أرسلها ل 60 الف مليون واحد

[mmnoor]

السلام عليكم ورحمة الله وبركاته
طبعًا هذه الرسالة بدعة ومنتشرة من زمان، وأي رسالة من هذه النوعية لا يجوز نشرها والأفضل ألا تعتني أصلاً بقرائتها
وبالنسبة لرؤية الرسول ( صلى الله عليه وسلم ) طبعًا ممكن وأنا أعرف من رآه في المنام رآه كضوء أي لا يرى له ملامح، والله أعلم.

ردود زي الفل والله انتوا منتظركم مستقبل حلو !!!! أولاً بالنسبة لموضوع الغرض من الرسائل دي اشغال الناس بيها وبأمرها ولاحظ انها مش بتظهر إلا أيام امتحانات الطلبة بالذات اشمعزى ؟ ما تعرفش طيب انتشرت امتى ؟ من أيّام عبد النّاصر كانت بتتوزع الحاجات دي على شكل ورق الأول كان يقولك أحمد بن مش عارف مين حامل مفاتيح الكعبة وأنه رأى الرسول في المنام وأن مش عارف كام مليون دخلوا النار في اليوم ده ومش عارف كام مليون دخلوا الجنة وسماهم الرسول لكن الراوي لم يحفظ الأسماء اتطورت العملية لما انتشر الكمبيوتر بقت بتنطبع الحاجات دي على ورق (لاحظ ان البداية كان الورق ده بيتنسخ بخط اليد ودا بيستهلك وقت خصوصاُ ان أول شكل كان أكتر من ورقة فيها كلام كتير مكلكع ) المهم بعدين بقت على الايميلات وكل ما يحصل حاجة يفصلوا الحدث عليها زي أحداث الدنمارك بيقولك واحدة فلسطينية مسلمة شافت الرسول وبلغها ان هو راضي عن اللي عملته الأمه طبعاً الست دي ما اتولدتش لحد دلوقت ، طيب انتشرت ازاي؟ بسبب الجهل وبعد المسلمين عن التفقه في الدين وطلب العلم الشرعي (الذي لا يسع جهله) بقى كلمة توديهم وكلمة تجيبهم بقينا بنستدل بأحاديث ضعيفة ونعرض الأحاديث على العقل واللي يخالف العقل يرد بقينا بنألف في السيرة ، بالنسبة لرؤية الرسول يرى صلى الله عليه وسلّم بأوصافه المأثورة عن الصحابة رضوان الله عليهم أما بالنسبة هل في دعاء معين يقال لرؤية الرسول لم يرد في ما أعلم شيء وبالنسبة للأخ اللي كتب الكلام ده يا ريت يجيب الكتاب أو سند الحديث أو حتى مين المحقق للحديث لإن نشر الأحاديث والآثار الضعيفة ونسبتها للرسول صلى الله عليه وسلم وزرها عظيم ، قال رسول الله صلى الله عليه وسلّم من كذب علي عامداً متعمداً فليتبوأ مقعده من النّار) إذاً لا يؤخذ من الضعيف ولا الموضوع حكم ولا شاهد ولا يجوز نقلها إلا في حالة واحدة لو الحديث ضعيف السند صحيح المتن والمعنى يستخدم للاستدلال فقط أو يكون في فضائل الأعمال زي حديث "أعني على ذكرك وشكرك وحسن عبادتك" اللي كتير بيقوله بعد الصلاة لازم تقول المأثور عن الرسول الأول وتخلصه وبعد كده تقول الضعيف مش تسيب الصحيح وتجري ورا الضعيف صح ؟ اتقوا الله فيما تنقلون