Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

معذرة استاذ اكرم فنحن هنا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • معذرة استاذ اكرم فنحن هنا

    وضع استاذنا اكرم قصة المحتال وزوجته لكنها تفتقد لبعض الحبكة الدرامية
    هنا اضع القصة الحقيقية
    ابوعلى وابو يوسف شخصيتان تمتازان بالحيلة والذكاء ولكن .... دعونا نرى من خلال الاحداث
    يا واد يا يوسف
    ايوة يابا
    خد الجموسة بتاعتنا دى وروح بعها فى السوق واوعى حد يضحك عليك
    حاضريابا
    ......فى السوق ......
    اهلا ازيك يا يوسف وابوك عامل ايه ؟
    كويس الحمد لله وعلى ابنك عامل ايه ؟
    كويس شغال
    امال انت رايح فين يا يوسف ؟
    رايح ابيع الجاموسة دى فى السوق
    جاموسة؟؟؟
    هى فين يا بنى الجاموسة ؟دى معزة يا بنى
    لا دى جاموسة وابويا هو اللى قالى انها جاموسة
    هههههههه ابوك باين كان شارب حاجة
    دى معزة يا بنى
    طيب تشتريها بكام يا بو على
    مممم دى ماتسويش اكتر من 300 جنيه
    ماشى بس ادينى الفلوس كلها
    اكيد ^ـــ^
    اخد يوسف الفلوس وطيران على الدار
    ابا ابا ابا انا بعت المعزة ب 300 جنيه
    معزة؟؟؟
    معزة ايه يا يوسف انا مديك جاموسة
    لا ابو على قال انها معزة وانك كنت بتهزر
    ممم بقى كدة طيب ماشى
    يا ام يوسف يا ام يوسف
    ايوة يا ابو يوسف
    هاتى الحمارة بتاعتنا
    حاضر
    الحمارة اهى
    هاتى كمان الكردان اللى فى رجلك ده عايز اخد منه 3 جنيهات دهب
    ليه يا ابو يوسف ؟
    مالكيش دعوة اسمعى الكلام
    زى ما تحب
    اخذ ابو يوسف الجنيهات الذهبية واخفاها فى اذن الحمار واسرع الى السوق
    .......فى السوق .........
    اهلا ازيك يا ابو على واخبارك ايه؟
    انا تمام يا ابو يوسف
    بقولك ايه يا ابو على ماتشترى الحمارة دى
    لا يا عم انا عندة حمير كتييييييييير
    لا دى مش زى اى حمارة
    ازاى؟
    الحمارة دى تطلب منها اى طلب تجبهولك
    تحب اوريك ؟
    ورينى
    يا حمارة هاتى جنيه دهب
    وضع ابو يوسف يده فى اذن الحمارة واخرج جنيه ذهب
    الله الله الله
    انت لسه شفت حاجة
    يا حمارة هاتى جنيه دهب
    وكرر العملية
    ابو على ذهل
    ابويوسف كرر العملية للمرة الثالثة
    لالالالالا الحمارة دى تلزمنى
    بس دى غالية يا ابو على
    هادفع اللى تقول عليه
    5000 جنيه
    وانا موافق خد الفلوس اهى
    اخذ ابوعلى الحمارة وطيران على الدار
    يا ام على تعالى شوف انا جيبت ايه
    حمارة يا راجل!هو احنا ناقصين حمير !!!
    ههههههههههههه دى مش زى اى حمارة استنى هاوريكى
    يا حمارة هاتى جنيه دهب
    ............ لا شىء
    هاتى جنيه دهب
    ............ لا شىء
    مممممممممم ابو يوسف ضحك عليا لازم اوريه
    اخذ ابو على الرجال ومعهم العصى حتى يسترد ماله ولو بالقوة
    كانت ام يوسف تنشر الغسيل على سطح الدار واذا بها ترى القوم قادمون وشكلهم يوحى بالشر
    نزلت بسرعة
    الحق يا ابو يوسف فيه ناس جايين وشكلهم ناوى على الشر
    طيب اسمعى لما تشوفى الكلب بتاعنا خارج من اوضة الضيوف هاتى الغدا بسرعة وتعالى
    طيب زى ماتحب
    طرقات شديدة على الباب
    فتح ابو يوسف الباب
    انت ازاى يا راجل انت تضحك عليا وتبيعلى الحمارة على انها بتجيب اى حاجة وتنصب عليا
    طيب تعالى انت والرجالة نتغدى ونتفاهم
    رفس ابو يوسف الكلب وقال له
    روح قول لام يوسف هاتى الفدا
    تعجب ابو على
    انت اتهبلت يا راجل هو الكلب بيتكلم
    ديلوقتى تشوف
    بعد قليل
    الغدا اهو يا ابو يوسف
    مكانك ...الكلب دا يلزمنى
    طيب نتفاهم فى موضوع الحمارة
    لا لا سيبك من الحمارة انا عايز الكلب دا
    بس دا غالى
    مش مهم...المهم اشتريه
    عايز فيه كام ؟
    2000 جنيه
    اتفضل ....
    يا رجاله الغدا كان عند ابو يوسف يبقى العشا عندى
    ذهب ابو على الى البيت ومعه الكلب
    فى المساء جاء الرجال
    رفس ابو على الكلب وقال له روح لام على وقلها هاتى العشا
    مرت ساعة ولم تأتى ام على بالعشاء
    يا ام على انا مش بعتلك الكلب يقولك هاتى العشا
    كلب ايه يا راجل انت اتجننت الكلب طلع يجرى على بره
    مممممممم ابو على ضحك عليا تانى قومو يا رجاله
    كانت ام يوسف بتلم الغسيل شافت الناس جايين تانى ومعاهم العصى
    الحق يا ابو يوسف الناس راجعين تانى
    طيب اسمعى خدى الحمامة الميتة دى وخبيها فى صدرك تحت الجلابية ولما اناديكى طنشى ولما تيجى اتخانقى معايا
    طرقات شديدة على الباب
    اهلا اتفضلو يا راجاله
    انت ازاى تضحك عليا
    طيب تعالو نشرب الشاى الاول
    يا ام يوسف يا ام يوسف
    انتى يا وليه
    عايز ايه ياراجل انت زهقتنى فى عيشتى
    انتى بتعلى صوتك عليا
    اخرج سكينا وطعنها به فى المكان الذى اخفت فيه الحمامة الميتة
    الدماء تناثرت من مكان الطعنة وسقطت ام يوسف على الارض
    حرام عليك يا راجل تموت مراتك علشان كوبايتين شاى
    مالكوش دعوة مراتى وانا اللى موتها وانا اللى هاصحيها
    اصل انا عندى عصايا بتصحى الميتين
    اخرج ابو يوسف عصا صغيرة من صديرى الجلابية
    وطرق على راس ام يوسف طرقا خفيفا
    اصحى يا ام يوسف اصحى يا ام يوسف
    قامت ام يوسف
    وقف العصايا دى تلزمنى
    لا لا لا الا العصايا دى
    دى مقدرش افرط فيها ايدا
    هادفع اللى انت عايزه
    ممممم 10000 جنيه
    وانا موافق
    ذهب ابو على الى بيته ونادى على ام على وابنه على ولم يكن معه سكينا فاخرج مسدسه
    طاخ طاخ
    قتل زوجته وابنه
    جاءت الشرطة
    انت ازاى تقتل مراتك وابنك يا راجل انته
    مالكزش دعوة مراتى انا اللى موتها وانا اللى هاصحيها
    اصحى يا ام على ... اصحى يا على
    مفيش ام على ولا على
    حكمت المحكمة عليه ب 25 سنة
    بعد 10 سنوات ذهب ابو يوسف لزيارته فى السجن
    عندما رآه ابو على صرخ
    انت ايه اللى جابك هنا عايز ايه منى تانى
    انا جاى اسألك سؤال واحد
    اللى راحلك بيها السوق يوسف ابنى كانت معزة ولا جاموسة
    وضع رأسه لأسفل وقال
    كانت جاموسة
    طالما اعترفت خلاص مش هاعمل فيك حاجة تانى

    اعتذر على الاطالة وارجو ان تكون قد نالت اعجابكم
    مدونتى


  • #2
    هههههههه
    جميله جدا لكن هو فى كده ياعمى

    تعليق


    • #3
      طالما فيه بتاع شورما يبقى فيه ^ـــ*
      مدونتى

      تعليق


      • #4
        المشاركة الأصلية بواسطة young wise مشاهدة المشاركة
        طالما فيه بتاع شورما يبقى فيه ^ـــ*
        ههههههههههههههه عندك حق احنا كعرب صرنا اكثر من كده
        لسه بنقول سلام سلام تقبل هذه الابيات

        كذب الدعاة الى السلام فلا سلام ولا سماح
        ماعاد يغنينا البكاء على الطلول ولا النواح
        لغة الكلام تعطلت الا التكلم بالسلاح
        إنا نتوق لالسن بكم على ايد فصاح
        ياقوم ان الأمر جد قد مضى زمن المزاح
        سموا الحقائق باسمها فالقوم امرهم صراح
        سقط القناع عن الوجوه وفعلهم بالسر باح

        تعليق


        • #5
          قصدك ايه بحكاية الجاموسة ؟!!

          تعليق


          • #6
            اخى معاذ لا احب ان اضع اسقاط سياسى للقصة وانما هى عظة فى قالب فكاهى
            خذها كيفما شئت
            مدونتى

            تعليق


            • #7
              هههههههههههههههههه حلوة
              طيب وين المذكرات انت لازم تعوضنا على الاسابيع التى مضت ناطرن

              لا يغني حذر عن قدر
              Tack care

              تعليق


              • #8
                اخي شكلك فلسطيني .. لهجتك دي عارفها

                .. اسمع لا تنسانا من قصصك الجميلة ... والله قصتك حلوة

                ان تنفع تصبح كاتب روايات او قصص اطفال ... صراحة بدون مزح

                تعليق


                • #9
                  المشاركة الأصلية بواسطة greatness dzn مشاهدة المشاركة
                  اخي شكلك فلسطيني .. لهجتك دي عارفها

                  .. اسمع لا تنسانا من قصصك الجميلة ... والله قصتك حلوة

                  ان تنفع تصبح كاتب روايات او قصص اطفال ... صراحة بدون مزح
                  ايـــــــــــــــــــــــوا شو قصدك انو احنا اطفال لاننا منتابع قصصه

                  لا يغني حذر عن قدر
                  Tack care

                  تعليق


                  • #10
                    شكرًا لك young wise، فأنا لا أعلم مصدر القصتين.... وقد ذكر aktoom أنها من بريده، فهل هذه القصة لك...

                    قصتك جميلة وقصة akttom جميلة، لكن قصتك تحتاج لشئ مهمة جدًا أرجو أن تراجع هذا الموضوع.
                    http://www.maxforums.net/showthread....DA%D1%C8%ED%C9


                    بالتوفيق إن شاء الله
                    الحمد لله

                    تعليق


                    • #11
                      اخى قصتى ليست من بريدى ولكنها من تراثنا الشعبى يعنى تناقلناها ليس من اب لابن لكن من اخ الى اخ ^ــ^
                      اما استخدام اللغة العربية فرغم ضعفى فيها لكنى اعشقها واحاول ان اتحدث بها
                      اما سبب استخدامى للغة العامية فى القصة لانها تحكى قصة فى الريف اولا
                      ثانيا ان اللهجة العامية هنا ستكون اكثر تأثيرا كما لو كنا نروى قصة عن اسطورة شعبية من صعيد مصر
                      لن تشعر بها لو رويتها باللغة العربية لكن باللهجة الصعيدى يا بوى ولاع وكده
                      هاتعيش مع القصة اكثر
                      هذا مجرد رأى والله اعلم
                      مدونتى

                      تعليق


                      • #12
                        المشاركة الأصلية بواسطة young wise مشاهدة المشاركة
                        اخى قصتى ليست من بريدى ولكنها من تراثنا الشعبى يعنى تناقلناها ليس من اب لابن لكن من اخ الى اخ ^ــ^


                        بارك الله فيك وفي التراث الجميل

                        المشاركة الأصلية بواسطة young wise مشاهدة المشاركة
                        اما استخدام اللغة العربية فرغم ضعفى فيها لكنى اعشقها واحاول ان اتحدث بها


                        على فكرة أنا كنت لا أفقه شئ في اللغة العربية ولكن وضعت هدف أمام عيني ألا أكتب كلمة باللغة العامية أبدًا، حتى في البيت عندما نترك لبعض رسائل تكون باللغة العربية والبريد الإلكتروني كذلك، كما أن القراءة كانت لها دور كبير في تنمية اللغة وحفظ المعاني الجميلة للتعبير بها، عن صدق وضعتها هدف أمامي وكأني أتعلم اللغة الإنجليزية تمامًا،

                        إن شاء ستصل وتعبر أكثر وأكثر، لكن أبدأ الآن ولا تكتب تعليق إلا باللغة العربية وسوف تصل، على فكرة أنا في بعض الأوقات كنت أكتب كلمات خطأ مثل (كن حزرًا فهي تكتب هكذا كن حذرًا) فإذا داخل الشك إلى عقلي في كلمة كنت استخدم جوجل لتصحيحها. ههههههههههههههههه


                        المشاركة الأصلية بواسطة young wise مشاهدة المشاركة
                        اما سبب استخدامى للغة العامية فى القصة لانها تحكى قصة فى الريف اولا ثانيا ان اللهجة العامية هنا ستكون اكثر تأثيرا كما لو كنا نروى قصة عن اسطورة شعبية من صعيد مصر لن تشعر بها لو رويتها باللغة العربية لكن باللهجة الصعيدى يا بوى ولاع وكده هاتعيش مع القصة اكثر هذا مجرد رأى والله اعلم

                        بارك الله فيك، أنت تعلم لكل مقام مقال فأنت على الإنترنت، فهناك من لا يفقه في اللهجة العامية المصرية حرف واحد، فاللغة العربية تجمعنا بإذن الله، كما أنها ستساعد على أشياء كثيرة منها قراءة أكبر عدد من الأعضاء للموضوع والمشاركة فيه، والعديد والعديد من المميزات.

                        تقبل مروري بود
                        بالتوفيق إن شاء الله
                        الحمد لله

                        تعليق


                        • #13
                          قصة جميلة
                          والحبكة الدرامية اجمل
                          واجمل ما فيها اللهجة المصرية
                          شكرا لك


                          5D designer

                          تعليق

                          يعمل...
                          X