صفحة 1 من 2 12 أخيرأخير
النتائج المعروضة من 1 الى 20 من مجموع 28

موضوع: ابويا معتقل

ردود: 28 | زيارات: 2212
  1. #1
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679

    ابويا معتقل

    سلمااااااااااااااااااان .. يلا عشان نروح الزيارة..
    يا ساتر .. الساعة لسة سبعة زيارة ايه دي؟؟
    اه صح .. لحقت تنسى ، ابوك يبني ، ابويا؟؟ اه صح حسبي الله و نعم الوكيل .
    طبعا مش في ابويا !! في العجل في بطن امو !!
    هسيبك و انزل اخواتك كلهم جهزو ، يلا نزلو الشنط لألأ حاسب دي فيها اكل ممكن يتبهدل .
    منظر غريب .. الراجل واقف يسخن العربية مستني ابنو ينزل عشان يوديه المدرسة و انا واقف مدجج بالشنط مستني ابويا يخرج ، اه سوري مستني عمو ييجي عشان يودينا الزيارة .
    لحظات قدام باب البيت و ..تيجي العربية اسف ع التاخير يا جماعة
    حط الشنط في الشناطة سولوم و سوسو شوية كلام يحاول بها الرجل التخفيف عنا و لكن هيهات انها اول زيارة يعني ولا انت ولا 5 عزب شو
    مش هعيط يعني مش هعيط.
    دقائق في العربية و...
    مرحبا بكم في سجن طرة
    سلمولنا ع الحج كتيير و قولوله هتفرج ان شاء الله .
    شيل الشنط كل واحد عارف شنطته ايه
    خش يا عم البوابة و خش كمان الاستراحة خد اقطع لنا تذاكر الطفطف من عم عبده ( الله يمسيه بالخير ) اه ماهو مشي ابل ما بابي يخرج بكام شهر
    ربنا رحمه خد يا عم خمس تذاكر درجة اولى طفطف مكيف 3 منهم جنب الشباك .. الراجل طلع جدع و اداني كله درجة اولى مكيف جنب الشباك لحظات و ينفتح الباب
    يلا الطفطف وصل يا جماعة
    ينفتح باب يعدي اتنين جنب بعض و يندفع الناس وينفعص الجميع و تلاقي نفسك شايل شنط حد تاني طبعا مش جدعنة منك ده غصب عن عين اللي خلفوك .
    خرج الناس كلهم الله اعلم ازاي ستات و رجالة و اطفال بالهبل و الهبل نفسة و هب تشتعل المعركة الثانية معركة ركوب الطفطف يطير صهيب اخويا و يخترق الجموع زي احمد مظهر في فيلم الشيماء و يرفع الراية على خمس كراسي محجوز و يتهاوى عرشه في لحظات الحمد لله ماما قعدت و كمان اختي و ست كبيرة قوملها عيب و اخت فاضلة ميصحش تقف و انت قاعد و.... ااااه حمزة اخويا الصغير عيب لما يعد فاضي و ياتي الامر الصارم .......... اردموووووووه و تنهال الشنط عليه من كل جانب حتى لا يظهر منه الا نصف دماغه و يدوب وش رجله .
    اول محطة سجن الاستقبال وده للي ما يعرفش بتاع الجماعات الاسلامية و المحكوم عليهم احكام من طراز الحلقة الاخيرة .
    اه نسيت اقولكو ان عم عبده ضحك عليا اداني التذاكر درجة اولى و كلها جنب الشباك و التكييف طلع و العياذ بالله مدخنة الطفطف .
    و اخيرا ينادي المنادي عنبر المزرعة واو انها جنة السجن ودا من باب العلم بالسجن عنبر رفيع المستوى للنزلاء التقال في البلد مثل الاخوان المسلموووووووون و الحرامية التقال بتوع البنوك اموال عامة يعني و بردو جماعات اسلامية باحكام طويلة بس بيرقوهم .
    مش عارف انزل الكتشي اتبهدل ياولاد الـ.... خد مني و ...
    المعركة الثالثة : معركة تصريح الزيارة
    اخد التصريح و اروح اديه لمحمد جمال بالمناسبة محمد جمال موظف في السجن بياخد التصريح و الــ... و البطايق و يخش يستأذنلك و تخش اديلة التصريح و البطايق و الناس كلها واقفة و اذ فجأة كدة الاقي فيرجينيا جميلة الجميلات واقفة و جنبها البيه السواق شايل بنتها و التصريح و محمد جمال مش شايفها من كتر المماليك .
    بصراحة يا جماعة معركة غير عادلة اه و الله ينتصر فيها القرش ع الحق
    ايوا اصل المعركة ليها ثلاث اطراف : القرش و الحق و الباطل
    الباطل كسب من بدري او فاكر انو كسب و الحق انتو عارفين و القرش هو اللي ماشي طبعا مش مع كله
    و تدخل الست مرجانة بالعطر غرقانة ووراها ناس طالبة القرب اه معلش طالبة الرضا اتفضلي يافندم تفتيش في الخمسينة و مالناش دعوة بالباقي
    محمد محمد امام !! هكذا ينادي محمد جمال على اسرة المعتقل و تلاقي الناس كلها بتقول ايوا ياولاد الايه نجري جري على الباب بالشنط و نخش يستقبلك شاويش له شنب عظيم الشان و يمسك ايدك طبعا مش بيساعدك على الدخول ده بيختملك على ضهر ايدك ختم لذيذ مكتوب عليه زائر!!
    و نخش يا عم انت داخل من باب و ابوك خارج من الباب اللي قصاده حاسس بايه؟؟ ايدي بتترعش عايز ارمي الشنط بس اسف يا فندم لازم تتفتش انت و الشنط طيب يا عم و على راي عمو احمد فتشني فتش و يشرع الموظف في التفتيش يا نهار ابيض!! قفش الجرنان .. ما تستغربش اوي كدة اصل مش اي جرنان يخش كان ساعتها افاق عربية ممنوع جرايد مضروبة و تبع الحكومة
    بس عيب عليك كنا بنعدي اي جرنان بشكل او باخر .
    المهم اني اتقفشت و قلعت الجرنان و باقي تفتيش الشنط افتح الشنطة لقى علبة
    العلبة فيها ايييييييييييييه -فيها فرخة راح ماسك سكينة و هاتك يا غز في ام الفرخة قعدت ادحك قولتلة يا عم دي اتقتلت من امبارح و اتسلقت و اقسملك بالله العظيم ان مافيهاش نفس بصلي و ركب دماغة و عمل امريكاني و راح فاتح الفرخة بايده قعد يبص جواها !! قلتله لا القوانص في علبة لوحديها قالي خد دي خلاص هات الشنطة اللي بعدها و اذ بها الشنطة اللي ماما خايفة تتبهدل مكرونة بالباشا تلميذ قصدي الباشاميل قلتله مكرونة بالباشاميل بس خصيمك النبي ما تبهدلها جاب معلقة و رسم اكس فيها ربنا يحرق دم ابوك دانتا بارد
    بس الحمد لله محطش ايده فيها دقايق و فتش الشنط كلها و عدي يا برنس و عدى البرنس .
    معلشي يا جماعة خلي الحتة اللي جاية دي لوحدها عشان عاوز اعيط .

    منقول من مدونه
    http://salmanemam.blogspot.com/
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل


  2. #2
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    قله ادب الي بيحصل في الناس ده

    25 الف معتقل الوقتي حالا في السجون...ليه؟؟؟...100 الف معتقل طوال فتره الحكم المباركيه...ليه برضه؟؟

    الظلم ظلمات يوم القيامه

    لا حول و لا قوه الا بالله

    شكرا علي الموضوع
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  3. #3
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    ملحمة نمسمع صداها كل يوم
    وسنظل نسمعه ما دام هناك صراع ما بين الحق والباطل
    وينظر من تعمق فى التاريخ بانه لا يدوم قهر وان الغلبة للحق دائما لكن وقتما يكون له رجال ؟؟؟؟؟

  4. #4
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    تابعوا الموضوع على www.salmanemam.blogspot.com
    باذن الله في اجزاء تانية .
    مع تحيات : ابن المعتقل ...
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  5. #5
    لا حول ولا قوة إلا ب الله .
    الله يكون في عوننا جميعا نحنى أصبنى في أسفل أسفل أسفل السافلين
    تفووو علينى و على حياتنى إذا رضينى أن تكون بهذا الشكل المخزي
    لأ لسة الموت أرحم بمليون مرة من هذا الزل و الضعف و الجهل .
    ينعل العرب برجلي
    أسف فار دمي لكن في ناس بتختم على إيد الشخص !! شو نحنى كلاب خوريف جحاش ؟؟؟!؟!؟!؟!؟!؟ ألعمه


  6. #6
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    تماسك اخي سمران .. احب اقولك ان الختم ده كان عشان تخرج من باب الزائرين قبل ما تخرج يبص على ايدك .
    لقى الختم تخرج مالقاهوش يبقى تحقيقات ووجع قلب .
    عشان المسجون مش معاه ختم اما الزائر فهو المختوم على ايده و اللي بيختمله مختوم على قلب ابوه هو و اللي مسرحينة .
    حسبنا الله و نعم الوكيل .
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  7. #7
    عضو متميز
    تاريخ التسجيل
    Sep 2003
    العمر
    28
    ردود
    4,029
    من اراد ان يقرأ قصص المعتقلين فليقرأ كتاب البوابة السوداء


    ويرى ابوزعبل والحربي على حقيقتهم : )

  8. #8
    عضو متميز
    تاريخ التسجيل
    Sep 2003
    العمر
    28
    ردود
    4,029
    ٌقرأت القصه كم مره

    ولن اردد إلا اثبتوا يا اخواني اثبتوا يا ابناء حسن البنا فشيخنا مات على الحق لأنه صرخ في وجه الظلمه والطغاة صرخ في وجه الخونة لأنه حرك اكثر من 500 ألف مصري والهب في مشاعرهم النصره لفلسطين .....لهذا قتلوه بدم بارد

    وهكذا سيحاولون قتل كل من يصدح بالحق ولكن الحق ابلج كالشمس

    عامر

  9. #9
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    على فكرة يا ابو عامر ... ابويا اللي هو ابي او بابا اي حاجة دخل ابو زعبل و طرة كمان بس بيقول ان طرة نعيم بالنسبة لابوزعبل و ربنا يكفينا شر السجون .
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  10. #10
    عضو متميز
    تاريخ التسجيل
    Sep 2003
    العمر
    28
    ردود
    4,029
    اسأله دخل الحربي بيوم <> ولا مادخل ^_^


    لأنه الحربي اللي يدخله على طول يطلع ومعاه الكفن ^_^

  11. #11
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    يا ساتر...
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  12. #12
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    الجزء التاني نزل يا جماعة...
    على www.salmanemam.blogspot.com
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  13. #13
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    الجزء الثاني : اول زيارةما هي الا لحظات حتى و جدت نفسي في مواجهة ذلك الممر القصير و اكون بمواجهة أبي ، بالفعل تمالكت نفسي و دخلت الممر و اذ بي فجأة ارى منظرا لن انساه ابدا ما حييت ، رايت ابي و اربعة من اخوانة و انظارهم معلقة تجاه الباب ينتظرون ذويهم ... الان الكل ينطر الي تخيل كم تكون خيبة امل احدهم عندما لا يجد الزائر من اهله ..
    الموضوع كبير يا جماعة ، اللحظات دي المشاعر فيها بتكون جامدة اوي ، المهم دخلت و حطيط الشنط جنبي بطريقة درامية و لقيت نفسي في حضن ابي .
    يااااااااااااااااااه حاسس اني هفعصه بس عصب عني ابويا يا جدعااااااااااان .
    فتحت نص عين لقيت امة لا اله الا الله بتتفرج على العبد لله احم طب كفاية كدة و قبلت ايده و لقيت نفسي طاير تقريبا دا كتف قانوني من صهيب اخويا اللي كرر المشهد سبته و رحت سلمت على الباقي بشوق لا يقل كثيرا عن الذي قابلت به بابا .
    بابا شاورلي على ترابيزة بلاستك و حواليها كراسي بلاستك برضه و قالي اعد هناك قلت طيب وخدت شنطي اللي هي العهدة بتاعتي و اعدت اتامل المكان .
    حيطان غليظة ... ناس لابسة ابيض و ناس لابسة ازرق بعدين عرفت ان الابيض حاجة اسمها احطياطي و الازرق المحكوم عليهم ربنا يستر.
    ساعتها الحج كان لابس ترنج ابيض لحظات و كنا ملمومين على الترابيزة الهابلة دي دموع ووجع دماغ و تسكت دي يعيط دا وتسكته تعيط انت نفسك و حبة و الدنيا اتظبطت .
    قام ابي جابلنا شنطة بيضا كبيرة فيها شويبس كانز و كل واحد خد واحدة و ماما قامت مطلعة علبة السندوتشات الناس دي بتحاول تعمل ايه؟؟؟
    المفروض اننا بنفطر مع بعض .
    افتكرت ساعتها صوت بابا و هو بينادي علينا عشان نصحا و نفطر و هو عمال يقول حي على الطعام باسلوب مضحك عشان نفوق و نعد نفطر و نشرب شاي بلبن و نهزر ...
    يااااااااااااااااااااااه ... قلت حسبي الله و نعم الوكيل بس المرادي من قلبي في كل ظالم .
    هو صحيح يا جماعة حسني مبارك طلم في اسرتنا بس كام واحد؟؟؟
    و الواحد كام مرة؟؟؟
    بيتدعي عليه في اليوم كام مرة؟؟؟
    دي حسبة جامدا اوي ...
    بعد ما اطمنا على بعض سألت بابا مين اللي في القضية بتاعتك؟؟
    شاورلي عليهم..
    و شفت ولادهم من سننا بس ساعتها محدش فاضي يسلم على حد.
    بصيت للناس دول وقلت في نفسي هما عملوا ايه؟؟؟
    طب الراجل اللي هناك دا و حرامي و عارفين انو سارق كام مليون
    و دا و اسمو عزام و جاسوس (خرج في صفقة مع اسرائيل) طب الراجل دا عمل ايه؟؟؟
    مش لاقي اجابة الا دمعة باردة و كانها بتقول هون عليك يا ابا سلمونتي .
    مسحتها بكمي كالعادة و دخلنا في نقاش عائلي صغير...
    الوقت عدى هوا و اذ بظابط اسمو عشماوي بيخبط عالباب بغباوة و عمال يقول الزيارة انتهت يا جماعة كام مرة .
    مش فاهم المطلوب ايه الوقتي؟؟؟
    ترجمت الموقف بسرعة و عرفت اني هسيب ابويا في سجنه و اروح .
    صعبة اوي حاسس ان في حاجة غلط يا جماعة حد يرد عليا !!!
    هسيب ابويا و اروح ؟؟؟
    انا هخرج من باب و هو هيخش من باب على زنزانته ؟؟؟
    سلمت على بابا بس مش قادر اديله ضهري و امشي بس اللي حصل و خرجت بعد ما خدت الوصايا السبع من ابويا ذاكر كويس و ما تشغلش بالك و متقلش على امك و ما تضربش اخوك الصغير وووو .
    خرجنا و محدش بيكلم حد كله ساكت عمال يفكر و كله حاسس بالظلم و القهر منك لله يا بعيد تشوف فيك مصر يوم .
    يا جماعة الموضوع كبير اوي فوق ما تتصوروا بس هنقول ايه ؟؟
    حسبنا الله و نعم الوكيل 1000 مرة ومرة كمان هدية مني للنجم الصاعد جمال مش مبارك .
    انتو ساكتين ليه؟؟ قولوا حسبنا الله و نعم الوكيل فيه .انا حاسس اني طولت اوي المرادي بس المرة الجية جامدة ان شاء الله و هحكيلكو معرفة ابناء المعتقلين... ابو زمل !
    أخر تعديل بواسطة الخـــادم في 03 / 12 / 2007 الساعة 03:08 PM
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  14. #14
    عضو متميز
    تاريخ التسجيل
    Sep 2003
    العمر
    28
    ردود
    4,029
    محزنه مؤلمة ..

    انفاس غاضبة
    صدور مظلومة

    ستثور يوما على الباطل لتدمره : )

  15. #15
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    اقتباس الموضوع الأصلي كتب بواسطة الخـــادم معاينة الرد
    منك لله يا بعيد تشوف فيك مصر يوم .
    ده الخلاصه

    لا حول و لا قوه الا بالله

    ملحوظه:شيل الاسامي من الرد بتاعك احسن يتحذف

    اسم الملك و ولي العهد يعني لعنهم الله بظلمهم
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  16. #16
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    أنهي اسامي؟؟
    حسني عبد ربه؟؟؟ ولا جمال حمزة ؟؟
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  17. #17
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    هههههههههههههههههههه
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  18. #18
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    هههههههههههههههههههه
    اتفرجوا علي الشعر ده ...
    http://videohat.masrawy.com/view_vid...ype=&category=
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  19. #19
    عضو
    صور رمزية الخـــادم
    تاريخ التسجيل
    Sep 2006
    المنطقة
    Egypt - Cairo - Mokatam
    العمر
    28
    ردود
    86
    هههههههههههههههههههههههههههههههههههههههههههه
    شعر جامد جامد جامد...
    الست دي رهيبة لازم تتفرجو عليه يا جماعة جامد مووووووووووووووووووت ...
    و عزتك و جلالك ما أردت بمعصيتي مخالفتك , و قد عصيتك حين عصيتك , و ما أنا بنكالك جاهل , و لا لعقوبتك معترض, و لا بنظرك مستخف , و لكن سولت لي نفسي , و غلبتني شقوتي , و غرني سترك المرخي علي , فالان من عذابك من يستنقذني , و بحبل من أعتصم إن قطعت حبالك عني .. وا حسرتاه على أيام في معصية ربي .. و يا ويلي كم أتوب و كم أعود .. و قد حان لي أن أستحي من ربي

  20. #20
    عضو متميز
    تاريخ التسجيل
    Sep 2003
    العمر
    28
    ردود
    4,029
    اعانكم الله ^_^

    يالله من الموضوع ذا عرفنا صحاب جديد إلنا وإخوان جدد ^_^ يعني زي ضياء : )

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل