تم القبض على الدولفين ..

[فلاشــــــــــاوي]

أنتهز فرصة وجود إنترنت للحظات لأكتب هذا الموضوع ..

صرح أمن الدولة إنهم قبضوا على الدلفين اللي كان سبب في قطع كابل النت اللي واصل لمصر ... وزمانهم بيكهربوه دلوقت ..!!

وصرح مصدر أمني مسئول إن بعد التحقيقات إتضح أن الدلفين مختل عقليا ..!!

وطلبت المصادر من المصريين بعدم إستخدام الإنترنت حاليا .. لأنهم بيلحموا الكابل دلوقتي وممكن يتكهربوا ..!!

حسبي الله ونعم الوكيل في الإهمال ده .. شركات كتيير شغلها كله بيعتمد على الإنترنت إحنا واقفين من إمبارح تقريبا .. ومدير الشركة بتاعنا - إنجليزي مش مصري - هيشد في شعره .. وأنا مخلص الشغل وعايز أجربه ...

الحياة واقفه تماما .. أنا مش عارف اصلا إذا كان بعد ما اضغط على "أرسل الموضوع الان" .. الموضوع هيوصلكم ولا لا .. بس طالما إنك بتقراه دلوقتي ... يبقى أكيد وصل ... يا ريت حد يتصل بيا يطمني إن الموضوع وصل يا جماعة ..!!

[الحسني]

حتى عندنا النت ضعيف جداً ... كل هذا بسبب الدولفين !!

وأبشرك موضوعك وصل وأنا قرأته ..

وياليت اللي قرأ ردي يرسل على الخاص عشان أعرف وصل وإلا لا

[y@sser]

فلاشاوي ياربيت توضيح اكتر
هو النت كان قاطع بشكل عام ؟؟
لم استطع المتابعه بسبب ظروف شخصيه فكنت بعيد عن الجهاز لكن كنت عارف ان النت فصل اول امس
ياريت تفاصيل انت عارف اني بهيص في الزحمة

[طمـوح]

الظاهر اسماك قرش

كانت جايعه بسبب التضخم

فأكلت الكيبل

الحال من بعضه

تحياتي

[A.yousf]

خخخخخخخخخخخ
فعلا انت ضعيف اليومين دول مش عارف لية

[khaliiiiid]

وهذا يدل على ان الدولفين حيوان شرير.

عندنا النت يقطع في اماكن .......... واخرى لا

[عامر]

الدولفين ينتمي لخلايا ارهابيه ...واكتشفوا ان الدلفين ملتحي وله علاقه سابقه مع حركات اسلامية .....


يستر عليه ...


خبروني لو وصل ردي كمان : (

[قمة الذكاء]

سلامات يا ياسر

فلاشاوي ردي طلع ولا لا

[oms]

على السريع حكوا إنوا مختل عقلياً .. حسبي الله ونعم الوكيل .... كل شيء بيخلوه مجنون .

[diaaking]

النت فيه عطل في مصر وبعض الدول العربيه بسبب وجود عيب في السلك القادم تحت الماء من ايطاليا للاسكندريه ..
وسيستغرق اصلاحه اسبوعين ..
اعزروني مش عارف اجيب رابط للموضوع كامل بسبب بطئ النت ...

المهم انا اول مره اعرف ان مصر شطره اوي كدا وخده وصله بنت اللذينه وعمله شبكه مع نفسه ..
بس المشكله ان السلك اتقطع فلسه هيحتاجه يفكوه ويجربه بالتستتر و لسه هيارجو فموضوع كبير ..
فالكل يستحمل الاسبوعين بهذه الديل اب الي شغلين عليه ...

[Steady Cam]

يا اخوان هل ماذكر صحيح .

يعني البطىء اللي عندنا في السعودية سببه الدلفين ؟

[mansy1985]

المهم ان شركات النت متعاقده علي خطوط من الرخيصه من غير ضمان

لان الغاليه ام ضمان او تأمين بتعتمد علي كابلات جانيه ممكن استخدامها عند الطوارئ

بس عشان الشركات عاوزه تكسب اكتر فاخده خطوط من الرخيصه

الخطوط الرخيصه دي بقي مفيش عليها تامين للعملاء كمان-قانونا يعني-ده غير ان مفيش شروط تأمين في العقد الي حضرتك كعميل كتبته مع الشركه

يعني لو الشركه سرقت نص السرعه او النت فصل او او او او سيادتك تضرب دماغك في الحيط و مفيش تعويض

السؤال هنا طالما الشركات اخده ارخص خطوط و اقل اسعار و اعفن خدمه من الشركات الام في بلاد الفرنجه امال النت غالي عندنا اوي كده ليه

عالم جشعه ولاد تيييت

[oms]

حسب ما سمعت من التلفزيون أنا هناك باخرة قامت بضرب سلكين من خطوط الإتصال وقطعتهم ...
السبب هي مرساة السفينة حيث قامت بسحب التيوبين اللي بتحمل الأسلاك الصوئية وقامت بقطعهما قطع تام ..

[asaba90]

أكيد أنهم أخذوا الدلفين إلى جهاز الأمن السياسي، ثم اختل عقلياً بعد أن رأى أنواع التعذيب الموجودة عند أنظمتنا العربية..
تحياتي فلاشاوي!

[A.yousf]

انا فاكر ان العالم تقدم واصبح النت باقمر الصناعي
معقولة سلك من ايطاليا لمصر علي شان النت ما القمر الصناعي موجود !!!