كيف تكتب سيرتك الذاتيه و تصنع ديموريل باحتراف .. حازم صبري

[hmsabry]

تكملة الشوريل (1)

8) لازم تعمل breakdown يعني شرح تفصيلي للي انت عملته في كل شوط
انت حاطه في الشوريل والبرامج المستخدمه وده لازم يبقي PDF (ويفضل يكون
فيديو لمراحل الشغل بس لو ماعملتوش مش مشكله لان بيبقي مفهوم ان في شركات
مابتديش المراحل ده وبتديك بس فيديو للشغل بتاعاك)

9) ماتهتمش بالموسيقي اوي .... لان معظم الشركات بيقفلو الصوت ...!!! ولما تنقي موسيقي
ماتبقاش موسيقي حربيه او موسيقي super heavy metal

10) لا تستخدم ابدا ابدا ابدا ... هذه الاشياء
**lens flare زاي اللي بتطلع علي اسم (احمد صقر) في تتر مسلسلات رمضان لينس فليره
جايبينها من العتبه لونها اخضر رايحه جايه علي اسمه 100 مره.
انا فاكر لما كنت بعمل شغلانة Cairo Festival منويشي شفني وانا بجرب لينس فلير قلي لا لا لا لا
شييل .... قولتله ... انا بكره اللينس فلير جدا بس في ايفيكت في دماغي عاوز اشوفه لو شكله
وحش من غير مانت تقول هاشيله... وطلع شكله كويس الحمد لله.

**مشاهد الفضاء ... الا لو انت مطلع حاجه زاي star wars

لان الكلام ده لما بيفكس منك بيطلع شكله وحش جداااااااااااااااااااااااااااا ... ومتنساش انك بتاع مبيعات
ويهمك انك تبيع المنتج ... مش المهم انك تعمل حاجات عجباك وخلاص ...!!

[أنس أبو بكر]

موضوع جميل أخي حازم كعادتك.

[fx monde]

جااااامد جدا يا استاذ حازم

[Mr.jokeR]

او موسيقي super heavy metal

ومالها موسيقى heavy metal
ههههههههه امزح...

-- لدي سؤال استاذ حازم .. ما رايك في عمل سي في الكتروني على الفلاش ؟؟

[zahzahtoon]

مين قال 5 نجوم لا 5 نجوم مضروب على 1000.لا السماء كلها . الله يخليك يا استاد حازم دا انت و لله انسان نادر و الله بحق ا حقيقة

..................... ححاول اكتب 20 رد عشان الموضوع يتبث يعني...........

[shady sobhy]

اتمنى ان الموضوع يخرج من قسم المايا للفائدة ( فهو يستحق )

[nazzal]

موضوع رائع من شخص اروع
كنت حا موت من الضحك في حته اللنس فلير واحمد صقر........والرولكس
حازم بيه انا حا اثبت الموضوع من بعد اذنك
او حا استناك لبليل لو انت ما ثبتوش..........حا انفذ انا يا ريس

[nazzal]

اتمنى ان الموضوع يخرج من قسم المايا للفائدة ( فهو يستحق )

طب ايه رأيك باءه اننا حا نحط باس وورد علي الموضوع وكاشف بصمات عشان نتاكد من هويه اللي داخل الموضوع لازم يكون ماياوي صرف.....لا اما يقر انه حا يحول

[esamdrsh]

بارك الله فيك على هذه المعلومات الجباره
الحقيقه لدي سؤال يؤرقني ..
مثلا عندك الفنان ماريك دينكو .. اغلب اعماله stills ولكن لما عمل ديمو ريل سماه moving stills وعمل حركه بسيطه في كل مشهد من مشاهده وعملها رندر

في حال انه غير متوفر عندك اجهزه جباره تقوم بعمل رندر لمشاهدك التي قد يصل بعضها لرندر الفريم الواحد 6 او 7 ساعات .. كيف ستكون طبيعه الديموريل .. هل فقط صور وعرض مثلا ال passes او ما شابه ام ماذا ؟
مثال www.esamdrsh.com يا ريت تشوف نوعيه الاعمال وتقلي ازاي اقدر اعمل منهم ديموريل

[esamdrsh]

طب ايه رأيك باءه اننا حا نحط باس وورد علي الموضوع وكاشف بصمات عشان نتاكد من هويه اللي داخل الموضوع لازم يكون ماياوي صرف.....لا اما يقر انه حا يحول

احم احم .. احنا نغلق الموضوع ونسرقه لقسم الماكس .. ا

[shady sobhy]

يالله يا عصام اتصرف هههه
متابع في صمت

[nazzal]

احم احم .. احنا نغلق الموضوع ونسرقه لقسم الماكس .. ا

اذن فهي الحرب

يالله يا عصام اتصرف هههه

متابع في صمت

ولا حا تشجع الضربه الحلوه حتي

[al_amin_1]

يا جماعة انا عندي اقتراح
بدل ما نظلم قسم الماكس او قسم المايا ننقله لقسم السينما عشان ما نظلمش الطرفين .

[donjwan88]

شوف ياعم .... الموضوع ده ممكن يضايقك شويه ...!!! الشركات مش بتنزل في الجرايد او اي حاجه
بس هي ماشيه بطريقتين ...!!
1) معارف ... (تعرف حد في اروما ويعرف انك حد كويس فيرشحك..)
2) انت تعرف اروما فين ... وتهجم انت عليهم بنفسك

عمتا للعلم بالشئ الاستديوهات في مصر:
1) اروما
2) جرافيتي
3)x-rated
4) cubes
5) 2k
6) softoria
7) fenix
8) blade ..... (ناس صحابي همه اللي عملينو)
9) magic box .....(ناس صحابي همه اللي عملينو)

دول اللي انا اعرفهم واللي فاكرهم دلوقتي ..

بس نصيحه شخصيه ...
خد قرار ان خطوتك اللي جايه بعد الكلام اللي بقولهولك ده ... لازم تكون موزونه ... وراسيه
بمعني ....
لازم تكمل الموضوع ده معانا عشان في حاجات لازم تعرفها الحاجات ده بتاثر في الحكم علي شغلك
ملهاش علاقه بجودة شغل ..!!!
جماليات الشغل ... واخلاقياته ... وكمان هقولكم حاجات مفيده جدا لازم تعملها لو حد مبتدئ...

انا كنت team leader / supervisor فاهقولك ايه اللي بيخلي تقييماك كويس جدا وايه اللي
بيضيعاك ...!!!

فابقو معانا ....

بالنسبه لحفظ حقوق الملكيه ...!! معنديش فكره الصراحه ...!!!
والاسعار ...!! مممممممممم هو انا مش بتاع كراكتر ... بس اعتقد ان الثانيه المفروض (المفروض) تبقي
حاجه زي 2.000 ... 2.500 جنيه .. اعتقد بس برضه بتفرق ... من اعلان 10 ثواني ... لمسلسل 15 دقيقه
لفيلم قصير 40 دقيقه فانتا عاوز حد شغال كراكتر في السوق هو اللي يسعرلك الشغل (بناء علي الجوده كمان)

والله اخي حازم بصراحة انا بدأت احس باليأس نوعا ما يعني معنى كلام حضرتك اني لازم اتعلم على الرندر والاخراج وكمان التحريك نوعا ما بصراحة بدأت احس ان الموضوع يحسس باليأس

لاني اصلا متخصص مودلنج فقط لاني بعشق القسم دة فبالطريقة دي مش هلاقي شغل خالص يبقى مفيش قدامي غير اني اشتغل شغل خاص بيا فقط وايكون ايضا خاص بافلام الكارتون او المسلسلات الكارتونية لاني اصلا كدة كدة هاضطر اني اتعلم الاخراج والانيميشن وكمان الدينامكس يبقى ملهاش اي لزمة خالص اني اشتغل مع فريق عمل او حتى اني افكر اشتغل في شركة



والله الواحد بدأ يزهق من مصر ومن الشركات وافكارهم



وانا عمال اقول الناس بتهج لية والله ربنا يكرمنا ومنهجش احنا كمان

[cortex]

الموضع يستحق التثبيت ووضع بانر له على الرئيسية و أيضاً يكون منه نسخة في كل قسم

ألف شكر يا باشا ., موفق ^.^