الى سكان القاهرة طلب:(

[maya-max]

تم التعديل
هاروح بدرىوادور وامرى لله

[maya-max]

نسيت اقول المعاد انهارده الساعه 10 صباحا

[maya-max]

ما زل 5 ساعات قبل السفر
شكلى كده هروح لوحدى وهتبقى ليله

[mansy1985]

مش فاهم؟؟؟؟؟؟؟؟؟؟؟؟؟؟؟؟

[maya-max]

جالى منحه يا منسى وفى اختبار ومقابله فى الاول وللاسف المقر ده فى القاهرة يعنى مووووووت
ودى فرصة وانا مش عارف اى شىء فى القاهرة بس الحمد لله جبت التفاصيل الوصول بس خايف اتاخر والتاخير يعنى مش مقبول
فكنت عايز حد من القاهرة يستقبلنى الساعه 7 ونص ويوصلنى للمكان وانا معايا العنوان تفاديا للتوهان والتأخير
بس وفاضل ساعه ونص وهلبس وانزل

[mansy1985]

متقلقشي موضوع المنحه ده جربته قبل كده

انا قدمت علي المنحه و سافرت القاهره انا كمان و فجأه علي مدخل القاهره المرور اتعطل لان سيادته خارج من بيتهم و اتاخرت ساعتين علي المقابله الشخصيه

و طبعا العربيه ركنت علي بعد كيلو من مكان المقابله بسبب الزحمه فاضطريت اخدها جري لمكان المقابله عشان اكتشف ان نتيجه لان الناس الي مقدمه كلها جايه متاخره فالدخول كان عشوائي نوعا ما مع انها منحه دوليه و دخلت بعد معادي بمده كبيره

بالتوفيق يا ريس و ان شاء الله ربنا يكرمك ما تقلقش بس و انت داخل و ركز و حاول ما تكونش احمد هيكل الثوري و تبقي احمد هيكي الليبرالي الفري الي بيحب امريكا لمده النص ساعه بتاعه المقابله

[maya-max]

ومحمد رمضان سافر وامجد عنده ظروف وعاطف مختفى اعمل ايه بس

[maya-max]

هههههههههههههههههههههههههههههههههههههههههههه
انا امريكى من دلوقتى وهلبس لبس امريكى كمان هههههههه
شكرا يا منسى طمنتنى ربنا يطمنك ويارب يعد فى الحمام فترة طويله عشان الموكب يطلع متأخر

[diaaking]

تبقي تطمنا عملت ايه ...

[maya-max]

الحمد لله نجحت يا جماعه
بس فى مشاكل انا طالع من بتنا الساعه خامسة صباحا وراجع 5 مساء وده يوم طلعنى بدرى دا المحضرة 6 ساعات
يعنىاطلع منها الساعه 4 مساءا ولما ارجع البيت تكون الساعه 8 مساء نظرا للمواكب وكان يا منسى موكب انهارده والبلد مكركبة امن
انا رأيى يستعمل هلكوبتر ويريحنا
ضياء حبيب قلبى الحمد لله نجحت بس زى ما كتبت فرص انى اكمل فى المنحه صعب جدا كان نفسى تكون فى المنصورة
وبالمناسبة هى دورة سيسكو ودى بتدى شهاده الاولانية ccna ودى تخليك تشتغل فى الشبكات براتب لا يقل عن 1500
والاخرى وهى فى نفس الدورة ايضا ccnb ودى موازية لمهندس محترف فى الشبكات والرلتب لا يقل عن 3000 جنية داخل مصر
بس قررت عدم الخوض فيها لاسباب الاولى اقرار بدفع 5000 جنية اذا تغيب فوق 10% من الدورة
وانا الصراحة ادمرت انهارده مواصلات و رج و رزع طول النهار الله يكون فى عون سكان القاهرة دمار بجد انا مش قادر اكتب الان من التعب
وشكرا لهتمامك

[MOATAZ]

الحمد لله نجحت يا جماعه
بس فى مشاكل انا طالع من بتنا الساعه خامسة صباحا وراجع 5 مساء وده يوم طلعنى بدرى دا المحضرة 6 ساعات
يعنىاطلع منها الساعه 4 مساءا ولما ارجع البيت تكون الساعه 8 مساء نظرا للمواكب وكان يا منسى موكب انهارده والبلد مكركبة امن
انا رأيى يستعمل هلكوبتر ويريحنا
ضياء حبيب قلبى الحمد لله نجحت بس زى ما كتبت فرص انى اكمل فى المنحه صعب جدا كان نفسى تكون فى المنصورة
وبالمناسبة هى دورة سيسكو ودى بتدى شهاده الاولانية ccna ودى تخليك تشتغل فى الشبكات براتب لا يقل عن 1500
والاخرى وهى فى نفس الدورة ايضا ccnb ودى موازية لمهندس محترف فى الشبكات والرلتب لا يقل عن 3000 جنية داخل مصر
بس قررت عدم الخوض فيها لاسباب الاولى اقرار بدفع 5000 جنية اذا تغيب فوق 10% من الدورة
وانا الصراحة ادمرت انهارده مواصلات و رج و رزع طول النهار الله يكون فى عون سكان القاهرة دمار بجد انا مش قادر اكتب الان من التعب
وشكرا لهتمامك

السلام عليكم اخي مايا-ماكس
حبيت ارد عليك في شويه نقط كده متقولش عليه محبط بس احب اوضحالك شويه حاجات من واحد دخل تجربه الشبكات .

1-اهم نصيحه موضوع ال1500 جنيه مع CCNA ده مبيحصلش قوي غير مع كام شركه يتعدوا علي اصابع اليد الواحده يعني مثال شركه واخده سيلفر بارتنر لسيسكو و رحت كانوا بيدوا 1200جنيه و كنت اتقبلت فيها بس حصل ظروف و مشتغلتش معاهم

2- شغل الشبكات برضو مش كتير زي اي حاجه في البلد (بس ان شاء الله يكتر في القريب)و ممكن يبقي صعب بCCNA بس

3-حاول اي كورس تاخده تدخل امتحان الCertification الخاص بيه لان الكلام ده بيفرق مع الشركات و بيفرق في المرتبات

4- متتوقعاش اي شغل كويس في المجال ده بره القاهره او الاسكندريه

5- حاول بعدها تكمل في اي حاجه في مجال سيسكو (CCNP - CCVP-CCSP ) او تدخل علي مايكروسوفت زي حالاتي يعني MCSE او طبعا فيه لينكس او فيه حاجات تانيه بس دي محتاجه حد يكون ليه خبره جامده في الشبكات

6- اعتقد انت كده علي كلامك المنحه في معهد الاتصالات
7- اي خدمه انا ممكن اساعدك من اول مواد تعليميه او تحضير للامتحان او نقط مش واضحه معاك

[أبو عبد الكريم]

بسم الله

خساره خساره
خساره خساره
خساره بمراره
خساره خساره
عدم استقابلك يا حبى خساره
خساره



الحمد لله

.

[maya-max]

معتز كلامك سليم الشغل فى القاهرة وقابلت مهندسين شغالين هناك من المنوفية والقاهرة وبيقولوا شغل الشبكات نايم فى القاهرة حتى والشغل برة لازم خبرة 3 سنوات على الاقل بس الدور ة هتدى ccnp بس طبعا بعد النجاح فى الاولى ودى مطلوبة جدا جوة وبرة شكلى كده هروح اعد عند واحد قريبى فى القاهرة بس لسه مقررتيش وهى منحة وزارة الاتصالات اه
ممكن اى حد خريج نظم ومعلومات او هندسة اكترونية او معاهد عاليه حاسب يقدم فى هذا الموقع بس انتا وحظك فى الدورة هما الى بيختاروا http://www.mcit.gov.eg/ptrain/training_proc.asp
وفى امتحان انجليزى وبعدين امتحان اساسيات شبكة انجليزى ومقابله بس ناس محترمة جدا وكان يوم حلو جدا انى اتعاملت معاهم

عاطف انتا لسه جاااااااى هههههههههههههههه بعد الهنا بسنه الحمد لله وصلت بدرى بنص ساعه
وبعدين انتا هتروح مينى فين الايام جاية كتير
وبالتوفيق للجميع ان شاء الله

[ريتاج]

كنت عوزة اقولك ربنا يعينك متاخرة شوية