بصراحه انا مش شايف لازمه للقصه دى غير الاستهزااااااء ....وشكرا
مش فاهم إيه الاستهزاء فيها ... ؟؟؟ معلش سامحني ... أصلي بلاقي الناس بتضحك للركب لما عادل إمام يقلد واحد ملتحي بدعوى "معالجة أمراض المجتمع" وينفوا عنه تهمة الاستهزاء , وانت بتقول إن لما الشيخ بيحكي قصة حقيقية تبين مشكلة معاصرة فهو بيستهزأ ... فعايز أفهم وجهة نظرك بس ...
بصراحه انا مش شايف لازمه للقصه دى غير الاستهزااااااء ....وشكرا
أعتقد لو الدرس بدون أمثلة حيّة من الواقع الناس مش هتفهم الشيخ بيتكلّم عن إيه لإن اللي قدام الشيخ مش كلّهم طلبة أزهر أو جامعة الإمام محمد بن سعود، كل بشر وله تفكيره فلازم كلامك يكون مفهوم لأدنى مستوى تفكير، يعني مثلاً ما ينفعش آجي لطالب في ابتدائي، واشرحله آلية عمل المفاعل النووي، والمعادلات اللي بتتم جوه المفاعل، أظن أقل ما فيها هيسيبني ويمشي، مثل تاني منعاً لفزلكة الأمور، لو انت لسه ما بتعرفش تقرأ وتكتب ما ينفعش أقولك تكتب موضوع تعبير صح ؟؟ وبعدين حتّة الفهم الصحيح للدين خلّت اللي يسوى واللي ما يسواش يتكلّموا في الدين إذا انت مستهين بالقصة دلوقت، هتفهم مغزاها قدّام، بسبب الفهم الخاطئ للدين في آلاف ماتت، بسبب الفهم الخاطئ للدين أهل الخير معتقلين بدون سبب واحد واضح، بسبب الفهم الخاطئ للدين طلع أجيال متعصبة للرأي بتفصل الدين على هواها، بسبب الفهم الخاطئ للدين طلع تجّار بالدّين، بسبب الفهم الخاطئ للدّين عمرنا ما هننفع وكفاية كده أظن، ولو عايز أمثلة للفهم الخاطئ للدين -بدون استهزاء على رأيك - أنا مستعد بس مش هتفهم منها ولا كلمة، وأعذرني في كلمة مش هتفهم دي لإن ناس متخصصة وما عرفتش تفهمها
تعليق