يمكنك تعليم الـ Blender من خلال .......... ؟

[ahmedmoharram]

السلام عليكم ورحمه الله وبركاته ارحب بكل الموجودين هنا ولكني في حاجه الي السؤال والاستفسار عن شئ ضروري وهو انني اعمل علي برنامج الثري دي ماكس واعشقه ولكني ومنذ فتره بدأت اقرا عن البلندر وخواصه وحصلت علي البرنامج وقمت بتسطيبه ثم رايت انه خفيف وجميل وسهل ويسير من الواجهه الاولي للبرنامج او هو انطباع تولد لدي عكس الماكس فهل يمكنني تعلم البلندر من خلال الدروس المثبته والموجوده في المنتدي هنا ام انه امر صعب جدا ويستحيل حله كما في الماكس او المايا اي انه هل لابد ان اخد كورس في البلندر ام يكفيني الدروس الموجوده هنا وانا سوف اعمل علي مذاكره جميع الدروس واللينكات الموجوده بعنايه ؟ ارجو الاجابه الكافيه لطالب علم وشكرااااااااااا اخواني

[إبن يس]

السلام عليكم
كل أعضاء قسم البلندر ما أخدوش دورات ^_^
و زى ما أنت شايف أعمالهم دلوقتى معروضة فى المعرض الخاص لموقع البلندر
شوف هنااا
http://www.maxforums.net/showthread.php?t=102067

[ahmedmoharram]

ربنا يخليك يا ابن يس انا بجد مش عارف اشكرك ازاي بس انا عايز اسالك سؤال شخصي هو ليه كل ما احط موضوع يتعملي ساسكرايبد ليه هو انا بحارب حد يا جدعان ولا بغلط في حد وانا مش واخد بالي ؟

[ahmedmoharram]

وافرض يا ابن يس اني معرفتش او مقدرتش اتعلمه او مش فاهم يعني هل هو سهل للدرجادي انه ممكن اي حد يتعلمه من خلال روابط التعليم ولا الموضوع معقد

[إبن يس]

ربنا يخليك يا ابن يس انا بجد مش عارف اشكرك ازاي بس انا عايز اسالك سؤال شخصي هو ليه كل ما احط موضوع يتعملي ساسكرايبد ليه هو انا بحارب حد يا جدعان ولا بغلط في حد وانا مش واخد بالي ؟

مش فاهم .. يعنى ايه ساسكرايبد ؟؟؟؟؟؟؟

وافرض يا ابن يس اني معرفتش او مقدرتش اتعلمه او مش فاهم يعني هل هو سهل للدرجادي انه ممكن اي حد يتعلمه من خلال روابط التعليم ولا الموضوع معقد

طب ما فيه محترفين فى الماكس و المايا و ما أخدوش دورات و كله من النت و الروابط ... و ما آكثرهم فى المنابر .. تقريبا 70 % من محترفى المنابر ما أخدوش دورات .. كله من دروس النت
نزل أنت الدروس العربى و هتستفيد منها جدااا
على فكرة البلندر برنامج وسط ...
يعنى ما بين سهولة السينما فور دى و صعوبة و كلكعة و لخبطة المايا و الماكس
المايا و الماكس برامج عملاقة و بها كثير من الأوامر و الخصائص
البلندر تقريبا يجوى كل الأشياء الأساسية للتصميم
يعنى أنت محتاج مكعب و منه تقدر تعمل منه سلم ... صح ؟؟
فى الماكس عندك السلم جاهز ... ده مثلااا
البلندر بسيط و لكنه كافى ...
لما تتعود عليه هتحس أنه برنامج ممتاز جدددا و قوى جددا
كان معان عضو محترف إسمه سمران عبد السلام
كان بيفضل البلندر لحاجة غيبرة أوى
إنه الماكس و المايا برامج قديمة و أكوادها البرمجية كبيرة و لا تحتمل المزيد من التعديل
أما البلندر فقد تجده يتغير جذريا و يسهل التعديل فيه ..
حتى لو تلاحظ حجمه .... من 8 إلى 11 ميجا
و يعمل على كل المنصات .. ويندوز و لينكس و ماكنتوش و أنظمة تشغيل عمرنا ما شفناها كمان ... زى السولاريس و ........آلخ
و خفيف على الجهاز..
اﻷآخ مافيا بيقول غنه شغله على جهاز بنتيوم ثرى تقريبا ..
و أنا جربته على جهاز بنتيوم 2 و إشتغل تمام ^_^
أنت حاول و جرب و إن شاء الله ربنا هيكرمك

[إبن يس]

و خد معاك الدروس الأجنبى
الموضوع ده متجمع فيه دروس كتير جدااا
http://www.maxforums.net/showthread.php?t=101360

[ahmedmoharram]

مش عارف اشكرك ازاي اخي اب يس بجد كلامك جميل ومقنع وشجعتني اني ادخل عالم البلندر وبدات بالفعل في تحميل الدروس العربي كامله كلها وباقي الدروس الموجوده واوعدك ان شاء الله بالعمل الجاد والاجتهاد لؤيه اول اعمالي بالبلندر

[Qemum]

في كتاب introducing animation او شيء كهذا , اسأل الشباب عنه وخليهم يعطوك الوصلة , لأنه بجد رائع

انسى اسمه , فهو يغطي كل شيء حتى الموديلينغ لشخصية وثم تحريكها

سلام

[ahmedmoharram]

مشكور حبيبيب جددددددددددددا