الا اونا الا دو الا تري متر الارض بقي بجنيه

[mansy1985]

حذرت منظمات بيئية من محاولات تدمير محمية “وادي دجلة” الطبيعية بالقاهرة بعد توقيع بروتوكول بين محافظة القاهرة وجهاز شؤون البيئة وهيئة التنمية الصناعية، ويقضي بتنازل وزارة البيئة عن قطعة أرض من داخل المحمية تقدر بنحو 198 فدانا، فضلا عن تخصيص 158 قطعة أرض لمصلحة مستثمري صناعة الرخام داخل حدود المحمية وتحديد حق الانتفاع بمدة 30 سنة مقابل جنيه مصري واحد للمتر المربع.
وكان قرار رئيس الوزراء صدر في العام 1999 بجعل منطقة وادي دجلة محمية طبيعية وهو الأمر الذي يمنحها حصانة خاصة عند التعامل معها أو مع المنطقة المحيطة بها.
واعتبر مركز “حابى” للحقوق البيئية البروتوكول مخالفا للقوانين والتشريعات التي تنظم وضع المحميات وخاصة القانون رقم 102 لسنة 1983 وقرار رئيس مجلس الوزراء رقم 1067 لسنة ،1983 ويبلغ عدد المصانع التي تعمل داخل المحمية 18 مصنعا وعدد المصانع المتوقفة عن العمل 62.



يلا كله في سبيل الاستثمار يهون...جتهم القرف ملوا البلد

[قمة الذكاء]

ههههههههههه
استثمار يا منسي استثمار

[mansy1985]

قله ادب و الله الي بيحصل ده يا عم قمه

بغض النظر انهم بيدمروا البيئه عشان الساده يقدروا يفرشوا القصور بتاعتهم برخام من الغالي

الي يحرق الدم اكتر ان البلد بتتباع اتراب الفلوس و بتتنهب عيني عينك و بمنتهي البجاحه لدرجه ان بقي المسئول الوحش هوه الي بيبيع البلد في السر و المسئول الكويس النزيه هوه الي بيبيعها في العلن

ااااااااااااااااااااااااااااااااه يا بلد

اه صحيح نسيت

متر الارض في المقطم اتباع لشركه اعمار الاماراتيه ب90 جنيه مع ان تمنه وقت البيع كان معدي الالف

المشكله برضه ان الشركه علي السعر البخس ده المفروض كانت حتدفع 360 مليون جنيه بس دفعت منها 180 مليون و بتماطل في دفع الباقي-يعني مش بجح و راشي و حرامي لأ ده زاد عليهم بانه معفن و نتن كمان-

انا لسه قاري الخبر ده في الجرنان -حرقه دم-

المهم بس احنا حنعمل ايه...حنستني لغايه لما نصحي الصبح ما نلاقيش البلد او علي اقل تقدير نلاقيهم باعوا الهرم و ابو الهول

[قمة الذكاء]

هي الحياة كذا لازم
تطبق المثال التالي ولا راح ؟؟؟؟؟
(العالم مكان خطر للعيش فيه ليس لوجود اناس اشرار بل لان الناس الطيبون لا يفعلون شيء)
الناس الطيبون الي هما احنى انا وانت والناس الغلاباء

[zyzy]

[quote]...جتهم القرف ملوا البلد[/quote]

...............................

[علاء مختار]

فرصــــــــــــــــــــــــة

[قمة الذكاء]

فرصه ايه يا عم

[فلاشــــــــــاوي]

جنيه واحد للمتر .. يعني ممكن أشتري مساحة أرض أبني عليها عمارة .. بتمن كارتين شحن .. يا بلاش ..

[mansy1985]

يا عم مش المتر بجنيه للشعب

المتر بجنيه للمستثمريييييييييييين الاجانب

[قمة الذكاء]

خلاص نجيب واحد من ليبيا مثلا يشتري بفلوسنا ارضنا وبعدين نعطيه كم جنيه ونقول له
يله مع السلامه

[y@sser]

انا لسه قاري الخبر ده في الجرنان -حرقه دم-

وجالك قلب تقرا الجرنال
يا قلبك يا جدع
انا شخصيا اعتبرت نفسي مسافر في سكة الي يروح ما يرجعش لحين تحرير البلد من عصابه ثوره52

[فلاشــــــــــاوي]

يا عم مش المتر بجنيه للشعب

المتر بجنيه للمستثمريييييييييييين الاجانب

خلاص .. أنا أركب دقن ..اااا ..قصدي اضرب شعري أوكسجين .. وأنا بعرف أتكلم إنجليزي كويس .. واخد قرض من أي بنك بضمان الأرض اللي لسه ماشتريتهاش ..!! ..واروح هناك أشتريلي 10 افدان .. ولا ليه أشتري أصلا .. أنا مش اخدت القرض ..!!

[قمة الذكاء]

يا عم مش المتر بجنيه للشعب

المتر بجنيه للمستثمريييييييييييين الاجانب

الشعب مفروض يكون هو الي يستثمر
في بلده مش الاجنبي الي يشتري ارضي و يخليني ادفع له
(الله يذكرك بالخير يا سادات قلت الي حيعمل فلوس حيعملها بزماني)
الله يرحمك