إياك أن تجرأ ..!!

[zyzy]

سؤال : المقاله الاولى كانت لدكتور خالد منتصر و لا لدكتور احمد خالد توفيق ؟؟
عشان انا اتلخبطت ...

سؤال تانى للمدافعين عن الحجامه واللى بيعتبروها بديل للطب و المستشفيات
لو ان احدكم يحتاج لمثل هذا .... ابعد الله عنكم كل سوءوشر ...
يحتاج لزرع قرنيه
به كسور متعدده ويحتاج لتركيب شرائح و مسامير
لديه اضطراب هرمونى معين وليكن زياده فى افرازات الغده الدرقيه
اصيب بحالة تشنج
زائدته الدوديه اوشكت على الانفجار
مصاب بالربو ويحتاج لجهاز تنفس

الى اين سيذهب لمستشفى ام لصانع حجامه؟؟؟
مع العلم انه حتى ليحدد اصابته يحتاج لمعمل تحاليل و غرفة اشعه

..................................

اشتغالات الدكاتره عندنا جامده موت وملهاش حل ..... فعلا عايزه كلاشينكوف وواحد فدائى

لكن كمان مدعين العلاج بالحجامه و لدغ النحل و العسل و الاعشاب عايزين كام كلاشينكوف و كام ار بى جيه وواحده هامر و خمسه فدائيين

ياسر قال حاجه حلوه

ياعزيزي المستشفيات والاطباء الصينين يقدمو الحجامه علي انها طب صييني

المستشفيات و الاطباء الصينين
عندنا الحجامه مهنه على ما تفرج

احنا بس لو نحترم العلم شويه و نبطل نستغل الدين عشان نوصل لجيوب الناس او نلعب فى عقولهم
هنبقى فل اوى

[maya-max]

كمان زيزى يا اهلا يا اهلا
طيب سلاموا عليكوا

[zyzy]

طيب سلاموا عليكوا

ده على اساس اذا حضرت الملائكه ..................
عموما معلش خدنى على اد عقلى
لو هجمت عليك الزايده دلوقتى ...هتروح على فين ؟؟؟؟؟

[maya-max]

هروح عند الدكتور لاكن لوعرفت ان الحجامة بتعالج الذايده هعمل حجامة كما نصحنى الرسول ولا الرسول كداب وانتم الصادقين المتفتحين
اما الملائكة والكلام ده معنديش تعليق عليه غير الحمد لله على نعمه عاليه

[mmnoor]

^^^^
في فرق بين الحجامة نفسها وآلية تطبيقها ازّاي ؟
دلوقت احنا بنتكلّم عن الحجامة هل هي مفيدة ولا لأ تمام ؟؟ اتفقنا ان هي مفيدة وفي السّنة وثبت فايدتها

طيّب آلية التّنفيذ !!

مش كل من هب ودب طبعاً في ناس متخصصة لكده وبالممارسة بأكد على الممارسة لإن الشّهادة مش هتنفع واحد ماسك موس على ما أظن إذا ماكنش عارف يتعامل معاه أو بيخاف من منظر الدّم زي ما بنشوف في بعض كلّيات الطّب الكلام كان من الأوّل عن ان الحجامة حاجة مضرة مالهاش أي فايدة وده هوّا المقال انّما النّقاش كلّه اللي انتوا بتتناقشوه ان في نصب ودجل وشعوذة مش دايماً يعني وقوع حالات فرديّة لا يُعمّم صح ؟ أنا عارف ان الموضوع ده صعب على ناس كتير مرّت بيه بس برضه عايز أقولّكم حاجة في واحد صاحبي كان عمل عملية في المخ في مستشفى في الإمارات من 21 سنة تقريباً الدّكتور كان المفروض بيرّكب أنبوب سيليكون في الدّماغ العملية دي اتعملت له 3 مرّات في كل مرّة كان الأنبوب بيتركّب غلط وفي آخر مرّة ظبطت طبعاً صاحبي ده في نشاطات كتير ممنوع منها بسبب اللي حصل ده ودي مستشفى وكان الدّكتور اللي عاملها مشهور وقتها أردني تقريباً ومعاه الجنسية الكندية النّصب مش لازم يكون من عمّة شيخ ولا غترة بتتلبس ولا قرآن بيتقرأ النّصب له أشكال كتير

[maya-max]

mmnoor: ربنا يحميك ويذيك يا اخى
جماعه العلمانيين بيصتادوا اى حاجة ويقولوا المسلمين
موضوع الختان منعوه عشان طفل مات من التخدير حجه وخلاص والعشرات بتموت من التخدير فى العمليات بمختلف انوعاها حتى التجميل لاكن فرصه لهدم اى شىء فى الدين
وحسبى الله ونعم الوكيل فى جاهل افترى على الدين بغير علم وعلى الحاقد المتعمد هدم الدين الاسلامى

[zyzy]

اولا الرسول اصدق الخلق
ثانيا الدكتور اللى هتروحله علمانى ؟؟؟ طيب لو الحجامه هتستأصل الزايده
كمان الحجامه هتركب شريحه او مسمار ولا اللى عنده حالة تشنج هينفعه حقنة فاليوم و لا الحجامه
محدش ضد الحجامه
انا شخصيا ضد انها تصبح مهنة من لا مهنه له او حاجه على ما تفرج
ولغاية لما يأكد العلم انها علاج لكل الامراض لازم نتعامل معاها بحذر


و بعدين الختان منعوه مش عشان طفله ماتت من التخدير ده طفلات من التخدير و النزف و التلوث و ما خفى كان اعظم
و الاهم انه كان و ما زال جريمه

[maya-max]

الرسول لما يقول الختان مكرمه للنساء
عايزانى اصدقك ولا اصدق النبى
صحيح ان لم تستحى افعل ما شئت

[zyzy]

هل بنات الرسول مختنات؟؟؟

[maya-max]

احنا مالنا ببنات الرسول
احنا بنتكلم فى شىء قاله الرسول لنا
ولو عايز تتأكدى انهم عملوا العمليه أسألى الله ان يقول لكى فى المنام صلى استخارة جايز ربنا يكرم ويطلع الرسول صادق ومكنش بضحك عالينا ومعملش لبناته وعايز بنات الناس التانية بس
اية الكلام ده
ربنا يهديكى يازيزى وينور بصيرتك ويجيرك من النار

[y@sser]

اولا لو هاستعمل مع الحجامه كلاشنكوف يبقي الدكاتره قنبله زريه
واضح انك شايفة الامور بالعكس تماما
ثانيا طبعا لو حاجه محتاجه طبيب هاذهب للطبيب
انا لست ضد الجراحه
انا ضد المذاهب التخريبيه في الطب والي عايشتها بنفسي
والي الان استعمل معامل التحاليل والاشعه لو احتاجتها
لكن لما يكون الهجوم علي الناس الي بتشتغل صح وغلط يبقي لازم يكون علي الجهتين في طب اللصوص الي بيتخرجو من الكليه كل سنه
لكن اذا كان الحجام محتاج رقابه يبقي الطبيب محتاج كلبش في ايده
وعلي فكره الطب الصحيح او زي ما بسموه البديل ليس الحجامه فقط وليه طرق كثيره جدا
نصيحه يازيزي اخعلي فيشه التلفزيون وماتركبيهاش تاني

[maya-max]

والله يا استاذنا ياسر انتا محصاتش انا ميت من الضحك
لو يوم من الايام الحكومة فاقت وعملت التعليم الحر لا تتردد وخش طب انا حاسس انك ممكن تعمل حاجة
بالتوفيق للجميع ومحدش يزعل منى

[y@sser]

بالمناسبه
انا مش شيخ ولا قاري لي كلمتين في كتاب
كل الكلام الي كتبته رئيته بعيني ولو عارف اني سأحتاج تكراره كنت سجلته من شياطين الرحمه نفسهم وعلي رأسهم الكلب ناصر الغندور

[zyzy]

يا احمد المفتى و شيخ الازهر وكل الشيوخ قالوا لاء
لم يثبت ان الرسول ختن بناته
اذن لو مكرمه كان اولى بها بنات الرسول

.............
انا كمان بضحك كتير هنا فى اطراف الحديث و اتعلمت من ياسر كلمه جميله
يا اطخه يا اكسر مخه

انا مش فاهمه قصدك ايه بمذاهب تخريبيه لكن انا ضد الدكاتره دبلوم صنايع
و اشتغالات الدكاتره انا كمان مجرباها
لكن الدكتور نقدر نشتكيه فى النقابه و نرفع عليه قضيه
لكن الحجام نعمل معاه ايه... ؟ نشتكيه لمين ؟؟

التليفزيون بتاعنا هيس عالاخر و جاب اخره وبعتناه عند عم احمد هيركبله بورده توشيبا
مش شايفنى فاضيه ؟؟

[maya-max]

يا سيتى زيزى المفتى حلل كل شىء حتى الربا بتاع البنوك حلله من بعد فتاوى الشيوخ الكبار
دا كمان ما بيتكلمش عن بيع الخمور فى مصر ولا الكباريهات ولا العرى فى الافلام ولا اى شىء هو موجود عشان ينفذ مش أكتر
والرسول قالنا خدوا العلم منين
تركت فيكم ما ان تمسكتم به لا تضلوا بعدى ابدا كتاب الله وسنته ومذكرش على جمعه