أحيي كل أعضاء المنابر

[WASEEM VFX]

السلام عليكم أخوتي بهذا المنتدى الحقيقة انا شاب سوري أعيش قي دولة الإمارات اعمل هنا في مجال الجرافيك والمونتاج وعملت في كتير من القنوات التلفزيونية الموجودة هنا وأنا من المتابعين لكل مواضيعكم ولكل جديد عم تقدموا ليستقيد كل واحد عندو نهم للعلم وبصراحة انا تفاجأت بكل الشباب يلي عندون حب العطاء لأنو ما كنت متوقع انو في حدا بيعطي يمكن انا بنيت فكرتي على حسب العالم يلي شفتا هون وبصراحة أنا ذهلت من يلي شفتو من الشباب بهالموقع الرائع وبنفس الوقت فرحت لأنو شبابنا مانون قلال ويا ريت هيك نكون دائما متكاتفين مع بعض انا حابب بشكركون كلكون على المجهود يلي عم تقدمو ا وخصوصا الأخ سدير يلي أثر عليي بكتير شغلات ورح ورجيكون النتائج يلي حصدا الأخ سدير قريبا انشا الله من الدروس يلي قدما هو وكل الشباب يلي عم يستفاد منا كل شب بيعرف هالموقع الرائع انا كنت حابب كون معكون من فترة بس كلن التسجيل موقف واول ما فتحو التسجيل سجلت وهي اول موضوع إلي واول تجربة بالمنتديات وبتمنى تقبلوني صديق إلكون وانشا الله قريبا رح اقدم شي يفيد الشباب لأنو عندي شي كتير رح يفيدكون بخصوص الماكس وبخصوص الزي بروش والبوزر والفيو 6 وآسف للإطالة بالحديث وشكرا لكم

[اليوبي]

يا مية اهلين وسهلين
ويا مرحبا بك بين اخوتك
وهذا شي مو غريب منك
واتمنى ان اكون صديق لك
اخوك // خالد اليوبي
k2005m_9@hotmail.com

[Libya82]

طيب سؤال دايما شاغلني و أتحرق لإجابته ...

كيف لمثلي أنا يعرض أعماله على قناة فضائية ( ككارتون مثلاً ) ؟؟
هل لازم من واسطة مثلا ؟؟ لإني أعمل وحدي ولست بشركة معينة ..

يا ريت لما تشرحلي تشرح بالتفصيل الممل ... تخيل الأمر أمامك و أكتب لا تبخل عليننا

و بارك الله مقدما ..

[WASEEM VFX]

يا ريت تخبرني بس شو بتقصد بأعمالك وشو الغاية من عرضها ... هل هي فيلم كرتون حلقات يعني أو أعمال عشوائية جميلة لغاية العمل في إحدى القنوات ... واذا كانت فيلم او حلقات بدك تعرف كيف بتبيعا ... ؟

يا ريت توضحلي بس ..

[Libya82]

مشكوووووووووووووور على سرعة الرد و الإهتمام ...

انا عندي كارتون من ثلاثين حلقة ... بالإضافة لفواصل للقنوات الفضائية ...

أتمنى أكون وضحت ..

[WASEEM VFX]

شكر لك أخ خالد على ردك الجميل وانشا الله كون عند حسن ظنك
أخوك وسيم فتال

[Libya82]

؟؟؟؟؟؟؟؟؟؟؟؟؟؟؟؟؟؟

[WASEEM VFX]

ممتاز الموضوع مو صعب من شان الحلقات لأفلام الكرتون فينك تبيعون لشركة انتاج وشركة الإنتاج تبيعون للقناة أو فورا تلاقي قناة تشتريون منك ... بدك تلاقي قناة فاتحة جديد لأنو بتكون هي عم تدور على متل هيك أفلام او مو شرط تكون جديدة بس يعني لازم تكون بتعرض عندا برامج الأطفال واسرع حل انك تبيعون هون بالإمارات لأنو هون بمدينة الإعلام القنوات موجودة كلا بمكان واحد و90 % بيشترو منك شغلك واذا كنت حابب تشتغل بشي قناة فممكن تعرض عليون شغلك وويظفوك في بعض القنواة محتاجة واسطات بس في غيرا لأ والأإلبية من دون واسطة وانا برأيي انو ما تشتغل بقنوات تلفزيونية لسببين لأنو مافي ولا قناة رح تشتغل فيا إلا ما رح تعاني من مشاكل كتيرة من تأخر الرواتب متل للأٍف حقد العالم عليك والعرب للأسف ومشاكل كتير برأيي تشتغل بشركات الإعلان أو شركات الإنتاج الضخمة وبتاخد راتب اكتر بكتير من ما انك تشتغل بقناة متل ما عمل الأخ منار التوام , ولا تستقل بحالك لأنو في عالم اشتغلت بأكبر الشركات وهنن يمكن ما عندون أد يلي عندك بس ومو عرب وصدقني وين ما كنت رح يكون الباب تبعك من هون وبس ...بقصد من الإمارات وتحديدا من مدينة دبي للإعلام

[Libya82]

ممتاز الموضوع مو صعب من شان الحلقات لأفلام الكرتون فينك تبيعون لشركة انتاج وشركة الإنتاج تبيعون للقناة أو فورا تلاقي قناة تشتريون منك ... بدك تلاقي قناة فاتحة جديد لأنو بتكون هي عم تدور على متل هيك أفلام او مو شرط تكون جديدة بس يعني لازم تكون بتعرض عندا برامج الأطفال واسرع حل انك تبيعون هون بالإمارات لأنو هون بمدينة الإعلام القنوات موجودة كلا بمكان واحد و90 % بيشترو منك شغلك واذا كنت حابب تشتغل بشي قناة فممكن تعرض عليون شغلك وويظفوك في بعض القنواة محتاجة واسطات بس في غيرا لأ والأإلبية من دون واسطة وانا برأيي انو ما تشتغل بقنوات تلفزيونية لسببين لأنو مافي ولا قناة رح تشتغل فيا إلا ما رح تعاني من مشاكل كتيرة من تأخر الرواتب متل للأٍف حقد العالم عليك والعرب للأسف ومشاكل كتير برأيي تشتغل بشركات الإعلان أو شركات الإنتاج الضخمة وبتاخد راتب اكتر بكتير من ما انك تشتغل بقناة متل ما عمل الأخ منار التوام , ولا تستقل بحالك لأنو في عالم اشتغلت بأكبر الشركات وهنن يمكن ما عندون أد يلي عندك بس ومو عرب وصدقني وين ما كنت رح يكون الباب تبعك من هون وبس ...بقصد من الإمارات وتحديدا من مدينة دبي للإعلام

مشكوووور على الرد ..

رفعتلي معنوياتي ...

[BASELISSA]

بسم الله الرحمن الرحيم
سلام شباب
بصراحة أخ وسيم إنت هون بتحكي كإنك عايش في الجنة الله يجعلك من أهلها
طيب ما تقلي ليه إنت ما بتبيع أعمالك , ليه ما بتشتغل براتب عالي
اقلك
لإنه مسلسل الفريج مو إنت اشتغلته
مين اشتغله
مخرجه محمد سعيد حارب أخذ الماده كلها وطار فيها للهند
وكل الي اشتغلوه هنود , ايد عماله ارخص
إمكانيات أكبر
فن زيادة
إحنا العرب ما بنشجع بعض ولا حد ممكن يشجعك ولإنك عايش بدبي
وانا مثلك وبشتغل مخرج بالتلفزيون
وبعرف القنوات كلها او معظمها
لكن لو حب الاخ يبيع ممكن يوصل لموقع اي قناة كبيره ويراسلهم
او يوديلنا مقاطع او حلقة على vhs
اذا كان في قصة موضوعية وفيها فايدة
ممكن نوصل المادة للجهات المختصه ويقيمو المادة وتعرض على لجنة شراء البرامج
أقلك أخي libya82
راسلني على الخاص

[max-x5]

اهلا وسهلا بك اخي الكريم
اخي Libya82
انا من مؤيد لك اخي الكريم ممكن الوظيفيه تقيد باعمال انت مو راضي عن مستواها
اما الاعمال الفرديه فلا
لكن لها عيوبها
وانت بمفردك لن تسطيع مجارات الشركات الكبري التي تحتوي على فريق عمل كامل ومتكامل كل واحد متخصص بعمله

[Funtoon]

أذكر أنني كنت مع أحد المدرسين الهنود والذي هو بحق عبقري .. هكذا كان يلقبه الهنود أنفسهم .. درست علي يده بعض البرامج ولكني لم أسطع أن آخذ منه كل ما أريد ..
عموما سألته مرة عن مفتاح الإبداع ..
كانت إجابته : فريق العمل ..
...
أما عن قضية شراء الأفلام .. في قضية لا تتعب نفسك فيها والسبب هو كالتالي ..
الكم الهائل ( Stock ) الموجود في العالم من أفلام رائعة وبأسعار التراب
كل ما أتمناه أن لا تفاجئ فقط بالعالم الذي حولك كما تفاجئ به من قبل الأستاذ سدير وغيره كثييييير .
..
هذا ليس تحطيما لكن الأمل كبير ..
..
أخيرا حياك الله أخي WASEEM VFX عضوا بيننا ..

أخوك المحب
Funtoon

[adis_shbat]

على راسي حارتك

لك مية أهلا و سهلا فيك بلد
كمان أنا سوري مقيم في الإمارات أعمل بشكل جزئي بالغرافيك بارك الله فيك و منتظرين منك كل جديد و مفيد