محاكاة الواقع

[abdalkreem]

السلام عليكم ورحمة الله وبركاتة
اخواني الكرام اليوم اتيكم بعمل لمغسلة وحركات والباقي علي الطريق
العمل اخذ يوم نمذجة ومتيريال واضاءة
الرندر فيراي والعمل كان علي الماكس 9
مدة الرندر 34 دقيقة

في صورة جديدة بالفعل اخذت وقت بالرندر مع اني كنت محاول اتلاشي هذا الكلام
الوقت الي استغرقة الرندر 1:46

[some_me_7]

السلام عليكم ورحمة الله وبركاته

الصراحة يا أخ أبو العبد يعني بسم الله ما شاء الله عمل رائع جدا جدا جدا .. تسلم ايدك .

بس في عدد من التعليقات ، هوه الصراحة يعني لحد الان ما بعرف أعلق على شو بالزبط ، بس من ناحية ان لكل تصميم عيوب فلازم أطلعلك غلط يعني ..

شوف يا أبو العبد ، أولا صلي على النبي اللهم صلي وسلم عليه يارب .

ثانيا : في شي على الجنب الشمال باين أنه مطعوج يعني ، ما حد يسأل شو يعني مطعوج ، مطعوج يعني ممممممم يعني مطعوج خلص مطعوج والسلام .

ثالثا : بالنسبة للون السيراميك لو كان لون أفتح شوية كان ممتاز ، ولو أستخدمت اي خامة ثانية غير خامة السيراميك الصغير ، شوف مثلا البيك

ولو ناحية المرايا الفواصل اللي بين المرايا من فوق ومن الجنب الإطار يعني لو كان لون أسود مطفي بدون انعكاس ، أنعكاس المنيوم يعني .


بالنسبة للمغسلة لو كانت حفر غائر ، سوفت جراوند قصدي يعني لو كان ما الها بروز يكون أفضل ، وممممممم بس .

الصراحة الصراحة ، شغل بسم الله ما شاء الله يعني ، بس كنت أمزح معك ، بس جرب بهالتعديلات وشوف كيف راح يكون ، بس الصراحة الشغل ما شاء الله تبارك الله يعني ما عليه كلام أبدا .

وأنساك من الكلام اللي قلته ، مزح وأبقى بشرني أوك ؟! ...

[abdalkreem]

والله مرورك اكثر من رائع محمد صحيح اني مافهمت شو الي حابب اعدلة الي انو رائع وبتعرف انتا الموضوع الي مزعلني من يومين ماضحكت بسببة بس بعد ما قراة ردك والله اني ماسك بطني من الضضحك ولا يهمك بس يكون في وقت رح ببعتلك التعديلات وانشالله الله يقدرنا

[Jassar]

معقول بيوم واحد؟ ما شاء الله عليك ^_^

نقدي الوحيد على الحنفيات, لو تخفف حدة الانعكاس درجة.

تحياتي وبالتوفيق

[some_me_7]

لا يا أخذ أعذرني يعني ، الحنفيات بتجنن ، حتى درجة الانعكاسات رائعة جدا جدا ، اروع ما فيها كأنها كروم
والحنفية الكروم في الواقع بتكون أغلى من البيت نفسه ، يعني بتبني بيت وتحط فيه حنفية وحدة بس ، بس مش أي حنفية لا ... حنفية كروم .

في نقد صحيح ، يعني يا أبو العبد حطيت أسمك ، حط رقم تلفونك وعنوانك ، لا بس تعرف ان عبد الكريم أسم حلو ؟

بس ليش حاطه على خلفية لونها اسود ؟
القهوة خلصت يا عبود كيف بدي افكر الحين ؟

[فلاشي 8]

التصميم ولا أروع وتسلم إيديك ما شاء الله .

[some_me_7]

عبود لا بجد بجد ، شفت الجلدة اللي بين الحنفية من تحت والمغسلة ؟

والشركة المصنعة باللون الأسود حطها على ال شو أسمها . ممممممم أه مغسلة ، طبعا ما فهمت شو بحكي بعرف الحين بوريك كيف يعني .

[some_me_7]

هذا قصدي يا ابو العبد وبالتوفيق ان شاء الله ، مجرد زيادة للتفاصيل ليس أكثر .

[abdalkreem]

فهمت شو بتقصد ابو حميد بس والله نسيتها بس طالة من الاخر وكبير يا ولد ملاحظتك منالاخر



وشكرا اخ جاسر علي نقدك الجميل

واخ فلاشي مشكور عل المرور

[abdalkreem]

طيب تعال لانو اليوم حطيت عين المدير علي جناح حمامة برية وبدو ياها ومش عارف شو اعمله

[Black Rose]

ياسلام واقعية مبهرة (الحنفيات طبعا)............الله يعطيك الف عافية
لكن :
في الصورة الثانية...............لمعة الجدار الخشبي مش معقولة.......مأنه عليه طبقة زجاجية أو ماشابه.............والمنشفة.............والرفوف بدها تعديل
ولاتنسى الجلدة للحنفيات..................أهم شي.................سلام

[Particle]

روعة لكن ملاحظة بسيطة...لا يشترط ان تكون الواقعية مرتبطة بال(نظافة) يعني قليل من الdirts أو ال bumps أو rust أوcolor change سيضفي واقعية أكثر
سلام

[Romeo2]

عمل رااااائع ما شاء الله ......
تعليقي الوحيد على الانعكاسات كتيرة أو البمب
بالتوفيق

[abdalkreem]

انشالله رح اجرب التعديلات الي طلبها الاخوان واشكركم علي المرو اراقي والنقد المغيد

[some_me_7]

لا تسلم ايدك يا ابو العبد بد يعني ، يا أخي فعلا ألتقاء نقطة التلاشي مع خط الأفق فعال فعلا ، ويظهر هذا الإلتقاء تحت المنظور الجانبي ورائع بالفعل ، أهنيك مرة أخرى يا أبو العبد ، بس ياريت لو تاخذها من زاوية أخرى ألا وهيه منظور عين النملة .

اي استفسارات عن الموضوع ، راجع كتاب د.أنتصار من الصفخة رقم 1 إلى الصفحة رقم 37 وأن شاء الله راح تلاحظ فرق مذهل .
أو أنتظر التحميل .

بسملاحظة مش كتاب التشريح لا كتاب المنظر .

والسسلام عليكم ورحمة الله وبركاته .