ابويا فرحان فيا

[::ابو عادل::]

ابنى عادل عمال يعيط ليل نهار وقارفنى
ومش عارف اعمل منه حاجه


وابويا بيقلي كما تدين تدان

انا الى اعرفه ان لما الام تشيل الولد المفروض انه يسكت

انا بيحصل معايا العكس

وبالتالي انا شايل الواد تلوقت وانا بكتب علشان يسكت و اول ما يسمع صوت امه يعيط


يجماعه الى بيحصل ده عادى ولا ايه انا هتجنن الساعه 8 الصبح ونفسي انام

[mmnoor]

نيّمه في حضنك طالما بيسكت معاك، وخللي أمه تسكت طالما متضايق منها أوي كده

هوا احتمال يكون خايف من حاجة، وبيهدى معاك، ودلّك ضهره وانت شايله بحيث يدفى بس بالرّاحة كإنك بتلاعب قطّة ، جرّب أنا عملتها قبل كده مع أطفال العيلة كلها اللي مرّوا علي، الطفل مهما كان له نفسية برضه وبيحس بكل أحساسينا

[AL@@RD]

بدل له الغيار يمكن عملها ههههه

او يمكن مضايق خليه يغير جو اتمشى فيه بالحديقه

الله ايخليلك ولدك ويتربى بعزك

[Mbmt13390]

الله يحفظه ،
انا ابن خالتي قبل مايجيه ولد كان يوقلنا
انه عادي بكاء الطفل في الليل وان هذا مستحيل انه يكون شيء مزعج
ههههههههه ولما جاءه الولد وصار يبكي في الليل .... انت عارف طبعا شعوره افضل مني

[::حامل المسك::]

ههههههههههههه

ما شاء الله اللهم بارك

الله يبارك فيه ويصلحه ويجعله من الصالحين... اللهم امين

و ماتقلقش ابنك بيحب قعدة الرجالة مابيحبش قعدة الحريم

ربنا يخلهولك ويبارك فيه

[الرايقي]

حاجه عاديه اخوي ابو عادل لازم يبكي في السن هذا والبكاء مفيد له لانهُ يوسع الشُعب الهوائيه .
تقريباً يبقى على كذا اقل شيئ 3شهور.
الله يحفظه لك وتزوجه وتشو ف عياله وتضحك عليهم وتذكرهم بالذي فعلوه فيك

[hagi]

الله يحفظه ،
انا ابن خالتي قبل مايجيه ولد كان يوقلنا
انه عادي بكاء الطفل في الليل وان هذا مستحيل انه يكون شيء مزعج
ههههههههه ولما جاءه الولد وصار يبكي في الليل .... انت عارف طبعا شعوره افضل مني

ههههه نفس احد اقاربي بس الاختلاف بينهم انو كان يترك الولد عند مراته
و ينزل ينام في بيت اهلوا هههه
اذا بيت اهلك قريب على السريع نط نام عندهم
هو دا الحل الوحيد

[doctor3d]

بيدلع باين
لا علمه انه يكون راجل كده عنده كام شهر اهو .... لما يعيط قوله متستعبطش ياض وبطل الشويتين دول وهو هيسكت على طول هههههههههه

[omarzonex]

يمكن عاوز تعلمه الديزاين الماكس مثل أبوه محترف ماكس ههههههههههههههههههه بمزح معك

او يمكن عاوز يأكل او يشرب أو ينام بهدوء

الله يخليه لك ولأمه


رعاية الأم أفضل من الأب لأنها حنونة عليه

[::ابو عادل::]

شكرا اخوانى على المسانده
و تخيلوا نام الساعه كام
10 الصبح
ابويا بيقلى ان انا كنت وانا صغير لا انام الا فى حضن ابويا
طلعت وراثه

وانا خايف انام جنبه اتقلب عليه لانى بلعب كراتية وانا نايم
الابوه اصعب من الجرافيك ياجماعه

يارب يخليك ياعدوله ويهديك وتنام بكره بدري

[Mbmt13390]

يارب يخليك ياعدوله ويهديك وتنام بكره بدري

لازم تلعبوا حتى يفشل ومنها لما يجي موعد النوم يكون تعبان موت وبالتالي ينام لايستيقظ

[DreamPaint]

عندي فكرة .. كلموا في الجرافيكس حتلاقيه نام على طول ..

ربنا يحفظه ليك .. ويحفظك ليه

[Mbmt13390]

كلموا في الجرافيكس حتلاقيه نام على طول

ولا حطوا امام الكمبيوتر واعملو حاجة تترندر وشوف النتيجة
او كلمة ينقطها حتكون فيراي ههه

[medo3d]

ودلّك ضهره وانت شايله بحيث يدفى بس بالرّاحة كإنك بتلاعب قطّة

على اساس انه مربى نيمو ولا ميشو
قطة ايه ياعم ركز بيقولك عادل

[medo3d]

هو الحل انك تلاعبه طول النهار وتطلع روحه فى اللعب غصب عنه هيجى من المغرب يسقط معاك ويروح فى عاشر نومه