اسعار اعمال الفرى لانس فى مصر للماكس

[الزفتاوى]

السلام عليكم
سبق ووضعت الموضوع في منبر اطراف الحديث لكنى لم اتلقى الاجابة عن سؤالى هناك فعذراً على التكرار
اريد ان اسأل عن اسعار اعمال الفرى لانس فى مصر، مثلا اعمال الانيميشن للدقيقة الواحدة واعمال بناء الشخصيات وتركيب العظام واعمال اللايتينج والاضاءه
عذرا اذا كان الموضوع غير مرتب ولكن لو نبذه قصيرة عن تكلفة كل فرع من فروع اعداد عمل متحرك على الماكس باسعار الفرى لانس اكون شاكر جداً
شكراً لكم

[doctor3d]

لكل شركة نظامها في الفريلانس .. وانت توافق او ترفض .. في ميت الف عامل بيفرق المستوى المطلوب ووقت الموسم وحجات كتير

عامة اسعار تقريبية :

الكركتر مودلنج بالتكتشر طبعا وممكن بالريج من 500 الى 1000

الانميشن الدقيقة من 800 الى 1500 حسب المستوى وفي شركات بتحاسب اقل من كده

الرندر الدقيقة من 200 الى 500 ويمكن اكتر حسب حجات كتير

وكل الاسعار دي بتتراوح حسب حجات كتير جدا وملهاش ثوابت مطلقا والشركة اللي بتحدد معظم الحجات .. وانت توافق او ترفض

[الزفتاوى]

شكراً اخ doctor3d على التجاوب. طبعاً مسالة اختلاف الاسعار من مكان لتانى اكيد طبيعية بس هى حسب الاتفاق طبعاً قبل اى حاجة لان اكيد الشركات مبتحبش النظام ده لانه هيكلفهم اكتر (نظام القطعة)
فلو تعبتك معايا وسالتك عن معدل اسعار المرتبات لكل جزئية من اللى فاتو؟
شكراً على تعبك doctor3d

[doctor3d]

شوف صعب اوي تلاقي حاجة ثابته وفغلا تكون ثابته

اللي يقولك مرتب وثابت وانت متعاملتش معاه اوي وخصوصا لما يكون مضغوط في الشغل 90 % بيكون كالاتي .. بيديك مرتبك وقت الضغط اللي هو قول مثلا 3 الاف 4 ... وانت اصلا بتسلمله شغل لو اتحاسب عليه فريلانس بتبأ مقفل 15 في الشهر ... وانت مش مشكلة بالنسبة لك الفرق لانك ثابت ووقت حتى مفيش شغل بيبقى ليك مرتب ثابت .

لكن اللي بيحصل اول لما ضغط الشغل يخلص يطفشك بأي طريقة .. يزهقك يضغط عليك يعملك تارجت خيالي ...يعاملك وحش .. يقولك مضطرين نمشيك لان الشركة فلست ... الف طريقة المهم بيطفشك في الاخر وتبأ انت اديتله في الاخر شغل فريلانس وانت بتتحاسب مرتب .

ومعظم السوق كده .. فعادي يعني اشتغل فريلانس ولما بأة تستريح لحد وهو يستريحلك ممكن تكمل معاه فول تايم .

[الزفتاوى]

شكرا أخ doctor3d على الاجابة الوافيه