منتدى ماكس سكريبت(MaxScript) ما هو .تطبيقاته.أمثله عربيه

[hogobingo]

السلام عليكم ورحمه الله وبركاته
==================
معلش يا جماعه اليومين دول انا هتأخر شويه فى تحضير الموضيع الخاصه بالإسكربت علشان مشغول حبتين فى كام أسكربت كده وهما معقدين حبتين .. بس انا على العموم من وقت واخر هدخل ابص على الناس وهرد لو فى حاجه مستهله الرد

وعلى العموم انا شايف ان الناس مشغوله شويه عن الموضوع ده جايز من الإمتحانات او جايز عندهم حاجه شغلاهم
على العموم انا منتظر اسئلتكم فى اى وقت من وقت للتانى هدخل ابص عليكوا عملتوا ايه وشكر لكل اللى رد على الموضوع وشكرا لتيجر مان على رفع الموضوع

[blackfire]

أخى فى الله أنا نهيت درس أفتربرن ماستر 2 ولو تفتكر فى إسكربت بيحل محل الموديل (الكراسى ) ويعمل تناثر أنا طبقت الإسكربت وفهمته بس ساعت ماحولت أجربه على بكسات فشلت مع أنى غيرت فى الإسكربت الأسماء ولكن فشلت أنا حكتبلك الإسكريبت وياريت تفدنى بخبرتك يا أستاذ الإسكربت خلى بالك أنا دايس فى إسكربتات الريجينج أكتر من البرتيكل وحبعتلك كام أسكربت أنا مش فاهمهم منهم إسكربتات الكميرا


on ChannelsUsed pCont do
(
pcont.useposition = true
pcont.useshape = true
)

on Init pCont do
(
global chairs = $chair_* as array


)

on Proceed pCont do
(


t1 = pCont.getTimeStart() as float
t2 = pCont.getTimeEnd() as float

if ((t1 <= 0) and (t2 >= 0)) then
(
(
pcont.addparticles chairs.count
for i in 1 to chairs.count do
(
pcont.particleindex = i
pcont.particleshape = chairs[i].mesh
pcont.particleposition = chairs[i].position
)
)
)




)

on Release pCont do
(

)

[ahmed zida]

مشكوووووووووووووووووووووووووووووووووور

[hogobingo]

مشكورين جميعا على ردودكم
بالنسبه للأخ بلاك فاير
انا شوفت الإسكربت ولى عندك بعض الأسئله ... أو تقدر تقول عليها ملاحظات مبدائيه
اما عملت الإسكربت الجديد بتاعك اللى بدلت البوكسات بالكراسى هل غيرت حاجه فى الإسكربت
يعنى هل جعلت السطر الخاص بالكراسى تحول الى الخاص بالبوكسات
global chairs = $chair_* as array
لابد وان يكون
global chairs = $box* as array
على العموم جرب دى وقولى يمكن يكون الأمر فى حاجه تانيه
اذا ما كنش ياريت تكتبلى تعديلك برضه يمكن يكون فى حاجه غلط وانت مش واخد بالك وحاول تشرحلى المشكله أكثر من ذلك

على العموم انا منتظرك بفارغ الصبر ومبسوط ان فيه حد لسه معايا فى موضوع الإسكربت ده

[rekapidesign]

هوجو بينجو يا حبيبي ازيك يا راجل يا همام
هقولك علي حاجة قبل اي شئ معرفش هتصدقني ولا لأ
امبارح وانا بلف وادور هنا لاقيت موضوع لاخونا سايفر عن البايثون ولا قيته عمال يشرح ويستفيض في الحقيقه الراجل ده دماغه طيارة في البايثون اقضيت اليوم امبارح مع البايثون بس مطبقتش حاجة كمان كان عندي كام حاجة كده اخدوا وقتي و انشغلت حبيتين بس بصراحة اول ما شوفت موضوع البايثون ده افتكرتك علي طول بموضوع الماكس اسكربت و نويت اني اول ما اصحي من النوم علي طول ادور علي الموضوع و بعدين انشغلت في كام حاجة فنسيت وفجأة لاقيت الموضوع في وشي دلوقتي عارف انا حسيت اني قاعد في الجنة اي حاجة تخطر علي بالي تحضر كده علي طول ههههههههههه علي فكرة انا هبتدي افرغ نفسي للماكس اسكربت من النهاردة ان شاء الله من دلوقتي كمان وهتابع الموضوع كله و ان شاء بعد ساعة ولا ساعتين هتلاقي اسئلتي
الموضوع ده هيفضل مفتوح الي ان يشاء الله
مشكور يا حبيبي علي مجهوداتك الرائعة
انا ليا سؤال قبل ما امشي - معلش اصل اخوك رغاي قوي - ايه هي علاقة الماكس اسكربت بالبايثون الاول انت تعرف اللغة دي من الاخر عالجلي حوار البايثون ده علشان انا اتشليت من سايفر امبارح وشكرا يا حبيبي

[hogobingo]

السلام عليكم ورحمه الله وبركاته

هوجو بينجو يا حبيبي ازيك يا راجل يا همام
هقولك علي حاجة قبل اي شئ معرفش هتصدقني ولا لأ
امبارح وانا بلف وادور هنا لاقيت موضوع لاخونا سايفر عن البايثون ولا قيته عمال يشرح ويستفيض في الحقيقه الراجل ده دماغه طيارة في البايثون اقضيت اليوم امبارح مع البايثون بس مطبقتش حاجة كمان كان عندي كام حاجة كده اخدوا وقتي و انشغلت حبيتين بس بصراحة اول ما شوفت موضوع البايثون ده افتكرتك علي طول بموضوع الماكس اسكربت و نويت اني اول ما اصحي من النوم علي طول ادور علي الموضوع و بعدين انشغلت في كام حاجة فنسيت وفجأة لاقيت الموضوع في وشي دلوقتي عارف انا حسيت اني قاعد في الجنة اي حاجة تخطر علي بالي تحضر كده علي طول ههههههههههه علي فكرة انا هبتدي افرغ نفسي للماكس اسكربت من النهاردة ان شاء الله من دلوقتي كمان وهتابع الموضوع كله و ان شاء بعد ساعة ولا ساعتين هتلاقي اسئلتي
الموضوع ده هيفضل مفتوح الي ان يشاء الله
مشكور يا حبيبي علي مجهوداتك الرائعة
انا ليا سؤال قبل ما امشي - معلش اصل اخوك رغاي قوي - ايه هي علاقة الماكس اسكربت بالبايثون الاول انت تعرف اللغة دي من الاخر عالجلي حوار البايثون ده علشان انا اتشليت من سايفر امبارح وشكرا يا حبيبي

شكرا ليك يا أخى ... ومرحبا بالراجل النشيط وعلى فكره لو ان طريقتك دى انت مسميها رغى فأنا اتمنى ان كل الأعضاء بما فيهم انا ان نكون راغيين مثلك كده ...

بالنسبه لسؤالك انا عارف شويه حاجات كده على قدى فى الموضوع ده ده بحكم إحتكاكى بالموضوع ده وياريت تبعتلى اللينك الخاص بالأخ سايفر بتاع البايثون ده
المعلومات اللى هقولهالك دى للأمانه واثق فيها بنسبه 40% للأمانه
-العلاقه بين الماكس إسكربت والبايثون - غير موجود علاقه مباشره بينهم
-البايثون هو برنامج برمجه مثله مثل السى بلس بلس ولكن البايثون حديث وقوى وأسهل وتعامله مع الثرى دى أقوى
-ارى ان مستقبل البايثون فى التعامل مع الثرى دى أقوى بشكل عام لا يعوقه مع الماكس سوى ان الماكس مكتوب بلغه السى بلس بلس ولكن أعتقد انه يمكن كتابه التعريفات والأوامر بشكل تانى بالبايثون ولكن الأمر سيأخذ وقت أطول لكميه التعريفات دى (والله أعلم) ... فالواحد مثلا حينما يحاول التعامل مع بوكس الموجود فى ماكس فما عليه سوى إحضار تعريف البوكس بالسى بلس بلس ثم كتابه اوامرك الخاصه بينما بالبايثون فأنك سوف تضطر لكتابه بنفسك مره أخرى بتعريفات جديده ويكفى ان أقول ان تعريف شئ مثل البوكس يأخذ كتابه فى البرمجه مثل صفحتين على الأقل ... وكذلك لابد من وجود شئ للترجمه خاص بالماكس ليترجم الخارج من برنامج البرمجه الى ملفات بلاجن او اضاءه وخلافه وهذا موجود فى السى بلس بلس ولكن لا يوجد للبايثون ... تلك هى الصعوبات ولا أعلم ان تم حلها ام لا ولكن أعتقد ان يتم حلها قريبا للسبب التالى
- البايثون له علاقه بالمايا حيث ان الإسكربت فى المايا كان قديما يستخدم به الميل إسكربت وكنت اراه قويا للغايه يشابه السى بلس بلس فى كثير من أوامره أكثرمن الماكس اسكربت ولكنهم حديثا ادخلوا البايثون بجوار الميل اسكربت فأصبح الواحد يمكنه كتابه الإسكربت بالميا اسكربت او بالبايثون والبالتالى أصبح الإسكربت أقوى وأقوى بالمايا وما دام اتو ديسك عملت هذا فى المايا فممكن تعمله برضوا فى الماكس
-انا شخصيا اراه برنامج رائع بحق وتعلموه سيكون أفضل شئ وخاصه لمن يهوى هذا المجال ولكنى أنصح بتعلم الماكس إسكربت أولا ثم تعلم البايثون لأنه حتى الأن لم يظهر كإسكربت للمكس ... اما بالنسبه لى فأنا حولت من فتره تعلمه هو السى بلس بلس ولكن إستوقفنى كثره عملى . عدم وجود مكان متخصص ليعلمنى تطبيقته المرجوه . صعوبه الحصول على نتائج مرجوه سريعه مثل الإسكربت

بص علشان انا حاسس انى طولت اكثر من السؤال وخايف انى اكون بتكلم فى حاجات مش مفيده لييك شوف لو حابب تكلمنى عن حاجه تانيه ارجوك إسألنى وانا معاك ومتنساش اللينك الخاص بالبايثون انا عايز أطلع عليه وكمان انا مستنى أسألتك بفارغ الصبر

[rekapidesign]

حبيبي انت يا هوجو بينجو
الصراحة يا معلم انا استفدت كتير من الكلام اللي انت قولتو و اقدر اقولك اني ابتديت اقف علي ارض صلبة في الموضوع ده و فعلا هتعلم ماكس اسكربت الاول وبعدين هروح للبايثون ولا واني عاوز اتعلم الاتنين بالتوازي بس الاولي اتعلم ماكس اسكربت انا بمر اليومين دول بحالة ملل من الماكس يمكن الماكس اسكربت يكسرها و املي اني اعرف اعمل اسكربت زي الفيس ميكر كده
اظن ان الواحد علشان يعمل بوكس يكتب 3 اربع صفحات امال لما يحب يحوله لايديت بولي هيكتب قد ايه علي العموم ده الرابط بتاع سايفر
http://www.maxforums.net/showthread....C7%ED%CB%E6%E4
الجدع ممتاز وشرحه ظريف قوي هتضحك لما تموت عليه من الضحك عيش و جرب اهم حاجة تجرب علشان تقولي ايه الحكاية عقبال ما اتعامل مع الماكس اسكربت تكون انت مشيت شوية في البايثون و علي فكرة انا اتوقع انك هتقطع شوط كبير قوي في الموضوع ده علشان انت غاوي كتابة علي الكيبورد و مبتعرفش تمسك الماوس زي هههههههههههههههه
يعني علشان انت شكلك كده ميولك برمجية شوية
ربنا معاك يا كبير جاري تظبيط الماكس اسكربت
الا صحيح هو شادي راح فين لاقيته متحمس في بداية الموضوع وبعدين فص ملح و داب

[rekapidesign]

بص بقي يا باشا انا ابتديت من الاول خالص عملت الاسكربت الاولاني حلو
وبعدين عملت الاسكربت التاني بتاع الهرم اهو

معلش انا جيت متاخر شوية في الموضوع بس اعمل ايه
الاسكربت ده انا حاولت اني اعمل كورة بدل البوكس وغيرت كلمة بوكس في كل حتة لكن مطلعش معايا حاجة هل لو كتبنا مكان myboxمثلا mycylinder يتغير الشكل ويطلع كله اسطوانات طيب انا حابب اعمل الاسكربت ده بس من غير التقييد بشكل معين اعمل كده ازاي
معلش انا هسالك في كل كبيرة وصغيرة وان شاء الله كل اسكربت هطبقه هسالك فيه
(اعذبك زي انا ما بتعذب واقعد اكتب في الاسكربت من اوله لاخره لحد ما عنيا وجعتني )

[hogobingo]

السلام عليكم ورحمه الله وبركاته

بص بقي يا باشا انا ابتديت من الاول خالص عملت الاسكربت الاولاني حلو
وبعدين عملت الاسكربت التاني بتاع الهرم اهو

معلش انا جيت متاخر شوية في الموضوع بس اعمل ايه
الاسكربت ده انا حاولت اني اعمل كورة بدل البوكس وغيرت كلمة بوكس في كل حتة لكن مطلعش معايا حاجة هل لو كتبنا مكان myboxمثلا mycylinder يتغير الشكل ويطلع كله اسطوانات طيب انا حابب اعمل الاسكربت ده بس من غير التقييد بشكل معين اعمل كده ازاي
معلش انا هسالك في كل كبيرة وصغيرة وان شاء الله كل اسكربت هطبقه هسالك فيه
(اعذبك زي انا ما بتعذب واقعد اكتب في الاسكربت من اوله لاخره لحد ما عنيا وجعتني )

على فكره انا متابع سايفر ولسه ماردتش عليه بس الراجل بيقول كلام حلو قوى حتى فى اساسيات البرمجه وده ينفع كأساسيات للإسكربت كمان انا لسه فى الأول بس عاجبنى جدا

بالنسبه للإسكربت انا عايز أقولك حاجه الإسكربت ده بيتعامل مع البوكس المشكله مش فى التسميات المشكله فى الخصائص ... طبعا انا مش فاكر الإسكربت قوى بس هقولك على أساسياته ونعدلها سوى
يعنى مش مشكله انوا يبقى اسمه mybox علشان ميطلعش سلندر لا ممكن يبقى اسمه ام الخلول ويطلع سلندر الإسم ده مثل وعاء على راى سايفر نملئه بما نريد المشكله هنا هى مشكله خصائص بمعنى

mycoco = box()
mysoso=sphere()
cece=cylinder()

هنا احنا عملنا ثلاث مجسمات مختلفه كل واحد منهم له خصائص مختلف بمعنى

mycoco.name = "toto"
mycoco.height = 20
mysoso.radius = 50
cece.height = 100

وهكذا لذلك سوف تجد الإسكربت يتكلم عن خصائص البوكس ليس السلندر وللتغيير به لابد ان تعرف خصائص السلندر وتغيير بها
البوكس خصائصه width . height , lenght
السلندر خصائصه height , radius
ولمعرفه خصائص اى شئ كل ما عليك هو انت تختار هذا الشئ وتقول له ورينى خصائصه بالطريقه دى

show $

وسوف يكتب لك خصائصه فى الليستر

المهم كل ما عليك هو ابدال كل خصائص البوكس بخصائص السلندر
فيما عدا position فهذه مشتركه

وجرب وانا معاك

[hogobingo]

وعلى العموم انا بحب دايما فى اى إسكربت انى ببدأ الإسكربت بشكل مبسط فى الأول ثم اجعله مغقد حاجه حاجه علشان أكتشف الخطأ واحده واحده

[rekapidesign]

انا لسه مخلص الاسكربت بتاع الالوان انا مش هتخلص من الاسكربت ده ابدا دا انا عيني طلعت فيه
هقولك اللي فهمتو منه
احنا قسمنا الاسكربت علي حتيتين الاول الاولي هي الالوان واسمها color picker - معلش طريقتي في الفهم رخمة شوية وهي اني لازم اشرح اللي فهمتو و اسالتي هتطلع فو وسط الكلام ده علشان منساش برضه - و اختصارها cp جميل كده و موضوع المكان pos مش فاهمو بتاع ايه او بيعمل ايه اللي فهمتو ان اختيارك ليه بيكون عشوائي يعني التغير فيه مفهوش مشكلة بس عاوز اعرف وظيفته ايه دا سؤالي في الحتة الاولانية طبعا height و width واضحة ابعاد مربع اللون ماشي كده الحتة التانية هي الزرار اللي هعمل بيه assign للون علي المجسم و برضه فيها position اللي انا مش عارف ايه موضوعه
في الاخر بقي بنجمع الازرار علي الالوان
علي فكرة انا غيرت الاسكربت بتاعك انت كنت عامل ارقام الالوان تبدا من 1 و ارقام الازرار تبدا من 2 انا مشيت العملية بالترتيب بحيث ان الالوان والازرار يبدأو من 1 وجربت لاقيت العملية زي الفل
معلش وجعت دماغك ولي سؤال هو موضوع سايفر شغال يعني في حد متابع و لا لأ وهو كمل ولا وقف عند حتة معينه انا هكمل الاسكربتات بتاعتك في الحقيقه الموضوع متعب للغايه لكن مفيد قوي انا هفضل وري الموضوع لحد ما وصل لاسكربت يساعدني في الموديلينج ويكون من صنع ايديا ربنا يسهل

[hogobingo]

السلام عليكم ورحمه الله وبركاته

انا لسه مخلص الاسكربت بتاع الالوان انا مش هتخلص من الاسكربت ده ابدا دا انا عيني طلعت فيه
هقولك اللي فهمتو منه
احنا قسمنا الاسكربت علي حتيتين الاول الاولي هي الالوان واسمها color picker - معلش طريقتي في الفهم رخمة شوية وهي اني لازم اشرح اللي فهمتو و اسالتي هتطلع فو وسط الكلام ده علشان منساش برضه - و اختصارها cp جميل كده و موضوع المكان pos مش فاهمو بتاع ايه او بيعمل ايه اللي فهمتو ان اختيارك ليه بيكون عشوائي يعني التغير فيه مفهوش مشكلة بس عاوز اعرف وظيفته ايه دا سؤالي في الحتة الاولانية طبعا height و width واضحة ابعاد مربع اللون ماشي كده الحتة التانية هي الزرار اللي هعمل بيه assign للون علي المجسم و برضه فيها position اللي انا مش عارف ايه موضوعه
في الاخر بقي بنجمع الازرار علي الالوان
علي فكرة انا غيرت الاسكربت بتاعك انت كنت عامل ارقام الالوان تبدا من 1 و ارقام الازرار تبدا من 2 انا مشيت العملية بالترتيب بحيث ان الالوان والازرار يبدأو من 1 وجربت لاقيت العملية زي الفل
معلش وجعت دماغك ولي سؤال هو موضوع سايفر شغال يعني في حد متابع و لا لأ وهو كمل ولا وقف عند حتة معينه انا هكمل الاسكربتات بتاعتك في الحقيقه الموضوع متعب للغايه لكن مفيد قوي انا هفضل وري الموضوع لحد ما وصل لاسكربت يساعدني في الموديلينج ويكون من صنع ايديا ربنا يسهل

الجزء الأول فى الإسكربت هو خاص بالإنتر فيس بتاع الإسكربت يعنى الزراير واماكنها وإسم الزرار وموقعه وطوله وارتفاع واللون وهكذا الجزء الثانى بأه هو ما يهمنا وهو الإسكربت نفسه اللى هو فيما معناه لم تضغط على الزرار الفلانى يبقى لون المجسم لون المربع بتاع هذا ... وهكذا

بس للتسهيل عليك جرب دى

rollout test "Change Wire Color"
(
    colorpicker co_p "color me"
    button chan_col "Change Color"
    
    on chan_col pressed do
    (
        for o in selection do
        (
            o.wirecolor = co_p.color
        )
    )
)
createdialog test

كدا انا غيرتلك كل حاجه علشان تعرف معناها
وده مبسط جدا وفعال جدا جربه وقولى فهمته ولا لا

[rekapidesign]

انت شوفت الموضوع بتاع سايفر ؟؟ انا قريت الرد بتاعك علي الموضوع هو يا تري رد عليك ولا الموضوع مات علي كده لو مات ابعت له رسالة علي الخاص اساله في اللي انت عاوزه وخليه يرجع يكمل دي مهمتك يا وحش علشان انا شغال في الماكس سكربت دلوقتي ومعنديش دماغ للبايثون
علي العموم بجاري تطبيق باقي الاسكربتات
ونتقابل ان شاء الله تاني علي الساعة 2 كده باالليل او الصبح ان شاء الله

[shady sobhy]

انا موجود اهو ومتاااااااااااابع على طول وبإذن الله لي عودة بس المشكلة بس في شوية مشاغل في التصميم الجديد وبإذن الله ربنا يوفقك

محب البرمجة
شادي صبحي

[nerosoft]

السلام عليكم ورحمة الله وبركاته
أخى هوجو بينجو الله يكرمك على هذا الموضوع الجميل
أنا نفسي تشرح سكريبت بتاع أسطوانات cg academy rigging
عاوذ أعرف لماذا كتب هذه الأكواد ولك منى جزيل الشكر