cg-cars modeling challenge _ a_elbadry

[a_elbadry]

بسم الله الرحمن الرحيم


دي أول مرة يا جماعة في حياتي . . أعمل مودلينج لسيارة أو مشروع كبير . لا وإيه داخل في تحدي مع العتاولة الكبار . . . بس يلا ربنا يستر

المهم . . انا بدأت في المودلينج من درس كان في المنابر بس لقيت طريق العمل فيه هتعملي مشاكل كتير . جبت درس تاني من موقع الإيفرموشن . عشان أتعلم الطريقة وبعد كده انا مع نفسي . وإشتغلت بيها . بس مش عارف ليه شكلها هتبهدلني . ؟

لأني كل ما أعمل nurms الشكل يبوظ مني على الأخر . بس لسه مخلصتش الشغل كله . وياريت من الإخوة اللي هنا يكون معايا خطوة بخطوة لحد ما أكمل إن شاء الله

وإعذورني لو مطلعتش تمام . . . دي أول مرة ليا خالص يا جماعة

[S.Elashmawy]

بدايه جميله جدا يااخى الكريم موفق ان شاء الله.
ربنا معاك
بالتوفيق.

[a_elbadry]

بدايه جميله جدا يااخى الكريم موفق ان شاء الله.
ربنا معاك
بالتوفيق.

شكراً لكلامك الجميل و ده أول رد على موضوعي . وبجد شجعتني كتييييير

[a_elbadry]

ودي أخر ما توصلتله

ويارب أعرف منكم لو في أخطاء في التصميم . . بس انا لسه مظبطش الحواف والدواخل انا بس بعمل الشكل الأساسي دلوقتي ولسه مكملتوش

[cortex]

ما شاء الله ؛ بداية موفّقة :d

[S.Elashmawy]

اخى الكريم الخطوط بتاعتك "الادج"كتير قوى حاول متعملش خطوط كتير لانها هاتسببلك مشاكل كتير
بالتوفيق وانا معاك ان شاء الله.

[a_elbadry]

اخي الكريم عشماوي . . طب انا عملت خطوط كتير . ممكن اعملها remove بس من غير ما تأثر على التفاصيل . . ولا انته رايك إيه .

أخلص ومن بعد ما أخلص . أشوف المشاكل وأحلها . ولا اعمل remove ليه من دلوقتي


وشكراً جداً لإهتمامكم بمشاركتي في التحدي

[S.Elashmawy]

هو يستحسن تعمل remove دلوقتى وان شاء الله مش هاتاثر على التفاصيل ولا حاجه بل بالعكس .
لا ن خوططك كتير قوى وهاتعملك مشاكل كتير قوى.
بالتوفيق.

[a_elbadry]

اخر التطورات

انا كده الحمد لله خلصت جزء كبير من العربية .

اللي فاضلي فيها . التفاصيل الصغيرة والجنوط . وكمان الحواف عشان لما أعمل smooth ماتبظش مني .

وياريت أي حد عنده تعليق يقولي . عشان زي امنتوا عارفين . إنها أول مرة أعمل فيها سيارة .

[S.Elashmawy]

جميل جدا جدا على فكره اما دى اول عربيه ليك امال بعد كده هاتعمل فينا ايه.
بالتوفيق يااخى الكريم موفق ان شاء الله.

[polaris]

بداية حلوة وبالتوفيق انشالله

[a_elbadry]

ودي لما كملت

[mmnoor]

مبتدأ هه ؟ اشتغلنا كمان !!! إيه الحرفنة دي ما شاء الله جميلة بس عايزين نشوف بقى الـ mapping بقى عايزين حاجة جامدة

بس انت خدت فيها قد إيه وقت ؟ وإيه التكنيك المستخدم؟ spline , Nurbs ولا إيه ؟