أخيرا وبعد طول انتظار الاعلانات بتاعت موبينيل بتتناقش هنا
اولا احب ارسل تحيه لفريق العمل لاعلانات موبينيل (الحمله اللي فاتت طبعا لان بصراحه الحمله الجديده مش بالمستوي دا خالص واعتقد انها اتنقلت من بين ايديكم لحد تاني مش عارف مين هو) لانكم بصراحه نقلتم الاعلانات المصريه والعربيه عموما من مستوي علبة الجبنه اللي بتتنطط وكيس الشيبسي اللي بيتشقلب لمستوي تاني خالص كان جديد علينا تماما وحسسنا فعلا ان في محترفين عرب ممكن يعملوا حاجات تهز الغرب جامد. وبكده انتوا وجهتوا لكمه خطافيه قويه لكل اللي بيدعي ان مافيش في مصر حد يقدر يعمل الشغل بتاع الاستوديوهات الغربيه
وفعلا احنا لا اقل منهم في العقل ولا التفكير بس احنا ناخد امكانيات كويسه وفرص زيهم وانتوا تشوفوا شغل ماحصلش. والدليل ان مافيش حد في مصر شاف اعلانات موبينيل دي الا وقال انها اكيد معموله بره لحد ما المفاجئه اتفجرت وعرفنا انها كلها معموله هنا في مصر. واجمل حاجه انكم اشتغلتم فيها من سكات يعني من غير بروباجاندا ولا فرقعه وهي دي صفات المحترفين بجد
تسلم ايديكم يا شباب والله العظيم انتوا والناس اللي زيكم هما اللي هيرفعوا راسنا في يوم من الايام
===
