بشريه <ارواح >وخسائر ماديه وصارت عمارتنا جزيره يحدها الماء من جميع الجهات وصرنا محاصرين اربع وعشرين ساااااااااعه لانقدر نطلع ولا يقدر احد يوصل لنا والكهرباء مقطوعه والماء مقطوع الحمد لله رب العالمين بس على كل شي ...عظمة الخالق لااله الا هو,.



    وهادي سيارة زوجي تسبح



    وهادي سيارات الجيران تسبح


    منقول ..

  • #2
    امانة جدة كانت تنتظر حسائر تقدر بمليار وفاة المئات وسقوط منازل البعض حتى تتحرك وتقوم لتنشىء بنية تصريف !!
    وللاسف تتنظر المساكين حتى يموتون ثم تنذكر اننا اهملنا وقصرنا !!

    تعليق


    • #3
      الله يسلم
      لله حكم فى كل شئ و وعسى أن تكرهوا شيئا وهو خير لكم وعسى أن تحبوا شيئا وهو شر لكم
      رب يسلم و يعينكم
      بسم الله الرحمن الرحيم
      (( يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي ))
      صدق الله العظيم
      اللهم ارحم امى و عافها و اعف عنها و اكرم نزلها و وسع مدخلها

      تعليق


      • #4
        لا إله إلا الله
        إن الله على كل شيئ قدير
        ولله في خلقه شؤون
        اللهم إجعلها نعمة ولا تجعلها نقمة يارب العالمين
        إنتبه :
        (إن شاء الله) وليس ( إنشاء الله)
        .....................................................................
        شكوت إلى وكيع سوء حفظي... فأرشدني إلى ترك المعاصي
        وأعلمني أن علم الله نورَ......... ونور الله لايهدى لعاصي

        تعليق


        • #5
          واقعة مخيفة
          مشكور اخي

          تعليق


          • #6
            الله يكون في عونكم يا اهل في السعودية
            والحمدلله على كل شيء

            تعليق


            • #7
              لاحول ولاقوة إلا بالله العلي العظيم

              اللهم اجرهم في مصيبتهم وخالفهم خيراً منها

              تعليق


              • #8
                حمدا لله على سلامتكم

                تعليق

                يعمل...
                X