Unconfigured Ad Widget

تقليص

إعـــــــلان

تقليص
لا يوجد إعلان حتى الآن.

وهكذا لم تتزوج الاميرة ست الحسن والجمال الشاطر حسن

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وهكذا لم تتزوج الاميرة ست الحسن والجمال الشاطر حسن

    الشاطر حسن والاميرة ست الحسن والجمال
    انا لن اطيل كلنا يعرف هذه القصة جيدا الشاطر حسن والاميرة ست الحسن والجمال انا سوف احكي القصة من اخرها
    بعدما لاقي الشاطر حسن من اهوال و مصاعب في رحلته الطويلة ليحصل علي مهر الاميرة ذات الحسن والجمال وبعد عودته الي البلد واستقبال الفاتحين الذي استقبله اياه اهالي البلد الاوفياء وبعد ان وضع المهر في عين الملك وبارك الملك له وقبله زوجا لابنته طلب الشاطر حسن من الملك ان يختلي بالاميرة ذات الحسن والجمال ليبث لها لواعج الهوي وتباريح الغرام وعلي الفور سمح له الملك قائلا : يا حسن يا بني انت من دلوقتي عريس بنتي و مش ممكن ارفضلك طلب و بعدين البلد كلها عرفت اني وافقت علي الجوازة خلاص تبقي مراتك علي سنة الله ورسوله مش ناقص غير المأذون وانت عارف الحاجات اياها دي فقطع الشاطر حسن كلام الملك وذهب مهرولا الي الشرفة التي كانت تجلس فيها ست الحسن والجمال مع بعض وصيفاتها فاستاذن عليها فصرفت الجواري ودخل مهرولا نحوها وقال : اخيرا يا حبيبتي هنتجوز انا مش مصدق نفسي الحمد لله ربنا جمع شملنا علي بعض و محدش هيقدر يفرقنا عن بعض ابدا
    فدفعته بعيدا وقالت في استنكار : حيلك حيلك يا عم الحاج .. هو انت فاكر ان احنا هنتجوز بجد ولا ايه
    فأرتسمت علامات البلاهة علي وجهه و فغر عن فاه اكل التبغ نصفه قائلا : امال ايه طبعا هنتجوز
    فضحكت ضحكة ماجنة مقرقعه و مصرصعه و سعلت حتي كادت تبصق رئتيها و قالت : يا عيني يا بني هما فهموك ان احنا هنتجوز لا يا برنس الكلام ده في الحكاية بتاعت زمان لكن دلوقتي مش هينفع نتجوز
    فرد وقد ارتسمت علي وجهه علامات البلاهة والحزن و الغضب والاستفسار و ال....عفوا لقد غفا المؤلف و سيعود بعد لحظات ها كنا فين اه افتكرت : يعني ايه هو انا اسافر واتبهدل و يطلع عيني و اقابل مخاطر واهوال وفي الاخر تقوليلي مش هنتجوز و ابوكي دا انا اخدت منه كلمه
    فأخذته تحت ابطها كأخيها الصغير و بدأت تمشي به في الشرفة وقالت : بص يا حسن يا حبيبي انا هقولك علي حاجة احنا مش هنتجوز خلاص وتدراكته قبل ان يبدأ في الزمجرة و الزعيق قائلة : اسمع بس الكلام يا بني بص لنفسك كويس انت الغربة بهدلتك و خلاص مبقتش نافع انا هقولك علي حل جامد قوي .. احنا نقضيها كده تيك اواي
    - نعم يا اختي تيك اواي ازاي يعني و اولادنا اللي حلمنا بيهم و عشنا الجميل ده كله يروح فين وبعدين يعني ايه تيك اواي ولا مؤاخذه
    - تيك اواي يعني تيك اواي يا بو علي ما تشغل مخك معايا و بعدين سيبك من موضوع العيال والكلام ده وبعدين يا حسن يا خويا الجواز اليومين دول مبقاش يجيب همه اتجوزك سنتين تلاتة اجيب حتة عيل نتخانق مفيش فلوس ولا مصاريف تقوم تطلقني وترميني انا والواد ولا ازهق منك و اخلعك ونجرجر بعض في المحاكم وعلي ايه ده كله ما احنا نقضيها كده وخلاص
    - يا بنت التييييييييييييييييت ... طيب و ابوكي هنعمل معاه ايه
    - ابويا لا ابويا عارف كل حاجة انا مفهماه كل حاجة
    - طيب و افرض جبنا حتة عيل وبعدين انا خلعت منك نعمل ايه في الورطة دي
    - ايه ده هو انت متعرفش اه ما انت كنت بره يا سيدي ولا يهمك اخده علي السجل المدني و اكتبه باسمي و ارميه يلعب مع العيال في القصر اصل فيه قانون جديد بيقول ان الام ممكن تنسب الولد ليها ومش مهم مين الاب
    - نعم يا ختي احنا هنهزر و ده طلع امتا ان شاء الله
    - لسه طازة وحياتك ... ها قولت ايه يا ابو علي فكر كويس يا بن الناس وحط عقلك في راسك نعرف خلاصك
    - يا خسارة يا جدعان بقي انا اسيب البلد يومين ارجع الاقيها بالشكل ده و انت يا ست الحسن يطلع منك كل ده
    - يعني افهم من كده ان الموضوع مش عاجبك
    - لا طبعا الحب الطاهر البرئ عمر نهايته ما تكون كده
    - حب طاهر بقي وانت مش ابني حسن يوسف هو اللي ابني و صباح الخير يا نينه و هتعملي فيها عماد حمدي يالا يا عمونا معطلكش يا بت يا وهيبة
    - نعم يا ست الكل
    - وصلي الاستاذ لحد باب القلعه واتأكدي انه مشي و اطلبلي براد بيت علي الموبايل ... من الخط الاتصالات مش الفودافون علشان هو معاه اتصالات والدقيقة ب 15 قرش (دعايه للشركة طبعا الراعي الرسمي للقصة شركة موبينيل و اتكلم من مانخيرك )
    - حاضر يا ست الكل
    و هكذا خرج الشاطر حسن من القلعه مطرقا اسفا متأثرا محبطا مو... عفوا لقد غفا المؤلف ثانية .............
    صحي النوم يا استاذ >>> ها احنا كنا فين افتكرت افتكرت <<<
    وهام علي وجهه في البلاد لا يعرف له حلا ولا محلا
    وهكذا لم يتزوج الشاطر حسن ست الحسن والجمال لانها فضلت عليه براد بيت



    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  • #2
    آمنت بالله آمنت بالله وبشرعه
    درس راوتر{نمذجة+خامات+إضاءة} هنـــــــا

    درس سيف{نمذجة} هنـــــا

    تولة طيب{ نمذجة+خامات+إضاءة} هنــــا

    اصنع مكتبة خاماتك بنفسك
    هنــــا
    غائب للابد

    تعليق


    • #3
      ههههههههههههههههههههههههههههههههههههه
      ياااااااااااااااااااااا للاسف اخر سنه ليه في الجامعه السنه دي ... ان شاء الله
      اصل في ظل القانون القديم ... والبنات شغاله اساسا تيكا اوي كتير اوي ..
      بس عشان ندي لكل صاحب حق حقه ... لكل واحد ليه واحده تيكا وي وحده بس لان لو خد وحده تيكا وي تانيه بتعتبره بيخنه ....هههههههههههههه
      اعتقد في ظل القانون الجديد هتكتر التيكا وي ... ودلوقتي كل واحد يقدر يشيل علي قد صحته ...
      معلش واحد بيخرف من الي بيشوفه في الجامعه ...
      الحياة ألم يخفيه أمل
      أمل يحققه عمل
      وعمل ينهيه أجل
      ثم يجزى كل امرئ بما فعل

      تعليق


      • #4
        هههههههه

        غلطته من الأول .. كان لازم يختار صح ..
        والله لن تصلح إلا ذات الدين
        قد قال النبى - صلى الله عليه و سلم - " تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك "
        الراوي: أبو هريرة - خلاصة الدرجة: [صحيح] - المحدث: البخاري
        لا إله إلا الله وحده لا شريك له سبحانه

        تعليق


        • #5
          القانون مالوش علاقة بالشعب والشعب مستنكره .. القانون معمول عشان جمعيات حقوق الإنسان عشان تغض نظرها عن التعذيب شوية ... يعني مالاأخر الحكومة عايزة تسكت بتوع حقوق الإنسان بحاجة فعملتلهم القانون ده ...

          القانون سيكون موجودا فقط على الورق ولا أظن أنك ستجد حالة قريبة بهذا الشكل ....

          السبب هو نسب الولد لأمه سيجعله يعيش طول عمره وفي كل لحظة من حياته متذكرا ومعروفا للأخرين بأنه إبن زنا ... فالأم من البداية لن تذهب لتسجيل طفل كهذا بسبب نظرة المجتمع .. وهي أصلا إما كانت ستجهضه أثناء الحمل .. أو تضعه أمام أي ملجأ أو دار ايتام بعد ولادته ... القانون ليس له علاقة بمجتمعنا على الإطلاق ..

          ثم ثانيا أنظر لحال الطفل نفسه .. هذا القانون لن يحميه أبدا .. بل على العكس سيحيل حياته جحيما ... تخيل أن الأم مثلا كان إسمها "رشا " .. والولد إسمه باسم مثلا .. يبقى إسمه باسم رشا ..!! .. يا حلاوة .. والواد أما يدخل المدرسة هيندهوله بإيه.. مجرد معرفة إسمه سيعرف أنه إبن زنا .. تخيل نظرة المجتمع وابتعاد الناس عنه وأنعزاله .. ثم إذا تحمل كل هذا .. من سيقبل أن يزوجه بنته ... هذا الولد سيكره هذا المجتمع وسيكره أمه إلى أقصى حد و إما في النهاية سينتحر أو أن يقتل أمه ... فأي قانون هذا .. طبعا لو كان الطفل بنت .. فلا حول ولا قوة إلا بالله .. سيكون حالها أسوأ بمراحل ... إن إجهاضها وقتلها وهي طفلة أرحم بكثير ....

          القانون يعارض الدين والمنطق والعاطفة .. !!
          www.ali-cv.com موقعي ومعرض اعمالي

          www.ne3na3.net شاي بالنعناع !

          follow me

          تعليق


          • #6
            المشاركة الأصلية بواسطة العقرب77 مشاهدة المشاركة
            آمنت بالله آمنت بالله وبشرعه
            ونعم بالله ياعقربوش
            المشاركة الأصلية بواسطة عبد الله 3 مشاهدة المشاركة
            هههههههه

            غلطته من الأول .. كان لازم يختار صح ..
            والله لن تصلح إلا ذات الدين
            قد قال النبى - صلى الله عليه و سلم - " تنكح المرأة لأربع : لمالها ولحسبها وجمالها ولدينها ، فاظفر بذات الدين تربت يداك "
            الراوي: أبو هريرة - خلاصة الدرجة: [صحيح] - المحدث: البخاري
            اهلا يا معلم عبد الله والله بقت عملة نادرة
            المشاركة الأصلية بواسطة diaaking مشاهدة المشاركة
            ههههههههههههههههههههههههههههههههههههه
            ياااااااااااااااااااااا للاسف اخر سنه ليه في الجامعه السنه دي ... ان شاء الله
            اصل في ظل القانون القديم ... والبنات شغاله اساسا تيكا اوي كتير اوي ..
            بس عشان ندي لكل صاحب حق حقه ... لكل واحد ليه واحده تيكا وي وحده بس لان لو خد وحده تيكا وي تانيه بتعتبره بيخنه ....هههههههههههههه
            اعتقد في ظل القانون الجديد هتكتر التيكا وي ... ودلوقتي كل واحد يقدر يشيل علي قد صحته ...
            معلش واحد بيخرف من الي بيشوفه في الجامعه ...
            لا يا عمونا انت باين عليك في كلية غلبانة انا اقولك يا سيدي لكل واحد 2 تيك اواي واحده في الجامعه وواحده بره يعني في المنطقة اللي هو ساكن فيها و اعتقد ان البنات كل واحده ليها 2 تيك اواي واحد تمشي معاه - الواد الروش اللي مسقط بنطلونه واخد بال سعادتك - والتاني الحمار اللي هيتجوزها و مين عارف بكرة يكون لكل واحد 3 تيك اواي و 4 تأكلهم وانت واقف و 5 وانت في المطعم
            المشاركة الأصلية بواسطة فلاشــــــــــاوي مشاهدة المشاركة
            القانون مالوش علاقة بالشعب والشعب مستنكره .. القانون معمول عشان جمعيات حقوق الإنسان عشان تغض نظرها عن التعذيب شوية ... يعني مالاأخر الحكومة عايزة تسكت بتوع حقوق الإنسان بحاجة فعملتلهم القانون ده ...

            القانون سيكون موجودا فقط على الورق ولا أظن أنك ستجد حالة قريبة بهذا الشكل ....

            السبب هو نسب الولد لأمه سيجعله يعيش طول عمره وفي كل لحظة من حياته متذكرا ومعروفا للأخرين بأنه إبن زنا ... فالأم من البداية لن تذهب لتسجيل طفل كهذا بسبب نظرة المجتمع .. وهي أصلا إما كانت ستجهضه أثناء الحمل .. أو تضعه أمام أي ملجأ أو دار ايتام بعد ولادته ... القانون ليس له علاقة بمجتمعنا على الإطلاق ..

            ثم ثانيا أنظر لحال الطفل نفسه .. هذا القانون لن يحميه أبدا .. بل على العكس سيحيل حياته جحيما ... تخيل أن الأم مثلا كان إسمها "رشا " .. والولد إسمه باسم مثلا .. يبقى إسمه باسم رشا ..!! .. يا حلاوة .. والواد أما يدخل المدرسة هيندهوله بإيه.. مجرد معرفة إسمه سيعرف أنه إبن زنا .. تخيل نظرة المجتمع وابتعاد الناس عنه وأنعزاله .. ثم إذا تحمل كل هذا .. من سيقبل أن يزوجه بنته ... هذا الولد سيكره هذا المجتمع وسيكره أمه إلى أقصى حد و إما في النهاية سينتحر أو أن يقتل أمه ... فأي قانون هذا .. طبعا لو كان الطفل بنت .. فلا حول ولا قوة إلا بالله .. سيكون حالها أسوأ بمراحل ... إن إجهاضها وقتلها وهي طفلة أرحم بكثير ....

            القانون يعارض الدين والمنطق والعاطفة .. !!
            ايه يا عم علي فيلم جعلوني مجرما ده
            يا باشا لو كل قوانين الحكومة هتكون ليها اعذارها يبقي كل سنة واحنا طيبين وبعدين حقوق انسان ايه اللي نعمل حسابها دي لحد امتي هنفضل ماشيين ورا ولاد التيييييييييييييت دول ما احنا كده كده مش لاقين ناكل و عايشين في فقر هيتعمل فينا ايه اكتر من كده
            Edge Loop
            ...........................
            ولدى نصحتك لما صوت اتَنَبح
            ما تخافش من جِنِّى ولا من شَبَح
            وإن هبّ فيك عفريت قتيل إسأَله
            ما دافعش ليه عن نفسه يوم ما اندبح ؟

            ........................

            عينى رأَت مولود على كتف أُمه
            يصرُخ تهنِّن فيه يصرخ تضمُّه
            يصرخ تقول يا بْنى ما تنطق كلام
            ده اللى ما يتكلمش يا كتر همُّه
            عجبى!!

            ......................................................
            تأبط شرا

            تعليق

            يعمل...
            X