انشودة : شفيع الخلائق : حصريا بصوتى ^_^

[SENSE]

بسم الله الرحمن الرحيم

بعد عناء كبير مع مايك الموبايل بتاعى سجلت الانشودة الجميلة دى

بس مش عارف صوتى حلو ولا لا ..

المهم انى بهديها لرسولى وحبيبى وسيدى محمد صلى الله عليه وسلم

علله حد ينافق

[منبر الخير]

ما شاء الله

اللهم صلي وسلم وبارك عليه

نهنيك على هذا الأداء الرائع


والله مستعجل لأن هذا ماهو جهازي

وتستحق رد أجمل من كذه

شكرا لك

[BaGheEra]

جميل صدقني ... صوتك مافيه خنن...

[fla5hy]

ربنا يكرمك صوتك جميل ...

[SENSE]

منبر الخير - باغيرا - فلاشى ::: الف شكر يارجالة منورين والله

ولو صوتى وحش ياريت حد يقولى عشان مسجلش تانى

انا مش بزعل من الصراحة

[mmnoor]

منبر الخير - باغيرا - فلاشى ::: الف شكر يارجالة منورين والله

ولو صوتى وحش ياريت حد يقولى عشان مسجلش تانى

انا مش بزعل من الصراحة

ما تسجلش تاني

أقولك بيع الموبايل اللي سجلت فيه صوتك، عشان تمحي آثار الجريمة دي من ذاكرتك خالص )


لا صوتك جميل ما شاء الله بس عايز تنظيم نفس، اقرأ قرآن كتير، مع مراعاة التجويد وانشدها تاني هتحس بفرق شاسع

[tarek3d]

ههههههههههههههههههههه
حلو بس دحكنى اوي معرفش لييه
متتفتكرش انه وحش
لا حلو جدا بس مش عارف دحكنى اوي

[SENSE]

ههههههههه

خونه

اكيد انتو بتحاربو الاصوات الحلوة

بلوك من المنتدى لمدة 5 ايام

شكرا ياmmnoor وطارق المجرم

[medo3d]

ما شاء الله
صوتك خامتة طيبه لكن لا يوجد تنظيم لنفسك او اتباع للحن الصحيح كما قال الاخ ممنور انت محتاج تتعلم تجويد وتقرا قرآن كتير هيخلى صوتك منتظم ونفسك تمام

ملحوظه يجيبك ربى لما ترتجيه وليس حين ترتجيه <<<<<< رخم رخم يعنى

[SENSE]

ههههه اها ومش جديد طبعا هههه

انا فعلا غلطت فيها بس تمشى

وفعلا محتاج اقرأ قرآن كتير واجوده صح عشان النطق يطلع صح

باذن الله انا ماشى فى المرحلة دى

شكرا ياحاج ميدو

[m.elgalad]

هو انت كمان بتغنى ... يعم سبلنا حاجة

لكن والله صوتك جميل يا مصطفى زيى واحساسك حلو لكن محتاج اجتهاد اكتر زى ما الاخوة قالوا واتقان لمخارج الحروف ... وبعدين ان عندى خلفية عن تسجيل واديت الاصوات كهواية كدا على جنب ... يعنى لو حبيت تسجل حاجة بجودة اعلى رن عليا ..

[::حامل المسك::]

الله الله كمان يا درش

هممممممممممممممممم

المشكلة انا دلوقتي في الشغل و الموقع اللي عليه صوتك محجوب عندي لما اروح ان شاء الله هسمع

وهسلخك .... على فكرة انا اشتغلت فترة كبيرة مهندس صوت وكنت باخد take لمقرئين وبعملهم مونتاج ومكساج

يعني هشلفطك

[SENSE]

هو انت كمان بتغنى ... يعم سبلنا حاجة

لكن والله صوتك جميل يا مصطفى زيى واحساسك حلو لكن محتاج اجتهاد اكتر زى ما الاخوة قالوا واتقان لمخارج الحروف ... وبعدين ان عندى خلفية عن تسجيل واديت الاصوات كهواية كدا على جنب ... يعنى لو حبيت تسجل حاجة بجودة اعلى رن عليا ..

هههههه لا مش سايب

ربنا يخليك يامعلم .. ابقى سمعنى حاجة من ابداعاتك

انا فعلا محتاج اعرف حاجات فى التسجيل عشان انا بسمع اللى انا مسجله بحس انى واحد تانى خالص

منور ياجولدى

الله الله كمان يا درش

هممممممممممممممممم

المشكلة انا دلوقتي في الشغل و الموقع اللي عليه صوتك محجوب عندي لما اروح ان شاء الله هسمع

وهسلخك .... على فكرة انا اشتغلت فترة كبيرة مهندس صوت وكنت باخد take لمقرئين وبعملهم مونتاج ومكساج

يعني هشلفطك

ههههههه والله عال اوى ياسى باسم

طيب دى حاجة جميلة جدا .. ظبط بقا عشان عايز اعمل سى دى

[::حامل المسك::]

هااااااا نبدأ نسلخ

بصورة عامة جميل

صوتك خامته كويسة يادرش بس ضعيف وعايز شغل

المقدمة بتاعة مشاري مش ماشية مع الموضوع فضلا انها فيها موسيقى ابعد عن مشاري احسن

وبعدين ان عملت fade للاهات مشاري وكان من الافضل لو في اهات تانية تيجي قوية وبعدين تخف وتبقى خلفية ليك

ولو حبيت تنتهي مع بدايتك يبقى خلي التراك بتاع الاهات تحت التراك بتاعك وينتهي بعد كام كلمة من كلامك يعني تعمل مكس لطيف كده

علشان يكون الموضوع فيه انسيابية للي بيسمع

والعمل بتاعك عايز يتمنتج في كتير مقاطع عايزة تتقص

و التكرار الخير طول شوية

وعايز تمارين نفس يا معلم

نصائح جانبية
1- افضل شئ لو تقرأ وتنشد وانت واقف

2- متبقاش واكل وخلي بطنك فاضية

3- لو تشرب مشروب سخن قبل ما تقرأ ينسون مثلا ووصفتي السرية (( لو تدوب حتة حلاوة طحينية كبيرةفي كوباية شاي وانت هتبدع ))

بصورة عامة جميل يا معلم عايزين التسجيل الجاي يبقى قرآن ولو تحب اساعدك في اي حاجة عنيا ليك

ولوحبيت تبعتلي صوتك وانا اظبطهولك انا برضه حاضر

معلش انا طولت واديتك ملاحظات كتير بس ده من حرصي عليك وعايز افيدك ويكون شغلك دايما في القمة زي ما عودتنا منك

لكن كمبتدئ 10/10 والي الامام يا درش

[SENSE]

ههههه اسلخ يابرنس

" لو تدوب حتة حلاوة طحينية كبيرةفي كوباية شاي وانت هتبدع "

حاضر من عنيا هجيب القالب كله وارميه فى كوباية الشاى واجرب النهاردة

علله يقف فى زورى واتكل علله

والمرة الجيه ان شاء الله اظبط حاضر وابعتهولك .. الف شكر على النصايح

وايميلك انا ضفته ومش لاقيك ياعم الحاج