Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

رقم محمول الرئيس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • رقم محمول الرئيس

    رقم محمول الرئيس



    ما إن أعلن الرئيس العربي عن تليفونه حتي أمسك جميع المواطنين بتليفوناتهم ..!!

    فرحة كبيرة ... إنتابت الجميع ....

    كان أمل الجميع ..شرف مكالمة الرئيس ....وعرض مشكلته عليه ... ؟

    حتي في دور العبادة ... إنشغل الجميع بالتواصل مع الرئيس ...!!

    حتي الأطفال ... أحبوا أن يكلموا ..عمو الريس .....
    وطلبوا منه طلبات غريبة جداً .... عيبأقولها لكم ...!!!!

    رقم محمول ... الرئيس ..!!؟

    أشارت مجموعة منتقاة من خبراء الترويج والعلاقات العامة علي أحد الرؤساء العرب أن يقوم بنشر رقم تليفونه المحمول في جميع وسائل الإعلام لتحسين صورة الرئيس وزيادة شعبيته والتي أظهرت إستطلاعات الرأي أنها في تآكل مستمر ....وافق الرئيس علي مضض وعلي أمل أن يحدث التواصل المطلوب بينه وبين أفراد الشعب ويتعرف بنفسه علي مشاكلهم وسبب عدم رضائهم عنه رغم مخاوفه الشديدة من كثرة التليفونات وإمكانية تعرضه لمكالمات غير لائقة من مغرضين ومندسين بين صفوف هذا الشعب المدهش المطاوع المسالم المهاود ... بمجرد أن وافق الرئيس تم عمل حملة إعلانية ضخمة وغير مسبوقة في طول البلاد وعرضها للإعلان عن الرقم ... وتم كتابة الرقم علي لوحات مضيئة عملاقة أعلي العمارات والمباني الحكومية وقد صيغت الدعاية بعبارات جذابة وشيقة ...منها :

    ((إتصل برقم الرئيس ..وإنت وأهلك تهيص .... ))

    ((إتصل بالرئيس ... يكون لك خير ونيس ....))

    ولم تنس الدعاية المرأة في هذه الحملة فكان منها ما يقول :

    (( إتصلي بالرئيس .... وبكره يجيلك العريس .... ))

    وكان للأطفال أمل الغد أيضاً نصيب فكتبت لهم إعلانات تقول :

    (( كلموا عمو الريس .... قبل ما يموت ويفيص ))

    هذا خلاف الإعلانات التليفزيونية والكليبات المثيرة التي رصد لها ملايين الجنيهات حتي تخرج الحملة بصورة مشرفة ووطنية ....

    وتم الإتـفاق أن يسمع المتصل أغنية بدل سماع الجرس عن طريق خدمات (( الكول تون )) قبل أن يرد عليه الرئيس أغنية :

    آآآلو الريس فين ... الريس هنا ...هنا هو ... أقولوا مين بيكلموا ...

    وذلك لأن هذه الأغنية سهلة وتوحي أن الرئيس قريب ومتواصل مع شعبه ...

    وكان الخلاف حول المكالمة هل تكون مجانية أم لا ..وتم حسم الموضوع بأن تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم مشاريع الصرف الصحي والمياة وعمل نهضة تنموية مستقبلية ...

    جاءت ساعة الصفر .... وبدأت الخدمة ... وتلقي الرئيس عدة مكالمات :



    المكالمة الأولي :

    - ألو ....

    - أيون ...

    - إنت الريس ...

    - أيون يا حبيبي ... إيه مشكلتك ....

    - أنا ياريس دخلت قسم شرطة أعمل محضر قام الظباط والمخبرين ضربوني علي قفايا وجابوا ساعة رقمية وقعدوا يشوف من حيضربني أكتر علي قفايا في الدقيقة وما خلصوش إلا لما ظابط المباحث عمل رقم قياسي وضربني 80 قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا مجرم ولا حاجة أنا رايح أشتكي وأعمل محضر في الجيران ...

    - بص يا مواطن ... إحنا كلنا في خدمة الوطن.. والشعب في خدمة الشرطة ..لما يكون ظابط بيحميك ويحمي أولادك إيده بردانة شوية وعايز يدفيها ويسخنها في قفاك ده يزعلك ... لازم تضحي شوية علشان الوطن ...!!

    - شكراً ياريس ..ربنا يخليك لنا ويخليك للوطن ... ؟



    المكالمة الثانية :

    - ألو

    - أيون

    - الريس معايا شخصياً

    - أيون ... قول يا مواطن ... إيه مشكلتك ...

    - أنا ياريس وغيري ملايين ساكنين في المقابر وتحت الكباري وفي عشش في ال ...في ال

    - أسكت ..إتكلم عن نفسك بس يا مواطن بلاش تعميم ... إنت عايز تعمل لي تنظيم علي التليفون؟ فاهم.. ولا أفهمك بطريقتي ...

    - فاهم فاهم يا ريس ...

    - كمل يا مواطن ...

    - نفسي في شقة من إللي بتتوزع علي لاعيبة الكورة والعقود إللي بتتوزع وبنشوف تصاويرها في التلفيزيون...

    - واضح يا مواطن إنك مش متعلم ومش فاهم حاجة ... تسكينك في المقابر إنت وغيرك ده له حكمة عظيمة ..

    إنت عارف إن الدين بيأمرنا بزيارتها للموعظة والإعتبار من آن لأخر لكي نعرف أنها دنيا فانية ...

    وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك ضريبة إتعاظ .... !!

    - طب ما تيجي ياريس تتعظ عندنا شوية ...

    - إخرس ... يا ..(....)

    دببببب ...

    وتم غلق الخط ...



    المكالمة الثالثة :

    - ألو ....

    - أيون

    - الريس حبيبنا معانا ....

    - أيون أيوه كده ....إيه مشكلتك يا حبيبي ...؟؟

    - أنا ياريس شاب عندي 29 سنه ومتخرج بقالي 9 سنين ومش لاقي شغل ..ولسة بآخد مصروفي من والدي وقاعد علي القهوة طول اليوم ... نفسي أشتغل ياريس ...

    - أنت غريب قوي يا مواطن ... مش تحمد ربنا إننا مريحينك ..عايز تروح للشقي برجليك ... وبعدين مالها قعدة القهوة ... إتعلم منها حاجة تفيدك ...ممكن تبقي بطل شطرنج زي كسباروف وساعتها تعرف إن جلوسك علي القهوة كان مصلحة ...

    - ياريس عايز أكون نفسي ...

    - ما تكونها يا حبيبي حد حايشك ...؟!!

    - أكونها إزاي من غير شغل ..؟؟

    - إيه يا مواطن أنا ماسك أعصابي ... إنت عايز البلد تكون ملايين من الناس.. إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...

    دبببب ...وتم غلق الخط ....



    المكالمة الارابعة ...

    - ألو ..صباح الخير ياريسنا يا جميل ...

    - ألوووووووووو...صباح الجمال ... أيوه يا شابة .. إيه مشكلتك وأنا أحلها لكي في فمتوثانية ...

    - أنا يا ريس عانس ... وصلت لسن 35 ومش لاقية عريس ... نفسي أتجوز زي البنات كلها ويبقي عندي بيت وأسمع كلمة ماما ....

    - هههههه ... إنت تحمدي ربنا ...جواز إيه وقرف إيه ...خلفة وطبيخ وواحد متخلف ينكد عليكي ومسئولية ... خليكي كده ....

    - ياريس ... نفسي أحب وأتحب ....

    - يا مواطنة ... حب الوطن كفاية عليكي ....

    - يعني أتجوز الوطن وأجيب منه عيال ..!!!

    - يوووه ... إنت مش عجبك كلامي طيب ...

    دبببب .. وإنتهت المكالمة ....



    وأخيراً ... حد عايز الرقم يطلب ويجرب ..... يتصل بي أويكتب لي...وأنا أعطيه له فوراً ....بشرط يقول حيقول للريس بتاعه إيه لو كلمه في التليفون ...!!! ؟؟؟
    (((ملطوشه من ايميلي)))
    لاتـدع الـيأس يسـيطر عليـك
    فابنـي في جـدرانه حبـــل

    يوصــلك الى بصيــص ضوء

    ستعــرف حينها ان الامــل موجود
    فتمــسك به ولاتدع اليأس يقتلك

  • #2
    >>>>>>>>>>
    ( تسجيل حضور! )

    تعليق


    • #3
      حسني باشا ربنا يخلهولكم
      لاتاسفن على غدر الرجــــــــــال لطالما..رقصت على جثث الاسود كلابُ
      لا تحسبن برقصــــــــــها تعـلــــــو على ..اسيادها فالاسد اسدٌ والـكلابُ كلابُ

      الخلاف شئ طبيعي بين البشريه
      (((إذا نطق السفيه فلا تجبه *** فخير من إجابت به السكوت)))
      يصلب الشعراء من اجل راي..........فلماذا لا يصلب الاذكياء

      تعليق


      • #4
        ريس خطيييييييييييييير
        إذا لم تجد عدلاً في محكمة الدنيا .. فارفع ملفك لمحكمة الآخرة ..فإن الشهود ملائكة .. والدعوى محفوظة .. والقاضي أحكم الحاكمين
        مسلمة ويكفيني فخراً


        تعليق


        • #5
          اقوله ياسيدي كفايه ^_^

          تعليق


          • #6
            هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههه
            Junior Architect-Ahmed Abdel Aziz
            Mansy

            إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،



            تعليق


            • #7
              مشاكل

              ..

              تعليق


              • #8
                طب ان عاوز ادي رقم موبايلي للريس ... ينفع

                تعليق


                • #9
                  انتوا سمعتوا نكته الريس وهوا جاي للخليج ؟؟؟؟ ههههههههههههه

                  تعليق


                  • #10
                    الله المستعان
                    Eslam Amin
                    3D Generalist_Supervisor

                    تعليق


                    • #11
                      ههههههههههههههه
                      اقرب من استطاعو تصوير الوضع وبدون مبالغه كان الفنان محمد صبحي في مسرحية تخاريف
                      الفصل الرابع
                      ودي كانت نهاية الشعب الصبور المهاود
                      بلاد الكوارث
                      حيث جميع الشعب وجلاديه يبحثون عن العقل والقلب والشجاعه المفقودين
                      لكن للاسف لاوجود للساحر اوز
                      وتنتهي القصه بفقد الحذاء الاحمر
                      وتبقي اليس في بلاد الكوارث للابد

                      مدونتي

                      تعليق


                      • #12
                        أقوله استقيلوا يرحمكم الله

                        Life is unfair

                        دي مش حياة أو موت

                        دي مسألة خلود


                        تعليق


                        • #13
                          http://www.youtube.com/watch?v=CBB7LoBeJJk
                          بلاد الكوارث
                          حيث جميع الشعب وجلاديه يبحثون عن العقل والقلب والشجاعه المفقودين
                          لكن للاسف لاوجود للساحر اوز
                          وتنتهي القصه بفقد الحذاء الاحمر
                          وتبقي اليس في بلاد الكوارث للابد

                          مدونتي

                          تعليق


                          • #14
                            حنشوف بعض في التخشيبة..
                            ------------------------

                            تعليق


                            • #15
                              موضوع حطم الرقم القياسي لانه لم بحدف بعد ..هههههه مبروك
                              لا تاسفن على غدر الزمان فطالما---- رقصت على جثث الاسود كلاب
                              لاتحسبن برقصها بلغت مقاما تبقى---- الاسود اسود و الكلاب كلاب
                              ------------
                              غزه قلوبنا معكم اللهم أنصر أخواننا المستضعفين في غزة اللهم إنهم جوعى فأطعمهم وخائفون فآمنهم اللهم انهم مكسورين فاجبر كسرهم اللهم ارحم ضعفهم، وآمن روعهم، وانصرهم على عدوك وعدوهم يا قوي يا عزيز

                              تعليق

                              يعمل...
                              X