الاستاذ / عمر العماري ... لو سمحت .

[عسيود]

 



أخي القدير /عمر العماري

اسعد الله اوقاتك بكل خير

زمان عنك واتمنى أن تكون بصحة وعافية .

استاذي الفاضل : شاهدت لك عمل منذ فترة عبارة عن مشهد لصالون وكان ذلك آخر عمل رأيته لك .
أرجو منك التكرم بوضع رابط له أو إنزاله في المنبر هنا مع شكري الجزيل لشخصك الكريم .

وبعدين اطمئن مارايح نطلب منك شرح لكامل المشروع بس حبيت أشوفه وإذا بتتكرم علينا ببعض التعليق حوله راح نكون ممنونين لك .

أخوك

عسيود

[XMan]

وياليت اخي عمر لو تضع رابط لسيارة البورش اللي صممتها ببرنامج Rhino ..

شوف هنا واحد مصصم سيارة الخنفساء بواسطة Rhino .. صراحه ابداااااااااااااااااااااااع

http://www.suurland.com

اختر من الصفحة الرابط New Beetle


على فكره شكرا لردك في الموضوع السابق .. انا موجود عندي Rhino 1 واعجبتني سهولته مقرانه بالنوربس اللي في الماكس

وبالمره ياليت تقول لي كيف اقدر اسوي خامة زجاج السياره مثل اللي في الرابط اللي عطيتك فوق .. وشكرا مقدما

تحياتي

[XMan]

شي اخر اخ عمر ..

وجدت في مواقع كثيره للي مصممين سيارات انهم يستخدموا الاضاءه التالية HDRdomelight

ممكن ولو شي بسيط عنها؟؟

تحياتي

[عمر العماري]

الاخ عسيود اشكرك على اطرائك ...انا على وشك اخلص صفحة فيها كل اعمالي راح تشوفها باذن الله خلال الاسبوعين هذي .....الاخ اكس مان خامة القزاز هي عباره عن ماتيريال ريتريس
بس تذكر القزاز سطح عاكس فكلما صارت البيئة الي حول القزاز واقعية صارت الانعكاسات واقعية
تحياتي....

[XMan]

شكرا اخي عمر .. وانشاء الله نشوف الصفحه عن قريب

بس تراك ماقلت لي وش معنى HDRdomelight


تحياتي

[عمر العماري]

معليش اكس مان شكلي نسيت اقر سوالك الثاني
الHDRdoomlight high definishion raddianc ماني متاكد من السبيلنق بس هذي طريقة اضاءه تستخدم صور معدة بطريقة خاصة كمصدر اضاءه عوضاً عن الاضاءه التقليدية
لايت ويف وبرازيل وفاينل ريندر تدعم التقنية ...على حسب علمي ...بس شخصيا ماقد جربتها
لسبب واحد هو ان طريقة اعداد الصورة نوعا ما معقدة لانك تحتاج لصورة من اربع زوايا
اضافة لبرنامج لصق stich .....

[XMan]

مشكور اخي عمر .. مع اني مافهمت شي ..

وترا السياره اللي عطيتك الرابط حقها فوق مصيّره بالفاينال ريندر وبنفس طريقة الاضاءه اللي قلت لك عليها ..

على فكره انانزلت مجسم سياره من النت وحاولت اسوي لها خامات بس فشلت للاسف

مع اني وضعت صناديق مضيئه حول المجسم عشان تنعكس على سطح السياره بس ما زبطت الخامات .. وما ادري ليه .. ياليت لو شرح بسيط عنها .. اقصد تكوين خامة الهيكل والزجاج .. واسفين على الازعاج ..

أخوك/ اكس مان

[هاجد]

هلا بك يا أخ عسيود
من زمان مختفي عسى المانع خير اتمنى ان تكون بصحة جيدة ... يا خي اشتقنا لك انت والصالح وابو فهد وطلال وحسام والدكتور ابو فيصل .
وشكرا

[عسيود]

 


حبيبي هاجد

عسى الله يسلمك وشاكر لطفك بالسؤال

اخوك موجود ولكن ظروف عملي هي السبب وان شاء الله تنفرج واشيل فراشي وارقد على باب المنبر

ويعلم الله انكم دايم في البال لكن هذا حال الدنيا .

وانا مثلك أفتقد كثير من الشباب يارب يكونون بخير وعافية , الأخ الصالح موجود معنا لكن البقية في الطريق بإذن الله .

أخوك

عسيود