بمب

[emas]

اكتشفت ان الناس يشتروا بمب وكل مايكون اكبر يفرحوا اكثر لكن الغريب البمب لا يصنع شكلا منيرا ولا الوان فقط انفجار وصوت قوى حسب حجمه

والناس بتحب صوت الفرقعه بس الغريب بيقذفوا به ويسدوا اذانهم

الله ؟؟؟؟؟ مش انتم جايبينه علشان صوته ؟؟؟ بتسدوا ودانكم ليه وانتم تفجروه ؟؟؟؟؟

[S.Badr]

صح .. حاجة غريبة فعلا ..

[abdus]

المتعة يحس بها فقط من يشعل البمب
توضيح .... البمب يسمى عندنا طراطيع أو طرطعان أو طعطعان أو فراقيع أو مفرقعات أو ألعاب نارية ...!!

[y@sser]

هههههههههههه
يا بختك عنك عوازل صوت
بمب ايه يا عم دي العمليه قلبت نووي
مش عارف بقو بيستعملو ايش دلوقت
راجع موضوع ابو دبابه الخاص بقنبله الحاره الواحد خلاص دماغه صفرت

[ابراهيم الحمياني]

البمب يسمى عندنا طراطيع أو طرطعان أو طعطعان أو فراقيع أو مفرقعات أو ألعاب نارية ...!!

ول كل هذا
ههههه

[omar77]

هه
مع احترامي يعني للي انت شفتهم بيفرقعوا بمب( عندنا اسمه فتيش)
اسمحلي ياباشمهندس عماد اقلك انهم عديمي خبرة .
الفتيش له أسلوب في الاستخدام , الهدف الأول والأخير هو الازعاج , اما اخافة الناس او توسيخ هدومهم او اذا يعني أردت ان تنضم الى نقابة المفرقعين , فـ احداث اصابات بسيطة للناس .
مثلا البمب لازم يتزرع قبل متفجره في التراب علشان التراب يتناثر معاه ويوسخ الناس اللي رايحة وجاية ,
كمان لو كان عندك بمب من نوع الصواريخ , لازم توجهها على اهداف , يفضل تكون اهداف متحركة ,علشان لو الهدف ثابت بتكون الاصابة أكبر واحنا عايزين اصابات خفيفة يعني .

[splash99]

انا بكره البمب جدا

[emas]

ليه ؟؟؟ ((انا بكره البمب جدا))) حد اداك بمبه قبل كده ؟؟؟؟؟

===================================

فى الاستوديو طبعا لا اسمع شىء بس انا بنام فى البيت والغريب ان البمب عندنا ممنوع تداوله وبيعه

والسوق اصلا على رصيف قسم بوليس الازهر بالعتبه

لكن لو قفشوا محل فى اى مكان اخر يبيعه يغلق ويتعمل له قضيه

========================================

الغريبه ايضا ان البمب يستعمل طول السنه وليس فى الاعياد فقط كل يوم نسمع 100 بمبه واكثر
وفى الافراح كمان ده غير بمبه العريس الكبيره الذى يسمعها وحده هىهىهىهىهىهىه

============================================

عمرو

عندكم مشكله لغه مش معقول البمب فتيش واكل فتوش والحكومه تفتيش يا اخى اخترعوا كلمات بحروف اخرى

==========================

فى السعوديه طراطيع خير

يا ترى صوتهم بوم ولا طعطع ؟؟؟؟؟؟؟

[splash99]

بمبه ايه بس يا عماد
جيرانا عندهم اطفال خبراء تفجيرات

[ابوالطيب]

لافائدة......

[ابراهيم الحمياني]

يا ترى صوتهم بوم ولا طعطع ؟؟؟؟؟؟؟

بوم صوت البومات العايدية
طعطع صوت بومة يسموها الفحمة
كنت ابيع زمان بومات

[فدائي]

ابن خلتى كان فى زياره لينا يوم العيد
وكان عندنا زحمه عيال كتير قوى قرايبنا من الصعيد
ام واحد منهم بيرمى صاروخ راح داخل فى القميص حاول يطلعه مفيش فايده راح سايبه

بووووووووم
القميص انفجر وعمل فتحه محروقه
هههههههههههه
بس الحمد لله مجرلوش حاجه

[emas]

بس الحمد لله مجرلوش حاجه))))))))

لكن الصاروخ اتبهدل صح ؟؟

[splash99]

شوفت اطفال بتحط الصاوريخ دي في طبق مايه
في علب رمل
قال اطفال قال

[xtigerx]

هههههههه
قبل امبارح حصلت لي حكايه!! هههههههه
ثالث ايام العيد
وكل اولاد شارعنا بيلعبو بالبومب والشراخيات(لهجة سعوديه)
وأولادي نفخوا دماغي من الزن "نبي شراخيات الله يخليك يبا!!" <----- حتى لهجتهم محليهم ههههه
طبعا الحكومه (أمهم!!) مانعه الشراخيات في البيت!!
فما اقدرش أجيبلهم!! <-------- شيء طبيعي
قلت خلاص حأوديكم لأحتفلات الالعاب النارية في أستاد الملك فهد تتفرجوا على الالعاب الناريه لحاد ما تملوا
"هيييييييييه هيييييييه " فرحوا كتير <------ هي الحياه أيه من غير فرحة الأولاد
المهم اخذت اولادي وبناتي واتجهنا الى استاد الملك فهد ولما وصلنا لقينا المكان مزحوم بالسيارات والناس
فبقيت اطلع من هنا وانزل من هنا بالعربية وانا ابحث عن مكان مناسب ومش زحمه علشان الاولاد ينزلوا من العربيه وياخدو راحتهم
وانا ماشي لاحضة منطقه خاليه جدا من العربيات والناس!! قلت لنفسي اهه دي افضل مكان بعيد عن الناس والزحمه
وقفت العربيه ونزلوا الاولاد والبنات من العربية وركبوا فوق (كبوت) مقدمة العربيه وهما بيقفزوا وبيمرحوا وانا واقف عن شمالهم واخوهم الكبير واقف عن يمينهم!!
الغريب أن المكان كويس جدا وما فيش الا عربيتنا فيه وكل العربيات الباقيه ورانا بيمكن خمسين متر!!
انا قلت لنفسي"يا آآآد أكيد في حكايه؟؟"
ما كملتش كلامي مع نفسي حتى انطلقت الالعاب النارية من السور الذي أمامنا بمسافة 10 متر!!
وهي متجه بشكل مائل لتنفجر فوقنا مباشره!! (تقريبا عشر امتار فوقنا )
وخد يا صوت !! دا حتى السياره بترج (تهتز)والله العضيم السيارة بترج!!
انفجارات غير طبيعي!! كأنك في خط الجبهه وقت القصف!!انا اتخضيت اوي!! واترعبت!! وخفت على الاولاد وأخذت اناديهم يأولاد أدخلو في العربيه يا اولاد!!
ماحدش سامعني!!
التفت ادور اخوهم الكبير علشان يساعدني ندخلهم العربيه لقيته!! لقيته مستخبى في المرتبة الخلفيه للعربيه!! (أخس عليك يا واد يا جبان!!)
حاولت اني اشيلهم من على الكبوت لكن رفضو بقوه!! وهما بينطوا مع كل انفجار وبيصرخوا "أقوى!! أقوى!!"
شوفو النيله الي تنيلت بيها الولاد الصغيرين فرحانين بالمتفجرات وأنا وأخوهم الكبير مرعوبين منها
فبما أني أبوهم ومسؤول عنهم!! .. أضطريت اوقف بجانبهم وأنا مغمض عينيه وبأقراء ايه الكرسي وأذكار الشده والكرب ولساني ما بطلش من الشهاده!!
وما صدقت على الله ان العرض خلص !! اخذت اولادي وركبتهم العربية ورجعنا!!
وهما في قمة الحماس والفرح وبيتكلموا وبيقولوا حاجات كتير لكن الحقيقة ما كنتش قادر اسمع حاجه!!