صفحة 1 من 4 1234 أخيرأخير
النتائج المعروضة من 1 الى 20 من مجموع 74

موضوع: مسرحية المنابر

ردود: 74 | زيارات: 6637
  1. #1
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802

    مسرحية المنابر

    مسرحية المنابر
    -----------------------------------------
    في يوم من الأيام .. قرر العضو "متفائل جدا" أن يطرح فكرة مشروعه الذي اعد له كثيرا على أعضاء المنابر لتكوين فريق صغير لعمل هذا المشروع .. المشروع عبارة عن فيلم قصير لطفل في الصف الثاني الإبتدائي يتعرض لموقف في مدرسته يجعله في مأزق بين الإختيار بين الإسلام ووطنيته وولاءه لبلده .. ومع أحداث القصة نفاجأ بان الفتى الصغير جاء بحل رائع يجعله يخرج من المأزق دون التضحية باي الامرين ويثبت للجميع أنهما ليسا متعارضين بل أن الوطنية جزء من الدين .. هكذا دخل إلى المنابر .. بدأ بتسمية الله ثم ضغط على ذلك الزر اللعين "أضف موضوع جديد" .... وهنا بدأت الأحداث ..
    ( ملحوظة .. أسماء الاعضاء المستخدمة هنا من خيالي..وإن صادف وشابه أحدها عضو هنا ..فهو من قبيل المصادفة ليس إلا )

    :: متفائل جدا ::
    السلام عليكم يا شباب ..
    عندي مشروع لعمل فيلم قصير .. أعددت القصة وكمان تصميم الشخصيات على الورق وعملت story board مبدأية يمكن التعديل عليها فيما بعد .. القصة لطفل في الصف الثاني الإبتدائي يواجه موقف في مدرسته جعله في مأزق بين الإختيار بين الإسلام ووطنيته وولاءه لبلده .. ومع أحداث القصة نفاجأ بان الفتى الصغير جاء بحل رائع يجعله يخرج من المأزق دون التضحية باي الامرين ويثبت للجميع أنهما ليسا متعارضين بل أن الوطنية جزء من الدين ..
    أنا كما أخبرتكم بدات في الموضوع ..وأريد تكوين فريق من سبعة أفراد أنا وستة أخرين ..يوزع العمل كالتالي ..

    1 موديلير للشخصيات من البلو برنتس الجاهزة عندي ..هناك ثلاث شخصيات في القصة ..
    1 موديلير للبيئة من بناء المدرسة وفناءها وبعض التفاصيل الاخرى ..
    1 لإخراج العمل من الماتيريالز والإضاءه وعمل ريندير
    1 لعمل ريجينج للشخصيات ( انا )
    2 أنيماتورز ..
    1 فيديو إديتور وكمان تركيب للصوت ...
    البرنامج المستخدم هو الماكس .. فياريت اللي هيشتركوا يكون بيستخدموا الماكس مش برامج تانية ..يا ترى مين فيكم حابب يشارك معايا لعمل الفيلم ده ... مستنيكم لتكوين الفريق ..

    ::تلميذ فالح ::
    جميل جدا .. أنا معاك ..انا بشتغل فوتوشوب وبور بوينت كويس خالص ..

    ::متفائل جدا ::
    شكرا على الرد .. لكن مظنش اننا هنحتاج حد فوتوشوب أو بور بوينت ..أحنا بنعمل فيلم قصير حضرتك ..

    ::تلميذ فالح ::
    وماله ..ده البور بوينت جامد جدا .. ده بيعمل حاجات حلوة قوي ..

    ::متفائل جدا ::
    شكرا يا استاذ تلميذ فالح ..اول ما هنحتاجلك هنطلبك ..

    ::تلميذ فالح ::
    هتطلبوني إمتى ؟؟

    ::متفائل جدا :
    أما نحتاجلك يا استاذ تلميذ فالح هنطلبك ...وياريت كفاية كده عشان باقي الأعضاء تهتم بالموضوع ..

    ::نسر الدين ::
    تصميم ذوات الأرواح حرام يا اخي .. أنجو بنفسك يوم لا ينفع مالا ولا بنون ..

    ::متفائل جدا ::
    شكرا يا اخي نسر الدين على النصيحة .. ولكني اخذت بالرأي الاخر للعلماء بجواز هذا .. والقصة كما ترى تخدم الدين ..بارك الله فيك على النصيحة على كل حال ..

    ::نسر الدين ::
    وسيعلم الذين ظلموا أي منقلب ينقلبون ..!!

    ::متفائل جدا ::
    ليه كدا بس يا استاذ نسر ... ظلموا إيه بس ..دا انا واخد باراء علماء كبار ..

    ::أبو صلاح ::
    إقتباس (وسيعلم الذين ظلموا أي منقلب ينقلبون ..)
    بارك الله فيك يا اخي نسر الدين .. واضيف من عندي قوله تعالى "الزانية والزاني فاجلدوا كل واحد منهما مائة جلدة " ..

    :: متفائل جدا ::
    أستاذ أبو صلاح .. إيه علاقة الزانية والزاني بموضوعنا هنا .. مفيش اي علاقة .. وقولنا يا جماعة أن إحنا خدنا بالرأي اللذي يجيز هذا ..فياريت منتكلمش في موضوع الحرمانية ..ونتكلم في المشروع الفعلي ..

    ::أبو صلاح ::
    إقتباس (إيه علاقة الزانية والزاني بموضوعنا هنا .. مفيش اي علاقة)
    أعوذ بالله من غضب الله .. انت كمان مش عاجبك كلام ربنا ..!!

    :: علام ::
    إسمحلي يا استاذ متفائل جدا .. القصة سخيفة جدا .. دين ووطنية مع ولد في تانية إبتدائي .. إيه العقد دي .. أنتو لازم تحشروا الدين كدا في كل حاجة .. لو عاوز تعمل فيلم حلو يبقى تخلي الولد ده مثلا بيحب البنت زميلته في الفصل ..وبحاول يظهر نفسه قدامها وكده .. حتة أمريكاني يعني .. العيال هيموتوا في الفيلم .. وسيبكوا بقى ما الدين ووجع الدماغ ده هتعقدو الاطفال الصغيرين حرام عليكم ..

    :: نسر الدين ::
    إقتباس (وسيبكوا بقى ما الدين ووجع الدماغ ده)
    كيف تسمح إدارة الموقع لمثل هذا العلماني القذر بان يضع مثل هذا الرد ..

    :: علام ::
    أنا قذر يا إرهابي ..جاتكوا القرف مليتوا البلد ..

    :: ابو صلاح ::
    صدقت يا اخي نسر الدين .. لقد كثر الخبث في المنتدى .. يبدو أن إدارة المنتدى يعجبها هذا الحال ..

    :: مشرف ::
    تم عمل ban للعضو علام .. نياهاهاهاههاهاهاهاههههههههااااا (ضحكة الأشرار في افلام الكارتون )

    :: متفائل جدا ::
    يا استاذ ابو صلاح ..انا مقولتش ان الاية مش عجباني حاشا لله ..انا بقول أن ده مش مكانها ..
    يا أستاذ علام .. أنا بحاول اعمل فيلم ليه هدف نافع ..اللي انت بتقول عليه ده فن هدام ..

    :: بن ناس ::
    أحييك على الفكرة يا أستاذ متفائل .. بس ياريت تدي الفيلم طابع إسلامي اكتر .. ومتخفش تصميم الشخصيات مش حرام .. بالرغم من أني شايف انك لو حطيت موسيقى تصويرية في الفيلم هتبقى حرام ..عشان شايف ان الموسيقى حرام بس تصميم الشخصيات مش حرام ..عشان انا بحب تصميم الشخصيات جدا ..

    :: متفائل جدا ::
    شكرا يا أستاذ بن ناس .. بس مش فاهم يعني إيه أدي الفيلم طابع إسلامي أكتر .. ممكن توضح .. وهل حضرتك مستعد أنك تكون أول مشترك معانا في الفريق ..

    :: بن ناس ::
    يعني الولد بطل القصة يكون ملتحي مثلا ..

    :: فلاشاوي ::
    يعني يا بن ناس أنت شايف تصميم الشخصيات مش حرام بس الموسيقى حرام .. أنت بتاخد اللي على مزاجك يعني ولا إيه ..

    :: أكرم ::
    وانت مالك يا فلاشاوي يا بارد بتدخل نفسك في ما لا يعنيك ليه .. هو حد كان وجهلك أنت الكلام .. ده انت مستفذ ..

    :: فلاشاوي ::
    وانا تاعبك في إيه يا استاذ اكرم .. هو انا كنت كلمتك انت .. لو أنا أدخلت نفسي فيما لا يعنيني ..فانت عملت نفس الموضوع بكلامك ليا ..

    :: متفائل جدا ::
    فلاشاوي واكرم .. أنتوا جايين تتخانقوا في موضوعي .. من فضلكم أحترموا الموضوع ..فين المشرفين ..؟؟؟

    :: مشرف ::
    إحنا موجودين .. ومفيش حد خالف القوانيين ..خليك في نفسك أحسن لك بدل ما أعملك ban إنت كمان ..نياهاهاهاههاهاهاهاههههههههااااا (ضحكة الأشرار في افلام الكارتون )

    :: متفائل جدا ::
    ........... رد محذوف من قبل المشرف .........

    :: متفائل جدا ::
    ممكن أعرف أنت حذفت ردي ليه ؟

    :: مشرف ::لا مش ممكن ... نياهاهاهاههاهاهاهاههههههههااااا (ضحكة الأشرار في افلام الكارتون )

    :: أكرم ::
    فلاشاوي .. انت حالة ميئوس منها ..أنا أنسحب من النقاش ..

    :: فلاشاوي ::
    أحسن إنك إنسحبت .. فانت لا تجيد النقاش اصلا ..

    :: أكرم ::
    طب أنا رجعت تاني هأو هأو هأو ( ضحكة محمود المليجي في فيلم رصيف نمرة خمسة )

    :: متفائل جدا ::
    إقتباس ( يعني يكون الولد بطل القصة يكون ملتحي مثلا ..)
    يا أستاذ بن ناس ..بطل القصة ولد في تانية إبتدائي ..هيبقى ملتحي إزاي بس ..؟؟!!

    :: بن ناس ::
    أنت بتتلكك ...طب خلاص بقى بالعند فيك ..تصميم الشخصيات حرام ..حرام ..حرام ..

    :: أبو صلاح ::
    إقتباس (...طب خلاص بقى بالعند فيك ..تصميم الشخصيات حرام ..حرام ..حرام ..)
    عودا حميدا أخي بن ناس .. نجيت نفسك من المهالك ..

    :: متفائل جدا ::
    يا نااااااااااس ياهووووووووو ..حرام عليكم إحنا أتكلمنا في كل المواضيع ما عدا الموضوع الأساسي .. عاوز اعمل الفيلم حرام عليكم ..

    :: فلاشاوي ::
    بعد عشر ساعات من دروس السباحة نجح فقط في أن يتعلم (عدم الغرق) !

    :: متفائل جدا ::
    قصدك إيه يا أستاذ فلاشاوي ..؟؟

    :: أكرم ::
    إقتباس (قصدك إيه يا أستاذ فلاشاوي ..؟؟)
    متخدش في بالك .. هو فلاشاوي كده بيتمنظر بكلمتين عارفهم مالهمش لازمة .. في كل موضوع يدخل يقول كلمتين ويطلع وعامل فيها حكيم زمانه ..

    :: مكساوي جامد ::
    أنا مستعد أشترك معاك في المشروع يا استاذ متفائل جدا .. انا بستخدم الماكس ..النهاردة أخيرا قدرت اثبت البرنامج وادخله السيريال صح .. ونزلت كام درس حلوين وهبتدي اتعلم النهاردة ..استناني انت بس وهتشوف العجب ..

    :: متفائل جدا ::
    انا شفت العجب خلاص يا استاذ مكساوي .. بس مظنش اننا هنقدر نستناك أما لسه هتتعلم .. يمكن في مشاريع مستقبليه إن شاء الله

    :: مكساوي جامد ::
    يعني انتوا بدأتوا محترفين على طول .. إيه الغرور ده ..عموما أنتوا الخسرانيين

    :: مشرف ::
    أستاذ متفائل جدا ..إحترم باقي الأعضاء حتى المبتدأين منهم ..وإلا ساضطر لحذف ردودك أو إيقاف عضويتك ..وإذا لزم الامر ..ربما تفجير جهازك عن بعد .. نياهاهاهاههاهاهاهاههههههههااااا (ضحكة الأشرار في افلام الكارتون )

    :: ابو قمر ::
    الماكس اصلا برنامج فاشل .. ولا يقارن بالسينما فور دي بأي حال ..

    :: متفائل جدا ::
    أستاذ ابو قمر .. كل برنامج وليه مميزاته ..مفيش داعي نناقش المقارنة بين البرنامجيين هنا ..

    :: أبو قمر ::
    طبعا مفيش داعي للمناقشة ..لان المناقشة محسومة أصلا لصالح السينما من قبل أن تبدأ ..

    :: متفائل جدا ::
    طيب .. براحتك يا سيدي ..الله يحرق الماكس على اللي بيستخدموه سوا ..

    :: ابو صلاح ::
    إقتباس (..الله يحرق الماكس على اللي بيستخدموه سوا ..)
    الف مرة ..!!

    :: ميدو ::
    يا له من موضوع جميل يا أخي .. ويالك من عضو رائع .. هدأ أعصابك أخي .. أشرب فنجاناا من القهوة ..او كوبا من الليمون مع أني لا احب هذا الاخير ..خذ هذه

    :: صاحب ميدو ::
    فرحت بمشاركتك يا ميدو ..كم انت تحب الاخرين وتحب ان تنصحهم يا اخي ..خذ هذه

    :: جار ميدو ::
    ميدو يا ريت متركنش عربيتك قدام باب بيتنا يا اخي ..ما تركنها قدام بيتكم ...خذ هذه

    :: بن خال ميدو ::
    هنزوركم النهاردة على الفطار ..يا ريت تكونوا محضرين اكل كويس ..خذ هذه

    --------------------------------------------------
    أثناء هذه المحادثة .. سقط العضو متفائل جدا مغشيا عليه أمام جهازه وكانت حالته خطرة جدا ..مكث في المستشفى ثلالث ايام ثم عاد ..وحينما عاد وجد موضوعه ما زال نشطا ..!!
    --------------------------------------------------

    :: قريب ميدو من بعيد ::
    الأقلام الرصاص لا تصلح أبطالا لافلام الكارتون فعلا يا ميدو .. يالك من رائع

    :: علوان ::
    يا ريت نفرق بين الدين وبين علماء الدين يا جماعة ..

    :: نسر الدين ::
    إقتباس (يا ريت نفرق بين الدين وبين علماء الدين يا جماعة ..)
    كشفت عن وجهك القبيح أخيرا ... أي الإدارة وكيف تسمح للعلمانيين بأن يصولوا ويجولوا في المنتدى ..

    :: مشرف ::
    تم عمل BAN للعضو علوان .. نياهاهاهاههاهاهاهاههههههههااااا (ضحكة الأشرار في افلام الكارتون )

    :: متفائل جدا ::
    يااااه أنتوا لسه بتتكلموا في الموضوع ... !!

    :: ابو عبدو ::
    إقتباس (يااااه أنتوا لسه بتتكلموا في الموضوع ... !!)
    وهو حضرتك مين اصلا ..

    :: متفائل جدا ::
    أنا صاحب الموضوع ..!!

    :: ابو عبدو ::
    ياااااااااه .. هو الموضوع اصلا كان عن إيه عشان أنا جيت متأخر ..!!

    :: متفائل جدا ::
    الموضوع كان عن الشكليته .. هاهاهاهاهاههاهاهاهااووووووووووو (ضحكة شمشون قل ان يهوى على رأسه المعبد )

    :: مشرف ::
    إقتباس (الموضوع كان عن الشكليته .. هاهاهاهاهاههاهاهاهااووووووووووو)
    تم عمل BAN للعضو متفائل جدا ..لعدم إحترامه لباقي الأعضاء ولمواضيعه التي تثير الجدل والفتنة بين الأعضاء ..نياهاهاهاههاهاهاهاههههههههااااا (ضحكة الأشرار في افلام الكارتون ).


    أسدل الستار .... يا ستااااااااااااااار ..
    أخر تعديل بواسطة فلاشــــــــــاوي في 30 / 09 / 2007 الساعة 02:09 PM


  2. #2
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    الفكرة مقتبسة من موضوع قديم لحسام ماهر

  3. #3
    وصلت الرسالة وكل لبيب بالاشارة يفهم

  4. #4
    عضو متميز
    تاريخ التسجيل
    Sep 2006
    المنطقة
    أبو دابي
    ردود
    2,301
    رائع.
    خمس نجوم على الموضوع.
    ~sion
    هل انت عاطفي وتستهبل ولديك مشاكل نفسية و و تعتقد دائماَ انك على حق ومستعد لاستخدام منصبك كمشرف للكيل من الاعضاء كما تريد دون احترام او موضوعية؟ نحن في طاقم الاشراف في المنابر (منبر الرأي و الكيل الآخر بمكيالين) نرحب بك معنا.

  5. #5
    عضو متميز
    صور رمزية althaer
    تاريخ التسجيل
    Jun 2005
    المنطقة
    أينما ذكر اسم الله
    العمر
    36
    ردود
    2,192
    هههههههههه

    عملتها يا برادعي
    ------------------------------
    مع الأسف مسرحية متكررة

    لكن طريقة تثبيت البرازيل غابت عن السيناريو
    دا وانتي مطلعه عيني ... بحيك مووت

  6. #6
    عضو متميز
    صور رمزية mo3allem
    تاريخ التسجيل
    Oct 2006
    المنطقة
    كوكو الارض
    ردود
    1,861
    موتني على نفسي من الضحك حرام عليك ... نيااااهاهاااااهاههههههه ( لا ديه ضحكة عادية ) .
    !!!! Ian Joyner ROCKS !!!!

  7. #7
    مهندس ميكاترونكس
    صور رمزية Qemum
    تاريخ التسجيل
    Jul 2006
    المنطقة
    Jordan
    العمر
    28
    ردود
    5,417
    "الزانية والزاني فاجلدوا كل واحد منهما مائة جلدة " ..
    -
    يعني الولد بطل القصة يكون ملتحي مثلا ..
    -
    (...طب خلاص بقى بالعند فيك ..تصميم الشخصيات حرام ..حرام ..حرام ..)
    -
    النهاردة أخيرا قدرت اثبت البرنامج وادخله السيريال صح
    -
    يا له من موضوع جميل يا أخي .. ويالك من عضو رائع .. هدأ أعصابك أخي .. أشرب فنجاناا من القهوة ..او كوبا من الليمون مع أني لا احب هذا الاخير ..خذ هذه
    -
    :: جار ميدو ::
    nice parody flashawy

    8 stars

  8. #8
    مشرف عام
    صور رمزية aktoom
    تاريخ التسجيل
    Dec 2005
    المنطقة
    بلاد العرب أوطاني
    العمر
    52
    ردود
    17,805
    اقتباس الموضوع الأصلي كتب بواسطة فلاشــــــــــاوي معاينة الرد
    مسرحية المنابر
    -----------------------------------------


    :: أكرم ::
    وانت مالك يا فلاشاوي يا بارد بتدخل نفسك في ما لا يعنيك ليه .. هو حد كان وجهلك أنت الكلام .. ده انت مستفذ ..




    أسدل الستار .... يا ستااااااااااااااار ..

    هههههههههههههههههههههههههههه
    عجبتني كثير
    بس هذا إسمي الحقيقي وعالمكشوف
    بس الآراء مش بتاعتي

    أعتبره تشابه أسماء
    فلاشاوي صدقني بحبك
    خذ هذه
    سبحان الله وبحمده .. سبحان الله العظيم

    لاريب أنّ الألم هو سائق انفعالاتي الفظّ ، وأنّ الأمل هو وسيلتي الدائمة لترويضه . لكن .. هل أكون بهذا قد لخّصت لك عملية الإبداع ؟

    FACEBOOK

  9. #9
    عضو متميز
    صور رمزية y@sser
    تاريخ التسجيل
    May 2003
    المنطقة
    جوانتانامو مصر
    ردود
    10,884
    نياهاهاهاههاهاهاهاههههههههااااا (ضحكة الأشرار في افلام الكارتون )
    بلاد الكوارث
    حيث جميع الشعب وجلاديه يبحثون عن العقل والقلب والشجاعه المفقودين
    لكن للاسف لاوجود للساحر اوز
    وتنتهي القصه بفقد الحذاء الاحمر
    وتبقي اليس في بلاد الكوارث للابد

    مدونتي

  10. #10
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    طب و ليه كده يا فلاشاوى ^_^
    مين إبن ناس ده
    على فكرة أنت عايز الناس يا معاك فى كل حاجة يا عليك فى كل حاجة ^_^
    معلش أنا فهمت كده من مسرحيتك
    أعذرنى على فهمى القاصر ^_^

  11. #11
    مهندس ميكاترونكس
    صور رمزية Qemum
    تاريخ التسجيل
    Jul 2006
    المنطقة
    Jordan
    العمر
    28
    ردود
    5,417
    مين إبن ناس ده
    فضحت حالك ..... يا بلندراوي ! لول ...

    طبعا في بيني وبينك مزح صح ؟

  12. #12
    عضو متميز
    صور رمزية althaer
    تاريخ التسجيل
    Jun 2005
    المنطقة
    أينما ذكر اسم الله
    العمر
    36
    ردود
    2,192
    المسرحية القديمة ...
    http://www.maxforums.net/showthread.php?t=37863
    دا وانتي مطلعه عيني ... بحيك مووت

  13. #13
    عضو نشيط
    صور رمزية زند الاسى
    تاريخ التسجيل
    Dec 2006
    المنطقة
    مصر بتتقدم بينا (!!!!!!!)^100
    ردود
    897
    هههههههههههههههههه
    موتنى من الضحك والله
    اضحك الله سنك

    بس لو لسه فى مكان ممكن اشترك معاكوا فى الفيلم ؟؟؟
    بيـــــــــــسٌ
    ☺☺




  14. #14
    عضو متميز
    تاريخ التسجيل
    Sep 2003
    العمر
    28
    ردود
    4,029
    فيه شخصيتين تشابه شخصيتي


    فلاشاوي انتا منحاز لرأي واحد ...

    والعياذ بالله

  15. #15
    عيوني دمعت من الضحك
    أحلى حاجة ::مشرف:: و ::ميدو:: و ::جماعة ميدو::

  16. #16
    عضو نشيط
    صور رمزية zyzy
    تاريخ التسجيل
    Jun 2007
    المنطقة
    مصر
    ردود
    524
    مسرحية السهره كانت ممتعه جدا
    الله يبسطك زى ما بسطتنا
    و مسرحيه حسام ماهر كمان كانت جميله
    ( و قل ربى ارحمهما كما ربيانى صغيرا)
    كاتب قدير لا يحسن التعبير

  17. #17
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    يا ريت محدش يزعل يا جماعة .. خصوصا المشرفين .. ... هي كانت ساعة قبل الفطار وكنت خلاص زهقت من الشغلانة الغبية اللي كانت في إيدي ..وبقيت مش لاقي حاجة أعملها عشان اضيع الوقت لغاية أذان المغرب ..فأفتكرت موضوع حسام ... فضربت في دماغي فكتبتها .. ممكن تعتبروها تهييس واحد صايم قبل الفطار بساعة .. مش لازم اكون قاصد كل جمله فيها بحد معين .. بالإضافة أني بالغت طبعا في بعض النقط للسخرية ليس إلا ..

    فيا ريت لو حد زعل من الموضوع .. سماح النوبة ..

    أبو بدر : سرني ردك .. وأرجو الا أكون أزعجتك بالموضوع ..

  18. #18
    عضو متميز
    صور رمزية sa9r
    تاريخ التسجيل
    Mar 2005
    المنطقة
    عابر سبيل
    ردود
    7,648
    ربما سأرد مثل نسر الدين ... لكن دع عنك دين الله مخافة أن تكون من المستهزئين .

    قد لا يعجبك كلامي ... كما أنه لن يعجب الأغلبية الساحقة و سينبرون مدافعين و مطبلين مزمرين... و لكن أقول عد إلى قول الله تعالى وتدبره جيدا :


    { وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ }البقرة251


    حياك الله أخي علي .


    عن أنس رضي الله عنه قال
    : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)







  19. #19
    عضو متميز
    صور رمزية sa9r
    تاريخ التسجيل
    Mar 2005
    المنطقة
    عابر سبيل
    ردود
    7,648
    ملاحظة : رددت قبل أن أرى ردك الأخير .

    و لكن أعود فأقول ... احذر أن تقع في الاستهزاء بدين الله ... و اعتبرها نصيحة من أخ مشفق .

    و تذكر قولهم {وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ }التوبة65

    فماذا كان جواب رب العزة ؟

    {لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ }التوبة66


    عن أنس رضي الله عنه قال
    : قال رسول الله صلى الله عليه وسلم ( إن لله تعالى أهلين من الناس . قالوا : يا رسول الله من هم ؟ قال : هم أهل القرآن أهل الله وخاصته ) . (صحيح الجامع2165)







  20. #20
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    ملاحظة : رددت قبل أن أرى ردك الأخير .

    و لكن أعود فأقول ... احذر أن تقع في الاستهزاء بدين الله ... و اعتبرها نصيحة من أخ مشفق .

    و تذكر قولهم {وَلَئِن سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ }التوبة65

    فماذا كان جواب رب العزة ؟

    {لاَ تَعْتَذِرُواْ قَدْ كَفَرْتُم بَعْدَ إِيمَانِكُمْ إِن نَّعْفُ عَن طَآئِفَةٍ مِّنكُمْ نُعَذِّبْ طَآئِفَةً بِأَنَّهُمْ كَانُواْ مُجْرِمِينَ }التوبة66
    شكرا على النصيحة يا صقر ... أعلم أن نيتك الإصلاح وإن إختلفت الأساليب ..

    الاية التي ذكرتها ليس لها اي علاقة بالموضوع ..لان كما هو واضح موضوعي ليس فيه إستهزاء بالله ولا بالرسول ولا بمعتقد من معتقدات ديننا - وكأنني اجرأ على فعل هذا ..!! - ... الموضوع ينتقد أشخاص وطرق تفكير وليس الله ولا رسوله ولا حتى أحد من العلماء .. الموضوع ينتقد اعضاء في منتدى .. ليس اكثر من هذا .. وبالتالي هذا ليس مناط الدليل على الإطلاق ..

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل