لقاء مع الفنان أحمد بهاء و Demo Reel

[msamax]

السلام عليكم
أعزائي أعضاء المنابر أولا أهنئ منتدانا على أشتراك فنان جديد به الأخ أحمد بهاء من مصر الحبيبة والكثيرون يعرفونه
ونحن بحاجة للقاء به ولذا دعوته للمنابر وقد لبى الدعوة مشكورا

موقعه الخاص http://www.ahmed-vfx.com

ملف ديمو ريل الخاص بأعماله http://www.ahmed-vfx.com/videos/reelmed.zip

الملف من مكان آخر http://www.savefile.com/files/9064191

Reel Breakdown: http://www.ahmed-vfx.com/pdfs/contribution.pdf


ولتحميل الدايفكس الخاص http://download.divx.com/divx/DivXPlay.exe

أتمنى التفاعل والمشاركة لمن يريد طرح الأسئلة ...........

[Muneer2005]

يووووووووووووووووو انا منتظر اخي و مدرسي العزيز احمد بهاء بفارغ الصبر.........!!
و شكرا اخي لدعوته الى المنابر

[msamax]

السؤال الأول
أخي أحمد كيف بدأت ؟
ومتى بدأت ؟
وفي أي شركات عمل ؟
على ماذا ركزت لكي تطور أمكانية تطبيق الأفكار؟أقصد بالماكس هل هو البارتيكل سيستم أم المودلينغ أم الرندر و الأضاءة ؟

[science]

ما هو اهم فرع في الماكس تطلبه الشركات (مودلينج , اكساء , البارتيكل ) ؟

ما هي فرصة غير الدارسين في الالتحاق بشركات الجرافيكس ؟
ما هي اهم الصعوبات التي واجهتك في عالم الجرافيكس ؟
من هو مثلك الاعلي في المصممين العالميين ؟

[msamax]

الأخ أحمد قادم هو في مرحلة التسجيل بالمنابر .........

[msamax]

بما أن الأخ أحمد يعاني من مشاكل في تفعيل أشتراكه بالمنابر

أرسل لي أجوبته على الأسئلة وسأعرضها بناءا على رغبته بأسمي مبدأيا ريثما يتم تسجيله ...

الأستاذ أحمد وجوابا على الأسئلة :


السلام عليكم

شكرا أخ منير , محمد , ساينس . و بالأخص محمد لاستدعاءى هنا.



عزيزى محمد (msamax)



- أخي أحمد كيف بدأت ؟

- ومتى بدأت ؟

ابتديت مع ماكس 3 كنت فى اولى عمارة من حوالى 6 سنين , كنت بعمل الحاجات اللى تيجى فى دماغى , كنت بافضل وراها لغايت مأعملها . بعد كدة ابتديت أستخدمه فى العمارة. و ابتدت الناس يشوفو شغلى و يعجبهم . و بعدين ابتديت أعمل المناظير لأصحابى . بعدين ابتديت أعمل مشاريع معمارية كعمل فريلانس . و الحمد لله كنت بأطور من نفسى على طول عن طريق التجارب و بمساعدة ال net, help,& tutorials لأنى كنت باحب الموضوع ده جدا و شايف إن السما هى حدودى فى التعلم (لغاية دلوقتى). و كنت بركز أوى فى ال know how مش ازاى أعمل الحاجة و خلاص.



-في أي شركات عمل ؟

بعد ما اتخرجت اشتغلت حوالى 3 شهور فى مجال العمارة . لكن سيبته مجرد ما جالى شغل فى مكتب إظهار معمارى , بيعمل انيميشن . و ده لأنى كنت حاسس إن هو ده المجال اللى مفروض أبقا فيه , لأنى باختصار بحبه أكتر من مجال العمارة و لقيت نفسى أحسن فيه . بعد 3 شهور تانيين سيبته . شوية و روحت شركةPost production صغيرة . كنت فيها freelancer . و برغم ان ماكانش الشغل كتير للدرجة , ادتنى فرصة أتعلم أكتر و أكتشف فى نفسى مواهب اكتر و اشوف الناس برة بتعمل ايه . قعدت فيها أقل من سنة لكن لأسف كان صاحبها نصاب. فسيبته و روحت أروما , بصراحة أروما عمرها ما كانت بالنسبة لى أمل , لكن أنا رحت على أمل انى أتعلم حاجات أكتر . بالتأكيد اتعلمت . أروما كان الشغل فيها كتير جدا و متعب جدا بس الشغل الكتير ده عمل الشوريل بتاعى . بعد كدة تعبت بصراحة و سيبت أروما . دلوقتى شغال فى شركة جديدة لسة فاتحة قريب اسمها جرافيكا.



-على ماذا ركزت لكي تطور أمكانية تطبيق الأفكار؟أقصد بالماكس هل هو البارتيكل سيستم أم المودلينغ أم الرندر و الأضاءة ؟

بص هو أنا كنت فى الأول عايز أتعلم كل حاجة , كنت أبل ماروح أروما كويس فى شوية حاجات , كان ناقصلى ال rigging & character animation . لكن بعد كدة لقيت انى مش لازم أتعلم كل حاجة لازم أركز على حاجة واحدة . فكنت مركز فى shading, particles, & fx in general . لكن بردو مش هقدر أركز فى كل دول لازم بعد فترة ان شاء الله أركز فى حاجة واحدة . أنا ناوى انشاء الله أركز فى Shading & lighting و أخلى الإفيكتس دى حاجة جانبية. و أخدت كورس تصوير عشان يساعدنى.

لكن أى واحد لازم يكون عنده فكرة و لو بسيطة عن كل حاجة . و السوق المصرى أو العربى بيسمح بالفرصة دى أوى عشان مفيش تخصصات أوى .



Science



-ما هو اهم فرع في الماكس تطلبه الشركات (مودلينج , اكساء , البارتيكل )؟

كله مهم و زى ما قلت الشركات عيزة واحد generalist الى حد ما , انت شوف انت كويس فى ايه و بتحب ايه أكتر و ده اللى تركز فيه . يعنى انت هتشتغل كل اللى تعرفه . ممكن تكون بتعرف modeling, rigging, fluid simulation و تشتغل دول بس. أنا باتكلم عن السوق العربى عشان هو لسة حديث و مفيش تخصصات . طبعا وجود التخصصات و التيم وورك بأدى لنتايج هايلة , لكن لسة شوية عالموضوع ده لما الناس تكتر شوية.



-ما هي فرصة غير الدارسين في الالتحاق بشركات الجرافيكس ؟

المهم هى الموهبة و الشغل اللى بينم عن الموهبة ديه



-ما هي اهم الصعوبات التي واجهتك في عالم الجرافيكس ؟

و الله أنا كنت متعقد من حاجات كتير , لكن لما تتفرج على making لحاجات كتير هتعرف كل حاجة بتتعمل ازاى و ان اى حاجة ممكن تتعمل بس محتاجة تفكير و تخطيط كويس قبل العمل. المهم تبقا عارف ايه الامكانيت اللى عندك و وظائفها .

بس أنا لغايت دلوقتى فى material مش عارف أتوصل لها بطريق مباشر . و عارف الامكانيات اللى عندى سواء brazil, final render, vray, or mental ray لكن مفيهمش طريق مباشر للحاجة اللى أنا عايز أعملها . أو جايز أنا ماجربتش كفاية. و هى material Translucent and transparent فى نفس الوقت , زى عصير البرتقال مثلا أو الميريندا.

على أى حال ان شاء الله الاقى حل للموضوع ده علشان مفيش حاجة صعبة بإذن الله J.



-من هو مثلك الاعلي في المصممين العالميين ؟

بصراحة كتير , فى ناس كتير كويسة . مثلى الأعلى هو اجتهادهم و تركيزهم .


و شكرا,

[muslim_man]

انت فعلن بتفكرنى بنفسى جدا يا احمد انا ايضا لسا متخرج من قسم العماره وحاسس ان الجرافيك شددنى اكثر من العماره ونفس الكلام سبت المكتب الهندسى وشغال فى مكتب انيمشن يمكن انا كويس فى الـ archi.modeling & shading &lighting خصوصا فى الـ interiors بس بعد ماشوفت الديمو بتاعك شعرت انى مبفهمش حاجه ولكن كنت عاوز اعرف ازاى اوصل لهذا المستوه هل بكثرة الـ tutorials ولا بالمشاركه فى العمل مع تيم كبير ولا انى اكون freelancer ولا ايه ....
وحاجه كمان هل اللغه الاجنبيه كان ليها عامل فى الوصول بسهوله والذى لا يجيد الانجليزيه ماذا تنصحه هل يستطيع الوصول بدون تعلم الانجليزيه ؟
وعلفكره انا اسمى احمد ايضا

[news_3d]

مرحبا بك معنا

سؤالي البسيط كم كنت تتشتغل من ساعة في اليوم ( لي دراسة الماكس ) و كم يوم في الأسبوع ....

[MAROUF3D]

ماشاء الله مستوى احترافي
أولاً
هل فكرت يوماً في ترك الماكس والانتقال إلى غيره
ثانياً
لوخيرت في دراسة أحد برامج الثريدي أكاديمياً فماذا تختار

[maxspider]

جزاك الله خيرا يا محمد على هذه المقابلة التي تعتبر كنزا ... ولو انك سبقتني
المهم ...

أخي أحمد ... أنا حاليا لما أحس اني مخنوق من الشغل ... أتفرج على الـ showreel بتاعك ... وأرجع أشتغل أحسن من الأول ...
انت فعلا هو ما يطلق عليه فنان ... بسم الله ما شاء الله ...

أسئلتي :
هل يفي الماكس باحتياجاتك ... أم أنك ترغب في التحول إلى برنامج أكثر فاعلية ؟
ما هي البرامج التي تستخدمها لإخراج العمل ؟
ما هو طموحك أو حلمك الأكبر ؟

[max ghost]

اهلا يا احمد باشا .
شكرا على إتاحة الفرصة دي .
انا كمان في أولى عمارة .. بس بدأت في الماكس من الثانوية العامة . وبشتغل في مجال الشخصيات (فقط) .. وإن شاء الله قريبا هشتغل في المعماري .
عايز اسألك سؤال . بحكم خبرتك .
هل مجال الشخصيات في مصر مناسب .. يعني التخصص فيه بفايدة ؟ ولا تضييع وقت ؟
هل تنصحني بالاكتفاء بالمودلنج فقط ؟ ام بالمودلنج والريجنج والتحريك ؟
سؤال أخير بعد إذنك .
ما هو تخصصات الشركة الجديدة (جرافيكا) .. هل تنون القيام بعمل أفلام ؟ او مسلسلات . او ماشبه ؟
بالتوفيق إن شاء الله ..

[عاشق الخير]

والله أمنية وتحققت ان نلتقي بأحد أكبر المصميمن في عالم االثري دي .. وجوابك على اسئلة الأخوة

كانت كافية لأسئلة كثيرة كانت تدور في راسي .

ولكن عندي سؤال بسيط مامعنى المصطلحات الي ظهرت في إجاباتك ؟

rigging & character animation
shading, particles, & fx in general
Shading & lighting
generalist
modeling, rigging, fluid simulation

وجزاك الله ألف خير

[ehsan]

اهلا وسهلا بك اخي احمد في المنتدى والمنابر نورت بوجودك معنا
وان شاء الله تكون مبسوط فالشركة الجديدة .... وانا اتمنى لك التوفيق .


وسؤالي : هل الشركات تعتمد على قبولها للانيمتور على شهادة مثلا معاه ام خبرة بالمجال تكفي ؟

[maya-max]

س: كيف تم الاتصال بالشركات التى عملت بيها ؟
س: ماهى الشروط التى فرضوها او الاختبارات التى ارادوها ام اكتفوا بمشاهده اعمالك؟
س: هل رواتب الشركات جيد او بمعنى اصح كيف يتم حساب الاجر بالساعه......ز بالعمل ...نسبه سؤال صعب بس مهم؟
س: حضرتك ركزت على قسم ثم الانتقال لقسم اخر فى البرنامج ولا كله مع بعض
س: تفتكر عدد الساعات اليوميه لحتراف البرنامج كام ...... وحضرتك اشتغلت كام ساعه يوميا
س: ايه الى مش عجبك فى شغل الجرافك
كفايه كده واتمنى مذيد من التوفيق انا عارف الاسئله صعبه

[bahabeho]

الحمد لله أخيرا اشتراكى اشتغل , أشكركم كلكم . مش عارف أرحب بمين ولا مين . دا شرف كبير لى ان شغلى عجبكم , و انه بيشجعك يا ماكس سبيدر .
إن شاء الله أرد على كل أسئلتكم فى خلال ساعات.