بس يجي العيد واقله

[إبن يس]

بس يجي العيد واقله

ليه يا عيد جاي السنه دي؟
جاي تنادي؟
علي مين..... والذل عادي ؟

جاي تفرح مسلمين ؟
هما فين المسلمين !؟
ناس شبههم
عالخروف متجمعين
ناس شبههم
عالصواني مرصصين
ناس شبههم
بعد شبعة معسلين نايمين
قلي بس
جاي لمين ؟

جاي تفرح قلب مات ؟
لأ مماتش !!
مات يا عيد
قدس راحت ...
مش جديد
بطن جابت من الضعاف
مليار وليد
وفي معادك جاي اكيد
ليه يا عيد ؟ جاي تشوف غزة وجنين ولا شيشانا الحزين ولا اطفال الحجارة ويا دم معيدين جاي لمين ؟ شفت بغداد الحزين ؟ شفت أسرانا سنين ؟ جاي لمين ؟


شوف هقلك كلمتين
لما ارض الحر ترجع
تبقي عيد
لما جيل القوة يرجع
من جديد

قول ساعتها
يلا عيد

حسام ماهر



و يكمل أبو معاذ

طب بقولك
يلاه بينا وبايدينا
راح يكون
العيد بجد الف عييد
مش بعيد الحلم يرجع مش بعيد
كل نار مهما هتحرق
بكره تصبح كوووم وئيييد



اه ياحس والف اه
جرحنا فى الليل يزيد
نار بتاكل الف ايد
ايد بتبنى وايد تبيد
ايد بتدفع من اساها
تتقطع لجل الوليد
وايد بتقطع كل بسمه
تترسم
على الف عيد
بس مش هى النهاية
لسه بكره فيه جديد
بكره جاى بمييت وليد
ولا ه اقولك
بكره هايجيبه الوليد غصب عنه
راح يكون الهم همه
راح يكون المهر دمه
وابقى غنى فى كل عيد
قول بجد اليوم ده عيد
يوم ما نبنى الهمه فينا
وبايدينا
نصنع العيد والوليد


قوم ياحس وقول يارب
قلبك وقلبى
والف قلب
لو اخلصوا
ما يكون فى صعب
يلاه نادى وقول ياعيد
بكره جاى مليون وليد
من جديد راح يكونوا شموع تقيد
زى ما كانو اللى كانوا
راح نكون اليوم ياعيييييييد
ـــــــــــــــــــــــــــــــــــــــــــــــــــــــــــــــــــــــــــــــ
انت اللى فتحت بابى جزاكم الله خيرا على الكمات وعلى فتح الشهيه

و يرد عليه حسام
لا يا ابومعاذ مفيش
مش نشيد
مش كلام
مش حديت

فين بوادر الجديد ؟
فين طبول الحرب
تضرب كل ايد
كل ظالم من العبيد

قوم ساعتها يا معاذ
قول لابوك
يلا عيد


و يرد عليه أبو معاذ و يقوله

يابنى هس ليسمعوك
دول كلاب هيجرجروك
بدنا
فى العيد تعييييد
جمب امك وياه ابوك

يعنى جاى دالوقتى تبكى
روح وشوف اللى خانوك
من زمان فى الليل بعوك
وبفلوسك شربو دمك
وبجننهم لغبطوك
مش كلام اسئل مجرب
والنصيحة من اخوك

روح وشيل فى الليل همومك
ابقى خبيها فى هدومك
ابقى خللى الصدق لونك
دول يحس هينفعوك

والبوادر جايه جايه
مش نشيد والله هى
فى الليالى العزم يكبر
ووبنهارنا حسن نيه
ليه ياحس النظرة ديه
قو ل ياباسط دى القضيه
ان عيدنا زينا فى الكون ضحيه
يعنى حالنا زى حاله
وهو بس ياحس ماله
قوم يراجل خد بايده
وادعى رب الكون يعيده
بالبوادر
والهموم تمحيها ايده

يلاه عيد ياحس يلاه
ده االبوادر والله طله
يلاه عيد ياحس يلاه
ولوهموم الليل خنتنا
راح نقوله

يفتح الله
يلاه عيد ياحس يلاه
__________________
موضوع قديم http://www.maxforums.net/showthread.php?t=83842

[N.O.B.Y]

موضوع رائع وفكره احييك عليها ابن يس
احياء تراث ابو معاذوحسام
حقيقى

مبدعون المنابر

[إبن يس]

موضوع رائع وفكره احييك عليها ابن يس
احياء تراث ابو معاذوحسام
حقيقى

مبدعون المنابر

فعلا الإرتجال ده من أروع ما قرأت فى حياتى

[الجسوس]

وياتري امته هيكون في عيد ؟
وامته يجي المليون وليد؟
وامته تتحرر بلدنا؟



تحياتي

[إبن يس]

وياتري امته هيكون في عيد ؟
وامته يجي المليون وليد؟
وامته تتحرر بلدنا؟



تحياتي

لما ييجى الوليد
و نعلمه عزيــــــمة
مـــــــــــن حـــديـــــد
و نعلمه يتقى الــمــجيــد
و إنه ألان ليحيى الـــحـــديد
هيرعبلك قلوب الكفرة الصناديد
و هيرجعلك حقك بس تخاف المجيد
و لما نقوله إن دينك أقوى من الحديد
بس أتمسك بيه و بأديك و سنانك زى الحديد
ساعتها نقدر نقول يا عيد أنت أحلى عــــــــيـد

[قمة الذكاء]

يلاه للعيد
راح عيد جاء عيد
(عيد باي حال عدت يا عيد)
المتنبي

[إبن يس]

لما ييجى الوليد
و نعلمه عزيــــــمة
مـــــــــــن حـــديـــــد
و نعلمه يتقى الــمــجيــد
و إنه ألان ليحيى الـــحـــديد
هيرعبلك قلوب الكفرة الصناديد
و هيرجعلك حقك بس تخاف المجيد
و لما نقوله إن دينك أقوى من الحديد
بس أتمسك بيه و بأديك و سنانك زى الحديد
ساعتها نقدر نقول يا عيد أنت أحلى عــــــــيـد

البحــــــــــتـــــــــرى

[CG Artist]

فين بوادر الجديد ؟
فين طبول الحرب
تضرب كل ايد
كل ظالم من العبيد

كان نفسى ان اكون متقن للشعرف ى هذه اللحظات لكى ارد عليك ببيت اخر من الشعر
بس راح راد عليك عادى
لما دقت طبول المجاهدين من كان ليهم حبيب وسال عنهم مثلك كده
تخلو عنهم لما دقت الطبول وسرنا نتهمهم بالارهاب وانهم ليس بمجاهدين
مش عارف احنا متلخبطين ولا مشين على هوانا لما احنا مش قد الطبول
بنسال عنها ليه من الاول ؟؟؟؟!!

[Jassar]

شعر رائع فعلا

[إبن يس]

بس هما فيييييييييييين ؟