Thinking particles Workshop

[ShrifAzmy]

شباب السلام عليكم
عسى الجميع بخير ان شاء الله
دي ورشه بسيطه كده عن الثينكينج بارتيكلز والدايناميكس كنت بدءتها من فتره على الكوميونيتي
وكنت حابب نتشارك سوى المعلومه لتوسيع قاعدة الفايده
الورشه حتبدء من الصفر
وهدفنا الوصول للمستوى الاحترافي
حنتكلم خلالها عن كل مايتعلق بالثينكينج
وكمان اي بلجن ممكن يرتبط بيها او يلتحق بالعمل معاها
الفيوم Fume FX
راي فير Rayfire
كراكتوا Krakatoa
افتر برن After burn
وغيرهم
هو طبعا لانها حتبقى مواضيع فرعيه
مش حيبقى شرح تفصيلي لان تركيزنا الاساسي على الثينكينج بارتيكلز
لكن حيخليك تقوم بالمطلوب
ويعتبر بالنسبه لك مدخل تقدر توسع مداركك من خلاله
وده حيتم بشكل منظم بدون التضارب مع هدف الورشه
فارجو يكون في تعاون من الناس واستعداد للمشاركه ان شاء الله
ايه رايكم ؟؟!!
نبدء على بركة الله

[fass]

فكرة حلوة

بس لو ممكن تأخرها اسبوع واحد
وبعدين تبدأ

وبعدين في ناس ما اشتغلتش على هذا النظام مثلي تماما

هل حتقدر تواصل معك

بارك الله فيك

[ENG.OMRAN]

بالتوفيق لكم انشاء الله تعالى

[النقاش0]

فكرة جميله بصراحة كنت محتاج الورشه دى وانا مستعد وجزاك الله خيرا

[shiref]

على بركة الله ونحن معك

[losevar21]

كنت محتاج الورشه دى وانا مستعد ومتابع معاك باذن الله ........... وتسلم على حب المشاركة d:

[ShrifAzmy]

التاكيد اي واحد ممكن يسأل
أيه الفرق بين البرتيكل فلو سيستم والثينكينج بارتيكل ؟؟

ده على قد ماهو سؤال عادي الا انه اهم سؤال لبداية تعلم الثينكينج
لانه ده المدخل علشان تعرف ايه الفكرة بتاعته وامتى تستخدمه وامتى تستخدم البارتيكل فلو سيستيم بتاع الماكس

اولا وده فرق جوهري جدا البارتكل فلو ده سيستيم اسمه ايفينت بيسد Event based
بمعنى انه بيعتمد على الحدث
يعني علشان البارتيكلز تنتقل من حدث لحدث
لازم تستنى الحدث يحصل وينتهي وبعدين تنتقل للحدث
يعني العمليه بالنسبه لها تتابعيه
زي مراحل
وبالتالي ماتنفعش يكون في حدث رد فعل
يعني ماينفعش اني اعمل بارتكلز لونها اخضر بتطير في ممر مظلم لو قابلت الحيطة تلزق فيها وتسيل عليها
بلون اصفر والجزء اللي مايقابلش الحيطه يكمل في طريقه ولو قابل النور يبقى زي الالعاب الناريه ويطلع شرار
حضطر ابني لكل حدث من دول سيستيم وطبعا مافيش حاجه اسمها طرح وجمع
يعني مش حقدر اخصم اللي لزق على الحيطه من مجموع البارتكلز غير بخطوات معقده
تهد اي جهاز

[ShrifAzmy]

الثينكينج بارتيكلز كونديشن بيزد condition based
بمعنى انها بتعتمد على الشرطيه في الحدث
لو حصل كذا اعمل كذا
ولو ماحصلش اعمل كذا
وبالتالي البنيه بتاعت السيستيم بتعتمد على تحليلك الحدث الى افعال وردود افعال وتقول
للبارتيكلز بتاعتك اعملي
يعني في المثل بتاع الممر
عندنا الاحداث كالتالي
تطاير - التصاق - سيلان - استناره - اشتعال وشرار

البارتيكلز بتاعتنا هنا بتحدد هي في اي مرحلة لازم تخضع للحدث من دول وتحدد رد الفعل
بكل بساطه

[ShrifAzmy]

تاني نقطه من نقط الاختلاف
البارتيكل فلو بيتيحلك تحكم في اعدادات الحدث ثابته بمعنى انك ماتقدرش تطبق قاعدة الشرطيه هنا
لكن الثينكينج بارتيكل بيتيحلك السيطره والتحكم في كل خاصية من اعدادات الحدث بحيث تقدر تقوله لو حصل كذا قيمة الخاصيه ديه قد كده ولو ماحصلش تبقى القيمه بكده وهكذا

تالت نقطه
البارتيكل فلو لا يتمتع بالكاء الكامل اللي يخليه يميز بين بارتيكل واخر بحيث انهم ممكن يتداخلو او يصطدمو ببعض لو كان كل منهم اوبجكت مثلا
الثينيكينج بيقدر يميز مابينهم واكتر من كده ممكن يعينلهم خواص فيزيائيه بحيث يتفاعلو مع بعض ومع الاوبجكتس اللي حواليهم على سبيل المثال لو اصطدمو بجدار مثلا يرتدوا عنه ولو ارتطمو ببعض ياثر في سرعاتهم وهكذا

رابع نقطه وهي من اخطر النقاط
الكونيكتيفيتي Connectivity
التواصل بين السيستيم وبين البلجنات التانيه
البارتكل فلو التواصل بتاعه محدود اللهم الا البلجنز اللي اتكتبت مخصوص علشانه
اما الثينكينج فتواصل كبير وبيقدر يستفيد من امكانياتهم بتوافق يحترم :hmy::
فيوم
فيرراي
فيزيكس
وده حنشوفه من خلال الورشه باذن الله

[ShrifAzmy]

نتكلم بشكل عملي عن الثينكينج
اول حاجه علشان تبدء تنشيء سيستم
لازم تحط الثينكينج في السين
وده كالتالي


1- من قايمة Creat نروح على تبويب Geometry
2 - من القيمة نختار Particle system
3- وندوس زر Thinking
4- كليك في اي مكان في السين مش مهم فين لانك بس بتحط السيستيم في بنية المشهد
5- ندوس زر Properties علشان نبدء ننشيء النودز والاكشن بتاعتنا

دي الخطوات المبدئيه

[ShrifAzmy]

دلوقتي بقى خلونا نتكلم على وجهة البرنامج
ونشرح شوية في تفاصيله


رقم واحد هنا يشير الى منطقة البيانات
الشريط ده دايما بيظهرلك بيانات البارتيكلز اللي في المشهد عددها كلها كام وفي شجرة النودز اللي انت مختارها او الدايناميك سيت وفي الجروب اللي انت مختارها

المربع رقم اتنين المكان ده للدايناميك سيت
الدايناميك سيت دي عباره عن مجاميع النودز اللي بتركبها وتربطها ببعضها علشان تولد البارتيكلز ونخليها تعمل رياكشنز معينه
وكل مجموعة نودز بتسمى ديناميك سيت
المربع ده بيبقى في قايمة باسمائها
والزراير اللي تحته دي
Creat علشان تكريت منها الديناميك الفاضي وبعدين تبدء تحط فيها النودز بتاعتك
Up ده علشان تحرك ترتيب الديناميك سيت لفوق
Down وده للتحريك للاسفل
Remove وده علشان يمسح ويدلت الديناميك سيت اللي انت مش عايزه
طبعا كلمة ماستر ديناميك ديه اللي في المربع مش اكتر من اشاره ان ده الروت اللي كل الديناميك سيت اللي حتعملها حتبقى تحته

[ShrifAzmy]

المنطقه رقم تلاته دي
دي منطقة الاعدادات وخاناتها وبياناتها بتتغير مع كل نود وكل حاجه
يعني البيانات اللي انتوا شايفينها دلوقتي دي بتاعت الماستر دايناميك
لو وقفت على ديناميك سيت حتختلف وهكذا
طبعا بسرعه كده اعدادات الماستر ديناميك
زر الاون ده لتفعيل السيستيم بتاع البارتيكل كله وده ممكن يتعمل انيميشن بحيث يشتغل ويوقف زي ماتحب
وزر Edit on fly
ده للتنقل بين انك تعدل وتشوف السيميوليشن بتاعك مباشرة في الفيوبورت لو جهازك قوي
او انك تعدل وكل ما تستعرض الانيميشن بتاعك هو بيعمل ابديت للسيميوليشن
باقي الاعدادات تتعلق بمواصفات عامة لكل الدايناميك سيت
ممكن تفرضها عليها او تخلي كل سيت مستقل
وطبعا الاعدادات المتعلقه بالفيو والديسبلاي
شكل البارتيكلز وشكل الواجهه والوانها والوان الخلفيات والنودز حاول تستكشفها دي بنفسك

المنطقه رقم خمسه دي اللي بيسموها الورك سبيس Work space
دي منطقة العمل بتاعتك اللي بتجهز فيها النودز بتاعتك
وتستعرض الدايناميك سيت
طبعا هي لونها كده لانها مقفوله علشان مافيش دايناميك سيت اتكريت اصلا

[ShrifAzmy]

المنطقه رقم اربعه دي منطقة الماستر سيستيم
انت بعد ما بتعمل الدايناميك سيت البارتيكلز اللي بتطلع من السيت بتوزعها في مجاميع Groups علشان تقدر تتحكم فيها وتستخدمها في ديناميك سيت جديد كل الجروبات دي بتتجمع هنا تحت الماستر سيستيم

[ShrifAzmy]

المربع واحد ده جروب اتكريت
2- ده ديناميك سيت بس
3- منطقة الورك سبيس مفتوحه علشان طبعا انا كريت ديناميك سيت
والمفروض الورك سبيس هنا تعرض النودز تري اللي في الديناميك سيت لكن لانه فاضي فالورك سبيس فاضيه وعشان كده المربع
4- الزرار اللي فيه بالاحمر ده بيقولك Invalid يعني الدايناميك سيت ده غير فعال مش حيدي نتايج

[ShrifAzmy]

وده اول فيديو في سلسله شروحات الثينكينج بارتيكلز ده بيتكلم على شرح الواجهه