موضوع: الي العاملين في مجال الجرافيك سؤال بسيط

ردود: 3 | زيارات: 1477
  1. #1
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408

    الي العاملين في مجال الجرافيك سؤال بسيط

    السلام عليكم ورحمة الله و بركاته
    اخواني اعضاء المنابر الكرام
    ماهي الشروط الواجب توافرها للعمل في مجال الجرافيك ؟
    يعني انا لو عاوز اشتغل في اي مكان ما هي الشروط الواجب توافرها فيا لاقبل في العمل
    انا اعمل علي الماكس لي اكثر من 5 سنين لكني لم اعمل ابدا به في شركة او مكتب او مؤسسة
    انا اعمل في مجال التودي وخاصة شغل المطابع و لم اعمل في مجال الثري دي حتي الان مع العلم ان مستواي و الحمد لله مرضي للغايه لكني اريد ان اتقدم للعمل في اي شركة تعمل في هذا المجال
    و مش عارف ايه اعمل ايه ....... طبعا احضر اسطوانة عليها شغل ليا طيب ايه هو الشغل ده
    انيمشن ولا موديلينج بس ولا ايه بالظبط لو معماري موجود كراكتر ستوديو موجود بس انا عاوز اعرف من حد شغال في السوق السوق عاوز ايه و فين اماكن العمل في القاهرة هذه ليست دعاية ليا و لكن استفسار
    ملحوظة مهمة :
    الدراسة هي يتم قبول الدارسين يعني التلامذة اللي زي حالتي
    وشكرا ارجو الافاده من اهل الخبرة


  2. #2
    عضو متميز
    صور رمزية Shady3D
    تاريخ التسجيل
    Nov 2002
    المنطقة
    القـــاهرة - مــصـر
    ردود
    1,484
    حتا مجال الثرى دى فى السوق تخصصات
    هوا تفكير جيد انك تفكر ايه الى عليه طلب فى السوق الان وتتعلمه او تمارسه بمعنى اصح
    وايضا كون انك تعرف تو دى - هنقول مثلا فوتشوب وكوريل درو او فرى هاند مثلا دا شىء بردو يدعمك
    الشركات الى بتشتغل ثرى دى انميشن عددها بسيط لان كل تكلفتها عالية وبيكون انتاجها للقنوات اكثر حسب خطة التسويق فى كل سنة عندهم

    انما اكثر الشركات بتشتغل ثرى دى اعلانات وadv اكتر - لان التكلفة هنا مش بتكون كبيرة ولا تحتاج طاقم مصممين كبير
    لان هيا اصلا شركة adv يعنى ممكن تعمل برشورات وايدنتى وفولدرات لشركة ما مثلا ولما يكون فيه booth او جناح لها فى معرض بردو بتعملو - يعنى تشتغل تو دى وثرى دى - ودا سر ان كل الشركات بتطلب مصمم تو دى وثرى دى
    يعنى ممكن تصمم جزء معين فى شغلك ثرى دى وبعد كدا تكلمه تو دى - والموضوع ده محتاج خبرة فى توظيف التكوينات بتاعتك

    ولما بتشتغل شوية تو دى وشوية ثرى دى انتا بتخرج من مود كل برنامج وتروح للتانى تفرفش معاه شوية
    اغلب الشركات دلوقتى بتطلب مصمم تو دى وثرى دى -

    هتقولو دا كلام مش حقيقى والمعارضات تشتغل " براحتكم " عيشو وقولو

    بص اتعلم حاجة جميلة اوى بما انك معاك ثرى دى كويس تصمم stand - لعرض المنتجات ويكون كامل
    تصمم booth لشركة مثلا ويكون مساحة 3 * 3 - ويكون فيه counter وكرسى بار مثلا وباك دروب
    تصمم بعد كدا booth او بارتشن بمساحة 10 * 10 او 20 مثلا
    تصمم بوديوم وكاونتر وستاند ولايت بوكس وحجات المعارض لان دا مفتاح هتحتاجه كتير فى اغلب شركات الـ adv

    الانتاج غالبا بيكون من الخارج او بيكون فيه قسم انتاج فى كل شركة وعارف السوق كويس والحاج فودة والناس دى
    لما تصمم حاجة لازم تكون عارف خاماتها من السوق ايه - مش تصميم وبس
    يعنى مثلا عملت تكست على الماكس وخليته self illumanation - طيب الوش خامته ايه والإضاءة ازاى كدا
    لازم انت هتشرحها للإنتاج
    الوش مثلا بيكون اسطمبة بلاستيك عند فلان " مثلا ووالجوانب بلكسى ومن جوا ليدات مثلا

    عموما التصنيفات كتير اوى فى السوق وفيه مكاتب هندسية عاوزة المعمارى وفيه الاستديوهات الى بتفتحت وعاوزة كل يوم انتاج دقيقة ودقيقتين وفيه شركات الاعلان الى محتاجة تو دى وثرى دى فى نفس الوقت ويكون كرييتف

    لو انت تلميذ فى تخصص بعيد عن الجراف - صدقنى خليك بعيد لان السوق والشركات مفيش حاجة اسمها غلطة ولازم خبرة
    هوا ملوش دعوة انت بتعمل دا ازاى هوا اهم حاجة ليه انت شغلك انت يروح للمحاسب فلوس فى الاخر
    -------
    most of us will never do great things
    but we can do small things in a great way
    -------

  3. #3
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    انت كلامك كله فعلا صح يا باشا انت استاذ والله استاذ انت جبت من الاخر
    انا في الحقيقة بشتغل فعلا في الدعايه والاعلان علي البرامج اللي انت ذكرتها دي كلها
    فوتوشوب كوريل درو و فري هاند دول هما اللي كنت بشتغل بيهم و بشتغل علي الاي بي ام و علي الابل ماكنتوش يعني تقدر تقول عليا واد بتاع كله الظروف في البلد دي عاوزة واد بتاع كله
    بالنسبة بقي للكلام بتاع الاستندات ده اللي انا مفهمتوش
    البروشورات انا عملت بروشورات كتير
    المشكلة اني مش فاهم السوق عاوز ايه ومحتاج افهم الموضوع اكتر
    انا نفسي اشتغل في شركة اعلانات اعمل كام كراكتر كده واحركهم و اعلان ظريف علي مشروع مسلسل زي بتاع كراكيب يعني حاجة زي كده بس الواحد مش عارف يروح فين ولا يروح لمين
    و موضوع تلميذ لا يا عم متخفش عليا انا اتمرمطت في السوق شويتين بس عاوز اغير نشاطي وابعد بقي عن المطابع و الاعلانات اللي بتتوزع في الجوامع دي و البروشورات بتاعت المطاعم و الشركات ناهيك بقي عن الكروت الشخصية فعلا انا بحس بملل و انا شغال في الكلام ده ومتنساش الفواتير التجارية والحاجات دي
    انا بصراحه عاوز اشتغل في المجال اللي انا بحبه الثري دي كراكتر يضرب كراكتر علي قفاه و كراكتر يوقع في بلاعه الخ
    ارجو ان الموضوع ده ميبقاش شخصي بالنسبة ليا عاوز الموضوع يبقي مناقشة لحالة سوق الجرافيك في مصر و الوطن العربي
    و ياريت محدش من اصحاب المكاتب ميخشوش ههههههههههههههه
    شكرا يا عم شادي علي مرورك و عقبال بقيت الاعضاء علشان نستفيد من تجارب الناس


Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل