صفحة 1 من 2 12 أخيرأخير
النتائج المعروضة من 1 الى 20 من مجموع 24

موضوع: ما رأيكم فى تراك الجرافيك فى منحة وزارة الاتصالات ؟

ردود: 24 | زيارات: 3348
  1. #1
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13

    ما رأيكم فى تراك الجرافيك فى منحة وزارة الاتصالات ؟

    السلام عليكم :-
    باذن الله منحة وزارة الاتصالات المفترض انها هذا الشهر - وفيها 4 تراكات مفتوحة لكل الكليات -ومن ضمنها تراك الجرافيك والملتيمديا.
    نرجو من أخواننا اللى خدوا هذا التراك أو يعرفوا معلومات مؤكدة عنه يقولولنا رأيهم فى التراك ده من ناحية :-
    - المستوى الذى سيصل له المتدرب فى نهاية الدورة
    * كذلك سمعت ( سمعت يعنى معلومة غير مؤكدة) ان تراك الجرافيك يعتبر أفضل من التراكات الأخرى البرمجية كفرص عمل ، وذلك من ناحية :-
    1- ان فرص عمله أكبر من مجال ال IT ، فالمفروض انه ممكن يعمل ك web designer
    ، وفى شركات الطباعة والنشر ، وفى شركات الدعاية والأعلان . ولو حيبقى فيها 3D احترافى (يعنى 3d studio max ، MAYA) حتبقى مجالات الشغل أوسع كمان .
    2-انه يعتبر تخصص غير برمجى ، وبالتالى نسبة "التغليس" (من الغلاسة) فى أعلانات
    وظائفه بالشرط بتاع (لازم يكون المتقدم خريج كلية حاسوبية ) بتكون أقل بكتير من
    التخصصات التانية البرمجية. ( أخوكم خريج صيدلة ، وكنت عامل حسابى على تراك برمجة ميكروسوفت .NET ، ولكن ما وجدته فى اعلانات الوظائف انه نسبة كبيرة بتشترط أن لازم المتقدم يكون خريج كلية حاسوبية ، ولكن على المقابل وجدت فى اعلانات ال web designer انه نسبة قليلة فقط هى التى تشترط هذا الأمر )
    - فهل ياترى حد يؤكد لنا صحة هذه المعلومات ويبقى جزاه الله خيرا كثيرا


  2. #2
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    -يا جماعة ، ما عليكم من موضوع المنحة ده . أنا باسأل فى شغل مجال الجرافيك
    بصفة عامة .
    - هل واجهتك اعلانات وظائف كثيرة كمصمم جرافيك (سواء مصمم مواقع ويب أو غيره ) تشترط شرط الكلية الحاسوبية مثلما يفعلون فى مجال البرمجة؟
    - هل نفس المهارات الأساسية لمصمم الويب (Photoshop , Illustrator , Dreamweaver , Flash)تتيح لك العمل فى دور الطباعة والنشر - وشركات الدعاية والأعلان ؟

    * ده أقوى منتدى جرافيك رأيته على النت حتى الان . معقولة محدش يكتب أى حاجة حتى؟ لماذا لا تساعدون الشباب الجديد ولو بمعلومات بسيطة ؟

  3. #3
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    نصيحة ... إن كنت تبحث عن مستوى عمل وليس عن شهادة .. فلتذهب وزارة الإتصالات ومنحها وخططها إلى الجحيم .. اللي بيدرسوا اصلا هناك بهايم ..!! إحنا في الشركة بقالنا خمس شهور بندور على ناس في كذا مكان مصمم ويب مصمم ثري دي مبرمج ويب .. والناس اللي بتيجلنا من ناحية وزارة الإتصلات ومنحها دي مستواهم زبالة ..

    وبعدين في الشغل الخاص محدش بيبص للشهادات المعتمدة دي ...لو بتشتغل ثري دي كويس ومعاكش الإبتدائية حتى ..هشغلك ..

  4. #4
    السلام عليكم
    تعرف يافلاشاوى لو انا هعملك انتر فيو علشان تشتغل هديلك صفر علشان اسلوبك مقرف حاول تحترم الاخر ...
    وبعدين مين قال ان المنحة تعبانة ...لو واحد ميعرفش اى حاجة عن الجرافيك وبعد 6شهور يعمل شغل انت متعرفش تعمله الواحدك فى سنتين...ومستوى المحاضرين فى بعض الشركات ممتاز و على اعلى مستوى...وانا ممكن اجيبلك واحد من المحاضرين يطلعك انت الى بهيم...........اسف الى باقى الاعضاء

  5. #5
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    السلام عليكم
    تعرف يافلاشاوى لو انا هعملك انتر فيو علشان تشتغل هديلك صفر علشان اسلوبك مقرف حاول تحترم الاخر ...
    وبعدين مين قال ان المنحة تعبانة ...لو واحد ميعرفش اى حاجة عن الجرافيك وبعد 6شهور يعمل شغل انت متعرفش تعمله الواحدك فى سنتين...ومستوى المحاضرين فى بعض الشركات ممتاز و على اعلى مستوى...وانا ممكن اجيبلك واحد من المحاضرين يطلعك انت الى بهيم...........اسف الى باقى الاعضاء
    إهدا كدا وخليك كوول ... واضح إنك من اللي بيدرسوا في وزارات الإتصالات أو على الأقل واحد واخد منحه .....معلش جات فيك ..!!

    أولا الإنتيرفيوهات مبيدوش فيها درجات أصلا ...عشان تديني صفر .. واضح إن موضوع الشهادات المعتمدة مأثر على دماغك شوية ..

    ثم اصلا انت تعرف أنا مجال شغلي إيه عشان تتكلم على مستوايا ... وتتكلم على واحد تجيبه يطلعني أنا بهيم ... أنا شغلي فلاش وأكشن سكريبت ... هات أكبر راس عندكم في وزارة الإتصالات ونشوف مين اللي هيطلع التاني بهيم في الفلاش والاكشن سكريبت ...وتبقى عيل لو مجبتش ...!!!

    أنا شغلي في الفلاش والاكشن سكريبت يا أستاذي معترف بيه من محترفين غربيين - هم افضل من في هذا المجال - مش عرب اصلا وواخد awards عالمية محايدة موقعي www.ama-media.com واخد جايزة SOS وكمان recognition من مواقع تانية
    www.thesos.net

    فلو عندك حد بيشتغل فلاش واكشن سكريبت في وزارت الإتصالات ومدرسينها خريجين تجارة دول .. قولي ..وأنا هحطلك رقم تليفوني ونحدد ميعاد نتقابل فيه وكل واحد يحضر للتاني task يعملها ونشوف مين هيعرف ومين ميعرفش ...

    مغرور ....!! ..دي فرصتك انك تكسر غروري ده قدام الجميع ... !!

    مستنيك ...ويا ريت ترد ...

    على فكرة ... أنا مفيش حد بيعملي إنترفيو في مجال شغلي ... أنا بعمل إنترفيوز للمتقدمين .. ولول أني مربوط في مصر بسبب ظروف شخصية أنا كان زماني في مكان تاني خالص ..

    روح ذاكر يا حبيب لو كنت بتاخد المنحة ... حكم الأساسيات الل بيدرسهولكم دي صعبة عليكم أنا عارف ... !!

    ياريت بس تعرف أنا إنا بنيت حكمي بعد ما قبلت أكتر من instructor من الل بيدرسوا في المنح دي .. وعارف مستواهم كويس ...

  6. #6
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    مش هتنازل عن تحدي في عمل task ... وهات اكبر واحد تعرفه ...

  7. #7
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    وحدوا الله يا جماعة ، وحدوا الله يا جماعة . الهدف كان تبادل الآراء والخبرات فقط
    و مش تحدى ولا حاجة . ( والخلاف فى الرأى لا يفسد للود قضية ) . أنا دخلت
    على موقع الأخ فلاشاوى www.AMA-Media.com وبصراحة موقع رهيب ( ويمكن دى حاجة بسيطة بس من قدراته كمان ) . بس برضه ألوم عليه (من باب الحق يقال يعنى ) أنه معملش حساب أن ممكن حد من مدربى الدورة أو خريجيها يقرأ الكلام ده ويتضايق . (أنا اللى فتحت الموضوع ده لكى أسأل عن مستوى تراك الجرافيك فى الدورة ، لكن برضه "الملافظ سعد" ، وممكن الواحد يعبر عن ان شئ ما سئ ، ولكن بأسلوب دبلوماسى و يوصل المعنى برضه ) .
    - وياريت استاذنا الفنان فلاشاوى يقولنا "ما هو الأسلوب الأمثل لكى تصل الى مستوى
    احترافى فى الفلاش والجرافيك ؟ " ، يعنى مثلا كيف وصل هو الى هذا المستوى ؟
    (اللى أعرفه أن المنحة عبارة عن أن الوزارة بتتفق مع عدد من مراكز التدريب الخاصة على كورسات ، ودور الوزارة هو تحمل تكاليف الكورسات فقط . أما مستوى الكورسات
    فدى حاجة من مسؤولية مراكز التدريب ، ومراكز التدريب الخاصة دى هى كده كده مفيش غيرها اللى ممكن تاخد الكورسات فيها على نفقتك الخاصة لو ما قبلتش فى المنحة . يعنى منحة أو غير منحة الفرق الوحيد هو من سيدفع تكاليف الكورسات فقط .)
    - من جهة أخرى أنا لما كنت مركز على تراك ال .NET ، لقيت أن عدد ساعات ومحتوى منهج برمجة ميكروسوفت على مدار الستة شهور فى المنحة(5 أيام أسبوعيا ، عدد ساعات كبير يوميا ) ، بيبقى أكبر بكتير من عدد ساعات ومحتوى كورس برمجة ميكروسوفت فى "أى" مركز خاص (حتى المراكز اللى بتاخد آلاف فى الكورس ) . فده فى ال .NET كان منهج المنحة هو أقوى منهج متاح (ده على شرط طبعا أنه كل كل حاجة مكتوبة فى خطة منهج المنحة بتتنفذ ) . فيا ترى هل نفس الوضع فى تراك الجرافيك ؟

    - وبعدين لو واحد او اتنين او تلاتة حتى من خريجى المنحة كان مستواه سئ ، هل يبقى
    كل خريجى المنحة كذلك ؟ المفروض ان كل واحد بيمثل نفسه فقط . وممكن ناس تانية استفادت من المنحة أقصى استفادة (مع اجتهاد شخصى منهم طبعا ) وبقى مستواهم جيد . نفس الكلام بالنسبة للمدربين ، فكل مدرب يمثل نفسه ولا يمكن أن نضع المدربين كلهم
    فى خانة واحدة ،حتى لو نفس المركز . فكون أن المتدرب يجيله مدرب كويس دى بتكون مسألة توفيق من الله ، ولو المدرب شرحه غير مفهوم أسمع انه من حق المتدربين انهم يطلبوا تغييره .

  8. #8
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    وياريت لو حد من الأعضاء يقدر يفيدنا بمعلومات تانية ، أو حتى يؤكد المعلومات المذكورة يتفضل يعمل مشاركة . تذكروا أن المعلومات دى بتفيد كل أعضاء المنتدى الذين يقرأون الموضوع وأنا متأكد ان عدد كبير من الأعضاء الجدد بيكون عنده نفس الأسئلة ، والمعلومات دى بيتبنى عليها مستقبل ناس . ياريت محدش يبخل
    بمشاركة ولو بسيطة.

  9. #9
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    التراك الي عندنا في بورسعيد جامد و انا اعرف المحاضر الي بيدرسه و مستواه جامد جدا جدا جدا مع احترامي لموقعك و الشهادات الخ الخ

    علي العموم مادام الموضوع متوقف علي مستوي المحاضرين اسال الناس الي اخدوه عنكم في بلدكم سواء القاهره اسكندريه سملوط الخ الخ الخ

    لو المستوي محترم و الموضوع حيفيدك قدم
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  10. #10
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    اقتباس الموضوع الأصلي كتب بواسطة فلاشــــــــــاوي معاينة الرد
    إهدا كدا وخليك كوول ... واضح إنك من اللي بيدرسوا في وزارات الإتصالات أو على الأقل واحد واخد منحه .....معلش جات فيك ..!!

    أولا الإنتيرفيوهات مبيدوش فيها درجات أصلا ...عشان تديني صفر .. واضح إن موضوع الشهادات المعتمدة مأثر على دماغك شوية ..

    ثم اصلا انت تعرف أنا مجال شغلي إيه عشان تتكلم على مستوايا ... وتتكلم على واحد تجيبه يطلعني أنا بهيم ... أنا شغلي فلاش وأكشن سكريبت ... هات أكبر راس عندكم في وزارة الإتصالات ونشوف مين اللي هيطلع التاني بهيم في الفلاش والاكشن سكريبت ...وتبقى عيل لو مجبتش ...!!!

    أنا شغلي في الفلاش والاكشن سكريبت يا أستاذي معترف بيه من محترفين غربيين - هم افضل من في هذا المجال - مش عرب اصلا وواخد awards عالمية محايدة موقعي www.ama-media.com واخد جايزة SOS وكمان recognition من مواقع تانية
    www.thesos.net

    فلو عندك حد بيشتغل فلاش واكشن سكريبت في وزارت الإتصالات ومدرسينها خريجين تجارة دول .. قولي ..وأنا هحطلك رقم تليفوني ونحدد ميعاد نتقابل فيه وكل واحد يحضر للتاني task يعملها ونشوف مين هيعرف ومين ميعرفش ...

    مغرور ....!! ..دي فرصتك انك تكسر غروري ده قدام الجميع ... !!

    مستنيك ...ويا ريت ترد ...

    على فكرة ... أنا مفيش حد بيعملي إنترفيو في مجال شغلي ... أنا بعمل إنترفيوز للمتقدمين .. ولول أني مربوط في مصر بسبب ظروف شخصية أنا كان زماني في مكان تاني خالص ..

    روح ذاكر يا حبيب لو كنت بتاخد المنحة ... حكم الأساسيات الل بيدرسهولكم دي صعبة عليكم أنا عارف ... !!

    ياريت بس تعرف أنا إنا بنيت حكمي بعد ما قبلت أكتر من instructor من الل بيدرسوا في المنح دي .. وعارف مستواهم كويس ...

    فيه ايه يا عم الحاج متنرفز ليه؟؟؟؟؟؟؟؟؟؟؟بالراحه علينا

    انا عارف ان الاوضاع مقرفه و تحرق الدم في البلد يعني بس اسلوب الحوار لازم يكون اظرف من كده
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  11. #11
    عضو متميز
    تاريخ التسجيل
    Sep 2003
    العمر
    28
    ردود
    4,029
    لفلاشاوي تتحداني


    والله اعجبتني الثقه

    تدري اش مكانك بشركه بالسعودية تصير مدير قسم التسويق براتب يوصل ل 20 ألف ريال سعودي : )

  12. #12
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    منسي ..انت مشفتش اللي ان شفته من الناس دي ... المدرسين اللي هناك بيضحكوا على الناس لانهم ميعرفوش .. بيقولولهم إن اللمستوى اللي بيدرسوه ده أفضل المستويات ..والراجل يطلع من المنحة ينزل السوق ..إن مكانش من النوع المجتهد اللي بيعلم نفسه بنفسه .. بيتصدم فعلا ..

    وزارة الإتصالات أصلا يا منسي وانت عارف .. من أكتر الوزارات اللي بتبيع الهجس وبتستكرد المصريين وتسرقهم ..تفتكر نظيف بقي رئيس الوزرا من فراغ ..!!

    كل شوية تصريحات عن مدى إنتشار ثقافة الكمبيوتر بين المصريين ..مع إن كلنا عارفين .. أكتر من 90% - متفائل - من المصريين بيستخدمو الكمبيوتر كخليط من الكاسيت والفيديو والبلاي ستيشن ... يعني للتسلية وتضييع الوقت ليس إلا ...إستخدام الإنترنت أسوأ وأضل سبيلا ... وكل بيتسجل كأنجازات ...

    شغل المنح والدورات والكلام ده ...نفس النظام ...معمول بس عشان يتقال وزارة الإتصالات عملت وسوت ... ويطلع نظيف يقول أنا عندي مش عارف كام الف مبرمج أقدر أنافس بيهم الهند ... عبيط ده ولا إيه .. لانه بيعتبر كل واحد أخد منحة عنده ولا أي حاجة من اللي بتعملها الوزارة ده إنسان جاهز لسوق العمل ...وأهي كلها شهادات ..هما يعني خسرانيين غير ثمن الورق اللي بتتكتب عليه الشهادة ...


    أنا اول ما قبلت قبلت ناس إتعلموا من خلال المنح دي الــweb design بتقديرات إيه يا معلم ...كلها إمتياز .. وسألتهم في اساسيات ...قالولي ..مخدنهاش دي هناك .. أمال أخده إيه بالظبط في الويب ديزاين ..

    أينعم ده كله من الوزارة وحرامية الوزارة ...لكن المشكلة الناس اللي طالعة من هناك مصدقة نفسها أكتر من اللازم ...

    عموما أنا عندي قناعة بأن أي شخص مستواه فعلا جامد جدا جدا .. إيه اللي يخليه يروح يشتغل مدرس ...ما يشتغل في سوق العمل بعلمه ..العائد المادي والعلمي هيكون أكتر بكتيير من التدريس ...

    لكن في مثل أمريكي رائع جدا وصادق جدا بيقول ... those who can't do..teach





  13. #13
    عضو متميز
    صور رمزية Shady3D
    تاريخ التسجيل
    Nov 2002
    المنطقة
    القـــاهرة - مــصـر
    ردود
    1,484
    السلام عليكم
    اسمحو اقول راى
    منح الوزارة هى شهادة فى اساسيات اى تخصص - بمعنى ان التخصص يجب له اساسيات وخبرة
    اساسيات ونقول بسيطة هتكون من المنح والخبرة من سوق العمل
    المنح فى وزراة الإتصالات فى موقعهم هى منح مجانية ولا يدفع عليها غير تامين دخول الدورة
    اذن ما المانع فى التقديم اليها من اى فرد ؟

    - خبرة السوق لا تاتى من المنح او من الشهادات
    - خبرة التصميم او ذلك المجال لا ياتى اصلا بأى شهادة وانما من الخبرة والإحتكاك بسوق العمل
    - من يدرسون تلك المنح ليسو بهايم وانما هم خريجين كليات واخذو بعض الدورات - اذن هم ليسو بهائم
    فقط عرفهم بمستواك فى مجالك وستجد الإحترام ولا تتعالى على الاخرين بشىء قد يزول فى لحظة او تنساه
    والجرافيك ان نسيته انتهى الموضوع .

    عموما انا مش مدرس هناك ولا طالب هناك ولا درست هناك ولا هدرس لانى مش محتاج خبرة او شهادة جديدة
    انما من راى الشخصى :

    1 - طموحك لإثبات ذاتك شىء جميل ومجال الجرافيك متميز الان وغد
    2 - ان عرضت عليك دورات مجانية لا مانع ان تتقدم اليها لانها ستضيف اليك معلومة ولو جديدة
    3 - درب نفسك واستخدم جوجل دائما - مثلا اليوم درس جديد فى الكورس ابحث عنه فى جوجل بالغتين وطبق تدريبات
    4 - حاول ان تقرا فى اساسيات التفكير الإبداعى
    5 - ابعد دائما عن المتشائمين وفكر انك غدا ستحقق ما تريد
    -------
    most of us will never do great things
    but we can do small things in a great way
    -------

  14. #14
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    اقتباس الموضوع الأصلي كتب بواسطة فلاشــــــــــاوي معاينة الرد


    عموما أنا عندي قناعة بأن أي شخص مستواه فعلا جامد جدا جدا .. إيه اللي يخليه يروح يشتغل مدرس ...ما يشتغل في سوق العمل بعلمه ..العائد المادي والعلمي هيكون أكتر بكتيير من التدريس ...

    لكن في مثل أمريكي رائع جدا وصادق جدا بيقول ... those who can't do..teach
    مممممممممم

    عامه في بورسعيد المرتبات مضروبه بالنار يعني شغل السوق و الكلام ده مبيأكلش عيش

    المنحه عندنا بتتاخد في مركز يات و الاخ المحاضر الي بقولك عليه اتنفخ ما بين تعليم و كورسات و مقابلات شخصيه عشان يتعين في الشركم عندهم

    المستوي اللي انت بتتكلم عليه انا شفته في الكورسات الي كانت جمعيه شباب المستقبل بيدوها للناس

    يعني مثلا الاخ الي بيشرح الامر line في الاوتوكاد مكنش عارف يقول line بالانجليزي اساسا ده غير الكروته الخ الخ

    ............
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  15. #15
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    شكرا لكل الردود ، ما فهمته من خلاصة ما سبق هو أن مستوى المنحة سيختلف على حسب ال instructor ، لكن حتى لو كان مستوى ال instructor جيد فدوره هو
    شرح وتوضيح الأساسيات فقط ، لكن للوصول لمستوى الاحتراف لابد من اجتهاد شخصى من
    خلال مصادر التعلم الذاتى (كتب - CBT - مواقع تعليمية على الانترنت ) .

    ** لكن بالنسبة للجزء الثانى من الموضوع ، والخاص "بما بعد" المنحة ، وهو :-
    - هل واجهتك اعلانات وظائف كثيرة كمصمم جرافيك (سواء مصمم مواقع ويب أو غيره ) تشترط شرط الكلية الحاسوبية مثلما يفعلون فى مجال البرمجة ؟ ، يعنى هل كونك خريج كلية غير حاسوبية أثر على فرص عملك ؟ (لأنه ممكن ما يطلبش فى اعلان الوظيفة هذا الشرط ، بس بيكون برضه بيفضل خريجى الكليات الحاسوبية ) .

    - ربما يستغرب البعض هذا السؤال ، لكن اللى بيحصل كما نرى مثلا ان آلاف مؤلفة
    من خريجى الكليات الغير حاسوبية بياخدوا شهادات برمجة ميكروسوفت .NET (من منح ودورات خاصة وتعلم ذاتى ) . لكن تيجى تشوف اعلانات الوظائف فى ال yahoo groups زى
    Developers_For_Ever
    egypt-programmers
    Egypt-IT-Jobs
    تلاقى ان 80 % من اعلانات الوظائف للمبتدئين NET junior. تشترط شرط بكالوريوس كلية حاسوبية كشرط أساسى a must . فطبعا مش ممكن الواحد يدخل مجال ويضيع
    فيه وقت جامد و فلوس كتير عشان يلاقى فى الآخر أن 80 % من فرص العمل مقفولة ابتداءا .فما هو الوضع فى مجال الجرافيك أكرمكم الله ؟!

  16. #16
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    -منحة السنة دى نزلت فعلا و الحمد لله ، ياريت أخواننا الخبراء يفيدونا (أنا وكل المتقدمين للمنحة طبعا ) فى سؤال المشاركة السابقة ، و يبقى جزاكم الله خيرا .

  17. #17
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    - ياريت أى معلومة فى هذا السؤال الأخير
    - هل واجهتك اعلانات وظائف كثيرة كمصمم جرافيك (سواء مصمم مواقع ويب أو غيره ) تشترط شرط الكلية الحاسوبية مثلما يفعلون فى مجال البرمجة ؟ ، يعنى هل كونك خريج كلية غير حاسوبية أثر على فرص عملك ؟ (لأنه ممكن ما يطلبش فى اعلان الوظيفة هذا الشرط ، بس بيكون برضه بيفضل خريجى الكليات الحاسوبية ) .
    - المنحة نزلت فعلا ، وهو شهر فترة التقديم المفروض الواحد يختار فيه التراك بشكل نهائى ، وفيه ناس كتير جدا عندها نفس المشكلة والموضوع ده يفيدها جدا .
    - مش عارف ازاى فيه مواضيع كتير "هايفة جدا " ومفيهاش أى فايدة خالص ، ومع ذلك تلاقى عدد المشاركات ضخم . والمواضيع اللى ليها لازمة وفايدة تلاقى عدد ردود قليل .

  18. #18
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    بالنسبة للسؤال الاول , انا لقيت مطلوب كتير مصممين جرافيك من غير كليات حاسوبية
    المهم الشغل حلو ولا لأ
    وغالبا هتلاقيهم ف جريدة الوسيط لو بتوصلك
    99% شغلك الي بيحكم , انت تعملك معرض اعمال بس
    وتعتمد علي مثلا ال yahoo jobs groups , هتلاقي طالبين مصممين جرافيك بالأعمال من غير الكلية الي متخرج منها
    .


    MR. Kok Limited Edition

  19. #19
    عضو جديد
    تاريخ التسجيل
    Sep 2007
    المنطقة
    الشرقية - مصر
    ردود
    13
    شكر كبير لأخينا kareem50 (خاصة انه الوحيد اللى رد )
    ، ورابط المنحة هو :-
    http://www.mcitprof-train.gov.eg/

  20. #20
    Graphic Designer
    صور رمزية أحمد عابد
    تاريخ التسجيل
    Aug 2006
    المنطقة
    Egypt
    ردود
    4,352
    موضوع مهم جدا جدا .


Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل