جامعة عين شمس

[awesome]

السلام عليكم
الى طلاب وخريجي جامعة عين شمس...
هل بالفعل - كما يقال - ان جامعة عين شمس من أصعب الجامعات بمصر وان الدكاترة فيها متشددين؟

[amrgets]

..

انت داخل هندسة عين شمس ؟؟..

هنبقى زمايل يعنى ..

بص انا كنت فى الكلية امبارح عشان الكشف الطبى

وقابلت ناس فى بكالريوس من اللى فى اتحاد الطلبة ومن اللى مش منه

قالوا ان دكاترة اعدادى كويسين وان المحاضرة بيبقى فيها حوالى 750 واحد والسكاشن حوالى 40 او 50

وقعدوا يشرحولنا المواد والأمتحانات والورق والدروس و الاقسام و الترتيب والدرجات والتقديرات

بس من كلامهم ان الكلية حلوة بس عايزة شغل و مذاكرة

لو عايز تعرف حاجة خش على منتدى اعدادى

www.e3dady.com

>>>>>>>>>>>

[awesome]

..

انت داخل هندسة عين شمس ؟؟..

هنبقى زمايل يعنى ..

بص انا كنت فى الكلية امبارح عشان الكشف الطبى

وقابلت ناس فى بكالريوس من اللى فى اتحاد الطلبة ومن اللى مش منه

قالوا ان دكاترة اعدادى كويسين وان المحاضرة بيبقى فيها حوالى 750 واحد والسكاشن حوالى 40 او 50

وقعدوا يشرحولنا المواد والأمتحانات والورق والدروس و الاقسام و الترتيب والدرجات والتقديرات

بس من كلامهم ان الكلية حلوة بس عايزة شغل و مذاكرة

لو عايز تعرف حاجة خش على منتدى اعدادى

www.e3dady.com

>>>>>>>>>>>

أنت مش شايف ان الاعداد ضخمة جدا؟؟

على فكرة الموقع محتاج ألف تعديل من ناحية التصميم ولكن فيه معلومات مفيدة....

[rekapidesign]

..

انت داخل هندسة عين شمس ؟؟..

هنبقى زمايل يعنى ..

بص انا كنت فى الكلية امبارح عشان الكشف الطبى

وقابلت ناس فى بكالريوس من اللى فى اتحاد الطلبة ومن اللى مش منه

قالوا ان دكاترة اعدادى كويسين وان المحاضرة بيبقى فيها حوالى 750 واحد والسكاشن حوالى 40 او 50

وقعدوا يشرحولنا المواد والأمتحانات والورق والدروس و الاقسام و الترتيب والدرجات والتقديرات

بس من كلامهم ان الكلية حلوة بس عايزة شغل و مذاكرة

لو عايز تعرف حاجة خش على منتدى اعدادى

www.e3dady.com

>>>>>>>>>>>

هههههههههههههه والله يا عمرو انت غلبان
بص يا بني عاوز تمشي في الكلية زي الفل ملكش دعوة بالعيال بتوع اتحاد الطلبة دول علشان دول عيال نص كم
انا مش في كلية هندسة بس مش في عين شمس في كلية تانية ما علينا
اصعب دراسة في الدنيا هي الهندسة ..ذاكر كويس و احضر كل المحاضرات وكل السكاشن و متفوتش شيت
ولو ليك عند المعيد ربع درجة في اعمال السنة خدها من عين ابوه علشان اعمال السنة هي اللي هتنجحك
لو دخلت امتحان الفاينل من غير اعمال سنة هتروح في حديد اهم حاجة اعمال السنة والعملي
اوعي تسلم الشيتات ليت ولو عملتها مرة واحدة متكررهاش تاني والا المعيد هيحطك في دماغه ويطلع عينك
الحياة هناك مش وردي قوي زي ما انتو متخيلين لما كنت قدكم كانوا دايما يقولولي خلص ثانوية عامة واعمل اللي انت عاوزه الكلام ده طلع كلام فاضي
المذاكرة في الجامعه تختلف تماما تماما تماما تماما تماما تماما شوف كام تماما اضربهم في مليون عن مذاكرة ثانوية عامة ....... بما انكم لسه في اعدادي انا هقولك تعرف نفسك ماشي كويس ولا لأ ازاي
لو لاقيت نفسك بتحضر كل المحاضرات وكل السكاشن وبتذاكر ومش فاهم حاجة وحاسس انك هتسقط ومفيش امل
يبقي انت كده ماشي صح كمل علي كده وهتنجح وبتفوق لكن لو حسيت انك فاهم و الحياة لذيذة
يبقي شكرا انت رايح في داهية
علي العموم مبروك عليكم يا شباب انضمامكم لمعسكر المهندسين وربنا معاكم شدوا حيلكم ولو حيلكم اتقطع اشتروا حيل جديد من مكتبة سمير وعلي وهتلاقوه رخيص جدا ارخص من مثلث ارسطو

[awesome]

أنا الي فهمته لغاية دلوقتي ان حضور المحاضرات والسكاشن هما أهم حاجة ...
بالمناسبة هي مواعيد المحاضرات والسكاشن ازاي؟ أقصدي بيمتد لغاية الساعة كام؟ في ساعات استراحة؟

[rekapidesign]

أنا الي فهمته لغاية دلوقتي ان حضور المحاضرات والسكاشن هما أهم حاجة ...
بالمناسبة هي مواعيد المحاضرات والسكاشن ازاي؟ أقصدي بيمتد لغاية الساعة كام؟ في ساعات استراحة؟

علي حسب الدكتور بس المحاضرة يعني مش هتزيد عن 3 ساعات
فيه ايام هتقعد في المدرج من 9 او 8 صباحا لحد الساعه 3 العصر يعني توقع اي حاجة
بس المحاضرات طويلة جدا و هتاخد فترة لحد ما تدرب علي القاعده لوقت طويل وتلقي المعلومات
بصراحه اول شهر ليك في الكلية هيكون اصعب شهر في حياتك
تخيل نفسك قاعد في محاضرة لمدة 3 ساعات تاخد في معلومات وبعدين استراحة نص ساعه وبعدين محاضرة 3 ساعات تاخد معلومات وبعدين راحة نص ساعه و بعدين 3 ساعات
واكتر من مادة طبعا في اليوم يعني دماغك هتنفجر وهتروح مش شايف قدامك وكل يوم علي كده
بس هتتعود مع الوقت وهتلاقي وسايل كتير جدا للتسلية في المحاضرات الرخمة بس اهم حاجة تملا الموبايل بتاعك جيمز

[awesome]

علي حسب الدكتور بس المحاضرة يعني مش هتزيد عن 3 ساعات
فيه ايام هتقعد في المدرج من 9 او 8 صباحا لحد الساعه 3 العصر يعني توقع اي حاجة
بس المحاضرات طويلة جدا و هتاخد فترة لحد ما تدرب علي القاعده لوقت طويل وتلقي المعلومات
بصراحه اول شهر ليك في الكلية هيكون اصعب شهر في حياتك
تخيل نفسك قاعد في محاضرة لمدة 3 ساعات تاخد في معلومات وبعدين استراحة نص ساعه وبعدين محاضرة 3 ساعات تاخد معلومات وبعدين راحة نص ساعه و بعدين 3 ساعات
واكتر من مادة طبعا في اليوم يعني دماغك هتنفجر وهتروح مش شايف قدامك وكل يوم علي كده
بس هتتعود مع الوقت وهتلاقي وسايل كتير جدا للتسلية في المحاضرات الرخمة بس اهم حاجة تملا الموبايل بتاعك جيمز

ههههه
طيب في استراحة بتزيد عن ساعة؟

[amrgets]

..

ماشى يا محمود ....

بس العيال اللى وقفت معاهم ما كنوش اتحاد طلبة ولا اى اسرة ولا بتاع .... وبعدين ليه عيال نص كم مش فاهم ..

احمد .. لو شايف الأعداد كبيرة ممكن تقدم متميز اللى هو قسم الساعات المعتمدة ..

سلام

..

[awesome]

..

ماشى يا محمود ....

بس العيال اللى وقفت معاهم ما كنوش اتحاد طلبة ولا اى اسرة ولا بتاع .... وبعدين ليه عيال نص كم مش فاهم ..

احمد .. لو شايف الأعداد كبيرة ممكن تقدم متميز اللى هو قسم الساعات المعتمدة ..

سلام

..

ايه حكاية متميز دي يا عمرو؟ عايز تفاصيل شوية

[kareem50]

انت لازم ف الاول هتكون تايه كدا يابوحميد شئ طبيعي
لازم تقعد اول شهر تايه كدا ومتعرفش اي حاجة ف اي حاجة
انت بس انتظم من اولها وخلاص
لأن الفترة الاولي دي هيا الي هتشجعك تعمل ايه بعد كدا
لو قضيتها لف ف الجامعة هتفضل السنين كلها كدا
لو قضيتها مزاكرة وحضور هتفضل بردو كدا
ربنا معاك

[rekapidesign]

انت لازم ف الاول هتكون تايه كدا يابوحميد شئ طبيعي
لازم تقعد اول شهر تايه كدا ومتعرفش اي حاجة ف اي حاجة
انت بس انتظم من اولها وخلاص
لأن الفترة الاولي دي هيا الي هتشجعك تعمل ايه بعد كدا
لو قضيتها لف ف الجامعة هتفضل السنين كلها كدا
لو قضيتها مزاكرة وحضور هتفضل بردو كدا
ربنا معاك

[mansy1985]

بص يا عم بلاش الكلام بتاع صعبه و الدكاتره وحشين و اصل و فصل و تصل

عاوز تبقي انسان كويس و ناجح لازم يطلع عينك

الفكره ان الثانويه العامه قايمه علي مبدأ المناهج الجاهزه و الحفظ و ده الي تم برمجتك علي اساسه

الكونفليكت بقي لما تخش الجامعه تكتشف ان الدكتور بيحط منهج علي مزاجه و منهج السنه الي فاتت مش زي السنه دي يعني متعرفش تتوقع اسئله الامتحان ده غير ان المنهج او الكتاب مبينزلش غير بعد شهرين يعني قبل الترم ما يخلص بكام اسبوع

ده غير انك حتتعامل مع بشر من كل محافظات الجمهوريه و حتقابل كل انواع الشخصيات الي في خيالك ابتداءا من الخبيث و انتهاءا بالحقود

ده غير لخبطه المناهج لما تبقي بتدرس بالعربي و سبحان الله كل حاجه تقلب انجليزي-خاصه في الرياضه و الفيزياء-

ده غير بقي ان انت حتبدأ تتعامل مع حريم في مناخ و جو مفتوح الخ الخ الخ و طبعا لو مشيت في السكه دي ابقي قابلني لو فلحت

المشكله كمان ان الصاحب الصح هوه الي يعرفك من و انت صغير لانه مصاحبك لنفسك

في الكليه حتلاقي 99.9999999999999% من الصحوبيات مصلحه بدناءه

............

اه نسيت اقولك ان معظم الشباب الي بيخش الجامعه بمجموع عالي بيصاب بداء الهطل للاسباب السابقه و يبدأ يشيل و بتاع فخلي بالك

و عامه ربنا يوفقك

نصيحه رقم واحد:استعد لامتحانات الترم الاول في اعدادي لان دي اسوأ امتحانات حتعدي عليك في حياتك
نصيحه رقم اتنين:خش عماره و متعمليش فيها احمد العبقري بالله عليك لان لو عينك حتطلع في عماره مره حتطلع في بقيت الاقسام مليون مره

[maxspider]

حسب الكلية ... أنا كنت في كلية آداب في قسم جديد ساعتها اسمه "وثائق ومكتبات"

كانت الدراسة عادية ... لكن كنت بسمع دايما بموضوع أن المناهج في عين شمس أصعب

اوعى تقول إنك هتخش هندسة ؟؟؟

[amrgets]

..

المتميز ده بقى حوار تانى

هتدفع 12 الف جنيه فى السنة تقريبا

بس العدد هيبقى قليل طحن و هتتخصص تقريبا من اول سنة بس هتاخد اول سنة كانها اعدادى يعنى المواد جنرال برضه

لكن انت هتبقى بعد كده التخصص اللى انت اخترته و هما اربعه عمارة ومدنى و اتصالات و ميكانيكا انتاج

دفعة المتميز من اتصالات مثلا على حسب ما الراجل بتاع الكلية (واحد شغال هناك تقريبا شئون طلبة) بتبقى 80 واحد

والقاعات مكيفة يعنى ليها مزايا الا و هى التخصص بغض النظر عن مجموعك فى اعدادى والعدد القليل والقاعات المكيفة

هو ده اللى انا اعرفه لو عايز تسال روح الكلية اسال اكثر بس ده خلاصة الأسئلة اللى انا واصحابى سالناها ..

و عايزين نبقى اصحاب بس مش على راى منسى مصلحه بدناءه

سلام

..

[Qemum]

لاقيت نفسك بتحضر كل المحاضرات وكل السكاشن وبتذاكر ومش فاهم حاجة وحاسس انك هتسقط ومفيش امل
يبقي انت كده ماشي صح كمل علي كده وهتنجح وبتفوق لكن لو حسيت انك فاهم و الحياة لذيذة
يبقي شكرا انت رايح في داهية
علي العموم مبروك عليكم يا شباب انضمامكم لمعسكر المهندسين وربنا معاكم شدوا حيلكم ولو حيلكم اتقطع اشتروا حيل جديد من مكتبة سمير وعلي وهتلاقوه رخيص جدا ارخص من مثلث ارسطو

عاوز تبقي انسان كويس و ناجح لازم يطلع عينك

ده غير انك حتتعامل مع بشر من كل محافظات الجمهوريه و حتقابل كل انواع الشخصيات الي في خيالك ابتداءا من الخبيث و انتهاءا بالحقود

ده غير بقي ان انت حتبدأ تتعامل مع حريم في مناخ و جو مفتوح الخ الخ الخ و طبعا لو مشيت في السكه دي ابقي قابلني لو فلحت

في الكليه حتلاقي 99.9999999999999% من الصحوبيات مصلحه بدناءه

كلام سليم , احمد اولا مبروك لك انهاء الثانوية العامة , وكنا نسمع ان الدراسة أسهل بالجامعة , كلا , ليست أسهل , ولكن ربما لا يوجد ضغط نفسي كما في الثانوية العامة ....

أحب ان أزيد على كلام الأخوة ,

حب العلم واحترمه , ولا تنظر له نظرة قطعة نقد ستجعلك ثري وانتهى , وضع في بالك خدمة وطنك ودينك
لا تأجل عمل اليوم الى الغد , لا تدرس المادة قبل الامتحان بقليل يعني
وما لا ترضاه لنفسك لا ترضاه لغيرك (لكي تفهمني , أقصد انه كما تغار على اخوتك , فيجب ان تغار على بنات الناس , وهذا ما افترضه )
تمسك بالصلاة
حتى لو الدكتور أخطأ لا تكن شرس معه مثل البعض الذي رأيتهم ولم يستفيدوا شيء , عامله بلطف دون رفع صوتك حتى لو كنت على حق ,

اعرف انك مهذب ولكني أذكرك لكي لا تنسى

تابع الدكتور ولا تترك سؤال في بالك دون ان تجيب عليه , واجعل مرجعك الأول هو الدكتور وليس الطلاب
الشخص الذي لا يعجبك ابعد عنه دون ان تشعره انك لا تحبه كثيرا ...
لو طلب منك احدهم ان تدرسه , فكن كريما الى حد ما , فلن يضرك هذا شيء

هل عندكم نظام ساعات في مصر؟ , يعني Credit Hours , قطعـــتُ 41 ساعة من 141 , اتمنى لك التوفيق عزيزي
تخصصي هو Mechatronics Engineering , واظن انه ممتع

بالنسبة لي , مشكلتي هي الــ Games و الــــ Graphics , فتأخذ الكثير من وقتي ...

سلام .