عندى سؤال حد عنده اجابه

[Gmmax]

بسم الله
السلام عليكم

كان عندى يا جماعه سؤال فى الكركتر انيماشن بالظبط فى الفوت استبس البيبد عندى الحمد لله بيمشى ولكن اما برجع عليه المش بتاعى او يعنى المودل بتاعى بعد ما كنت عملاله هيد مخبياه المودل بتاعى عند المشى بيتقطع بيبوظ خالص بيبقى كل جزء فى ناحيهواول ما اخرج من الفوت استبس مود بيرجع المودل طبيعى واما بدوس بلى مبيمشيش خالص
ممكن حد يقولى العلاج اه عشان امشى الودل على البيبد عادى؟

[rekapidesign]

ممكن تمشي معايا واحده واحده علشان اقدر اساعدك
اللي انا فهمتو من البداية انك عامله للموديل هيد (اخفاء) و بعدين بتحركي البايبد علي الفوت ستيبس بيتحرك ولما تحطي عليه الموديل بتلاقي ان الموديل باظ خالص وكل حتة بتروح في حتة طيب
انت عملتي ريجينج للموديل علي البايبد ؟؟؟؟

[rekapidesign]

ممكن توضحي المشكلة باستفاضة شوية علشان انا مش فاهم المشكلة بتاعتك قوي

[Gmmax]

بسم الله
السلام عليكم

اولآ شكرآ جيدآ على الرد ومحاولة المساعده

مشكلتى

انا لسه اول مره اعمل انيماشن فانا بتبع خطوات التوتريل خطوه بخطوه
انا ببنى المودل بتاعى ثم اعمل البايبد يعنى نفس المقاييس او بدخله جوه المودل ووسطنه ثم اعمل موديفاى الفيزكس واعمل اينفيلوب للفرتكس كلها يعنى اطمن ان المودل بقى كله داخل تاثير الفيزكس وبعد كده هيه مشكلتى
بدخل على قائمة موشن وبعمل الفوت استبس مود حسب ده كله خطوات التوتريل بس قبل ما اضيف الفوت استبس اصلآ بعمل هيد للمودل بخبيه عشان يبقى حركتى احسن واخف وانا بظبط المشيه او يعنى الفوت اسبس

[Gmmax]

بسم الله
السلام عليكم

التكمله

وبعد كده بعمل الفوت استبس واحددها عادى وفعلآ الحمد لله اشتغلت معايا وعملت وخلصت ودست بلى ومشى البيبد اخر تمام بس اخر خطوه فى التوتريل هو انى ابدل ارجع المودل من الهيد واعمل للبيبد هيد وادوس بلى برده وعملت كده فعلآ

وهنا المشكله فانا عندما رجعت المودل واخذ وضع السير الى البايبد بياخذواه اتقطع وباظ واول ما بلغى الفوت استبس مود بيرجع المودل لطبيعته ومبيستجبش لاى مشى يعنى اما بدوس بلى مبيمشيش ولا بيعمل اى تاثير مع ان الفوت استبس ظاهره تحت المودل امامى فى الشاشه

[Gmmax]

بسم الله
السلام عليكم

وممكن اسال كمان اه هو الريجينج الحقيقه انا لسه مبتداه ومش عرفه انا شرحت كل الخطوات الى قمت بيها زى ما التوتريل ما قال بس النتيجه اختلفت

فممكن تقولى ازاى امشى المودل بفوت استبس عادى ؟

وشكرآ

[مجنون rigging]

في الحقيقة انا ل افهم اي شيئ من كلامك حالو ان تكتب بالعربية حتى نفهم كلنا مذا تقصد

منما فهمت المشكلة في السكسينينج اي عملية الربط عليك ان تتاكد من ان الربط جيد قبل الفوت ستابس اي تقوم بتحريك البايبد رجله مثلا وتلاحض اماكن التشوهات لتقوم باصلاحها وجرب موديفاير السكين ربما يكون افضل من الفيزيكس

[shady sobhy]

أختي أتفضلي دروس بالعربي
بإذن الله تفيدك وهي جدا رائعة

من هنا
بإذن الله تلاقي فيهم اللي انتي عايزاه

وايضا دروس السدير يس
من هنا

ارجو ذكر اسم الدرس اللي بيتم عليه التطبيق للفائدة
وجزاك الله خيرا مقدما
تحياتي
shady sobhy

[Gmmax]

بسم الله
السلام عليكم

شكرآ لكل الناس الى رده
بعتزر لعدم كتابتى باللغه العربيه
لاخى مجنون rigging فانا مجربتش قبل كده السفس كموديفاى بس ان شاء الله اجربه
ولاخىSHADY SOBHY شكرآ على الدورات وجزاكم الله خيرآ انا لسه مجربتهاش بس ان شاء الله استفيد

[shady sobhy]

لا شكر على واجب
ولكن أين أسم الدرس اللي بطبقي منه
أسف للغة العامية

[rekapidesign]

ايه ده احنا هنهرج ولا ايه ...ايه يا عم شادي اقوم اروح انا بقي ولا ايه
ايه مجنون ريجينج هو انا اغيب شوية الاقيكم لهفتو الزبون اقصدي السائلة مش تحترمو غيبتي وتقولولها استني الجدع لما يرجع ولا انتو تساعدو الناس وتاخدو ثواب كده وتجرو
هههههههههههههههههههههههههههههههههههههههههه
ربنا يخليكو يا رجاله عيشتو دائما للمنابر وبارك الله فيكم وجزاكم الله خيرا
ويارب الاخت السائلة تكون وجدت اجابه عن اسئلتها

[shady sobhy]

ايه ده احنا هنهرج ولا ايه ...ايه يا عم شادي اقوم اروح انا بقي ولا ايه
ايه مجنون ريجينج هو انا اغيب شوية الاقيكم لهفتو الزبون اقصدي السائلة مش تحترمو غيبتي وتقولولها استني الجدع لما يرجع ولا انتو تساعدو الناس وتاخدو ثواب كده وتجرو
هههههههههههههههههههههههههههههههههههههههههه
ربنا يخليكو يا رجاله عيشتو دائما للمنابر وبارك الله فيكم وجزاكم الله خيرا
ويارب الاخت السائلة تكون وجدت اجابه عن اسئلتها

هههههههههههه

ياباشا احنا نيجي جنبك فين

[Gmmax]

بسم الله
السلام عليكم

يعنى مش حقول اكتر من جزاكم الله خيرآ اخره قبل الدنيا
اخى Shady Sobhy انا بطبق من التوتريل ماكس 8 فى درس الكركتر انيماشن فى اخر درس الفوت استبس انيماشن لا اعرف ان كان هذا قصدك ام لا ( ولكن أين أسم الدرس اللي بطبقي منه ) وافتكر انى طبقته بالملى ولكن لاعرف النتيجه باظت ليه
والدورات جميله ما شاء الله

وشكرآ تانى ويا ريتسمحولى اسال اذا وقف تانى حاجه قدامى

[rekapidesign]

اختي العزيزة اسالي زي ما انتي عاوزة احنا هنا في المنابر بنساعد بعض و نعلم بعض وهتلاقي اكتر الدروس اللي موجودة علي الموقع من اعداد الاعضاء يعني اللي عندو معلومه جديدة بيقدمها للجميع شوفي وهبة كتاب الاستاذ سدير حفظه الله قد ايه هتلاقي كاتب لوجه الله كلنا في المنابر نتعامل من هذا الباب اللي عنده علم يقدمه لاخوانه