قصة صغيرة لواحد حاول يسرق شغلى

[::ابو عادل::]

الكلام ده من 4 سنين تقريبا

كنت مره رايح اصلح جهاز كمبيوتر لواحد صاحبي المهم لقيت هناك واحد بيصلحه فقلت المصلحه واحده نشرب الشاي ونمشي المهم صاحبي كان هيعرفنا ببعض لولا ان فيه تيليفون جاله فى اللحظه الى هيعرفنا فيها على بعض (انظر الى القدر) المهم اخذت انا الميكرفون وقعت اتعرف على الراجل وقلتله ممكن تعرفنا بنفسك يباشا بما انه مشغول

قالى :انا فلان صاحب الشركة الفلانية للدعاية والاعلان
قلتله :ياه ده شرف كبير ليا انا بموت في الجرفيك وان بشوف ان المستقبل هيلاحظ تطور كبير فية

قالى :فعلا بسبب سهولة البرامج بتاعته
قلتله :جايز يباشا بالنسبالك سهل اما بالنسبه لواحد زيي مش سهل ابدا

قالى : مين قال الكلام دا الفوتوشوب مثلا برنامج بسيط خالص واسهل من الوورد واي حد دلوقت ممكن يتعلمه فى يومين اثنين بس
قلتله : ياه دا انا بتعلمه بقالى 3 شهور ولسه فيه ضعيف ومعرفتوش كله وشكلي مش هعرفه كله

قالي : تسمع عن برنامج اسمه فلاش ده مثلا برنامج بسيط جدا وتقدر تبدأ فيه اسهل من الفوتوشوب انا خلصته فى يوم
قلت فى نفسي انا وقعت على عالم وفرصه لن تقدر بثمن وقلتله : طيب ممكن تورينا حاجه عاملها بالفلاش

قالى : اتفرج وشغل فلاشه انا كنت عاملها لواحد شغال فى اعمال المطابخ بالخشب والالموتال
طبعا انا صعقت بس لسوء حظه انوا انا كنت عامل فى الفلاشه دى بالذات حاجه كنت كاتب اسمى في قائمة هيلب ببرنامج الى بيعرب البرامج
بس ما اظهرتش حاجه ليه وقلت انا هخليه ميفكرش يعمل الحركة دى تانى مدا حياته
قلتله :ممكن الموس لو سمحت واخذت منه الموس وقلتله الله فلاشه خرافه عملتها ازاي دى يباشا دي رائعه

قالى :انا عملتها في ساعه (والغريبة انى عملتها فى 3 ايام على فكرة )
فبتسمت وقلتله : واضح انى هتعلم منك كتير بس انتا عملت الحركة دى ازاي

قالي : كلام اقدر اشبهولك بالكلام التالى (تجيب البطيخه وتغسلها كويس وتعصر عليها لمونه وتحط عليها مخلل وتحطها فى الفرن وكده يعنى )
قلتله : طب الحركة دى ازاي

قالى : دى بقا اسهل وقالى بردوا حجات غريبه ملاهش علاقه بالفلاش اصلا (حجات فى الويندوز )

قلت فى نفسى دلوقت جه الوقت الى اذبحك فيه بسكينتك ومن حظة السيء ان صاحبي خلص التليفون وجه يتفرج علينا وقال انتوا لحقتوا تتصاحبوا قوام

فروحت على هيلب وفتحتها فظهر اسمى
وقلتله :ايه ده مين هيثم عبد الله ده
تخيل قالي ايه ؟؟
قالى : ده واحد صاحبي قعد يترجانى انى احط اسمه فكتبتهولوا

فطلعت البطاقة الشخصية بتعتى وقلتله انا هيثم عبد الله ولوا حبيت تتعلم الفوتوشوب او الفلاش في يوم من الايام انا ممكن افيدك كتييير اوي بإذن الله بس انا مبسوط انك سرقت الفلاشه بتعتى لانك كده بتقولى انها حلوه .
قالي طيب انا استئذن بقا ومشي
مش عاوز اقلكم انوا انا والراجل ده بنتقابل صدفه في الشارع اكثر من مره في الشهر ولما يشوفنى يقوم مدور وشوه ويمشي في الشارع التانى

واضح انو حظه وحش معايا

[نور العمر]

ههههههههههههههههههههههههههههههههههههههههه
موقف يهلك من الضحك...

[aktoom]

سبحان الله

هل هذا الكلام في مصر ؟! التي عدد سكانها 70 مليون

يقول المثل : جبل على جبل ما بيلتقوا ، وبني آدم على بني آدم بيلتفوا .

[arch.khader]

هههههههههههههههههههههههههههه
ولا في الافلام

(تجيب البطيخه وتغسلها كويس وتعصر عليها لمونه وتحط عليها مخلل وتحطها فى الفرن وكده يعنى )

هههههههههههه حلوة هاي الطريقة

مع اني الي 5 سنين بأستعمل الفلاش (بإحتراف) بس ما عمري سمعت بهاي الطريقة
هادا الراجل عندو معلومات قيمة

هههههههههههههههههههههههههههه

[arch.khader]

سبحان الله

هل هذا الكلام في مصر ؟! التي عدد سكانها 70 مليون

يقول المثل : جبل على جبل ما بيلتقوا ، وبني آدم على بني آدم بيلتفوا .

واضح انو حظه وحش معايا

بالفعل وحش

[::ابو عادل::]

مش عرف ازاي 70 مليون اذا كان القرية الى انا اتولدت فيها عدد السكان فيها يعدى ال 2 مليون

[medo3d]

موقف جامد
كنت المفروض تخليه يشوفلك شغلانه فى الشركه بتاعته

سبحان الله

هل هذا الكلام في مصر ؟! التي عدد سكانها 70 مليون

يقول المثل : جبل على جبل ما بيلتقوا ، وبني آدم على بني آدم بيلتفوا .

70 مليون ايه بس ياعمى
احنا الحين اكتر من 95 مليون
داخلين على 100 مليون ان ما كناش دخلنا اساسا

والدنيا ضيقه

[arch.khader]

اللهم زيد وبارك

[إبن يس]

هههههههههههههههههههههههههههههه


برنس

[banned]

موقف لن ينساه بحياته وانت ماشاء الله ماقصرت معاه اعطيته اكثر من ما يستحق
هذا بايظل حاقد عليك طوال حياته وخاصة ان صاحبك كان جمبه
انا لو كنت مثله كان حطيت وجهي بالتراب ...

[seghier]

مضحك فعلا

[::حامل المسك::]

السلام عليكم

شخصية ابو لمعة الاصلي

النماذج دي منها كتييييييييير قوي في مصر

انا من خلال تجربتي مع الناس دي ما بيتعلموش كل اللي استفاده انه تاني مره قبل ما يدلس يتأكد من الهلب

مادام لسه بيتهرب منك يبقي لسه مستمر اعرف انه اتغير لو قابلك كويس وشكرك

فكرتني بواحد برضة خيالة واسع وبيقول انه مره كان مسافر اليابان وهو في الطيارة بص من الشباك شاف تنين

فقام فاتح ازاز الطيارة وراح مطبطب عليه وكلمه بلغة الياكوزا فالتنين راح ماشي.....

وكتير من الخيالات من شخصيات متنوعة

السؤال ازاي الناس دول مستحملين نفسهم وحياتهم اللي كلها زيف و غش...؟؟؟

على ما اعتقد ان معظمهم بيكونوا عندهم مرض نفسي

الحمد الله على نعمة الصدق

[نور العمر]

فكرتني بواحد برضة خيالة واسع وبيقول انه مره كان مسافر اليابان وهو في الطيارة بص من الشباك شاف تنين

فقام فاتح ازاز الطيارة وراح مطبطب عليه وكلمه بلغة الياكوزا فالتنين راح ماشي.....

ههههههههههههههههههههههه واسعه أوى أوى أوى

[DreamPaint]

rقشطة عليك يامعلم ..
أهو كويس انك عرفته .. معفن من معفنين كتار أوي ..
صحيح عندك نصيحة حلوة تعرفني حاجة من أعمالي اتسرقت .. ولو انها مش قد المقام برضوا .. هههههههههه

[فلاشي 8]

يستاهل أكثر من كذا !