حرامى الرباط :(

[إبن يس]

بدون مقدمات

السلام عليكم ورحمة الله وبركاتة.
أنا طالب فى مدرسة الرباط ويمكننى توفير احتياجتك من دورات مدرسة الرباط من خلال التسجيلات للمحاضرات على السيديهات
واذا كنت لا تعرف ما هى مدرسة الرباط تفضل بالدخول على هذا اللينك.
http://www.cgway.net/showthread.php?t=4327
وكما تعلم أنا الدورة او الرحلة فى مدرسة الرباط تنقسم الى 2 level اى مرحلتين ويكون سعر المرحلتين 500 جنية مصرى والمرحلة الواحدة او 1 level بــ250 وأنا يمكننى توفير الرحلة كاملة أى المرحلتين فقط بـ300 جنية مصرى لا غير .
وهذا لنشر العلم
ولكسب دعائكم .
أذا كنت تريد هذا العرض يمكنك ارسال ايميل بماذا تر

ده واحد أضافنى على الإيميل و بعتلى الرسالة ديه أكثر من مرة

و لا حول و لا قوة إلا بالله ...

أعانكم الله يا بشمهندس أحمد

[maxspider]

يا نهار أبيض ..... بصراحة عالم ربنا يهديها ...

[Moh Taia]

ربنا يهدى - نفس الرسالة وصلتنى مرتين
اتمنى ان لا ندمر أنفسنا بأنفسنا

[shady sobhy]

فعلا والله
ربنا يعين
لان الموضوع شكله كده هيبدا ينتشر لان ديه مش اول مرة أسمع عنه

[إبن يس]

يا نهار أبيض ..... بصراحة عالم ربنا يهديها ...

kp_off: وعليكم السلام
ibnyassen: و عليكم السلام
kp_off: السلام عليكم ورحمة الله وبركاتة.
أنا طالب فى مدرسة الرباط ويمكننى توفير احتياجتك من دورات مدرسة الرباط من خلال التسجيلات للمحاضرات على السيديهات
واذا كنت لا تعرف ما هى مدرسة الرباط تفضل بالدخول على هذا اللينك.
http://www.cgway.net/showthread.php?t=4327
وكما تعلم أنا الدورة او الرحلة فى مدرسة الرباط تنقسم الى 2 level اى مرحلتين ويكون سعر المرحلتين 500 جنية مصرى والمرحلة الواحدة او 1 level بــ250 وأنا يمكننى توفير الرحلة كاملة أى المرحلتين فقط بـ300 جنية مصرى لا غير .
وهذا لنشر العلم
ولكسب دعائكم .
أذا كنت تريد هذا العرض يمكنك ارسال ايميل بماذا تر
kp_off: أنا كلمتك قبل كدة
ibnyassen: آه
ibnyassen: من ييجى شهر
ibnyassen: بس كنت بمتحن
kp_off: أنت من العراق
ibnyassen: هو أنت من العراق ؟؟
kp_off: لا
ibnyassen: أنا من مصر
kp_off: لا عفوا
kp_off: جيت غلط
kp_off: كنت فكرك من العراق
ibnyassen: ههههه
ibnyassen: و لا يهمك
kp_off: اوكى
kp_off: هيا طريقة الحصول عليه هي أنك هتقابلنى فى المكان والزمان اللى أحنا نحددة
kp_off: وأديك الأسطوانات
kp_off: وطبعا مفيش مانع لو أنت عاوز تجربهم
kp_off: حقك
ibnyassen: هى مدرسة الرباط فيها مراحل كتير
ibnyassen: لو هناخد خمسة مثلا
ibnyassen: مش هتعمل خصم ؟؟
kp_off: قولى بس هتاخد أية
ibnyassen: الإضاءة و النمذجة
ibnyassen: ده مبدئبا كده
kp_off: اضاءة وخامات تقصد
ibnyassen: فى أساسيات النمذجة باين
ibnyassen: أول واحدة
kp_off: أية بس المنذجة دى
kp_off: فى مودلينج
kp_off: وماتريال وأضاءت
kp_off: وأنيشمن وكاركتر أنيشمن
kp_off: وكل دوال المرحلتين
ibnyassen: آه .نمذجة هى الموديلينج ^_^
kp_off: انا ما شمعتش كلمة نذجة دى خالص
kp_off: قبل كدة
kp_off: أوكى
kp_off: المرحلتين
ibnyassen: شكلك جديد فى المجال يا ريس
ibnyassen: المرحلتين ب 600
ibnyassen: مش كتير ؟؟
kp_off: على فكرة اللى بيكلمك دة بقاله أربع سنين فى المجال دة
kp_off: لا مش كتير خالص
kp_off: فى الرباط بدل 600 بــــــــــــــ100
kp_off: بــــــــــ1000
kp_off: ألف جنية
kp_off: يبق كتير ولا أية بقى
ibnyassen: طب ما هى مالهاش لازمة من غير أللى بيدوها
ibnyassen: أزود 400 جنيه و أتعلم منهم
kp_off: لا طبعا
ibnyassen: ؟؟؟
ibnyassen: أزاى ؟
kp_off: بالعكس بقى
kp_off: كل كلمة فى المحاضرة مسجلة
ibnyassen: أنا أسمع إن الباشمهندس أحمد راجل محترم و محترف كمان
kp_off: حتى الهزار اللى فى المحاضرة
ibnyassen: يعنى لما أحتك بيه مقابل 400 جنيه زيادة بس أكيد مش هخسر
ibnyassen: لكن أدفع 600 فى كام إسطوانة
ibnyassen: كتير
ibnyassen: قلل شوية
kp_off: انا كان واللهى معايا ناس مكنوش بيجى بس كان بيسجل السيديهات من اللى معانا
kp_off: لا واللهى
kp_off: أنت اللى مش عارف قيمة العرض دوت
kp_off: أنا واخدة بـــــــــــ1000
kp_off: حرام أقل عن 600
ibnyassen: واخد و لا واخدة ؟؟
ibnyassen:
ibnyassen: أنت واخد و لا واخدة ؟؟
kp_off: تقصد أية
ibnyassen: أنت كتبت
ibnyassen: kp_off: أنا واخدة بـــــــــــ1000
kp_off: اه أنت بتهزر
kp_off: لا ياعم
ibnyassen: هههههههههه
kp_off: انا دفعت فى الكورس دة 1000
kp_off: جنية
ibnyassen: لسه واخد بالك ^_^
kp_off: ها
ibnyassen: طب و باقى المراحل ؟؟؟
ibnyassen: هتروح تاخدها ؟؟
kp_off: قصدك هحضره
kp_off: هيا معايا
kp_off: وانا مخلصه
ibnyassen: تمام
ibnyassen: بس مش كده حرام يا زعيم ؟؟
ibnyassen: الباشمهندس أحمد يتعب و يطلع عينه و يشترى أجهزه و ...آلخ آلخ
kp_off: لا واللهى يا زعيم
ibnyassen: و أنت تبيع مجهوده ؟؟
kp_off: لا مش مجهودة
ibnyassen: أمال مجهود مين يا ريس ؟؟
kp_off: دى حاجة خاصة بيه انا بس
kp_off: انا اللى دفعت فلوس مجهودة
ibnyassen: ما أنت بتبيعه على العلن أهوه يا زيعم ؟؟
kp_off: يا نجم
kp_off: ابيعة ولا مابعوش
ibnyassen: الفلوس ده عشان تتعلم منه مش عشان تبيع شغله
kp_off: دة شىء ما يخصكش
ibnyassen: أكيد حرام
ibnyassen: يا بنى كده حرام
kp_off: طيب يا برنس حرام حرام
ibnyassen: و أسأل أى شيخ
ibnyassen: هتاكل فلوس حرام ؟؟
kp_off: حرام مكنتش تكلمنى بقى وتقولى مش عارف اية
ibnyassen: هتاكلها نار يوم القيامة
kp_off: واللهى سالت فيه من غير ما تقول يا نجم
ibnyassen: يا بنى كده حراااااااام
kp_off: وقالولى لا يا نجم
ibnyassen: و مين ده أللى قلك حلال ؟؟
kp_off: ابنك
ibnyassen: خلاص يا والدى
kp_off: أنت شكلك عاوز تهزر او تتهزاء
kp_off: وانا مش فاضى
ibnyassen: آه أنت راجل مشغول ببيع و أكل حقوق الناس
ibnyassen: روح منك لله
ibnyassen: و ربنا ينتقم منك
kp_off: طيب ما تفرت بقى
ibnyassen: بتبيع حق تعب الناس يا مفترى
kp_off: علشان انا لسانى وحش أوى يا حج
ibnyassen: ما هو ما بيبعش حق الناس و لا بياكلها إلا الناس أللى لسانها وحش
kp_off: لا انا ببيع حقى
ibnyassen: لا مش حقك
ibnyassen: مش أنت أللى عاملها
kp_off: ياعم أنت مالك أنت
kp_off: افرت بقى
ibnyassen: و روح أسأل الباشمهندس أحمد و قوله ينفع أبيعها ؟؟
ibnyassen: و شوف هيقولك أيه ؟
kp_off: انت مالك
ibnyassen: ماشى يا زعيم ..
ibnyassen: بس ما تخافش الحوار ده هيتنشر فى كل منتديات الجرافك

kp_off: يعنى أية هيتنشر
ibnyassen: يعنى خلال كام ساعة هتلاقى الكلام بتاعك ده منشور فى كل منتديات الجرافك
kp_off: ماشى يا حج



بيقول إنه من مدينة نصر ...
ياريت الكل يحذر من أمثال هؤلاء اللصوص

[فلاشــــــــــاوي]

هههههههههههههههه ..... دا انت طلعت شرير يابن ياسين ..... برافو عليك ... بس متنساش تدعيله ....... إن ربنا ياخده ... جدع إنك فضحته ..

[maxspider]

يعني إيه حقه ومش حرام ؟؟؟؟؟؟
ده احنا بنشتغل ببرامج مقرصنة على استحياء ... والواحد يقول امتى ربنا يتوب عليه ...

يقوم يسرق شغل الراجل كده عيني عينك ؟؟؟؟؟؟؟؟؟؟؟؟؟؟؟؟
بصراحة ... معتقدش إن فيه أي مبرر للي بيعمله ...
ربنا يهديه ... أدي أخرة اللي يعمل جمايل في العرب ...
أنا حضرت اتفاقات بين الباشمهندس أحمد ومسئول autodesk في الشرق الأوسط ... وكانوا هيعرضوله دروس على الموقع بتاعهم مترجمة للإنجليزي .. بس الموضوع حصل فيه تطورات ...

يبقى يوم ما يحب يخدم الناس يبقى ده المقابل ؟؟؟؟؟؟؟؟؟؟؟؟؟؟؟؟؟؟؟

[mmnoor]

شكراً على التحذير يا زعيم بس كنت جبت أي بي الجهاز بالمرة ؟ ولا ايه ؟ !! أصل بصراحة دي اسمها بجاحة مش شات دا قليل الأدب فعلاُ وبجد ربنا يعينك انت اتكلمت مع بني آدم زي ده ربنا يجزيك خير على تحذيرك ومحاولة نصحك ليه !!

[EXPLORE]

هههههههههههههههههه اخي إبن يس جميل جداً انك فضحته ^_^ ..

الشخص هذا يرد بكل وقاحة ويقول "لا انا ببيع حقى" .. ربنا يهديه ^_^ ..

[maxspider]

بلاش يا شباب ندعي على الناس ... ادعوا له أن يهديه الله ...

التركيز في الدعاء له أفضل من الدعاء عليه

[khaliiiiid]

فعلا وقاحة ....
الله يهديه

[oms]

إبن يس ...

إحكيلوا خليه يقابلك بمكان .. وجيب معك الإنتربولص .. وال Fbi على شان حقوق الملكية .. وألقوا القبض عليه ...

[mmnoor]

إبن يس ...

إحكيلوا خليه يقابلك بمكان .. وجيب معك الإنتربولص .. وال Fbi على شان حقوق الملكية .. وألقوا القبض عليه ...

فلم هندي كبير !! همّا خمسة ربنا مدّيهم صحّة يحرّموه أصلاً يفتح الكمبيوتر ويكرّهوه فيه كفاية

[Ahmed_3d]

لا حول و لا قوة إلا بالله ....

الأخ .. kp_off ..

أنت تعلمت تحت يدي ...
و أنا لم أبخل عليك بأي معلومة ...

لماذا لم تستفيد بهذا العلم .. في العمل بشكل أفضل

أخي العزيز ...
إن ما تفعله ... هو سرقة صريحة لمجهودنا .... فلا يحق لك التربح من تسجيلات محاضراتنا

و أعلم أننا سنتابعك قانوناً حتي تسقط ...
و سنسترد منك حقوقنا في يوم لا تضيع فيه الحقوق ....

أسأل الله لك التوبة ...

[Ahmed_3d]

الأخ إبن يس

أشكرك علي تحمسك لحماية إخوانك في الله ...