منتدى ماكس سكريبت(MaxScript) ما هو .تطبيقاته.أمثله عربيه

[ahmed_shal]

لا لا بسم الله ماشاء الله بجد مش ممكن و انا فعلا كنت عاوز اسالك عن الفيكتورز والماتريكس لاني فعلا لسه بتعلمها من اسطوانه السي جي اكادمي الاخيره لكن تعرف انا بعد مشوفت موضوعك انا وقفت الاستماع للاسطوانه وبراجع الاسكربت من الاول معاك تاني عشان ملخبطشي التسلسل بتاع الموضوع لان فعلا موضوعك جميل جميل جميل وفعلا انا حاسس انه معمول بنيه صافيه مش عارف ليه ؟
ربنا يباركلك وارجو التثبيت من المشرفين واول مرتب الامور تاني هبعتلك الاستفسارات عالخاص وهيبقي فيها الاسكريبت في ملف ماكس من الاسطوانه نفسها وانا متابع

[tiger_man]

لازم الموضوع يطلع فوق المواضيع لأهميته

[hogobingo]

السلام عليكم ورحمه الله وبركاته

لا لا بسم الله ماشاء الله بجد مش ممكن و انا فعلا كنت عاوز اسالك عن الفيكتورز والماتريكس لاني فعلا لسه بتعلمها من اسطوانه السي جي اكادمي الاخيره لكن تعرف انا بعد مشوفت موضوعك انا وقفت الاستماع للاسطوانه وبراجع الاسكربت من الاول معاك تاني عشان ملخبطشي التسلسل بتاع الموضوع لان فعلا موضوعك جميل جميل جميل وفعلا انا حاسس انه معمول بنيه صافيه مش عارف ليه ؟
ربنا يباركلك وارجو التثبيت من المشرفين واول مرتب الامور تاني هبعتلك الاستفسارات عالخاص وهيبقي فيها الاسكريبت في ملف ماكس من الاسطوانه نفسها وانا متابع

أولا أحب اشكر الجميع على ثقتهم الغاليه فى وأسأل الله القبول والأخلاص أما عن الأسطوانه التى ذكرتها فأنا اتمنى ان تبدأ بالأسطوانات الأولى منها ... حيث ان تلك الأسطوانه معقده أكثر من ان يبدأ بيها أحد فهو يتكلم فيها عن الماتريكس والفيكتور ودى حاجات قويه جدا .. ومش وقتها خالص لذلك افضل ان تبدأ بالأسطوانات الأولى فى الأول

اما عن الأسئله على الخاص فأنا وجدت العديد من الرسائل على الخاص على هذا الموضوع ولست أعرف هل يشعر الأنسان بالأحراج ان سأل عن شئ لا يعلمه فلا حياء فى العلم ... على العموم اى واحد هيسألنى على الخاص اكيد هجوبه زى ما عملت قبل كده بس أعزرونى فى طلبى لو كانت الأسئله هنا فهى أفضل للجميع حتى يتسنى للجميع معرفه كل شئ

وشكرا لك

[hogobingo]

السلام عليكم ورحمه الله وبركاته

لازم الموضوع يطلع فوق المواضيع لأهميته

شكرا لك على حسن ظنك بى
جزاك الله خيرا وانا بحضر لكم شئ جميل عن قريب ... ولم يعقنى سوى عملى

[ahmed_shal]

يا اخي الفاضل انا خلصت الاسطوانتين دول من زمان خالص وحاجات تانيه كتيره حتي تلاحظ اني قلت اني هراجع معاك وبالنسبه للاسئله بتاعه الفيكتورز والماتريكس انا بس مش عاوز الخبط تسلسل موضوعك فكنت هبعتهالك عالخاص مش احراج ولا حاجه عشان الشباب اللي يفتحو الموضوع ميتلخبطوش
مره اخري اكرر شكري وتقديري لمجهودك ووقتك

اخوك احمد شلبي

[خالد حجاج]

ممكن نصيحة لمبتداء ازاى يبدء فى الماكس سكربيت اقصد حاجة زى منهج يعنى اسطونة او دروس على النت او موقع بحيث الواحد يكون عنده اساسوالباقى مجهودة اتمنى ان اكون واضح
بالمناسبة انت بدات ازاى فى الماكس سكريبت

[hogobingo]

السلام عليكم ورحمه الله وبركاته

يا اخي الفاضل انا خلصت الاسطوانتين دول من زمان خالص وحاجات تانيه كتيره حتي تلاحظ اني قلت اني هراجع معاك وبالنسبه للاسئله بتاعه الفيكتورز والماتريكس انا بس مش عاوز الخبط تسلسل موضوعك فكنت هبعتهالك عالخاص مش احراج ولا حاجه عشان الشباب اللي يفتحو الموضوع ميتلخبطوش
مره اخري اكرر شكري وتقديري لمجهودك ووقتك

اخوك احمد شلبي

تمام جدا دى أسطوانات جامده جدا .. انا شوفتها واستفد منها جدا .. طيب معندكش حاجه عملتها بنفسك نستفيد منها زى اى حاجه عملتها بنفسك فى المجال ده .. يا ريت لو تشركنا معاك وايه رأيك فى أسكربت ال ghosting اللى انا رفعه ارجو ان يكون قد أعجبك http://www.maxforums.net/showthread.php?t=107906
شوفوا وقولى رأيك فيه ايه ولو عايز دعم فى اى حاجه فى الأسطوانات دى ابقى قولى .

وموضوع تسلسل الموضوع انا مش عامل تسلسل معين متقلقش ... انا بس لاقيت أسئله على الخاص وحبيت ان يستفيد منها الناس لا أكثر وتنشط تفكيرنا بالأسئله المهمه.. وحتى لو هتكون أسئله متخصصه هنجاوب عليها سويا ونقول للمبتدئ ان يحذر ان يقترب منها حتى ينتهى من دروسه .. اوعى تكون زعلت منى انا أخوك وتشرفنى أخوتك
وقصدى خير ليس أكثر.

أشكر لك مرورك دائما

[hogobingo]

السلام عليكم ورحمه الله وبركاته

ممكن نصيحة لمبتداء ازاى يبدء فى الماكس سكربيت اقصد حاجة زى منهج يعنى اسطونة او دروس على النت او موقع بحيث الواحد يكون عنده اساسوالباقى مجهودة اتمنى ان اكون واضح
بالمناسبة انت بدات ازاى فى الماكس سكريبت

أتمنى لك الصحه يا خالد
بالنسبه للإجابه لأول جزء ان شاء الله انا بحضرها الأن .. وان كنت حاسس ان الفتره دى فتره أمتحانات وحاسس ان الأعداد قليله شويه فى الموضوع ده بس انا بدورلكم على حاجات حلوة ان شاء الله تعجبك وتعجب الباقى بس على العموم انت لو بدأت معايا وحده وحده ربنا يكرم وتفهم الموضوع

اما بالنسبه عن بدايتى فأنا فريت عن الموضوع فى الأول كأى جزء فى الماكس ولكنى توقفت فيه لأنى حسيت انوا ما لوش لازمه ٌوى وقولت لنفسى ايه الفايده منه ما أنا كل اللى هيعملوا الأسكربت أقدر أعمله بيدى بدون كتابه أو حتى وقت ضائع لأنى وجدت شروح بدأت بعمل بوكسات او كور وخلافه ... ولكن بعد فترة وجد شخص عزيز على وضح لى الصورة ودعمنى جدا فأظهر لى كيف ان الماكس أسكربت بحر واسع وكنز ثمين لا حدود له أستطيع ان أحل به كل مشاكلى فهو بالنسبه للمستخدم كالعصا السحريه .. فأكاد أن أقسم لك انه حل مشاكل كما قلت لكم فى أول الموضوع تقدر أحداهم بملايين الجنيهات وكيف انه بدونه لكانت احدى الشركات ستخسر مبالغ طائله .. المهم وقتها كانت الأمور أصعب من الأن فقد كان الموضوع غير منشر وكنت أعتمد فى تعليمى على الله ثم ال help وصديقى هذا وهكذا أما الأن فأنت ترى المنتديات والدرووس وغيرها والغريب انه بالرغم من هذا كله قد تجد البعض يزال يعتقد ان الماكس أسكربت لا طائل منه.. وانا لازلت ارى نفسى فوق المبتدا بشويه فهو بحر لا نهايه لهوليس به كبير فممكن تصل الى شئ لم يصل له غيرك ابتدأ من قبلك وهكذا

على العموم أصبر وادعوا الله ان يوفقنا فيما يحب ويرضى

[hogobingo]

السلام عليكم ورحمه الله وبركاته

اليوم سوف أتطرق الى اهم أمتع الأمثله وهى الخاصه بالأنيمشن
وتبدأ عن طريق فتح خاصيه الأنيمشن عن طريق

animate on
(

)

ثم تكتب كل ما تريد فيسجله الكومبيوتر فورا وسأبدء بمثال بسيط
===========================
قم بأنشاء مكعب فى أى مكان فى الشاشه ثم قم بأختيار المكعب بعد كتابه هذا الأسكربت وشغل الأسكربت

animate on
(
    at time 0 $.pos = [0,0,0]
    at time 20 $.pos = [0,50,0]
)

ستجده عمل key ونقل المكعب الى منتصف الشاشه وبتحريك التايم سلايدر ستجده قام بعمل أيمشن حركه للمكعب

اما عن ترحمه ما فعلنا فهو قلنا له شغل الأنيمشن ثم قلت له فى الفريم 0 مكان المكعب (....) وفى الفريم 20 مكان المكعب(....)
وهكذا يمكنك عمل الأسكربت الخاص بك
===========================

مثال (2) وهو أقوى قليلا سنتعلم منه عمل رساله تحزيريه للمستخدن اذا لم يختار اى مجسم ونص الرساله هى عبارة عن

messagebox "message" title:"title"

هذه الرساله يمكنك فيها كتابه كل ما تريد قوله لنفسك او لمستخدم البرنامج

والمثال هو ماذا اذا اردنا عمل أسكربت أحدد له رقم الفريم والمساف التى أريد ان يقطعها هذا المجسم وكمان يعطى لى رساله تحذيريه اذا وجد اننى لم أختار اى مجسم

حسنا هذا هو الأسكربت

rollout move_obj "Moving objects"
(
    spinner frm_num "Frame Number" range:[1,500,5] type:#integer
    spinner mov_val "Move Value" range:[-500,500,10]
    button mov_it "Move it now"
    
    on mov_it pressed do
    (
        if selection.count == 0 then (messagebox "Please Select one Object at lest" title:"Error Selection")
        else
        (
            for i in selection do
            (
                animate on
                (
                    at time frm_num.value move i [(mov_val.value),0,0]
                )
            )
        )
    )
)

createdialog move_obj

ولشرح الأسكربت قلنا له فى الأول انشئ لنا روول اوت اسمه موف إت ثم عملنا spinner 2 واحد لرقم الفريم وأخر للمسافه المطلوبه وقلنا له فى الأسبنر بتاع الفريم انه من النوع انتجر اى انه رقم صحيح وليس به كسور فنحن نعرف ان الفريمات ارقام صحيحه وكذلك قلنا له ان الرنج ما بين 0 و 500 اما الرقم 5 فهو الرقم المبدئي الذى سيظهر لنا فى الأول وقلنا له ان الرنج الخاص بالمسافه هو ما بين 500 و -500 اما الرقم الذى سيظهر هو 10ثم قمنا بعمل زر ليقوم بتشغيل الأسكربت

وقلنا له عندما أضغط على الزر ووضعنا عمليه شرطيه

if ....... then ... else....

وترجمتها هى اذا كان عدد المجسمات التى تم أختيارها يساوى صفر أخرج لى رساله تقول لابد ان تختار مجسم واحد على الأقل ويكون رأس الرساله عنوانه خطأ فى الأختيار ... اما اذا كان العكس else فقم بالأتى
لكل مجسم تم أختياره

for i in selection do

أفعل التالى أفتح الأنيمشن وعند وقت الفريم الموجود فى خانه الفريمات قم بتحريك المجسم بمفدار الخانه المخصصه لمسافه التحريك

وهكذا نكون عرفنا ما هيه التحريك بأستخدام الأسكربت أرجو أن أكون قد وفيت لكم مرادكم أنتظر الأستفسارات والأسئله

وفقكم الله جميعا

[ahmed_shal]

لا والله مزعلتيش ولا حاجه ابدا ابدا بالعكس انا سعيد ان فيه واحد بيضحي بوقته في عرض موضوع زي ده ده انت كلمه شكرا ليك شويه قوي
بالنسبه لي انا بحب استخدمه في الريج وبعدين انا مش جامد اوي كده ده انا علي قدي لذلك دايما بحب اتابع مواضيع الاسكريبت في اي منتدي
احلي حاجه خدمني فيها الاسكريبت كان في عمل ريج لسير دبابه في روبوت كنت مصممه صراحه حاجه جميله بالرغم من ان فكره الاسكريبت بسيطه جدا الا ان النتيجه مبهره اللينك اهوه :
http://youtube.com/watch?v=GHMriOLnRO0
طبعا هو ساعدني في السير وغيره لكن السير ده كان اكتر حاجه حسيت بيها شخصيا
انا سعيد بمعرفتك جدا يا عمار

[the_fox220]

السلام عليكم ورحمه الله وبركاته
جزاك الله خيرا اخى عمار وانا متابع معاك .. وكمان نزلت الثلاث اسطوانات
بتاعت الماكس سكربت وبتفرج على اول واحده وماشى معاه وان شاء الله
لو حاجه وقفت معايا هسالك فيها ان شاء الله .. وللاسف الان ما اقدرت اعمل
اعمل التمرين بتاعك علشان انا فى مكان اخر ولا يوجد ماكس على الجهاز
لكن ان شاء الله هجربه لما اروح البيت ...
********
السلام عليكم ورحمه الله وبركاته
اخى ahmed_shal
ماشاء الله شوفت العمل بتاعك ماشاء الله وعجبنى كتير
واصل اخى وان شاء الله نشوف منك الاجمل دائما

.. نفسى يبقى فيه هنا قسم للماكس سكربت علشان
بجد فعلا زى اخى عمار ما قال بحر وتقدر تحل بيه حاجات كتير

[hogobingo]

السلام عليكم ورحمه الله وبركاته

ممكن نصيحة لمبتداء ازاى يبدء فى الماكس سكربيت اقصد حاجة زى منهج يعنى اسطونة او دروس على النت او موقع بحيث الواحد يكون عنده اساسوالباقى مجهودة اتمنى ان اكون واضح
بالمناسبة انت بدات ازاى فى الماكس سكريبت

أرفع الأن بعض الدرووس على المنتدى قم بزيارتها ويا رب تعجبك وابقى أسأل أى سؤال وانا ان شاء الله سأجيب عنها كلها

الرابط
http://www.maxforums.net/showthread....526#post957526

[shady sobhy]

واااااااااصل
ولكن أخر أسكريبت مفهوم كودا ولكن لا يعمل

[hogobingo]

لماذا لا يعمل انا جربته بنفسى قبل الرفع بس على العموم ممكن يكون انت لم تختار اى مجسم

[hogobingo]

حاول ترفع لى الصورة التى تدل على ذلك او اكتبلى ال error اللى بتكتبلك ان كان فيه .....

وشكرا لمرورك الدائم