كيف استخرج فايل فيديو بدقه عاليه ؟ عاجل ؟

[صاعقة الفن]

عملت تاثيرات بسيطه على مشروع ( انعكاس واضاءه وظل فقط )
ولما بعمل رندر فيديو يظهر الفديو كانه مقطع يعني مش حركه طبيعيه
علما اني اريده عالي الدقه فبستخدم نوع الكود ( Uncompressed ) وجربت ( MJPEG Compressor )
وايضا نفس المشكله لكن لاحظت شيء
لما باخد الفديو اللي بيظهر وادرجه في الموفي ميكر واطلعه تاني منه بيظهر كويس قوي كحركه طبيعيه ولكن الدقه بتبوظ


فافيدوني لو سمحتم ايه المشكله
شكراً

[doctor3d]

هو الفديو لما بيكون Uncompressed بيكون حجمه كبير لو هو مثلا 4 ثواني ممكن يكون 100 ميجا تخيل كل ثانية بيحاول يرسل 25 ميجا في الثانيه للبروسيسور فأكيد بتلاقيه بيقطع
ومتحاولش تطلع بكودك ضغط من الماكس ده غلط عشان هيضيعلك جودة الشغل
الحل عامة انك تضغطه شويه وتصدره من اي برنامج مونتاج بصيغة mpg مثلا او mov كله شغال

والحل الاحسن اصلا مترندرش AVI رندر PNG او TARGA سكونس وجمعهم بأي برنامج مونتاج

[صاعقة الفن]

صدقني يا دكتور دي مشكله كبيره وعانيت منها كتير
انا حاولت من قبل اطلعه Jpg واني اجمعه بفلاش بس ما نفعتش برضة طلع بطيء وزي ما يكون مقطع مش حركه طبيعيه

هجربه زي ما انت قولت بصيغه PNG وهشوف
بس سؤال اي احسن البرامج المونتاج علشان اجمعهم انا جربت برنامجين
الفلاش
موفي ميكر ( في حاله لما بطلعه فايل فيديو كبير 2 جيجا ) بينضغط الي 40 ميجا ممتاز قوي وحركه طبيعيه بس اقصى مساحه في الموفي ميكر هي 720 في 576 انا محتاجه بدقه كبيره 1024 في 768 على الاقل

شكرا لافادتك يا دكتور ثري دي

[m_elswaf]

after effect & adobe Premiere

[doctor3d]

الموفي ميكر مينفعش قوي
يعني انت لو عايز تجمع شغلك بس بدون اي تغييرات ومش محتاج تتعلم برنامج معين عندك افتر افكت يادوب هتحط الحاجة في التايملاين وبعدين اكسبورت بصيغ كتير يدعمها البرنامج
عندك فيوجن بس ده صعب شوية
عندك برامج مونتاج كثيرة جدا .. بريمير واديس اسهل حاجات

ممكن حتى تستخدم الفوتوشوب في تجميع السكونس

[noooor_001]

سبحان الله و بحمدة سبحان الله العظيم

[hossam_3d]

ما شاء الله عليك يا doctor 3d وربنا يجعله فى ميزان حسناتك