موضوع: الفكر الجديد-قصيده شعريه-

ردود: 6 | زيارات: 685
  1. #1
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260

    الفكر الجديد-قصيده شعريه-

    فكر جديد فكر جديد
    خلي بلدنا تروح ف حديد
    فكر جديد فكر جديد
    هل علينا زي العيد
    فكر جديد فكر جديد
    للتوريث ويا التمديد

    بابا قال لي ياجيمي فكر
    انت ابوك في نهاية العمر
    مابقاش حتى قادر يتذكر
    هو كلام الماضي اياه
    عمال اعجن فيه وازيد
    عايزين منك حاجة جديدة
    حاجة تكون من غير تحديد
    حاجة تخلي الحزب بتاعنا
    يخطط لينا بحس جديد

    قلت يا بابا انت مفكر
    ومهما الحزب يحاول يبدع
    او يتنطط او يستطلع
    مش ها يلاقي مفكر اكبر
    بابا كان ف اليوم دا حزين
    بان على وشه انه اكبر حتى
    من سنه المعروف بسنين
    لا صبغة شعر بقت بتفيد
    ولا حتى هتاف الملايين

    بصيت حواليا قلقان
    شفت الشاذلي ومعاه عزمي
    وباقي الشلة واقفة بعيد
    قلت ياربي ما فيهم فايدة
    أهي عالم كلها مناكيد
    طول ما يشوفوا مصلحة وياك
    تلاقيهم لازقين في قفاك
    لكن لما تخش في ازمة
    تلاقيهم يسيبوك محتاس
    ويزقوا عجلهم لبعيد

    الحزب بتاعنا متخلف
    لا ها ينفع فيه التطوير
    ولايمشي معاه التعديل
    ولا حتى يشفع تجديد
    الحزب دا سجادة قديمة
    فيها حروق
    فيها خروق
    مليانة عتة وحشرات
    ولاينفع فيها التنفيض

    كم يوم وانا مشغول وبافكر
    كل ماتيجي فكرة ف بالي
    احس انها مافيهاش تجديد
    يوم وانا قاعد ف الحمام
    وكل اموري ماشية تمام
    لافيه امساك
    ولا اسهال
    ولا تنغيص ولاحتى الام
    فجأة في لحظة هبط الهام
    ولقيت نفسي باكلم نفسي
    وباقول الجملة اياها
    من غير حسبة ولا ترتيب
    "فكر جديد..فكر جديد"
    نطيت من ع القاعدة ف لحظة
    ودعيت اللجنة اياها
    لما اجتمعوا بعيون جاحظة
    قلت لقيتها بدون مواعيد
    احنا شعار الحزب بتاعنا
    من دي الساعة ومن دي اللحظة
    "فكر جديد..فكر جديد"
    دا ياجماعة فكر جديد
    خارج طاظا من المراحيض
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،





  2. #2
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    هههههههه جامدة بس ربّنا يستر عليك بقى
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  3. #3
    mateldo
    صور رمزية قمة الذكاء
    تاريخ التسجيل
    Jul 2007
    المنطقة
    The Mars or on the continent of Atlantis
    ردود
    6,004
    احم احم

    احلف انك مش من الي بالي بالك
    لاتاسفن على غدر الرجــــــــــال لطالما..رقصت على جثث الاسود كلابُ
    لا تحسبن برقصــــــــــها تعـلــــــو على ..اسيادها فالاسد اسدٌ والـكلابُ كلابُ

    الخلاف شئ طبيعي بين البشريه
    (((إذا نطق السفيه فلا تجبه *** فخير من إجابت به السكوت)))
    يصلب الشعراء من اجل راي..........فلماذا لا يصلب الاذكياء

  4. #4
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    بالي بالك ايه؟

    انا مجرد وطني بنشد و بطنطن و اتباهي بمجدك يا وطنطن

    المهم شكرا علي المرور و الرد الجميل يا عم ام ام نور

    و شكرا علي المرور و الرد يا عم ما تلدو او قمه
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  5. #5
    mateldo
    صور رمزية قمة الذكاء
    تاريخ التسجيل
    Jul 2007
    المنطقة
    The Mars or on the continent of Atlantis
    ردود
    6,004
    مش مشكله ماتلدو او قمة
    اهم شيء انك تغني ليل ونهار
    انا وطني وطني يا وطنطن
    (تذكرني بفليم لليلى علوي)
    لاتاسفن على غدر الرجــــــــــال لطالما..رقصت على جثث الاسود كلابُ
    لا تحسبن برقصــــــــــها تعـلــــــو على ..اسيادها فالاسد اسدٌ والـكلابُ كلابُ

    الخلاف شئ طبيعي بين البشريه
    (((إذا نطق السفيه فلا تجبه *** فخير من إجابت به السكوت)))
    يصلب الشعراء من اجل راي..........فلماذا لا يصلب الاذكياء

  6. #6
    عضو نشيط
    صور رمزية zyzy
    تاريخ التسجيل
    Jun 2007
    المنطقة
    مصر
    ردود
    524
    اول مره اقراها
    جامده موووووووووت
    و انا اقول جايبين منين شعار المرحله؟
    ( و قل ربى ارحمهما كما ربيانى صغيرا)
    كاتب قدير لا يحسن التعبير

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل