موضوع: رجل المستحيل ... في زمن المستحيل

ردود: 19 | زيارات: 1598
  1. #1
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972

    رجل المستحيل ... في زمن المستحيل

    أدهم صبرى ضابط مخابرات مصرى جامد، داخل ع الستين من عمره، يرمز له بالرمز ب-516، حرف الباء يعنى أنه من بولاق، أما الرقم 516 فده رقم الأتوبيس اللى بيركبه عشان يوصل محطة البحوث ومنها يوصل لرمسيس يغير المترو عشان ينزل محطة القبة بتاعة المخابرات.هذا لأن أدهم رجل من نوع خاص حيث أنه يجيد قيادة كل أنواع المواصلات من الطائرات والغواصات والسوبرجيت حتى التوك توك،ويجيد استخدام جميع أنواع الأسلحة من المسدس وبمب العيد حتى القنابل النووية والهيدروجينية، ويجيد 66 لغة بالصلا ع النبى وفيه لغتين اتعلمهم وهوه نايم،ويجيد جميع أنواع التنكر، وجميع أنواع القتال والألعاب من التايكوندو وحتى عريس وعروسة
    لقد أجمع الكل ومنهم أنا أنه من المستحيل وربناأن يجيد رجل واحد فى عمر جدى كل هذه المهارات ولذلك استحق هذا اللقب .. رجل المستحيل

    المغامرة رقم 65468
    اختطاف محسن

    ازاىالكلام ده؟؟
    جلس مدير المخابرات الجديد على مكتبه وهو يتذكر ماحدث حتى الآن فى هذا الأمر الصعب الذى تمر به مصر وما حدث من أدهم (لمزيد من التفاصيل راجع العدد السابق65467 الجزء التاسع من المغامرة بعنوان"قال عايزين يخطفوا محسن&quot... وبعد قليل طرق أدهم الباب فأذن له بالدخول واستنشق بعض الأكسجين من الهواء فالإنسان لابد أن يستنشق الأكسجينحقيقةعلميةوقال لأدهم الأمر اتأزم جدا يا ب-516،نص محافظات مصر مش لاقية تشرب مية والناس خرجت بالجراكن وعاملين ثورة اسمها ثورة الخراطيم، كل واحد جاى بالخرطوم وهيقطعنا.. والقيادة العليا بتشك فى إن ده ملعوب من المخابرات المعادية الإسـ...(لا لا مش الإسرائيلية) وكمان التقارير بتقول ان سونيا جراهام هنا
    يغضب أدهم ويقول يبقى جه الوقت اللى هاقدر آخد ابنى الرضيع منها ، يرد المدير رضيع إيه يا أدهم؟؟ ابنك زمانه قدى دلوقتى .. دانت سايبه فى العدد 100 ،وبعدين هما عملوا حاجة عشان انت اللى تقوم بالعملية تحديدا.. يرد أدهم عااااارفعاااارف.. أكيد خطفوا قدرى .. يافندم الراجل ده اتخطف أكتر ما زور جوازات ..يرد المدير دى تذكرة الطيارة اللى هتسافر للمنصورة بعد 3 ثوانى عشان مفيش مية هناك فى نص المراكز..الحق غير هدومك وزور قرايبك ع السريع والحق الطيارة .. أخذ أدهم التذاكر وهو ينظر إليه جامد
    جامد
    جامد
    جامد ************

    تــــــــابع أبو المستحيل
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين



  2. #2
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    !! ينفع كده؟

    هبط أدهم من الطائرة فى المنصورة متنكرا فى شكل طفل فى رابعة إبتدائى وأشار إلى توك توك وهو يلاحظ السيارات التى تراقبه وفهم فورا بذكائه ازاى العصابة عرفته رغم التنكر فقد أخطأ وقال لسواق التاكسى أحلى صباح فعرفوا علطول انه أدهم عشان قال حرفين الألف والصاد المشهور بيهم..المهم رمى أدهم سواق التوك توك وتسلم مقعد القيادة وتذكر كيف أن أبوه فى الخمسينيات علمه كيف يقود التوك توك عشان يبقى أحسن ظابط مخابرات، انحرف أدهم فى حتة ضلمة وانحرفت العصابة وظهر أدهم للعصابة فخرج من السيارة 100 شخص مسلحين ولكن أدهم أخرج مسدسه أبو 6 طلقات وضرب رشاشاتهم كلهم من غير ما يجرح واحد فيهم وبعدين للأسف المسدس معدش فيه رصاص ولكن أدهم رجل المواقف الصعبة دور الضرب فى الرجالة .. ففقد 65 واحد الوعى ولكن التانين فهموا الخدعة فعملوا دايرة حول أدهم ولكن أدهم طار فى الجو ونزل عليهم كلهم .. وفى لحظة وصلت إمدادات العدو كمان200 واحد .. ولكن أدهم ضربهم كلهم برضه ووصلت الإمدادات التانية حوالى 500 واحد كمان ولكن الكثرة تغلب الشجاعة .. يعنى حوالى 800 واحد على واحد كتير برضه
    وفقد أدهم الوعى أمام عدوه اللدود

    الفظيع
    الشنيع
    المريع

    ************
    والله ما يحصل
    أفاق أدهم فوجد نفسه فى مخزن وبجانبه المحروس قدرى كالعادة مربوط..وأمامهما سونيا جراهام ست زى القمر فقال لها أدهم إيه الحلاوة دى يا سونيا؟؟ انت كل ما تكبرى تحلوى؟؟ ترد سونيا مش أحسن منك ياللى مش بتكبر أصلا !! يتمتم أدهم ياللنسااااء
    ويسألها : ليه انتوا قطعتوا المية عن نص البلد والناس مش لاقية تشرب وبتشرب مية المجارى والناس مش عارفه تغسل وبيغسلوا هدومهم فى الترعة؟؟
    تقول سونيا عشان الشعب يفتكر ظلما ان الحكومة بتاعتكم هيه اللى عاملة كده؟
    أدهم بفضول :يعنى بجد والله الحكومة مالهاش ذنب؟
    ترد سونيا : لا طبعا .. حكومتكم أحسن حكومة دلوقتى ..الشباب كلهم بيشتغلوا.. الجنيه بقى أغلى م الدولار .. الأسعار نزلت ..الانترنت بقى ببلاش فى البيوت.. ما فيش حاجة بتتباع فى البلد.. بنك القاهرة ما اتباعش ولا عمر افندى..الفضيلة انتشرت فى البلد ولغوا كل القنوات اللى بتتحدى الملل.. المية واصلة للبلد كلها والمواسير بقالها 200 سنة عشان المحافظة ع التراث.. انتوا اللى شعب غلباوى

    غلباوى
    غلباوى

    ************

    ما تلمى نفسك بقى
    قطع أدهم قيوده فجأة وماتسألش ازاى ( آه نسينا نقول فى المقدمة انه يجيد التخلص من كل القيود فى الدنيا )وصفع سونيا جامد يعنى ولكن الحارس جه من وراه وضربه ولكن منى (اللى أصلا عندها كام وخمسين سنة ) جت فجأة مش عارفين منين وضربت الحارس من وراه وأنقذت الموقف .. نظر أدهم فى عين منى وقال لها تتجوزينى؟؟ ترد منى فى حياء: ماينفعش يا أدهم عشان أنا جسمى كله واوا .. يغضب أدهم ويخرج من المكان بعد أن حرر قدرى وهوه يغنى ليك

    وطبعاً إنتم عارفين الأغنية اللي عالواوا

    وهو فى الطريق ينحرف الجميع إلى أقرب بيت ويطلب منه أدهم بعض الماء للشرب.. ولكن صاحب البيت الحاج بيومى يخرج بمقشة هوه وعياله ويحتجزون أدهم ورفاقه وهو يصرخ : زى ما العصابة خطفت محسن ابنى، أنا كمان هاخطفكم، وبعدين انتوا جايين تطلبوا مية ؟؟ هوه فيه مية فى البلد ياولاد ....



    انتهى الجزء التاسع
    العدد القادم


    ( لسة خاطفين محسن)
    كيف يخرج أدهم ورفاقه من بيت الحاج بيومى؟
    كيف يستطيع أدهم بعد كل هذه الصعاب أن يحصل على كوز مية عشان يشرب ؟
    هل يستطيع أدهم أن يحرر محسن ابن الحاج بيومى وللا هيسيبه يتحرق؟


    هل يستطيع أدهم أن يوضح الموقف للرأى العام وهو أن حكومتنا زى الفل ودايما الغلط على الأعداء؟
    سيب اللى ف إيدك .. وقاتل بإيدك ورجلك وكبدك مع رجل المستحيل


    منقول من الإيميل بتصرف
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  3. #3
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    أنا مستغرب إزاي موضوع زي ده يعدي عليه يوم من غير ما يكون فيه 30 رد مثلا !!

    بكل صراحة وقلة أدب .. نبيل فاروق إسلوبه يخنق فعلا .. وبطلت أقرا رواياته بعد ما وصلت اولى ثانوي !! ..

    اسلوبه مكرر .. الغير منطقية في قصص المفروض انها ليست خيال علمي ...

    وبعدين أنا جبت أخري من سونيا جراهام .. في الوقت اللي بطلت اقرا فيها قصصه كانت ماتت بتاع 7 مرات على الأقل ..

    ده غير كمان إن حبكاتته سيئة جدا .. في كثير من الأحيان يضع نفسه في مأزق ثم يخرج منه بحل غير مقتع إطلاقا ... لن أنسى ما حيييت عندما دفنوا ادهم صبري في تابووت مدفونا تحت الثلج بمسافة متر ... وخرج منه في النهاية ... إيييييييييييييييه في إييييييييييه .. هو عبط .. هو فاكرني راكن الفيل بتاعي جنب البيت ولا إيه..!!

  4. #4
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    اقتباس الموضوع الأصلي كتب بواسطة فلاشــــــــــاوي معاينة الرد
    أنا مستغرب إزاي موضوع زي ده يعدي عليه يوم من غير ما يكون فيه 30 رد مثلا !!

    بكل صراحة وقلة أدب .. نبيل فاروق إسلوبه يخنق فعلا .. وبطلت أقرا رواياته بعد ما وصلت اولى ثانوي !! ..

    اسلوبه مكرر .. الغير منطقية في قصص المفروض انها ليست خيال علمي ...

    وبعدين أنا جبت أخري من سونيا جراهام .. في الوقت اللي بطلت اقرا فيها قصصه كانت ماتت بتاع 7 مرات على الأقل ..

    ده غير كمان إن حبكاتته سيئة جدا .. في كثير من الأحيان يضع نفسه في مأزق ثم يخرج منه بحل غير مقتع إطلاقا ... لن أنسى ما حيييت عندما دفنوا ادهم صبري في تابووت مدفونا تحت الثلج بمسافة متر ... وخرج منه في النهاية ... إيييييييييييييييه في إييييييييييه .. هو عبط .. هو فاكرني راكن الفيل بتاعي جنب البيت ولا إيه..!!

    أنا كنت مستني حضرتك ترد عشان ما حدش يزعل مني لما انتقد الأستاذ اياه بس حضرتك جبت الوصف الصح
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  5. #5
    عضو فعال
    صور رمزية xMustaphax
    تاريخ التسجيل
    Aug 2006
    المنطقة
    حيثما أذن مؤذن
    ردود
    245
    واو خطير أخي روعة
    - أنا من محبي القصص البوليسية -

  6. #6
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    ههههههههههههههههههههههههههههههههههههههههههههههههههههههه
    هههههههههههههههههههههههههههههههههههههههههههههههههه
    جمده جدا يا محمد ...
    نفس الل سلوب بتاع القصه فعلان ....
    بس انا من عشاق ملف المستقبل ..
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  7. #7
    عضو نشيط
    صور رمزية ملك النسور
    تاريخ التسجيل
    Dec 2007
    المنطقة
    مصر
    العمر
    25
    ردود
    388
    ملف لمستقبل و بس و الباقي خس

    Life is unfair

    دي مش حياة أو موت

    دي مسألة خلود



  8. #8
    عضو نشيط
    صور رمزية ملك النسور
    تاريخ التسجيل
    Dec 2007
    المنطقة
    مصر
    العمر
    25
    ردود
    388
    رووووووووعة نفس الإسلوب

    Life is unfair

    دي مش حياة أو موت

    دي مسألة خلود



  9. #9
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    31
    ردود
    2,260
    من ساعه العدد 110 و اسلوبه بقي غريب اوي

    و بعد العدد 150 دخل في مرحله اللامعقول

    سيبك با عمي ما فيش غير ما وراء الطبيعه هيه احلي حاجه تتقرا
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  10. #10
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    اقتباس الموضوع الأصلي كتب بواسطة mansy1985 معاينة الرد
    من ساعه العدد 110 و اسلوبه بقي غريب اوي

    و بعد العدد 150 دخل في مرحله اللامعقول

    سيبك با عمي ما فيش غير ما وراء الطبيعه هيه احلي حاجه تتقرا
    فعلا القصص بتعته بقت ممله مش ذي الاول ... بقي بيملي صفح وخلاص ...
    وما وراء الطبيعه الراجل بطل القصه عنده فقر دم وحاسس انه هيجبلي فقر دم ...
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  11. #11
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    إخواني الزهقانين من قصص نبيل فاروق ..... بالمناسبة الموضوع ده مش من دماغي ده منقول من ايميلي زي مانا كاتب في آخر الموضوع

    وبصراحة انا أصلاً مابقرأش ليه اي حاجة .... باختصار لأني مابحبش الروايات أو ماليش دماغ ... لكن لو كان أسلوبه زي اللي في القصة العبقرية دي .... يبقي الحمد لله عالأيام الخوالي اللي ماقرأتش فيها الروايات


    أخي فلاشاوي ..... انطباعك عن الروايات خلاني بصراحة أضحك ... الواضح انك متأزم جداً .... لكن الواقع ان هي دي الدراما الكوميدية اللي كل يوم بنشوفها لو تاخد بالك .... الوضع في الواقع الآن أصبح أشبة بالمستحيل .... وانت لازم تكون رجل المستحيل .... وعايز أعتذر لك على تشابه الصورة الشخصية ... بصدق مش مقصودة ... لو عايزني أغيرها قولي

    أخي mmnoor من حق كل شخص ابداء رأيه ... يعني قول اللي انت عايزه طالما مابنغلطش في شخص حد "يعني بنغتابه" أو محور ديني يبقي رأيك فوق الراس .... هاه كنت عايز تقول ايه ؟؟

    أخي xMustaphax ... بيني وبينك الموضوع بوليسي ساخر ... أو السياسة المضحكة

    أخي ملك النسور للأسف لن أستطيع أن أوافقك على اختيارك حيث أن معرفتي بالروايات كما ذكرت أشبه بمعرفتي ببرنامج الـ 3D max

    أخي mansy1985 كده أقدر أقولك اني تقريباً سمعت عن روايات ماوراء الطبيعة .... وسمعت انها كويسة ... أحييك ... بس الجميل لو طلع الكاتب عباس فاروق .... "الأخ الأكبر لنبيل فاروق"

    الحج diaaking معالي وزير نائب خدم أمراء القبيلة .... تحية من فوق القش إلي نهاية العش ... حبيبي ... كفاية ان الموضوع ضحكك وبسطك ... والواضح انك كمان بتحب ملف المستقبل .... أنا برضه بحب ملف الويندوز الـ "New Folder" بحس بالسلطة وخصوصاً لما بعمله Rename

    والله المستعان
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  12. #12
    عضو نشيط
    صور رمزية Mr.MoHaMeD
    تاريخ التسجيل
    Jun 2006
    المنطقة
    Egypt
    العمر
    34
    ردود
    862
    ههههههههه
    جامدة
    احمد خالد توفيق مسح نبيل فاروق بأستيكه:d

  13. #13
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    أخي Mr.MoHaMeD ... ايه ده استيكه ... أكيد دي رواية جديدة

    بـارك الله فيك على مرورك الكريم ... وسعيدأن أعجبك الموضوع
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  14. #14
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    ... تحية من فوق القش إلي نهاية العش ..
    ايه يا حج انته بتحي فرخه
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  15. #15
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    العفو ياحج ... ده انت أستاذ المصممين
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  16. #16
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    كنت عايز أقول ان اسلوبه بيبقى أوووووووووووفر أويييييييي وزي ما قال أخوي فلاشاوي برضه في الحبكات بيخرج بطريقة غريبة حتى في قصة اسمها فارس غرناطة مش أنا اللي جايبها دا أخوي ( هوا عشان أول سنة ليه في مصر ففرحان بأنواع القصص دي) كل يوم أشوفها في ايده المهم فيها أحداث غريبة برضه 8 هجموا على واحد ومش عارف حصل ايه أفضل ان حضراتكوا تقرأوها تضحّك بصراحة أكتر من انها بتحكي تاريخ
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  17. #17
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    بص يا معلم الرد ده ممكن ميتحسبش ليه بقي لاني مقرتش القصة لسه - راجع وقت الرد وانت تعرف- انا الساعه قدامي 7.30 صباحا و لسه منمتش لحد دلوقتي اوعدك اول ما اصحي من النوم هقرا القصه بتأني اما عن استاذ نبيل فاروق فاني لما كنت صغير مكنتش بقرا رجل المستحيل لاني قريت منها عدد واحد وانا عمري 12 سنة - بعد قراءتي لعدد من ملف المستقبل - فاصبحت العدو رقم 1 لرجل المستحيل اسلوب فعلا مستفز علي الرغم من اقراني - حلوه اقراني دي - كانوا يتهموني بالتخلف والرجعيه لاني لا اقرا رجل المستحيل كما ان بعضهم كاد ان يتهمني بالكفر عندما قلت رايي في هذه الروايات بصراحه ... لكن دعني اقول لكم امرا للرجل معجبوه أم يا تري معجبيه
    -مش متأكد من الاعراب سؤال الي خبراء النحو - ولكن انا مع القائل ان خالد توفيق مسح نبيل فاروق باستيكه اظن انه محمد اللي قال كده علي العموم انا اؤيد هذا الرأي بشدة
    مش علشان انا بحب احمد خالد توفيق جدا جدا جدا - انا بدأت قراءة روايته في عمر 20 سنه يعني من 3 سنين فقط يعني في مرحلة متأخرة وبعقلية منخليه تحليليه من الطراز بلاش الاول خليها الرابع او الخامس - ولكن لان الرجل صادق في كتابته يحاول ان يصل بك الي اقصي حدود التصيير اقصد الواقعيه يفند كل شئ بالعقل لا بالطاخ والطيخ و الاصبع السحري الذي قعقع انياب عشرة و ودفن في بطن الحادي عشر
    وللحديث بقيه - ارجو الا تملو مني - عندما اقرأ القصة
    سامحني يا عم تيلبو - يارب الاسم يكون صح - واوعدك اول ما اصحي هقرا القصه واحده واحده
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  18. #18
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    هههههههههههه

    بحد ضحكتني أكثر من الرواية ..... وشوقتني أقرأ للأستاذ خالد توفيق انت والشباب

    وعموماً مستنيك لما تصحي عشان نشوف النظرات الزمهرية الصاروخية
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  19. #19
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    ههههههههههههههههههههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههههههههههههههههههههههه
    هههههههههههههههههههههههههههههههههههههههههههههههههههههههههههههههههههههه
    حرام عليك دا انت قطعت الراجل ايه ده يا عم دا ادهم صبري صعب عليا تصدق انا مستني العدد القادم ولازم اجيبه ممكن يكون نزل في المعرض مش كده ؟؟؟؟
    بالمناسبة انا عاوز انوه عن حاجة - حلوة انوه دي- المؤسسة العربية الحديثة - المؤسسة صاحبة روايات مصرية للجيب - هي المسئول رقم واحد عن تثقيف اغلب ابناء و شباب المحروسة والحقيقة اخرجت جيل كامل من القراء الجامدين قوي
    كما انها صاحبة كتاب سلاح التلميذ كتبنا العزيز
    بجد انا حابب اشكر كل العاملين عليها و العاملين فيها لان مفيش حد في مصر لم يتعامل مع هذه المؤسسة و انا اعتبرها صرح ثقافي لا يمكن تجاهل اعماله و مسهماته
    نرجع لموضوعنا بقي انا اعتبر - بلاش اعتبر دي علشان قولتها كتير - انا اري ان روايات نبيل فاروق وخاصة رجل المستحيل هي للجيل دون الخامسة عشر يعني لو اخوك عنده 15 ستة ولسه بيقرا رجل المستحيل روح لما الروايات دي كلها منه غصب عنه واحرقها قدامه
    و ذلك لانها تعتمد علي الخيال الخصب في تخيل الحركات التي يقوم بها ب 516 قصدي ا 1
    الغرض ونهايته علشان مطولش في الموضوع هي تساعد الشباب ما دون 15 سنة علي اجادة القراءة و فهم اللغة العربية الصحيحة
    يعني لو فكرنا في الجانب الايجابي من هذه القصص و الروايات هي في الاغلب المحافظة علي اللغة من الضياع وياريت الشباب الصغير يرجع يقرا الروايات دي تاني
    بدل من انهم بدأوا يستقوا معلوماتهم من الدش والانترنت اللي كل شئ فيهم مباح ومفتوح
    الله المستعان
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل