قلة ادب المتظاهرين ....وصلت الي انهم يضربوا ظابط جيش مصري....فيديو

[amiralayam]

ظابط الجيش المصري اللي دولة مكلفاة الشئ الفلاني علشان يحمي البلد.....يضربوه شوية عيال صايعة....علما ان كل القوي السياسية والاخوان وائتلاف الثورة اجمعوا انهم لم يدعوا للاعتصام والمبيت....

http://www.youtube.com/watch?v=I5ohv...layer_embedded


المثل المصري بيقول ....اللي مالوش كبير ....بيشتريلوا كبير.....ودول فجروا ومالهمش كبير

[::حامل المسك::]

السلام عليكم

ذباب طمع وفراش نار

الفتنة حصلت والفوضى عمت ارجاء البلد مين يلمها ؟؟

خد من ده كتييييييييير خلاص دلوقتى اي شاب صايع يطلع يتظاهر

ويضرب ويكسر ويقل ادبه ولو مات يبقى شهيد .... خلاص بعض الشيوخ ادوهم رخصة

ولا حول ولا قوة الا بالله

وانا لله وانا اليه راجعون

دلوقتي القوى السياسية بتتبرأ و الاخوان من اللي حاصل ؟؟؟؟؟؟؟؟؟؟؟؟؟؟؟؟؟؟؟!!!!!!!

ما هو ده حصاد زرعهم بكرة اسرائيل ولا ايران ولا اي بلى ازرق يتأمروا مع شوية عيال صايعة

ويعملوا مظاهرة و الناس تصقف وترقص

اللي محزني غياب القيم و الاخلاق و المبادئ و العادات و التقاليد

سيبك من الادلة الشرعية دلوقتي مش عيب لما يضربوا راجل ظابط مش عيب لما الحريم تقعد مع الرجالة

وتبات بره بيتها.... هو ايه اللي حصل في البد

الى الله المشتكى

وفقنا الله واياكم لما يحب ويرضى

[medo3d]

اللى ضرب مش المتظاهرين دول ناس متسلطين من فلول الحزب الوطنى وتم القبض على رجل الاعمال ابراهيم كامل بعد اعتراف البلطجيه بانه هو اللى محرضهم
ومن شهود عيان ان اللى عمل كده مجموعه جم فجأه ورافضين الرجوع من المسدا ويريدون الاعتصام رغم ان اصلا التظاهرة كان المتفق عليه انها لا يكون فيها اعتصام فهم عبروا عن رايهم وخلاص بالنسبه لتاجيل محاكمة رموز النظام وعلى رأسهم مبارك
وبالفعل الموضوع زاد عن حده يعنى ايه مبارك عايش ومروق فى شرم والجيش بيحميه وهو اصلا اكبر حرامى فى البلد ؟
وشفيق هرب فلوس بره مصر فى الفترة اللى كان فيها رئيس الوزرا وبلاوى بتأكد ان امن الجولة مانحلش وان لسه الحزب الوكنى ليه سطوه وحاجات كتيره
نسأل الله ان يعصمنا من الفتن ما ظهر منها وما بطن

كمان اللى عملوا كده اعتدوا على الدكتور صفوت حجازى بالضرب

الموضوع باين يعنى انهم شوية بلطجية ماجورين

[medo3d]

ده غير ان فى مقاطع تانيه بتبين ان الجيش اعتصم مع المتظاهرين وان الجيش هو اللى ضرب المتظاهرين وفى اتنين ماتوا
ده غير ان مقاطع تانيه بتقول ان اللى عمل كده ناس من الحرس الجمهورى القديم وناس تانيه من فلول الحزب الوطنى

وفى اعتصامات حصلت وقالوا انهم عاوزين يشلوا طنطاوى
شوف الفيديو ده بس فى موسيقى فى الاول والاخر

اللى عاوزين نقوله ان الناس لما قالت نعم للتعديلات معناها بقاء المجلس العسكرى لفترة حتى تنظبم السلطه
ومعنى ان يطلع ناس فى التحرير يقولوا عاوزين نسقط النظام العسكرى ونعمل نظام مدنى يبقى دول عالم تعبانه لانهم بيعاندوا رغبة الشعب اللى بانت فى الاستفتاء
تانى حاجه عاوز اقول اننا مانبالغشى اوى فى حبنا للجيش
الجيش مش اوى يعنى والظباط بتوعه مش زى ماحنا بنسمع كده ماحنا من مصر وعارفين اللى فيها وابسط حاجه ان ظابط الجيش راجل داخل بالرشوة والواسطه يعنى ممكن نتوقع منهم اى حاجه
او ابسط حاجه ان يكون فيهم فاسدين هما كمان وده طبيعى جدا
وعادى جدا ان يكون فى اتفاقات مع حسنى بعدم محاكمته او التستر عليه
يعنى المفروض التصرفات تبقى حكيمه شويه
نشوف هيعملوا ايه مع حسنى انا قريت انهم جابوه القاهرة وهيتحاكم نهاية الاسبوع
لو ماحاكموهوش فى مصر الشعب يحاكمه فى لاهاى ويطبع روحه وساعتها هيبقى شكل القضاء والجيش المصرى زبالة

الله المستعان

[::ابو عادل::]

لو الجيش ضرب نار بجد كانوا كلهم ماتو دول عالم متخلفه

انا شايف ان الجيش المفروض يضربهم بالدبابات العلم المتخلفه دى

[amiralayam]

حبيبي في الله حامل المسك: اوافقك الرأي تماما....بارك الله فيك وبك وجعله في ميزان حسناتك
حبيبي في الله ميدو :وان كنت اوافقك في معظم كلامك ....الا انه اختلف معك في حتة النقد للجيش....لانه لم يتبقي خلف الجيش احد ننقده.....الجيش هو اخر خطوطنا الحمراء الذي يجب عم تجاوزه....بأن ننقده ...خاصة مع كثرة تربص الاعداء وليس عدوا واحدا.....اسرائيل ولا ايران ولا الفاسدين من داخل البلد ولا ولا ولا.....ولا يوجد جيش في الدنيا لايوجد فيه فساد.....اذكر ان جيش نبينا محمد صلي الله عليه وسلم كان فيهم منافقين ويا سبحان الله كانوا يجاهدون مع رسولنا الكريم .... ويصلون معه .....وفي قلوبهم مرض....اذا مفيش جيش بيخلي من امثال هؤلاء
.....وجزاك الله خيرا وبارك فيك وبك....
حبيبي في الله ابو دووله حبيبي :مش لدرجاتي يعني....لو ضربهم بالدبابات القتلي هيبقي بالالاف....وهم في الاخر ابناءنا واخواننا....ولن نرضي موتهم بتلك الطريقة او غيرها علي يد اخواننا من قواتنا المسلحة.....جزاك الله خيرا وبارك الله فيك وبك

[::حامل المسك::]

يا عم ميدو الجيش ده عباره عن مين ؟؟؟؟

ما هو اخويا واخوك وابن عمي وابن عمك والشئ السئ مش هو الاصل

يعني في فساد اه لكن مش هو الاصل

انا نفسي يعملوا لجنة لمحاربة الفساد وتقصي الحقائق في مصر

ويعملوا بنك مخصوص زي السعودية لبرائة الذمة

يعني اللي سرق او استغل اي شئ من ممتلكات الدولة وعايز يبرئ ذمته امام الله

يحط المبلغ في البنك حتى لو شلن مع عدم مسائلته او التعرض له....((حنبقى اغنية ))

الله المستعان

وانت عامل ايه يا عم ميدو

و جزاك الله خيرا اخي امير الايام

وفقنا الله واياكم لما يحب ويرضى

[omarzonex]

هو حصل ايه بالضبط ........

المفروض خلاص أنتهت الثورة وراح كل واحد لحال سبيله وأنتهت المشكلة

اللي بيحصل ده فتنة ثانية مرة ثانية بسبب ايه وليه

اللهم قنا من الفتن

[medo3d]

اه طبعا انا مش مختلف معاكم
بس انا اقصد ان الناس بتبالغ اوى اوى فى الجيش وكأنه مابيغلطشى
بس لو فكرنا هو ليه مبارك لحد دلوقتى ماتحاكمشى ؟
وليه قاعد على قفا البلد يعنى على حسابى وحسابك فى شرم ومروق هناك وعليه حراسه خاصه
والمستشفى اللى دخلها دى على حساب مين ماهو حسابى وحسابك
ده واحد حرامى وحرامى كبيييييييييييييييييييييييييييييييييييييييير جدا
ده كان المفروض يبقى اول واحد يتحاكم

فى حاجه غلط فى الموضوع
فى فساد فى المجلس العسكرى واتفاق انه مايحاكمشى مبارك واسرته او انه يضمن لهم حاجه زى دى لازم يبقى فى تقصى للحقائق
طبعا انا مش مع الاعتصام لكن نبين ليهم ان فى حاجه غلط

بالنسبه بقى للى حصل فى التحرير فالفيديو اللى انت جبته جزء بسيط جدا
وفى فيديوهات تانيه بتبين ان الجيش هو اللى ضرب الناس وبرصاص حى وموت منهم اتنين

استنى بقا لما نشوف ايه القصه

ياريت نقفل الصوت فى الاول والاخر فى موسيقى

[medo3d]

حبيب قلبى ياعم باسم
انا الحمد لله انت اخبارك
انا فاهم والله ياباشا بس مش ملاحظ ان فى مبالغه اوى فى مدح الجيش ؟؟
لازم نفهم ان الفساد لازال موجود فى كل مكان

[medo3d]

هو حصل ايه بالضبط ........

المفروض خلاص أنتهت الثورة وراح كل واحد لحال سبيله وأنتهت المشكلة

اللي بيحصل ده فتنة ثانية مرة ثانية بسبب ايه وليه

اللهم قنا من الفتن

بص ياعم الحاج
الثورة قامت لاهداف
ولا يزال الفساد موجود ولا يزال هناك فساد وفلول من النظام السابق وتاخر فى ايقاع العقوبات عليهم وتاخر فى الاصلاحات
لو سكتنا وقلنا خلاص الثورة خلصت يبقى هنرجع زى الاول تانى عرفت ؟
بس مش معنى كلامى اننا نعمل اعتصام تانى فى التحرير ونوقف الدنيا تانى

وكمان مش معنى كلامى حل المجلس العسكرى لا لان معنى الموافقه على التعديلات الدستورية هو بقاء المجلس العسكرى
ومن حق الجيش انه يعاقب اللى ينادى بكده لان اغلبية الشعب عاوزه كده

[amiralayam]

حبيب قلبي ميدو....خد عندك تلك المفاجات.....
اولا/المجلس العسكري يكشف ان الضباط الجيش اللي كانوا معتصمين مع الصيع الي في التحرير علي النحو الاتي :
اولا عدد منهم مفصولين من القوات المسلحة بعد ارتكبائهم منذ سنوات جرائم عسكرية....ورغم ذلك مازالوا يحتفظون بملابس عسكرية ونزلوا بها في الميدان بالرغم من انهم مفصولين وليس لهم علاقة بالقوات المسلحة....
ثانيا عدد اخر من الضباط مازالوا في الجيش ولكن لهم سوابق وتم محاكمتهم عسكريا في عام 2008 و2009 وذلك (قيام احدهم بأستضافة فتاة ليل في وحدته العسكرية ليلا...واخر علاقة نسائية مع اجنبية تبين انه متزوجها عرفيا وذلك لان العسكري ممنوع من الزواج من الاجنبية علشان الاسرار العسكرية.....وثالث سفرته الدولة ياخد بعثة في امريكا والمفروض يرجع بعد انتهاء البعثة ليخدم بلده ..ولكنه تزوج من امريكية ليحصل علي الجنسية ولم يرجع مصر اي انه هرب...ومن ثم استوجب فصلة وترقب وصوله لمحاكمته وذلك منذ عامين ...فوجئ بوجوده مع المتظاهرين ويلبس الملابس العسكرية بعد عودته ودخوله البلاد الله وحده يعلم متي.....اخيرا وليس اخرا ظباط لهم سوابق محاكمات عسكرية لشربهم مخدرات حشيش وخمرة ...بعد اجراء التحليل لهم وثبت وجود كحول واثار مخدرات في دمائهم...)
طبعا كل تلك المحاكمات والجرائم المذكورة قديمة منذ عامين واكثر وليست في تلك الايام....وتلك هي نوعية الظباط المعتصمين
ثالثا من القوانين العسكرية ليست في مصر فقد وانما في العديد من الدول العالم مثل امريكا وكذلك اوربا ....تمنع الرجل العسكري من ممارسة السياسة او حتي التظاهر او الاعتصام وذلك في القانون العسكري ويمكنك مراجعته...اي انه بمجرد اعتصامهم في الميدان هو في حد ذاته جريمة يعاقب عليها.....
رابعا القوات المسلحة تؤكد ان هؤلاء الظباط المفصولين او اصحاب سوابق وموجودين في الخدمة.....اكبرهم 25 او 26 سنة نقيب....وكلهم صغار الظباط ممن لم يتعدوا 25 سنة.....ويوضح المجلس انها ليست حركة عسكرية (انقلاب مثلا)مطالب فئوية وحقد من القوات المسلحة لمحاكمتهم عسكريا في الجرائم المنسوبة اليهم.....تار بايت
خامسا يؤكد القوات المسلحة انه لم يطلق طلقة واحدة حية....وكل طلقاته فشنك...صوت لتفريق المتظاهرين ....حتي يتسني القبض علي الضباط المعتصميين المفصولين واصحاب سوابق.....وانه احتك بالمدنيين بعدما احتما هؤلاء الضباط المعتصمين والمفصولين بالمتظاهرين وطلبوا منهم الا يدعوا القوات المسلحة يقبض عليهم.....وفي نفس الوقت القبض علي هؤلاء الظباط المفصولين ...قامت عناصر نت البلطجية من اعوان النظام السابق مثل ابراهيم كامل مسلحين بالمولوتوف وبنادق الية ....بالدخول في الزحمة وهم من اطلقوا النار الحي....كما ان المجلس اعلن ان القتلي واحد فقد ونوع الرصاصة التي استخرجت من الجثة ليست من القوات المسلحة....
سادسا يمكنك اخي الكريم مراجعة كل تلك المعلومات من مشاهدة حلقة برنامج اخر كلام علي اون تي في ....وهو البرنامج الذي استضاف اعضاء المجلس وصرحوا بتلك المعلومات....
ولكن حبيبي في الله هل تعلم كم عدد شهداء القوات المسلحة منذ اندلاع الثورة الي الان ؟؟؟ولم يتذكرهم احد حتي بالدعاء....
اما حبيبي في الله بالنسبة لموضوع المدح .....الجيش المصري حمي الثورة....ومش مصدقني انظر الي جيش القذافي وجيش اليمن والان سوريا.....ولو كان متواضئ مع مبارك كان حدث ما لا يحمد عقباه....واترك لخيالك ما كان سيحدث.....
واخيرا اخي ميدو بالنسبة لمبارك...زفالمجلس الاعلي للقوات المسلحة اعلنت انها تلقت عروض من دول الخليج بعدم محاكمة مبارك مقابل اموال....ولا تفاصيل ....ولكن بالله عليك ما معني ان التسجيل الصوتي لمبارك يظهر في قناة العربية (السعودية)....وهل سمعت اليوم عن الوقفة الاحتجاجية اليوم الذي نظمها العشرات المصريين امام السفارة السعودية في مصر لمطالبة السعودية بعدم التدخل في شئون مصر وخاصة مبارك....ثم لا يخفي علي احد صداقة ومحبة ملك السعودية اطال الله عمره لمبارك ....وايضا دول خليج مثل الامارات والكويت...وما بالزيارات الذي قام بها امراء تلك الدول لمبارك للاطمئنان عليه ببعيد....وعرضهم استضافة مبارك عندهم مثل زين العابدين....
اذا ....اذا كان جيشنا بيستهبل ....فأن دول الخليج ايضا بتستهبل.....لانها تريد تهريب مبارك اليها....مع العلم اني عاشق لاهل السعودية اهل ساكن المدينة....صلي الله عليه وسلم ....كما اني احب في الله خادم الحرمين الشريفين اطال الله عمره جزاه الله خيرا وبارك فيه وبه.
واخيرا ......اسف للاطالة.....واحبك واخي حامل المسك في الله....

[medo3d]

تمام ياباشا
كلام جميل
انا اصلا عارف ان المجلس العسكرى قال ان الضباط دول لا ينتمون اليه
وكمان لما سمعتهم بيتكلموا حسيت انهم اصلا مش فاهمين حاجه وبيتكلموا كلام غريب

بس قصة التباطؤ فى محاكمة رموز الفساد يتحملها المجلس العسكرى كاملة
ولا يقلل هذا من مكانته ومن وقوفه بجانب الثورة
ياريت ياعم الحاج ماتفرعشى الامور وتحسس الناس انى مابحبش الجيش
انا فقط بقول بلاش المبالغة فكل يوجد فيه فساد

قصة التدخل الخارجى لعدم محاكمة مبارك حتى لو كانت صحيحه فيتحمل وزرها ايضا المجلس العسكرى
هذه شئون مصر الداخلية وليس لاحد التحكم فيها
رغم نفى سفير السعودية فى القاهرة تلك التصريحات
احبك الذى احببتنى فيه

[amiralayam]

تمام ياباشا
كلام جميل
انا اصلا عارف ان المجلس العسكرى قال ان الضباط دول لا ينتمون اليه
وكمان لما سمعتهم بيتكلموا حسيت انهم اصلا مش فاهمين حاجه وبيتكلموا كلام غريب

بس قصة التباطؤ فى محاكمة رموز الفساد يتحملها المجلس العسكرى كاملة
ولا يقلل هذا من مكانته ومن وقوفه بجانب الثورة
ياريت ياعم الحاج ماتفرعشى الامور وتحسس الناس انى مابحبش الجيش
انا فقط بقول بلاش المبالغة فكل يوجد فيه فساد

قصة التدخل الخارجى لعدم محاكمة مبارك حتى لو كانت صحيحه فيتحمل وزرها ايضا المجلس العسكرى
هذه شئون مصر الداخلية وليس لاحد التحكم فيها
رغم نفى سفير السعودية فى القاهرة تلك التصريحات
احبك الذى احببتنى فيه

لا ابدا اخي ميدو....انا لا افرع الامور....كما انني اعلم يقينا انك وطني ومحب لقواتنا المسلحة ....بدليل انك منذ وقت قريب كنت حاطط في معلومات اللي تحت صورة نيمو...المنطقة :خير اجناد الارض....قبل ان تكتشف انه حديث ضعيف....شفت بقي متابعك ازاي...ابتسامة....
وياسيدي....خلينا نبالغ في حب قواتنا المسلحة....وندلعهم كمان....علي الاقل نخوف اسرائيل ان الشعب موقعش مع الجيش ....وان الشعب والجيش سمن علي عسل....
اما قصة التدخل الخارجي فأنا ويمكن كل من يريد محاكمة مبارك متأكد منها.....ومنها العشرات اللي تظاهروا امام السفارة اليوم.....ولا يجب ان يعادي الجيش دول الخليج بسبب شخص وهو مبارك....الله يسامحه بقي....حالف ليوقع البلد مع كله ......ويقولك مصلحة الوطن فوق كل اعتبار....اما النفي السفير فهذا طبيعي....بارك الله فيك وجزاك الله خيرا اخي ميدو....

[نور العمر]

الجزيرة مباشر تتحدث الان ...