توضيح هام لجميع أعضاء المنابر

[احمد مراد]

توضيح هام لجميع أعضاء المنابر
وجدت فى الاوانه الأخيرة من الإخوة الجدد فى هذا المجال بعض الاتهامات التى يلصقاها بى وبأسمى وسمعتى وأنا الحمد لله بريء منها
وأحب أن أوضح لجميع أعضاء المنتدى ويشهد الله على كلامى بعض النقاط الهامة

فى البدايه بالنسبه لموضوع كتاب مراد للماكس من الالف إلى الياء
يا جماعة انا عمرى ما قولت انى الكتاب بتاعى والكلام ده أنا كاتبه فى مقدمة الكتاب
(ولقد قمت بهذا العمل المتواضع لتكامل مجهود مصممى الماكس فى كتاب يسهل على المتعلم سواء مبتدأ أو محترف تعلم الماكس دون العناء فى البحث والكتاب مفهرس بشكل يسهل على المتعلم البدايه فى الماكس الى الوصول لمستوى الاحتراف )
ياريت كل واحد يفتح الكتاب عنده فى أول صفحه هيلقى الجملة ده

انا بقالى سنين بدخل الانترنت من تقريبا من بداية عمل المنتدى كنت بقرأ دروس كتير فى مواقع ومنتديات مختلفة والكتاب كان هو حصر للفترة الماضية فى العمل على الماكس لمحترفين الماكس فى العالم العربى وحبيت اعمل شىءاخدم به الناس اللى بقلها سنه أو أتنين فى الماكس واجمع لهم اللىفات فى كتابمفهرس

ولم أنسب شىء لنفسى سوا أنى قمت بتجميع الكتاب وتنسيقه ومراجعة المادة العلمية وترتيب الأفكار وتنظيمها
وأيضا يوجد مرجع كامل للكتاب داخل الكتاب وفيه أسماء مراجع الكتاب والأسماء واضحةوصريحة للجميع
المراجع
http://alsaleh.8m.com/max/map/map.htm

http://www.desertgate.net/x2
http://www.p-site.net

http://www.maxforums.net

http://abobadr.net

http://www.geocities.com/mourad3d
http://www.mourad3d.com

http://www.my3dmax.to7fa.com
http://m-kezze.abobadr.net//

http://www.rsam3d.com/
-------------------------------
المراجع واضحة وصريحة للجميع وأنا كتبها فى الكتاب
انا لو أخذت دروس حد لازم اذكر المصدر فى أول الدرس أو أخره
كون أن الشخص نفسه مش شاف المراجع ومش خذ باله يبقى ده ذنبه هو مش ذنبى أنا وعليه يتحرى الحقيقة وعدم إلصاق التهم على الآخرين والافتراء عليهم لانه هتحاسب امام الله على كل كلمة يقولها

الأخ الكريم أبو بدر لن أنكر مجهوده أبدا فى هذا الكتاب وانتشره وكان موقعه مذكور فى مراجع الكتاب بالخط العريض
كان فى بعض الدروس كانت موجودة على الجهاز عندى منذ سنوات طويلة تتعدى عشر سنوات ولم يوجد لدى مصدر لها فقط هذه الدروس كان من الصعب تحديد مصدرها وأعلن للجميع أنها مصدرها الانترنت
يوجد فى الكتاب أيضا دروس من صنعى قمت بإضافتها فى الكتاب وتنظيمها حسب الموضوع وتسلسل الكتاب
الخلاصة كتاب مراد للماكس هو عمل قمت بتجميعه وتنظيمه ومراجعته علميا وكل مراجع الكتاب موجودة فى الكتاب لمن يريد مراجعتها

-----------------------------------------------------
بالنسبة لموضوع بيع مشاركات الأعضاء وأنا أنفى هذا الكلام أطلاقا
أنا أنظم دورات خاصة فى برنامج الثرى دى ماكس
http://www.m3dmax.com/course_max.htm

وعامل تسجيل كامل لمحاضرات الاسطوانات بصوتى عبارة عن 17 اسطوانة باللغة العربية عالين الجودة وأكررها بصوتى مش بصوت حد تانى وعليها اسمى ويا جماعة اللى مش مصدق يتصل بيا ويحدد معايا معاد وأنا أفرجه عليها وأنا رافض تماما عرض جزء من الاسطوانات على الانترنت بسبب أنها تسجيل لمحاضرات الكروسات التى أنظمها
وهذه نبذه عن الاسطوانات
http://www.m3dmax.com/Video_max.htm
http://www.m3dmax.com/cd_mourad.htm
http://www.m3dmax.com/cd_mourad_1.htm
http://www.m3dmax.com/cd_mourad_3.htm

وبالنسبة لمشاركات الأعضاء أنا بدها للناس هداية على اسطواناتى ولم أقوم بيعها ولن أعلن فى موقعى عن مشاركتهم وبالنسبة لدروس الانترنت أنا بعملها زى تدريب مجانى تعطى مع الاسطوانات بشكل مجانى فقط لإيمانى بالدروس ومن يقدمها واستفادة الآخرين
بالنسبة للأخ الذى اشترى الاسطوانة وانا بالمناسبة مش عارف هوه مين اصلا وياريت لو كان عنده اى شكاوى كان يتصل بيا أنا تليفونى مفتوح 24 ساعة أتلقى اتصالات الناس بصدر رحب وأرحب بهم وأسئلتهم قلبى وعقلى مفتوح لدى الجميع ولا أزهق من الأسئلة واستفسارات الناس
فإذا كانت الشكاوى فى الاسطوانة فالاسطوانة حجمها 700 ميجا عليها دروس 650 ميجا من تصعنيى وبصوتى واكررها بصوتى وفقط درس نجيب 6 ميجا أعطيه فوق الاسطوانة هديه لتدعيم الفايدةللآخرين واختصار الوقت والبحث للمتعلم مجانا
وأنا اتصلت بالأخ youssef_23 فى المنصورة وأوضحت له أنى لم أقوم بأخذ دروسه وتوزعها إلا لو أعطيتها بشكل مجانى فوق شغلى واسطوانات التى أقوم بتسجيلها بصوتى وهو صديق لى واحمل له كل الاحترام المتبادل
الأخ نجيب الفاتح لك منى كل احترام وتأكد أنى لن أقوم بيبع دروسك على الإطلاق وفقط أعطيها هديه على أسطواناتى لتدعيم الفايدةللآخرين واختصار الوقت فى البحث على الانترنت للمتعلم أيمانا منى بقدرتك فى الشرح ولن أسوق دروسك على موقعى
حد شاف مرة فى الموقع عندى أنى بيبع أو بسوق لمشاركات الأعضاء لها
انا بسوق فقطللأسطوانات الخاصة بى ومسجلها بصوتى واكرر والاسطوانات الاجنبيه

بالنسبة للأسطوانات الاجنبيه

وعلى فكرة انابرده بشترى الاسطوانات الاجنبيه لانى وقت التحميلبيبقى كبير جدا وبضر اشتريها زىزى غيرى

بالنسبه للأسعار
يا جماعة انا صرفت على المجال ده بقالى سنين وصرفت مصاريف كثيرا جدا ومش معقول حد يفرض عليه اعرض شغلى مجانى أو كل واحد عاوز بالسعر اللى على مزاجه
فى مصاريف أنا بحسبها لكل شخص حسب الدولة المقيم فيها سواء الجزائر او السعودية او الإمارات او مصر كل دوله لها مصاريف انتقالات داخل القاهرة ومصاريف شحن ومصاريف العاملين معى والموظفين والموضوع عرض طلب ومن حقك تقبل أو ترفض
التكاليف والمصاريف بالإضافة إلى المجهود والوقت الطويل الذى أمضيه فى العمل على الماكس بيتم تحديد الأسعار بناء على ذلك
أنا واخذ قرر منسنه فى مقطعه المنتدى لانى فى بعض الدخلاء على المجال يدخلون المنتدى ويستخدمون ألفاظ وشتائم قبيحة وناس بتقول كلام مش على لسانى وبتفترى فى الكلام وتزود الكلام وأنا واحد من عائلة محترمه ومش هقبل على نفسى واحد يشتمنى بأبويه أو أهلى مش يصح الكلام تعلمنا من أهلنا احترام الآخرين واحترام واجهة نظرهم والأدب فى الحديث مع الآخرين الأكثر خبره منا والأكبر عمرا هذا ما تعلمنه ولن اقبل على نفسى اى أهانه من اى عضو اللى عنده اى شكاوى والله تليفونى مفتوح ويقدر يقبلنى فى الشركة الخاصة بينا أو المكتب الخاص بى فقد الاتصال تليفونا وتحديد موعد معى

وده اخر رد على هذه المواضيع ولن أقوم بالرد على اى تعليق ومن يريد شيئا شركتى مفتوحة ومكتبى مفتوح وتليفونى مفتوح 24 ساعة
0121518320

والله ولى التوفيق

[atlass]

بارك الله فيك أخي، و أعانك

[KADI]

أهلا أخي مراد هل يمكن أن تساعدني في إيجاد رابط تورينت للأسطوانات الـ17 التي ذكرتها .

وجزاك الله كل خير ... شكرا مسبقا .

[CG Artist]

لا حول ولا قوة الا بالله
انا لله وانا اليه راجعون

[fairooz80]

شكرا يا استاذ احمد على توضيح الامور لنا ولباقى الاعضاء

[MAX_RALLY]

السلام عليكم

ياعزيزي احمد انا اتمنالك بانجاع والاستمرار في هذا المجال . الله سبحانه وتعالى عارف نيتك الطيبة وان شاءالله باتوفيق

[bondok]

اشكرك احمد على الصراحه امام جميع الاعضاء

والتوضيح للجميع وان شاء الله الناس اكيد بعد التوضيح ده مممكن تكون الناس فهمت الموضوع

اخوكم فى الله

[زكرياء]

اخي مراد احنا واثقييين فيك

[shady sobhy]

اخي مراد احنا واثقييين فيك

ههههههههههههههههههههههههههه
هو الكلام الاحمر بيخلي الواحد يثق فيه
طيب
أحمد مراد بياخد دروس غيره ويوزعها هدايا

[kareem50]

انما الاعمال بالنيات

[DarNet]

مين احمد مراد ؟

وماكس ايه اللي انت جاي تقول عليه ؟

[shady sobhy]

مين احمد مراد ؟

وماكس ايه اللي انت جاي تقول عليه ؟

أحب أكمل
انت عارف قبلة معنى الماكس ايه ؟

[DarNet]

معليش يا اخوان

الموقع واضح ، والكتاب ملف دوك ، والقص واللصق والتقطيع واضح

( خذ من هنا ومن هنا ، وقل الفته أنا )

تحياتي يا احمد باشا ،
ولا حد بيحمل الملف بتاعك ، الا المبتدئين البسطاء ،،
وبالتوفيق لك ولهم ،،

[ateya]

لا اقدر ان اقول الا
لاحول ولا قوه الا بالله

كل ميسر لما خلق له وكلنا نعلم من هو احمد مراد ولا يعلمه فقط الا من هو كان جديد في هذا المجال وان اتعب نفسه قليلا بالبحث هنا وليس خارج سيعرف من هو

ربنا يهديه فعلا والله

انا مش عارف ايه حكايه وقصه ان كل واحد قعد ونزل شويه حجات من علي الانترنت يقعد يقول انا صرفت وتعبت ومن حقي اعمل واخلي
دي حجج واهيه وربك هو الشاهد والمطلع

ولنا رجعه اخري للموضوع

[sadeer66]

تعقيب

بسم الله الرحمن الرحيم

اخي مراد اعلم بان ماقلته تبرير لاتهامات قد وجهت اليك من الاعضاء وقد تتبعت الكثير منها واصدقك القول بانني تعاطفت مع بعضها فبكل تاكيد ليس من حق اي شخص ترويج اعمال مجانيه بنيه افاده الاخرين بينما الظاهر منها وضع امتياز لبضاعتك المدفوعه نقدا من قبل الطالب بان تهديه جهد شخص اخر .....الا بحصولك على موافقه صاحب الدرس ....
هذا من جانب اما من جانب اخر فاشهد للاخ مراد بانه عندما وجد باحد دروسي فائده لكتابه اتصل بي وعرض الامر وكان التفاهم بيننا وليس مهما الموافقه او الرفض للنشر ولكن احي نيته الصادقه بالتعامل مع جهود الاخرين
اما الاسلوب الذي اجده بالردود اعلاه وبهذا الموضوع او غيره فهذا ليس ذنب المتكلم ولكن ذنب المشرفين كان بالاحرى التشديد على كل مايقال حفاظا على المنتدى من الزوال واحترام جهود الاخ ابو بدر بانشاء هذا المنتدى والابقاء على استمراريته وهذا نفس السبب الذي جعلني اترك المشاركه منذ امد بعيد رغم انني اتابع كل حرف يكتب به حبا مني للمنتدى وتجاوزا مني للكلام غير اللائق والعبارات الجارحه او المبطنه فالبعض للاسف (ليس الكل )....لايضع مساله العمر او الخبره باعتباره عند التخاطب مع الاخرين مع احترامي للجميع .....حيث كان ومازال هذا المنتدى وسيله لي للتعارف على طلاب واصحاب افخر بهم وكان وسيله ومازال للرزق للكثير منا.
اخي احمد ارجو ان تراعي مساله خصوصيه وجهد الاخرين بشكل اكثر حرصا وان تتجاوز العبارات التي لاتسمن ولاتغني من جوع ...والى الامام