ركن منزل منتل راي

[shadow man]

بسم الله الرحمن الرحيم
السلام عليكم ورحمة الله وبركاته
اقدم لكم هذا العمل ارجوا النقد وشكرا
3ds max8 minetal ray

[rekapidesign]

حلمي عمل يعرض في الرئيسية

السلام عليكم ورحمة الله و بركاته
العمل جميل للغايه بس انا ليا تعليق بسيط علي الريندر لو كان الريندر بالفيراي كنت هتحصل علي واقعيه اكتر في العمل و بعدين معلومه جديدة ممكن تكون فايته عنك المشاهد المعماريه زي المشهد بتاعك الريندر بتاعها بيكون دايما الفيراي
و الحقيقه العمل مفهوش غلطة
استمر والي الامام

[fady_fod]

نزل الماكس 2008 معاه المنتال راي
وشوف الواقعيه اللي بجد
عمل جميل
ربنا يوفقك

[shadow man]

اشكركم اخوتي للنقد
وبالتوفيق للجميع

[hogobingo]

السلام عليكم ورحمه الله وبركاته

السلام عليكم ورحمة الله و بركاته
العمل جميل للغايه بس انا ليا تعليق بسيط علي الريندر لو كان الريندر بالفيراي كنت هتحصل علي واقعيه اكتر في العمل و بعدين معلومه جديدة ممكن تكون فايته عنك المشاهد المعماريه زي المشهد بتاعك الريندر بتاعها بيكون دايما الفيراي
و الحقيقه العمل مفهوش غلطة
استمر والي الامام

نزل الماكس 2008 معاه المنتال راي
وشوف الواقعيه اللي بجد
عمل جميل
ربنا يوفقك

بصراحه كده انا مكنتش هعلق على الشغل ولكن الردود هى التى استفزتنى للغايه وأستفزتنى للغايه انا مش مصدق بجد مش مصدق حقيقى ايه الكلام الجميل والردود التحفه دى انتوا بجد بجد نورتوا المنتدى ايه الحلاوة والطعامه دى انا مش قادر امسك نفسى

اولا بالنسبه لرأى فى العمل فأنا شايف انه مفهوش مشكله قوى هو محتاج يظبط المكان بشويه تفاصيل وماتريل واضاءات محترمه وهطلع كويس ان شاء الله

المصيبه الكبرى هى فى الردود ....
أول واحد بيقول ان المنتال راى هو مشكله المشهد يا سلااااام ... المشهد ده لو اترندر برندر مان حتى مش هطلع الا كده المشكله مش فى المنتل راى المشكله فى تظبيط المشهد نفسه ثم تأتى الصاعقه الكبرى ليكشف لنا عن النصيحه العظمى الا وهى ان الفى راى هو برنامج متخصص فى الرندر المعمارى ....!!!!!!!!!!!! يعنى ايه دى جمله غير مفهومه اصلا اصلا اصلا انا مش فاهمها يعنى رندر متخصص فى التصميم المعمارى معنى كلامك ان الواحد لازم يبقى عنده 15 رندر انجين واحد للتصميمات المعماريه وواحد لأعلانات المياة الغازيه وواحد للحيوانات والكراكتر وواحد للموبيلات مثلا وهكذا ده كلام غريب بالمرة المنتل راى بيرندر كل حاجه زى ما الفى راى بيرندر كل حاجه ام عن الجوده فكلاهما يجب ظبطه للخصول على النتيجه المرجوه .... ومثال لما أقول فى ناس بالمنتل فى ماكس بطلع الشغل المعمارى زى الفل وكمان عندك بتوع المايا و اكس اس اى كلهم ما بيشتغلوش الا بالمنتل راى بيطلعوا شغل معمارى واهو دول لا عندهم فى راى ولا يحزنون

الئانى بقه هو اللى حل المعضله وقال لابد من نزول ماكس 2008 !!!!!!!! هو ده الحل يعنى هو المتل راى بتاع الماكس 2008 بياخد المشهد ويحللوا ويعرف لوحده الضوء هيجى منين وايه المفروض عمله ثم اخراج المشهد كما ينبغى ان يكون يا جماعه الفروق بين المنتل راى بتاع ماكس 8 وماكس 2008 هى بتخلى الصورة الحلوة ببعض الأضافات فى الشيدنج والأضاءه والفلاتر بتطلع احلى دة مش تغيير فى الإنجن وحتى ان كان فى الإنجن برضه المشكله فى المشهد ان الماتيريل والأضاءه والنسب والزاويه غير صحيحه ازاى بقه هايعالجها الماكس 2008 انا طبعا متوقع انه يحصل بس فى ماكس 3005 بس ماكس 2008 مش ممكن....

ياجماعه نداء الى كل صاحب رأى رأيك امانه ممكن يرشد واحد للطريق الصحيح وممكن يضلل واحد يا ريت اللى مايعرفش يقول عدس ويسكت

وده رأى ارجوا ان لا تأخدوه على محمل سئ فالرأى امانه وانا بقى قاعدلكوا اى واحد هيقول رأى كده ولا كده ........... انا قاعدلوكوا..

وشكرا لحسن قرأتكم

[mmt_cg]

السلام عليكم
بصراحة عجبتنى جدا صراحتك المتناهيه فى الرد
وارجو فعلا ان الى يرد على موضوع يرد بامانة علشان محدش يتخدع ويحاول يطور من نفسه قدر الامكان
شكرا

[rekapidesign]

حلمي عمل يعرض في الرئيسية

السلام عليكم ورحمة الله وبركاته
يا عمنا ياللي نازل هرس فينا و تقطيع و خلاص اولا هل انت قولت رايك في العمل و نصحت صاحب التصميم بحاجه ولا داخل تعلق علي اراءنا احنا و تسفه منها تقنيا لو انت بتشتغل في الماكس المعماري كنت تفهم انا ليه بقولو اشتغل بالفيراي اي واحد مبتدا في الماكس عارف ان التصيير الكرتوني مينتل راي التصيير الواقعي فيراي علي طول انت بقي جاي تعلق و تدافع عن المينتل راي وتقولي رايكو امانه علي غير علم مسبق الله المستعان بعيدا عن الدفاع عن راي او اني اعارضك بس لازم نبقي فاهمين الدنيا ماشيه ازاي ادخل علي المواقع الغربيه المهتمه بتصميمات الثري دي و اتحداك لو لقيت واحد بيشتغل ريندر معماري او اي ريندر واقعي بالمنتل راي يا استاذ مش كلها مصيرات و خلاص الرك علي الجودة والواقعيه واخيرا
احسن ريندجر معماري وواقعي فيراي
احسن ريندر سيارات البرازيل
احسن ريندر كرتوني المينتل راي
و اسال اي حد اعلم مني ومنك في هذا المجال و الله المستعان

[hogobingo]

السلام عليكم ورحمه الله وبركاته

اولا انا نصحت الراجل على العمل بتاعوا مش ما نصحتش لكن المشكله بالنسبه لى مش الراجل ولكن ان يكون فى ردود غلط تضلل كل من يقرأها

ثانيا انت لازلت ترى نفسك صح حتى بدون قرائه عن الموضوع انا نفسى واحد من الأجانب دول اللى انت فرحان بيهم يقرأ اللى انت كاتبه ده على العموم انا هسبت هنا انك انت غلط فى كل كلمه بتقولها

اولا احب انوه ان الكثير يفضلون (يفضلون فقط) عمل الرندر فى راى فى الشغل المعمارى وذلك ليس لأنه اوقع ولكن لأسباب اخرى تقنيه يطول شرحها مثل عمل بروكسى او سهوله الحصول على نتائج مرضيه بأقل وقت رندر ولكن ليس لأى سبب مما شرحت

انت قولت تقنيا لو انت بتشتغل في الماكس المعماري احب اقولك انى بشتغل فعليا فى كل حاجه بما فى ذلك الشغل المعمارى (انا طبعا مش عارف ايه هو الماكس المعمارى ده اللى قصدك عليه) ومنها فى الوقت الحالى مدينه سكنيه كاملة فى مصر دون ذكر اسماء دى حاجه الحاجه الثانيه انت بتقول اي واحد مبتدا في الماكس عارف انا بشتغل بالفى راى والبرازيل والمنتل راى والماكس ويل والفاينل رندر مما يعنى خمس انواع رندر مختلفه غير انى كنت فى الماضى بطلع نتائج قريبه بالرندر العادى وقد تم الأخذ بأرائى فيهم عن طريق الشركه التى توزع ماكس ومنتجات ديسكرييت فى مصر والشرق الأوسط وذلك بفضل الله عليه وليس بشطارة منى ... فأنا اعرف كل واحد منهم كيف يعمل وما هى مميزاته وما هى عيوبه عدا الماكسويل رندر فأنا توقفت عنه لأخذه وقت طويل فى الرندر وان كانت نتائجه رائعه

وطبعا انت لازلت لم تجاوب عن سؤالى كيف يكون المايا والاكس اس اى بيرندرو بالمنتل راى وبالرغم من ذلك بيطلعوا شغل معمارى جميل

ثم تقول اي واحد مبتدا في الماكس عارف ان التصيير الكرتوني مينتل راي التصيير الواقعي فيراي ده كلام لا يزال بالنسبه لى مزاح اشكرك عليه فلقد تسببت فى اسعادى حقا واليك واليك الدليل
طبعا انت بتقول و اتحداك لو لقيت واحد بيشتغل ريندر معماري او اي ريندر واقعي بالمنتل راي ياله يا عم اهو اتحدانى بقه


دى بقه ليست ماكس 8 ولا 9 ولا 2008 دى ماكس 7 ومعموله بالمتل راى طبعا انا مش بدافع عن المنتل راى لأنه ابن عمى انا زى ماقولتلك انا شغال عليهم كلهم لكن ما استفزنى هى مقولتك مش مصدق طيب شوف دى كمان




ايه رايك برضو لسه مش مصدق ده انت يا راجل بتقول ان المنتل راى مش بتاع واقعيه وبتاع كرتون حرام عليك حرام عليك الفتى ده امال فيلم ماتريكس ولا فيلم مملكه الخواتيم مترندرين بأيه ..

انا عايزك كده زى ما انت تدخل على http://www.mentalimages.com/4_0_gallery/index.html
واتفرج على الجاليرى بتعاهم شوف الأفلام والجيمس والعربيات وريت قبل ما ترجع ابقى قولهم نظريتك فأن المنتل راى مش بتاع واقعيه ويا ريت ما تقوليناش على ردهم منعا للأحراج .. ولا بقى تقولى اسأل حد اعلم منى ومنك ولا بتاع دى الصور التى تتحدث خيرا منى ومنك ومن اى حد حط فى دماغك الكلام ده

انا كان نفسى اجيبلك باقيه الصور لولا المساحه .. ان كلامك وارشاداتك غير منطقيه كان المفروض ان تقول ان كل رندر له مميزاته وعيوبه (وده طبعا بعد تجربتهم كلهم وفهمهم فهم حقيقى ) مش الكلام الغريب اللى انت بتقوله

وان كنت لازلت عند رأيك يا ريت تعرفنا امال فاينل رندر نشتغل بيه على ابه ولا ماكسويل بتاع ايه ... وكمان قولنا لو عندنا شغل بتاع حيوانات ليها شعر نستخدم ايه بعد ذلك التحديد الدقيق لعمل كلا من المنتل راى والفراى والبرازيل

انت بتقول احسن ريندر سيارات البرازيل طيب شوف اللينك وقولنا مدى صحه كلامك
www.splutterfish.com

صدقنى كلامك غلط وغير منطقى بالمرة
انا اثبتلك كلامى بشكل واقعى مش هقولك اسأل ومش اسأل لا هو علشان انت ما تستعملش الا فيراى يبقى هو ده الأحسن

ارجو ان تستفيد وتعرف المعلومه الأول وتعرفها صح من مكان موثوق فيه ... ثم انا عايز اعرف انهى احانب دول اللى قالولك ان الفيراى هو اللى بتاع واقعيه .. الكلام بتاعك ده كله غيير منطقى بالمرة العيب عيب مستخدم دائما مش عيب برنامج .

وأسال الله الهدايه لى ولك

[hogobingo]

ويا ريت كمان تشوف اللينك ده واهو من داخل المنتدى نفسه وقولى ايه رايك وابقى اسال الراجل نفسه بقى عن المنتل راى والواقعيه

http://www.maxforums.net/showthread.php?t=51672

[rekapidesign]

حلمي عمل يعرض في الرئيسية

السلام عليكم ورحمة الله وبركاته
مشكور يا اخي علي المعلومات الجامده دي بس انت ليه اخدتني كده علي الحامي مش الحديث بيقول خذوا علي ايدي اخوانكم ولا انت شايف ايه مش من الاول الكلام ده يعني لازم تستفزنا وبعدين انا مكنتش بفتي او بقول الكلام ده من عندي انا في الحقيقة معرفش اشتغل غير بالفيراي و مجربتش المينتل راي غير في اعمالي الكرتونيه و الحقيقه اداني نتايج جامده بس انا هطلب منك طلب و ياريت متكسفنيش انا عاوز دروس في المينتل راي او حتي اعدادته بس يعني تقولنا ايه هي افضل اعدادات في المينتل راي تعطي واقعيه و متاخدش وقت في الريندر وبعدين يا عم لما انت جامد قوي كده زي ماهو باين ليه متعملناش دروي و ترفعها هنا علشان نستفيد منك و منغلطش تاني و لا انت عاوز تسيبنا كده و بعدين الطريقه اللي انت بتعلق بيها في الحقيقه مستفزه شويه ياريت يعني تهدي اللعب شويه و مرة تانيه مشكور يا اخي نفعنا الله بعلمك

[shadow man]

اشكركم اخواني على الردود
بس ارجو عدم الخلافات
وايضاً ارجوا من اللي بدو ينقد اي تصميم يجب ان يكون على خبرة
مع العلم انا كنت عارف من الأول انه نقد زملائي غريب فسكت ما حبيت احرج احد
(اعظم خطأ ان ترى نفسك دائماً على صواب)
(من الخطأ ان تعلم احد وأنت لاتعلم شيأً)

[hogobingo]

يا جماعه انا بعتذر اذا كانت طريقتى فى الرد ضيقت احد انا بس حسيت ان ممكن المعلومات تضلل ناس لسه مش فاهمه حاجه وممكن يؤدى الى عواقب قد تؤذى ولن تفيد وخاصه ان فائده هذا المنتدى هو حوار بين العديد من الأفراد والخبرات فيستفيد كلا الطرفين ... وان كنت قولت كلام زعل حد يا ريت يسامحنى انا بعتزر له علنا ولكنى ارى دائما ان انقد بصراحه فيا بخت من بكانى وبكى عليه ولا ضحكنى وضحك الناس عليه.

اما بالنسبه لى فأنا لست جامد قوى كما تقول اذا كان عندى معلومه زائده فهى من عند الله...

اما عن الفيراى فلازلت اقول ان استعماله ليس شئ خطأ او ان منتل راى هو الأحسن فأنا شخصيا استخدمته كثيرا فقد حل لى العديد من المشاكل كما انه جيد ولكن ما اخذت عليه ان يقال ان المنتل راى مش بتاع واقعيه .. وذلك فقط للتوضيح

اما عن دروس المنتل راى فأنا فعلا ارغب فى ذلك فى ذلك ولكن يحكمنى عملى وقله خبرتى فى رفع الدروس على الأنترنت ولكن فى خطتى عمل بعض الدروس التى منها المنتل راى ودرس أخر عن الفروق المشهورة بين انواع الرندر واخر عن الماكس اسكريبت وانا اعتقد انى فى القريب العاجل سوف أقوم بدرس عن الماكس أسكريبت لتوضيح مدى أهميته بالنسبه للمستخدم

وشكرا للجميع على سعه صدرهم لى وانا مفيش فى نيتى فى دخول هذا المنتدى الا ان استفيد منكم وافيدكم بأذن الله

[hogobingo]

فى دروس لاقتها للمنتل راى على المنتدى وشكلها هتكون حلوة بأذن الله
http://www.maxforums.net/showthread.php?t=62966

أتمنى من الله ان تكون جيده

[shadow man]

بسم الله الرحمن الرحيم
السلام عليكم ورحمة الله وبركاته
اشكرك اخي
hogobingo
على انك اعتذرت لزملائنا
والله يديم المحبة
أخوكم Shadow man