صفحة 1 من 2 12 أخيرأخير
النتائج المعروضة من 1 الى 20 من مجموع 31

موضوع: توابع انقطاع النت, شباب مصر المسكين

ردود: 31 | زيارات: 3111
  1. #1
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585

    توابع انقطاع النت, شباب مصر المسكين

    خدت نفس عميق جدا جدا ... لدرجة إني حسيت إن خلصت الأوكسجين من البلد (قال يعني البلد لسه فيها حاجة مخلصتش) ... ورجعت أركز عشان أقفل الشغل اللي في إيدي ...
    خلصت بدري في اليوم ده ... وقفلت الجهاز وأنا بمني نفسي بسهرة لذيذة تشيل عني قرف الشغل ....

    نازل من على السلم بهدوء وسلاسة وفرح وعبير وهبة وعبلة و ....

    " يوسف ... يا يووووووووسف "

    اتنفضت وأنا نازل وخدت خمس سلالم مرة واحدة على ركبي المبجلة
    " ايه يا عم إسلام ... مش توطي حسك شوية"
    لقيت إسلام بيقرب مني بسرعة وكأنه هيقولي على سر القنبلة الهيدروجينية وهوه بيوشوشني بصوت مبحوح ... مقدرتش أميز منه غير :
    " فصل ... راح .. النت ... وقف"
    حاولت أهديه وأعمل نفسي حنين ... رحت خابط على ضهره خبطة مرزبة توقع برج القاهرة ... وقولتله بكل حنية :
    "انت ياله ... اتعدل كده وخد نفسك زي البني آدمين ... واكلم عدل عشان مش ناقصاك "

    لكن باين إن الخبطة الخفيفة بتاعتي جابتله إنزلاق غضروفي حاد وهبوط في الدورة الدموية ... فجحظت عيناه ووقع على الأرض وهوه بيردد :
    " النت فصل ... النت قطع ... احنا خلاص فينيتو "

    طبعا آخر فيوز في دماغي كان فص ... رحت سايبه ومكمل السلالم بكل هدوء وسلاسة وفرح بس من غير عبير ...
    نزلت تحت وركبت المواصلات وحطيت دماغي على دراع الراجل اللي جنبي, راح باصص بكل قرف وعادلي دماغي بكف محترم ... طبعا زي ما قلت دماغي مش ناقصة قرف, رحت مريح على الكرسي ومديها سيمفونية التشخير المشهورة ...

    قلقت في السكة علي كلام من عينة :

    "الظاهر الكلام ده حقيقي ... أنا معنديش نت"
    "بيقولوا النت قاطع في مصر كلها "
    " أنا سمعت إن في كابل عمومي اتقطع عند البحر"

    بدأت أقلُّق ... يكونش الواد المنيل إسلام كلامه صح ؟؟؟

    " أنا بقى عرفت إن في طبق طاير على شكل قصافة نزل البحر وقطع السلك"

    آآآآآآآآآآآه ... كده بقى دول شوية عيال مهيسة ضاربين بانجو ....
    رجعت أنام تاني , وللأسف الشديد ريحت على دراع اللي جنبي و ... طااااااااخ .... اتعدلت الناحية التانية

    -----------------------------------------------------

    وصلت البيت وأنا وشي وقفايا حمر من كتر التحويل .... ودخلت الشقة من غير ما أعبر حد وطيران على أوضتي
    قفلت الباب وفتحت الشنطة أتأكد إن العدة معايا .... كيس دوريتوز الأزرق عائلي, لتر بيبسي , بنص جنيه حلاوة , لبانتين سمارة ...
    طبطبت على الكيس بحنان أبوي يمتزج به شعور شيطاني بالنشوة والأنتصار والفرح والهناء وبالمرة العبير ... وقعدت الجلسة المقدسة قصاد الجهاز ....

    شغلت الجهاز وحمل بكا سرعة ... فركت إيدي كمن ينوي فتح خزائن علي بابا أو فتحي بابا مش هتفرق ...
    بصيت في الشاشة ... ولقيت أيقونة الفاير فوكس بتلمع قصادي بثعلبها البرتقاني الرائع ... رحت ناحيتها بالماويس وضغطت كلكتين واستنيت ....
    قغدت أستمتع برؤية الموقع وهوه بيتحمل واللودينج بيعد تحت و .......

    ERROR LANDER

    ايه ده ؟؟؟؟؟؟؟؟؟؟؟ دعكت عينيا وبعدين النضارة وقريت تاني .... أول مرة أشوف العبارة دي ....
    مممممم -عملت عبقري يعني- .... يمكن عشان عامل موقع جوجل default وهوه حاول يفتحه لقاه واقع ؟؟؟

    قلت أجرب موقع الياهو .... قعد يحمل ويلود و ...... ERROR LANDER

    إيه ده ؟؟؟ ... طيب موقع Youtube, altavista deviantart ..... كله نفس الحكاية ...

    رجعت بضهري لورا وأنا حاسس بصدمة محسيتهاش من ساعة ما جبت مادة تحليل نظم دور تاني ....

    ترررررن

    ايه اللي حصل ؟؟؟
    تررررررررررن

    أنا أكيد بحلم ...
    ترررررررررررررررررررن

    مفيش نت ؟؟؟؟؟؟
    تررررررررررررررررررررررررررررررررن

    فوقت على صوت التليفون ... رفعت الموبايل و رددت وأنا مسبهل ...

    "ألو" (وأنا تايه)

    ألو ... ازيك يا يوسف" (صوت تايه غير بتاعي)

    "مين ... مين معايا" (لسه تايه برضه)

    " أيه يابني ... أنا إسماعيل" (تايه هوه كمان)

    "في إيه يا إسماعيل؟؟"

    (صوت ريق بيبلع بصعوبة وكأنه بيبلع جزمة ريدوينج) " انت... انت شفت الليحصل ... حصل لخط ... النت"

    "حصل إيه"

    "النت فاصل في مصر كلها عشان الكابلات اتقطعت "

    صرخت بصوت سمعه سكن غابات الأمازون:
    " فاااااااااااااااااااااااااصل ... ليييييييييه ؟؟؟ ... وازاي اساسا الكابلات اتقطعت؟؟؟ .... اوعى تقولي فضائيين ومركبات فضاء"

    سمعت صوته بالعافية وهوه بينهار
    "انت عبيط ياله ... ده واحد في إيطاليا شد السلك من عنده عشان كان محشور ... قام اتقطع عندنا ..."

    عيطت وأنا بقول بعيون بتنقط داتا :
    "طيب والحل إيه دلوقتي ؟؟؟؟ "

    فجأة صوته بقى جد وواخد نبرة صارمة وهوه بيقول :
    "مافيش غير حل واحد"

    "انت بتفكر في اللي أنا بفكر فيه ؟؟؟ "

    "أكيد ... مفيش خيار تاني"

    --------------------------------------------------

    العناوين الرئيسية في جرايد اليوم اللي بعديه :

    "انتحار جماعي لعدد كبير من الشباب بسبب انقطاع خدمة الانترنت"
    " نقص في عدد شباب مصر بنسبة 80% على خلفية عمليات انتحار النت"
    "الانترنت يقتل شباب مصر"


    عنوان آخر تحت هذه العناوين :
    "عودة خطوط الانترنت إلى مصر بعد التخلص من القصافة"

    ---------------------------------------------


  2. #2
    عضو قدير
    صور رمزية esamdrsh
    تاريخ التسجيل
    May 2005
    المنطقة
    أبو ظبي
    العمر
    32
    ردود
    8,607
    هههههههههههههههههههههههههههههههههه

  3. #3
    عضو متميز
    صور رمزية THE WAX
    تاريخ التسجيل
    Nov 2004
    ردود
    1,851
    خخخخخخخخخخخخخخخخخخخخ

    والله أسلوبك جميل جداً
    لا إله إلا الله * محمد رسول الله
    كلمتان خفيفتان على اللسان ثقيلتان في الميزان حبيبتان إلى الرحمن :
    (((((( سبحان الله وبحمده سبحان الله العظيم ))))))

  4. #4
    تصدق يا يوسف انك خلتنى استنى قدام الشاشة علشان اعرف ايه اللى حصل فى النهاية
    هههههههههههههه
    كل ده من النت
    الحمد لله انك بخير دلوقتى
    على فكرة النت ده نت بصحيح
    ________________________________________
    ولو كنت واثقا من رحمته تمام الثقة ,لما يئست من الفرج
    ولو كنت موقنا بحكمته كل اليقين ,لما عتبت عليه في قضائه وقدره
    ولو كنت مطمئنا إلى عدالته بالغ الاطمئنان, لما شككت في نهاية الظالمين

    _ _ _ _ _ _ _ _ _ _ _ _ _ _
    اللهم علمنا ما ينفعنا وانفعنا بما علمتنا


    My 3D Visualization Work

    فيس بوك
    Freelancer


  5. #5
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    يابني الإيه ياض يايوسف ........ بجد يابني انت لازم تكتب قصص أطفال أو روايات للعمي ... بجد هتنجح نجاح باهر

    لا بجد أسلوبك رائع .... وقصه توضح معاناة الشعب الغلبان والشباب الواقع .... الشباب المصري


    ده شعب يصبر على جوع الأكل ولا يصبر على جوع الداتا ... عشان كده انت نزلت دموع من الداتا ... الحته دي قطعت فيه .. مش أي حد يفهمها

    وعلى فكرة لو تعرف حد من المسؤوليين ... أنا عندي حتة سلك كده قديمة مش عايزها ... ممكن ياخدوها يلحموا بيها القطع ... ومايحملوش هم التكلفة ... دي ببلاش ... عربون محبة

    وانا شايف انه لازم نخلع للسمك سنانه عشان مايعضش السلك تاني ... وبرضه عشان جمعية حقوق السمك "ممكن تلاقيها طلعت لك من تحت الأرض" ممكن نطحن الدود ونعبيه في علب ونصرف شفاطات لكل سمكة

    أرجوا التفاعل من المسؤولين .... والله المستعان
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  6. #6
    مشرف منبر عرض و نـقــد
    صور رمزية Jassar
    تاريخ التسجيل
    Oct 2006
    المنطقة
    بانتظار عودة الخلافة
    ردود
    8,389
    هههههههه, يحرأ حريشك!
    كيف بتجيب هالجمل؟؟؟
    في النظام الديمقراطي (والذي هو مخالف للإسلام قلبا وقالبا), يسمح للشواذ أن يتزوجوا رسميا
    وكل حاكم يحكم بهذا النظام, وإن ادعى أنه إسلامي, فهو يؤمن بهذه الحرية..

    موقعي الشخصي | صفحة الفيسبوك الرسمية

  7. #7
    ههههههههههههههههههههههههههههههه

  8. #8
    عضو قدير
    صور رمزية esamdrsh
    تاريخ التسجيل
    May 2005
    المنطقة
    أبو ظبي
    العمر
    32
    ردود
    8,607
    اتكلم بكل جديه
    ما رأيكم بعمله فلم انيميشن !!!!

  9. #9
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    هههههههههههههههههههههههههههههههههههههههههههههههههههههههههه
    هههههههههههههههههههههههههههههههههههههههههههههههههه
    بجد يا يوسف ذي ما قال محمد اسلوب في الكتابه رائع جدا
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  10. #10
    عضو نشيط
    صور رمزية flamingoAD
    تاريخ التسجيل
    Aug 2007
    المنطقة
    طنـــــ مصر ـــــطا
    ردود
    909

    جامدة

    اقتباس الموضوع الأصلي كتب بواسطة esamdrsh معاينة الرد
    اتكلم بكل جديه
    ما رأيكم بعمله فلم انيميشن !!!!
    الفكرة دي جامدة جداً ....
    أما الأسلوب فرائع بس الفكرة ممكن تتفرد في أكثر من كدا

    اللهم صلي على محمد وعلى آل محمد كما صليت على إبراهيم وعلى آل إبراهيم إنك حميد مجيد .. اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد

    قال ابن القيم رحمه الله :
    المحبة شجرة في القلب
    ، عروقها الذل للمحبوب ، وساقها معرفته ، وأغصانها خشيته ، وورقها الحياء منه ، وثمرتها طاعته ، ومادتها التي تسقيها ذكره

  11. #11
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    هههههههههههههههههههههههههههههههههههههههههههههههههه
    ههههههههههههههههههههههههههههههههههههههههههههههههههه
    يابووووووووووووووووووووووووووووووووووووووووووووي
    كل ده يطلع منك انا وقعت من قدام الجهاز مرتين من الضحك
    وبعدين هو لسه في حد بيركب اتوبيس يا عمونا وبينام علي كتف اللي جنبه دا انت قديم قوي
    ممكن يتعمل فيلم و انا هشارك فيه بالاضاءة والبيئة والخامات
    ملحوظة :
    انا مستواي ضعيف في الاضاءة و عمل البيئة والخامات
    ممكن اشترك بالموديلينج
    الله يجازي شيطانك يا يوسف
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  12. #12
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061
    esamdrsh

    قدها وقدود والله يا ريس

  13. #13
    mateldo
    صور رمزية قمة الذكاء
    تاريخ التسجيل
    Jul 2007
    المنطقة
    The Mars or on the continent of Atlantis
    ردود
    6,004
    ههههههههههههههههههههههههههههههههههههههههههههههه
    لاتاسفن على غدر الرجــــــــــال لطالما..رقصت على جثث الاسود كلابُ
    لا تحسبن برقصــــــــــها تعـلــــــو على ..اسيادها فالاسد اسدٌ والـكلابُ كلابُ

    الخلاف شئ طبيعي بين البشريه
    (((إذا نطق السفيه فلا تجبه *** فخير من إجابت به السكوت)))
    يصلب الشعراء من اجل راي..........فلماذا لا يصلب الاذكياء

  14. #14
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    متشكر جدا جدا يا شباب ... سعيد أنها أعجبتكم ^_^
    بالنسبة للأنيمشن (وإن كنت أعتقد بصدق أنها متواضعة جدا حتى نقوم بعمل أنيميشن لها) .. أنا طبعا ليس عندي مانع ... لكن خبرتي المتواضعة أكدت لي أن العمل العربي الجماعي -خصوصا خلال النت- هو موضوع فاشل تماما ....
    طبعا كما قلت ليس عندي مانع من شئ ... لكني لا أعد بالاشتراك فيها بسبب ظروف العمل ...

    شكرا مرة أخرى يا شباب

  15. #15
    عضو متميز
    صور رمزية فلاشــــــــــاوي
    تاريخ التسجيل
    Jan 2006
    المنطقة
    مـــــصــــــر
    العمر
    33
    ردود
    3,802
    جامد يا يوسف ... بس وحياتك بلاش عبيير .... بلاش ندوس على بعض .. كفاية عليك هبة ..!!
    وبرضه عشان جمعية حقوق السمك "ممكن تلاقيها طلعت لك من تحت الأرض" ممكن نطحن الدود ونعبيه في علب ونصرف شفاطات لكل سمكة
    يا سلاااااااااااااااااااااااااااااام !!!

  16. #16
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    جامد يا يوسف ... بس وحياتك بلاش عبيير .... بلاش ندوس على بعض .. كفاية عليك هبة ..!!
    الجملة دي ليها أكتر من معنى
    ما علينا ... خلاص يا ريس ... خليني في هبة ....... وبس ^_^

  17. #17
    هههههههههههههههه مساكين من عاش في مثل هذه الحالة .. اسلوب جميل يا يوسف نريد الجزء الثاني بعد قراءة الصحف ما ذا حصل ؟؟!!

  18. #18
    مشرف منبر 3D Studio MAX
    صور رمزية ابومعاذ
    تاريخ التسجيل
    Dec 2005
    المنطقة
    وطنى هنا او قل هنالك حيث يبعثها المنادى الله اكبر
    ردود
    5,117
    هههههههههههه الله عليك ايه ياعم الجمال ده
    العلاقة ما بين موقعة السيدة وانقطاع النت تاثيرها فظظظظيع
    الابداع له دوافع ياجدعااااان والله

  19. #19
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585
    هههههههههههههههه مساكين من عاش في مثل هذه الحالة .. اسلوب جميل يا يوسف نريد الجزء الثاني بعد قراءة الصحف ما ذا حصل ؟؟!!
    متشكرين يافندم ... بس جزء تااااااااااااني ؟؟؟ انتي عايزين أموت سكان مصر كلهم ؟؟؟ ^_^

    هههههههههههه الله عليك ايه ياعم الجمال ده
    العلاقة ما بين موقعة السيدة وانقطاع النت تاثيرها فظظظظيع
    الابداع له دوافع ياجدعااااان والله
    ميرسي يا جميل ... عشان تعرف بس إننا مكناش بلعب ... الشغل شغل ياريس ^_^

  20. #20
    هههههههههههههههههههههه
    كل دة عشان النت هههههههههه من جد اسلوبك جنااااااااااااااااااااااان
    الحمدلله مش هناك كان حصلي ارتجاج في المخ ........
    لاتـدع الـيأس يسـيطر عليـك
    فابنـي في جـدرانه حبـــل

    يوصــلك الى بصيــص ضوء

    ستعــرف حينها ان الامــل موجود
    فتمــسك به ولاتدع اليأس يقتلك

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل