البرمجه السلبيه للانسان

[3D_PLAYER]

بارك الله فيك ............... فعلا موضوع جميل ..لكن لم أقرأه كاملا ....نظراً لطوله
ساكمله لاحقا

معلش هو فعلا طويل انا لم استطيع اختصاره اكثر من ذلك لان الموضوع فيه جوانب كثيره حاولت الخصها على قد ما اقدر انا عشان كده عملت الوان لعناوين عشان لو حد زهق و حب ينط على حاجه معينه يعرف
كل املى انه يفيد الناس

[أبومايا]

يا ساتر سنوات انا جربتها مع ابن اخويا نفعت فى شهرين و الواد بقى زى الفل هو اه اتجنن زى عمه بس اتصلح فيه حاجات كتير بلاش يأس بس



شوقتنا لتجريتك حبيبي


ننتظرههههههههههههههههههههههههههههههااااااااااااااااااااااا

[3D_PLAYER]

يا ساتر سنوات انا جربتها مع ابن اخويا نفعت فى شهرين و الواد بقى زى الفل هو اه اتجنن زى عمه بس اتصلح فيه حاجات كتير بلاش يأس بس
شوقتنا لتجريتك حبيبي
ننتظرههههههههههههههههههههههههههههههااااااااااااااااااااااا

اه بس خالى بالك انا كنت بجربها عليه بجرعات مكثفه اصل ابوه كان رماه عندى لمده 6 شهور بسبب ظروف شغله و شغل مراته و اول اسبوع لقيت الواد قارفنى نايم بالصبح و يصحى بليل و طول اليوم قاعد يلعب فى اى حاجه و يكسرها و يخبى اللى كسره فقررت اعلمه الادب خصوصا موضوع النوم ده اكتشفت ان سببه ان ابوه كان بيقوله صحيانك زى عدمه مش هتفرق نام بدل ما تكسر الشقه فالواد اتعود على كده ينام الصبح و يصحى فى الليل يكسر الدنيا

[أبومايا]

ننتظر التجربة وكم عمره

ملاحظة ::ألصورة الرمزية عندك

سبحان الله تبعث الراحة والاسترخاء في النفس

[3D_PLAYER]

ننتظر التجربة وكم عمره

ملاحظة ::ألصورة الرمزية عندك

سبحان الله تبعث الراحة والاسترخاء في النفس

هو عمره الان 9 سنوات و 3 شهور و اسبوع معلش اصلى بحب الواده اوى و بعد الايام عشان اشوفه كبير و كنت بقول لخطبتى اننا نخلف بنت و اجوزها له
و تجربتى معاه كانت طويله جداااا لو تحب احكيها اوكى بس استحمل طولها بقه

و شكرا جزيلا على ملاحظتك انا اخترت الصوره لانى حسيت ان فيها شبه منى يعنى البس و طريقه الجلوس عند استماع الموسيقى ونفس لون الشعر لم اكن اتخيل انها ستبعث الراحه و الاسترخاء على النفس اخجلتم تواضوعنا

[أبومايا]

احكيها اوكى بس استحمل طولها بقه

dhgdj ghk dlijl fhg[hkf hgjvf,d ;edddddddddddd

يعني ياليت لاني بجد مهتم بالجانب التربوي كثيييييييييييييييير وحتفيدنييييييييييي

[3D_PLAYER]

تجربتى مع ابن اخى هى طويله بس استحمل بقى يا ابومايا

اوكى تحت امرك يا ابو مايا
بص يا سيدى اولا انا و اخواتى كلنا فى اوربا اخويا الكبير مهندس مدنى بيعمل فى انجلترا ايضا هو و زوجته و جاله فرصه عمل فى المانيا لم يكن يعلم ظروفه هناك هتكون ازاى هو وزوجته لذلك قرر يسيب معى يوسف ابنه لظروف دراسه يوسف و عدم استقرار ظروف ابوه فى المانيا فظل معى يوسف مده 6 اشهر
اخى الاكبر هذا لديه مشكله واحده لا يحب احد يكسر شئ ملكه و يوسف متخصص فى ده يوسف مش بيعرف يمسك الحاجات باديه الاتنين بيحب يعمل نفسه قوى و يمسك بايد واحده و ده سبب ان كل حاجه تقيله بتقع منه
الاسبوع الاولانا لم اكن على علاقه بيوسف كبيره لانه بعيد عنى اغلب الوقت لاحظت انه بينام طول النهار و بينام اكتر من 10 ساعات فى اليوم من بعد عودته من المدرسه و لا يصحى الا ليلا و انا ذاهب للنوم و فجاه و انا نايم اسمع صوت حاجه اتكسرت و اقوم القاه كسر زجاجه الماء انا لم اتعصب و لا حاجه شيلت الزجاج و خلاص و اتكررت الماساه دى و عدم نومى لمده سبع ايام لحد ما كنت خلاص هفرقع منه
لحد يوما ما كنت بصحيه و بقوله انت هتفضل نايم كده و عامل بيات شتوى كتير رد و قال انا نومى احسن انا لما بكون صاحى بكسر الدنيا
الاسبوع التانى كنت خلصت مشروع بشتغل عليه و اخدت اجازه بعدها لمده 4 ايام
اليوم الاول :- قررت انى لازم اتصرف معاه عملت مثله سبته ينام بعد عودته من المدرسه لمده 4 ساعات و قمت كسرت بجوار سريره زجاجه مياه قام يوسف مفزوع من النوم (كنت عايز افهمه ان سقوط الاشياء ده عادى ممكن يحصل لاى حد ) بص لى وقعد يضحك بعدها طبعا لم اتركه يذهب للنوم مره اخرى اخده و خرجت معاه اشتريت له حاجات و حاجات لاكل و رجعنا
دخلت اجهز الاكل و اخدته معايا المطبخ و طلبت منه يساعدنى و هو كان خايف جدا من انه يكسر اى حاجه لانى كنت بطلب منه يحضر لى اطباق - كبايات - زجاجه مياه و هكذا الاشياء القابله للكسر و كنت اساعده اذا احسست انه هيوقع حاجه لكن لم اكن اخذها و امسكها انا بل كنت امسك يد يوسف نفسها لكى يحس بانى اساعده و ليس الا مع انه كسر كام طبق و وقع كام حاجه لكنى لم اثور غضبا بل كنت اوقع اى حاجه بعدها عشان اعرفه ان ده عادى حاجه تقيله وقعت
و ظلنا على هذا الامر لمده يومين اجعله يساعدنى فى كل شئ فى البيت و عند انتهاء من ذلك اقوله كلمات تشجيع
اليوم الثانى و الثالث مثل الاول بدون تكسير زجاجات المياه بجوار يوسف طبعا و بعدد اقل فى تكسير الاطباق و اصبح يوسف يمسك اى شئ ثقيل بايديه الاتنين
لكن الملاحظه هى ان يوسف بقه بينام بدرى ( عدلنا الساعه البيولوجيه بتاعته) لكن كان لسه بينام عدد ساعات كتيره بعد المدرسه يعنى بقه بينام بيقسم ال 10 ساعات بعد و قبل المدرسه
اليوم الرابع :- قررت انى لازم اقل ساعات النوم جعلته ينام بجوارى و اظبط المنبه على انه يوقظنا وقت الفجر و اشيله من السرير لو صمم انه ينام تانى صحيته من النوم و اقومه يصلى الفجر معى و بعدها جعلته يقرأء القران انا و هو معا و ظلنا هكذا لحد ما جه معاد مدرسته نزل و راح المدرسه و رجع كان عايز ينام و انا رفضت برضوا و اتغدينا و صلينا الظهر و بعدها يوسف كان يريد ان ينام بشده و قالى انت مش عايزنى انام ليه فاقترحت عليه انه لو فضل صاحى و صلى لحد العشا هجبله اى حاجه يطلبها
و بالفعل الحيله نجحت و فضل صاحى عشان خاطر اجبله بيتزا له لوحده شغل عيال بقه
بالفعل اقدرت انجح فى اليوم ده يوسف نام بعد العشاء مباشره
و كررت معاه ذلك لباقى ايام الاسبوع
لمده 3 اسابيع
كان لازم اعود يوسف ازاى ينظم وقته بعيد عن النوم وانه لا ينام الا 8 ساعات فقط فى اليوم خاليته بعد المدرسه يساعدنى فى تجهيز الاكل و ده اعطاه ثقه فى نفسه لانه لم يعد يكسر او يوقع حاجه ثم بعد ذلك يخلص واجباته ثم نقعد سوا لبعض الوقت نتكلم و اراجع معاه واجباته و اقوله كلمات تشجيع لو عمل حاجه كويسه و اقول نصائح لو عمل حاجه خطاء ثم اقراء له القران و يكرره هو معايا ثم ينام بعد ان يصلى العشاء
باقى الشهرين كنت عامل زى المراقب اقف من بعيد و اقللت مساعدتى المباشره له تدريجيا لو وقع حاجه او لو لم يكن يعرف حل سؤال فى الواجب و اصبح دورى انى احسسه انه يقدر يكون لوحده من غيرى
باقى ال6 اشهر علمته موضوع البرمجه السلبيه
علمته ان لو حد هيقولوا كلام محبط يقول لا انا مش كده لو حد قاله انت وجود زى عدمه يقول ربنا جعلى لى وجود لازم استغله لو حد قالك انت غبى قوله كل انسان فى داخله جزء غبى
علمته ازاى ميستسلمش لاى كلام يتقال من اى حد حتى لو كان انا
و بعد كل ده كنت بعمله شويه اختبارات مثلا وانا بشرح له مسئله مكنش فاهمها قولت انت ايه ياواد انت انت بقيت حمار كده ليه قالى انا ماليش ودانين طوال و ديل يبقى انا مش حمار انت اللى مش عارف تفهمنى كويس عدل من نفسك انت يا ابو على ( انا اسمى حسن )

بس لحد كده كانت تجربتى مع يوسف انتهت و جه والده و اخده و قبلها فهمت اخويا كل اللى حصل و انه لازم يغير طرقته مع يوسف و الحمد لله يوسف دلوقتى بقه كويس و معدش بيوقع حاجه - معدش بينام كتير - بقى بيصلى - بيحفظ القران لكن للاسف ان كل ده و هو فى المانيا بعيد عنى

على فكره يا ابومايا هو قاعد على رجلى وانا بكتب كل ده

[أبومايا]

ههههههههههههههههههههههههههه
والله سلم لي عليه

سلم لي على المبدع يوسف وقله ان قصته ستكون ضمن القصص التطويرية التي دائما ماارددها لطلابي واخواني واحبابي

وسيكون يوسف بطل قصصي هذا الاسبوووووووووووووع

وباذن الله سيكون له بصمة مؤثرة

وذكره ان الناس في استقبال الكلام السلبي انواع

ذكرني اذكرهم لك لانهم مهمين ومهم يوسف يعرفهم

ربنا يزيد المحبة بينكم

[أم محمد]

أحييك يا باش مهندس على هذا المستوى الراقي من الفكر والخلق وأحيي من قبلك الأم العظيمة التي إستطاعت بذكائها وإيمانها أن تربي وتنشئ هذه العقلية وهذا الخلق
وأعتذر عن ظني السابق وأرجو أن تقبل إعتذاري

[مس قص ولصق]

موضوع جميل جدا ..
اشكرك اخوي عالفائدة .. بارك الله فيك ..

[3D_PLAYER]

أحييك يا باش مهندس على هذا المستوى الراقي من الفكر والخلق وأحيي من قبلك الأم العظيمة التي إستطاعت بذكائها وإيمانها أن تربي وتنشئ هذه العقلية وهذا الخلق
وأعتذر عن ظني السابق وأرجو أن تقبل إعتذاري

لا مفيش مشكله يا ام محمد لا تعتذرى ولا حاجه انت مثل اختى
زى ما انتى قولتى الام العظيمه اللى ربتنى دى من اهم الدروس اللى علمتها لى انها قالت سامح مدام انت قادر على ذلك و لا تجعل احد يعتذر لك لان جميع الناس اخوه ولا يوجد بين الاخوه اعتذار لكن يوجد تفهم و اعتراف بالخطاء اذا حدث

[أم محمد]

ربنا يبارك لها فيك ويقر عيناها بك ويرزقها برك