مطلوب معلومات من المصريين عن ال tablet

[cyfer]

السلام عليكم
مطلوب معلومات عن انواع ال tablets الموجودة فى مصر و اسعارها و اماكن بيعها

اخر ما وجدت كان نوع صينى غير معروف مقاس 1024*768 و كان سعرها 750 جنيه

اى معلومات متوفرة ... رجاء الادلاء بها

شكرا مقدما

[ro02a]

اية Tablets

[Limponi_3d]

انا جبت من سنه تقريبا تابلت نوعه Genius كان ب400 جنيه مقاسه 5*4 بوصه
هو اداءه جيد جدا معاي.. ومفهوش اي مشاكل.. غير مع برنامج bodyPaint كان فيه مشاكل كبيره معاه

ومجربتهوش علي الزيبرش

بس علي الفوتوشب والكورل بينتر 10 /10


ونصيحة هات المقاس الصغير 5*4 احسن واريح للايد .. انا اشتغلت علي wacom tablet مقاس 8*6 مرتحتش معاه

[Darweesh]

انا كمان جبت التابلت الGenius اداءه كان مش ولا بد لانه فيه عيب كبير انه بيتاخر عن حركة ايدك بفتره زمنيه قصيره جدا فبتعمل لخبطه مع الشغل.
بعدها جبت تابلت wacom (بس مش من مصر) وبصراحه فرق السما والارض بينهم ومرتاح معاها جدا جدا.
والتابلت الواكم كنت سالت عليه في مصر بالتليفون .وجبت تيليفونه من الموقع بتاع واكم www.wacom.com
وردت عليه واحده كلمتني بألاطه كده كأن ماحدش في العالم عنده تابلت واكم غيرهم المهم لما سالت على السعر قالتلي سعر ضعف اسعاره اللي على النت فقولتلها ليه كده قالتلي هو كده .

واحب انصحك نفس نصيحة Limponi_3d التابت الصغيره اريح للايد (طبعا غير لو انت رسام محترف ومحتاج الحجم الكبير)

ونصيحه تانيه لو جايبها لحاجه تانيه غير برامج الرسم ال 2d فوفر فلوسك احسن انا جربتها على الماكس لاقيتها زي قلتها ومالهاش لازمه والماوس احسن بكتير بس في الفوتوشوب بستخدمها كتير هي والماوس مع بعض.
وكمان في تابلت معاه ماوس وتابلت ماعهوش وطبعا اللي معاه اغلى ونصيحتي خد اللي معهوش ماوس لان ماوس التالت مالهاش لازمه خاالص وانا راكنها لحد دلوقتي وعمري ما استخدمتها لان اساسا لما توصل التابلت بتبقى الماوس العاديه بتاعتك واصله كمان وشغالين الاتنين مع بعض.

[شين.نون]

أنا كمان اشتغلت على الـ intuos من wacom بمقاس 8*6 و لم أرتح له مطلقاً، و كنت مرتاح كثيراً مع الـ 5*4 .
أنا برضو بادور على intuos في مصر و غلطتي الغبية إني ماجبتش واحدة معايا من برّة و أنا جاي. أنا عرفت أنهم بيتباعوا في Best Buy اللي في المهندسين، في ميدان بنت السلطان اللي في أخر شارع سليمان أباظة. بس عاوز أروح أسأل بكام لأني سمعت إن السعر مبالغ فيه جداً.

[؟المجهول؟]

جربت تابلت جينيس 5*4
جميله لكن مثل ماقال الاخ درويش التأخير

انوي شراء واكوم intuos فيها مميزات ممتازه مثل Zoom في التابلت و Moveing ايضا في التابلت .. وايضا
القلم اذا ضغطت بقوه يزداد العرض
والعكس ((هذي موجوده بكل التابلت)) وايضا اذا قلبت القلم يمسح .. ومعها انواع من الأقلام ..

شاهد ملف الفيديو الاول في الرابط التالي ، عباره عن دعايه لتابلت واكوم نوع intuos
http://www.wacom-asia.com/movie/movie.html

[cyfer]

الف شكر يا شباب على المساعدة ...
الحقيقة التابلت فعلا مطلوبة لرسام محترف تماما ... و يمكن انا استخدمها ايضا بس على قدى )

بس كده انا برضه اتلخبطت .... ال wacom اسمع ان سعرها 2000 دولار !!

بس لو ممكن اماكن البيع اللى فيها تال genius اشوفها حتى

, و شكرا لشريف على المعلومات و فعلا انت اكيد غلطت انك ما جبتش معاك من كندا

الشكر لجميع من ادلى بمعلومات عن هذا الموضوع " اختياريا و ليس تحت التعذيب ))))) "

كل سنة و انتم طيبين يا شباب

[شين.نون]

بس كده انا برضه اتلخبطت .... ال wacom اسمع ان سعرها 2000 دولار !!

إيه يا عم اللي بتقوله ده حرام عليك ! و هي لو بـ 2000 دولار أنا كنت حافكر أسأل عنها أصلاً

الـ 5*4 تتراوح حول الـ 300 دولار و الـ 6*8 تترواح حول الخمسمائة دولار، دي أخر أسعار سمعتها من فترة و الأسعار تتراوح كثيراً من مكان لمكان.
اللي خلاني ماجيبهاش معايا إني مالقتهاش غير بـ 325 دولار.. و أنا أعرف مكان تاني بيبيعها بـ 220 دولار بس ماكانتش متوافرة عنده يومها و كان ممكن يبعت يجيبهالي.. بس أنا كنت مسافر خلاص
و بيني و بينك أنا في تلك الفترة ماكونتش محتاجها في تلك المرحلة بشكل يستوجب دفع الفرق الغير مبرر.

[althaer]

إيه يا عم اللي بتقوله ده حرام عليك ! و هي لو بـ 2000 دولار أنا كنت حافكر أسأل عنها أصلاً

بلاش انتا يا عم شريف ههههههههههههههه

اللهم لا حسد

غلاسه علصبح

[شين.نون]

ده إنت فاهمني غلط خالص.. بس عموماً الصيت و لا الغنى
إذا كنت باقولك رفضت أشتريها عشان فرق 100 دولار.. تقوم تفتكر الـ 2000 مش مشكلة بالنسبة لي ؟.. ليه يابني.. على رأي والدي "هو مال يهود ؟!"

2000 دولار هو مبلغ كبير على أن أدفعه في مكون واحد من مكونات الكمبيوتر، إلا لو كنت صاحب شركة أو مكتب و محتاج هذا المكون في العمل . أنا بالمناسبة شغال على شاشة كمبيوتر مستعملة اشتريتها من المول بناء على نصيحة أعضاء المنابر ، و فيها خدشين خفاف كمان و الله