السلام عليكم ورحمة الله وبركاته
بالله عليكم أخوتى بلاش ننشر غسيلنا الوسخ ونفرجه للدنيا
لا أتحدث عن موضوع بعينه ولكن عموما
مش كفاية الاعلام الهابط بتاعنا اللى ما بيدورشى غير عالسقطة واللقطة
فى الوقت اللى فيه قنوات متخصصة قاعدة ال 24 ساعة تبثلنا أفلام أمريكة عن مدى شهامة وذكاء
وحرفنة وقوة وصبر الامريكان . ولا حول ولا قوة ألا بالله العلى العظيم

أرجوا من كل الاخوة ومن نفسى أولا أن يسأل كل منا نفسه سؤال
هل الموضوع اللى هاطرحه هيفيد الاعضاء أو هيعمل حركة تنمية ( روحية أو فكرية ) ؟
بمعنى آخر من غير فلسفة هل تشعر أن موضوعك هيفيد ولا هيضر ولا ملوش لازمة وعدم كتابته أحسن ؟؟؟؟؟؟؟؟
ولا هو فرقعة وطرقعة وزيادة لعدد المشاركات وخلاص
وبعدين يا أخوتى أنا مش عارف أنتوا بتجيبوا وقت منين لقراءة هذه المواضيع ثم كتابتها ثم متابعتها
للرد على الاعضاء .......................
المفروض أننا فى منتدى لتعلم الجرافيك وعلى حسب علمى المتواضع بهذا الموضوع أن الجرافيك بيحتاج
وقت كبير جدا بل أنى أتصور فى بعض الاحيان أن عمرى بالكامل لا يكفى لتعلم ما احلم به
لذا فأرجوا من كل الاعضاء التريث قليلا قبل كتابة المواضيع

أرجو من أخوتى عدم الرد على هذا الكلام لأنى أن شاء الله لن أرد
أعرض الكلام على عقلك وقلبك لو قبلوه نفذه
ولو ماقبلوهوش أخرج من الموضوع وأنسى ما قرأت
وأفعل ما تراه أصلح لك فى دينك أخرتك
والسلام عليكم ورحمة الله وبركاته