يا جماعة هل فى جامعة فى مصر تهتم بالجرافيك ؟؟

[دربكة 99]

بسم الله الرحمن الرحيم
السلام عليكم و رحمة الله وبركاته

يا اخوانى هل من لديه اجابة على سؤالى

هل فى جامعة فى مصر بها كليه تهتم بالجرافيك
مع العلم انى ث.ع ادبى

و بعشق الجرافيك و المونتاج و 3d و التصميم
بس للأسف مش عرف ادخل جامعة ايه

ناس تقولى اعلام قسم جرافيك
و ناس تانية تثولى مفيش جامعات فى مصر بها اقسام جرافيك
!!!!!!

سؤال تانى هل فى كلية فى مصر تهتم بلغات البرمجة
وتصميم صفخات ويب و كدة ؟؟؟

ارجوكم يا جماعة اللى دخل و قرا الموضوع ميبخلش عليا بالرد مش هياخد من وقته اكتر من 5 ثوانى !!

و انا عارف مدى ترابط الاعضاء هنا و حبهم مساعدة الاخرين
و لكم جزيل الشكر

متــــــــــــــــــــــــــــــــــــــــــــــــــــــــــــابـع

[إبن يس]

ناس تقولى اعلام قسم جرافيك
و ناس تانية تثولى مفيش جامعات فى مصر بها اقسام جرافيك
!!!!!!

سؤال تانى هل فى كلية فى مصر تهتم بلغات البرمجة
وتصميم صفخات ويب و كدة ؟؟؟

مجال الإعلام قريب من هذه المجالات

طبعا لو هتتخصص فى الجرافك يبقى كلية فنون جميلة هى أفضل أختيار

برمجة و يب و كده يبقى كلية حاسبات و معلومات و ديه مش ليك عشان أنت أدبى

[M-Keshta]

اعتقد مفيش ولو فى هتكون فاشله
نصيحه لو تقدر تسافر تدرس برا يكون افضل

[N.nabil]

اعتقد مفيش ولو فى هتكون فاشله
نصيحه لو تقدر تسافر تدرس برا يكون افضل

انا مع الرأي ده جدا ..

لو عايز تدرس الجرافيك ممكن تدخل دورات في شركات مشهوره او تتدرب في شركات وتتابع تقنية الشغل .. لكن تقريبا لا امل من الجامعات هنا .. ولو تسافر بره افضل فعلا ليك

[إبن يس]

اعتقد مفيش ولو فى هتكون فاشله
نصيحه لو تقدر تسافر تدرس برا يكون افضل

ده فى حالة إنه يكون مخلص كلية .
هو ماذكرش إذا كان هيدخل كلية و هو لسه فى ثانوية عامة و لا هو مخلص كلية أصلا ؟
لو مخلص يبقى يقعد و يعافر على الإنترنت زى ما الناس بتعمل فى المنابر هنا ..

[دربكة 99]

ده فى حالة إنه يكون مخلص كلية .
هو ماذكرش إذا كان هيدخل كلية و هو لسه فى ثانوية عامة و لا هو مخلص كلية أصلا ؟
لو مخلص يبقى يقعد و يعافر على الإنترنت زى ما الناس بتعمل فى المنابر هنا ..

المشكلة مش انى عايز اتعلم جرافيك انا الحمد لله وصلت لمستوى جميل اوى ده طبعا بفضل الانترنت و المنابر
بس عايز حاجة تخلينى لما اتخرج الاقى فرصة عمل فى مجال الجرافيك
* لو ممكن حد يدلنى هو اللى بيشتغلوا فى مجال المونتاج فى السينيما بيكونوا خرجيين ايه ؟؟


و للعلم انا عايز ادخل كلية تهتم بمجال الانميشن و الجرافيك
عشان تبقى هوايتى هى دراستى و عملى بعد التخرج ان شاء الله

و ما هو القسم المتخصص فى مجال الجرافيك فى فنون جميلة و يترى ليه فرص عمل
متـــــابع

[A.W.W]

أخى العزيز..

لا أعرف الكثير عن أقسام كلية الإعلام..
ولكنى كنت أدرس بكلية الفنون الجميلة, وفيها قسم تصميم, ولكنة غير مختص بتصميم الجرافيك بالذات, ولا يستخدمون الكمبيوتر فى التصميم, وإنما أسس التصميم بشكل عام, على الرغم من أن هذا القسم يعرف غالباً بين الطلاب بقسم (الجرافيك), فمن يسمع عن قسم بهذا الإسم فى كلية الفنون لا ينخدع بة... على الأقل فى جامعة الإسكندرية حيث كنت..
ولكن على أية حال فإن دراسة التصميم سوف تفيدك جداً

والدراسة بالكلية خمس سنوات وبها أقسام:
1- ديكور ( وهو يدرس الديكور الداخلى والخارجى), وأنا غير متأكد إن كان يقبل أدبى أم لا.
2- وقسم عمارة (وهو بالضبط كقسم عمارة فى كليات الهندسة إن لم يكن أفضل, حتى إن خريجى هذا القسم بالذات يمكنهم الإلتحاق بنقابة المهندسين دون غيرهم) وهو يقبل علمى فقط.
3- قسم فنون عام, وهو يقبل العلمى والأدبى, وتدرس فية الرسم والتصوير(الرسم بالألوان) والتصميم و""النحت"", كلهم لمدة عام, كفكرة عامة, ثم من بداية العام التالى يمكنك التخصص فى قسم واحد منهم
جدير بالذكر أن من يرغب فى الإلتحاق بها من طلبة الثانوية العامة يجب عليهم إجتياز إختبار القدرات فى الرسم (بالنسبة للقسم العام وربما ديكولر أيضاً), أو إجتياز إختبار القدرات فى العمارة (لمن يرغب بقسم عمارة),
والعجيب أن هذا الإختبار يكون خلال إمتحانات الثانوية العامة, أى يقوم طلاب الثانوية العامة بتأديتة إختيارياً فى لجان الثانوية العامة!!, ويصحح من مدرسى الثانوية!!, وليس من أساتذة الكلية, (ولهذا لا أعرف موقف الطلاب الوافدين مثلك من هذا!!) والنجاح فية بدون درجات, وإنما لائق - أو غير لائق.
ولا أدرى لم لا يتم الإختبار بمعرفة الكلية, مثل كلية الفنون التطبيقية, وربما يكون هذا من أسباب وجود عدد كثير من الطلبة غير الموهوبين بالكلية, فكونك خريج فنون جميلة الآن ليس معناه أنك موهوب.

أما بالنسبة لفرص العمل, فنادراً ما يشترط صاحب العمل خريج فنون جميلة أو فنون تطبيقية, والخبرة هى المهمة.

وعلى أية حال عزيزى , لا أريد إحباطك, ولكنى لا أنصحك بهذة الكلية, وخاصة قسم الفنون العام لأنك سوف تضطر لرسم أشخاص ونحت تماثيل, بخلاف ما يسود هذة الكلية بالذات من جو غير مشجع على الإلتزام.

[medo3d]

علشان كليه تأهلك للعمل ده ياإما فنون جميله والاحسن طبعا فنون تطبيقيه لان فيها قسم جرافيك بس دى لعلمى رياضه بس انت شوف فنون جميله بس الدراسه فيها غاليه وبعدين هتتعرض فيها لفتن كتسره ومعاصى فى دينك خليك مثلا فى اى كليه ليها علاقه بالحاسب وعى برده تؤهلك وفى النهايه العمليه بكفائتك مش أوى بمؤهلك

[دربكة 99]

أخى العزيز..

لا أعرف الكثير عن أقسام كلية الإعلام..
ولكنى كنت أدرس بكلية الفنون الجميلة, وفيها قسم تصميم, ولكنة غير مختص بتصميم الجرافيك بالذات, ولا يستخدمون الكمبيوتر فى التصميم, وإنما أسس التصميم بشكل عام, على الرغم من أن هذا القسم يعرف غالباً بين الطلاب بقسم (الجرافيك), فمن يسمع عن قسم بهذا الإسم فى كلية الفنون لا ينخدع بة... على الأقل فى جامعة الإسكندرية حيث كنت..
ولكن على أية حال فإن دراسة التصميم سوف تفيدك جداً

والدراسة بالكلية خمس سنوات وبها أقسام:
1- ديكور ( وهو يدرس الديكور الداخلى والخارجى), وأنا غير متأكد إن كان يقبل أدبى أم لا.
2- وقسم عمارة (وهو بالضبط كقسم عمارة فى كليات الهندسة إن لم يكن أفضل, حتى إن خريجى هذا القسم بالذات يمكنهم الإلتحاق بنقابة المهندسين دون غيرهم) وهو يقبل علمى فقط.
3- قسم فنون عام, وهو يقبل العلمى والأدبى, وتدرس فية الرسم والتصوير(الرسم بالألوان) والتصميم و""النحت"", كلهم لمدة عام, كفكرة عامة, ثم من بداية العام التالى يمكنك التخصص فى قسم واحد منهم
جدير بالذكر أن من يرغب فى الإلتحاق بها من طلبة الثانوية العامة يجب عليهم إجتياز إختبار القدرات فى الرسم (بالنسبة للقسم العام وربما ديكولر أيضاً), أو إجتياز إختبار القدرات فى العمارة (لمن يرغب بقسم عمارة),
والعجيب أن هذا الإختبار يكون خلال إمتحانات الثانوية العامة, أى يقوم طلاب الثانوية العامة بتأديتة إختيارياً فى لجان الثانوية العامة!!, ويصحح من مدرسى الثانوية!!, وليس من أساتذة الكلية, (ولهذا لا أعرف موقف الطلاب الوافدين مثلك من هذا!!) والنجاح فية بدون درجات, وإنما لائق - أو غير لائق.
ولا أدرى لم لا يتم الإختبار بمعرفة الكلية, مثل كلية الفنون التطبيقية, وربما يكون هذا من أسباب وجود عدد كثير من الطلبة غير الموهوبين بالكلية, فكونك خريج فنون جميلة الآن ليس معناه أنك موهوب.

أما بالنسبة لفرص العمل, فنادراً ما يشترط صاحب العمل خريج فنون جميلة أو فنون تطبيقية, والخبرة هى المهمة.

وعلى أية حال عزيزى , لا أريد إحباطك, ولكنى لا أنصحك بهذة الكلية, وخاصة قسم الفنون العام لأنك سوف تضطر لرسم أشخاص ونحت تماثيل, بخلاف ما يسود هذة الكلية بالذات من جو غير مشجع على الإلتزام.

اولا الف شكر ليك على الرد التفصيلى الجميل ده
طب كدةخلاص اشوف تجارة او اداب وخلاص
!!؟؟!!
والله يا A.W.W
هو ده سبب تخلف العرب عن الاجانب و خصوصا فى مجال الجرافيك والمؤثرات السينيمائية ...

للأسف فى مصر بندفن المواهب و كل اللى كان بيفكر انه يعمل حاجة لبلده فى المجال ده مش بيعرف و كالعادة اتعودنا انى اللى يخلص ثانوى يدخل تجارة او اداب او تربية ههههه
بس بإذن الله انا مش هيأس و هدور حتى لو معهد مش جامعة
و الف الف الف الف شكر ليك على المشاركة المتميزة و لو اكتشفت اى جديد بلغنى علطول
متــــــــــــــــــــــابع

[دربكة 99]

وبعدين هتتعرض فيها لفتن كتسره ومعاصى فى دينك خليك مثلا فى اى كليه ليها علاقه بالحاسب وعى برده تؤهلك وفى النهايه العمليه بكفائتك مش أوى بمؤهلك

ههههههههههههههه
زى فيلم بالالوان الطبيعية

شكرا اخى العزيز على المشاركة الايجابية و عندك حق كلوا يهون الا المعاصى

[دربكة 99]

يعنى خلاص محدش عنده حل ولا خلاص
فين الاعضاء

[أحمد عابد]

ماذا تريد ان تتعلم فى الجرافيك يا اخ دربكة 99 ؟؟
قد يكون مجهودك الشخصى هو الفيصل.

[دربكة 99]

ماذا تريد ان تتعلم فى الجرافيك يا اخ دربكة 99 ؟؟
قد يكون مجهودك الشخصى هو الفيصل.

اخى الكريم انا بحمد الله تعلمت معظم برامج الجرافيك باثتسناء المايا و السينيما فور دى

و لكن سؤالى عن جامعة جرافيك ليس الغرض منه بداية التعليم و لكن تنمية المواهب و الارتفاع بكفائة و مستوى الدارس للحد الاقصى ذى اللى بيحب الرسم و عايز ينميه و يعرف اكتر بيدخل فنون جميلة , طب اللى بيحب الجرافيك و الانميشن و المونتاج و كدت يدخل ايه

و انا عارف ان ده ممكن يتم من خلال النت او الكورسات
لكنى عايز الجامعة تكون تخصص ذلك لانى ببساطة لو خد كورسات اثناء دراسة الجامعة هتكون سبب انشغالى عن المذاكرة ,, اما اذا كانت الجامعة هى منبع الكورسات و الجرافيك مش هنشغل بالعكس هتكون مذاكرتى هى هوايتى فى نفس الوقت ثم عملى باذن الله
و الاكتر من كدة ضمان فرص عمل عديدة
و السؤال الذى يطرح نفسه هنا هل يوجد مثل هذه الجامعات
و اخيرا اتمنى يكون قصدى وااضح منتظر الرد

[N.nabil]

يا اخ دربكه الجرافيك مش بعدد البرامج ممكن واحد يقولك انا شغال على 20 برنامج وفي الاخر يطلع فاهمله في كل برنامج حاجتين وخلاص شكرا !

انت كل اللي محتاجه تتعلم برنامج 3d سواء سينما او مايا او ماكس او مودو او غيرهم .. وبرنامج 2D تعمل بيه سكتشات لاعمالك او اعمال خفيفه .. وطبعا الفوتوشوب هو اللي مفضل في المجال ده .. ولو عايز تاخد الامر بروفشنال شويه اتعلم برنامج كمبوزشن زي الافتر افكت او الفيوجن

عموما مش هتحتاج اكتر من 3 او 4 برامج بالكتير .. عشان اولا ما تشتتش نفسك وتفكيرك وتحفظ حاجات هايفه في برامج ممكن ماتكونش في حاجه لها

بالنسبه لنقطه انك كويس في الجرافيك وعايز تعرف كليه متخصصه فللاسف انا مش هقدر اقولك حاجه غير فنون جميله . بالرغم من كده هما مش متخصصين واحتمال انت تكون بمستواك افضل من اللي هناك .. للاسف المجال ده يعتبر جديد في مصر بالنسبه لوزارة التعليم العالي .. بالرغم من ان بعض برامج الجرافيك بقالها في جامعات اوروبا وامريكا اكتر من 12 سنه !

فلو عايز افضل حاجه بالنسبه لك شوف دروس وديفيديهات من النت وطور نفسك بنفسك ..

او انك تروح على شركات منتخصصه زي Animatics او aroma او cube لو انت مستواك حلو اكيد ان شاء الله هيقبلوك junior وهتتعلم اهم التقنيات في السوق المصري

بس الاهم .. ممكن تورينا بعض اعمالك عشان على الاقل نقدر نحكم ايه اللي هيفيدك اكتر ؟

[دربكة 99]

يا اخ دربكه الجرافيك مش بعدد البرامج ممكن واحد يقولك انا شغال على 20 برنامج وفي الاخر يطلع فاهمله في كل برنامج حاجتين وخلاص شكرا !

انت كل اللي محتاجه تتعلم برنامج 3d سواء سينما او مايا او ماكس او مودو او غيرهم .. وبرنامج 2D تعمل بيه سكتشات لاعمالك او اعمال خفيفه .. وطبعا الفوتوشوب هو اللي مفضل في المجال ده .. ولو عايز تاخد الامر بروفشنال شويه اتعلم برنامج كمبوزشن زي الافتر افكت او الفيوجن

عموما مش هتحتاج اكتر من 3 او 4 برامج بالكتير .. عشان اولا ما تشتتش نفسك وتفكيرك وتحفظ حاجات هايفه في برامج ممكن ماتكونش في حاجه لها

بالنسبه لنقطه انك كويس في الجرافيك وعايز تعرف كليه متخصصه فللاسف انا مش هقدر اقولك حاجه غير فنون جميله . بالرغم من كده هما مش متخصصين واحتمال انت تكون بمستواك افضل من اللي هناك .. للاسف المجال ده يعتبر جديد في مصر بالنسبه لوزارة التعليم العالي .. بالرغم من ان بعض برامج الجرافيك بقالها في جامعات اوروبا وامريكا اكتر من 12 سنه !

فلو عايز افضل حاجه بالنسبه لك شوف دروس وديفيديهات من النت وطور نفسك بنفسك ..

او انك تروح على شركات منتخصصه زي Animatics او aroma او cube لو انت مستواك حلو اكيد ان شاء الله هيقبلوك junior وهتتعلم اهم التقنيات في السوق المصري

بس الاهم .. ممكن تورينا بعض اعمالك عشان على الاقل نقدر نحكم ايه اللي هيفيدك اكتر ؟

اولا شكرا ليك على المعلومات القيمة دى
ثانياً انا بعشق حاجة اسمها افتر افكت
وطبعا الفوتوشوب ده حاجة اساسية ...

و الاكثر من كدة الدريم ويفر و الفرونتبيج

لو عايز تشوف بعض اعمالى هى للأسف معظمها فديو عشان الافتر افكت
لو عايز خر تصميم لى فى الفرونت و الفوتوشوب
ده تصميم بغذن الله لموقعى الجديد اللى هيكون اسمه
effectcentre
وطبعا هيكون فى دروس فديو زى فديوكوبيلوت و كدة
ده تقريبا شكل التصميم اللى هيتنفذ كامل قريب


انا خلاص هدخل تجارة او اداب و مش مشكلة هههه