موضوع: كيمو..صباح الخير يا حبيبي (وهكذا بدأت المكالمة )

ردود: 17 | زيارات: 3905
  1. #1
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408

    كيمو..صباح الخير يا حبيبي (وهكذا بدأت المكالمة )

    السلام عليكم ورحمة الله وبركاته
    الله يحرق الفالنتين و اللي عمله واللي اخترعوا الله يخرب بيتهم واحد واحد
    اسف علي الدخلة اللي مش ولابد ولكن ما باليد حيلة من يوم 12 فبراير وانا في هذا العذاب المقيم الله يحرق الفالنتين علي اللي اخترعوا
    تبدأ المعاناه الساعه 3 مساءا يوم 12 يعني صباح 13 ركزوا مع التواريخ لانها اهم من الموضوع ضرب جرس التليفون المحمول و انا من اعداء هذا الجهاز اللعين ولولا ان كليتي بعيدة في بنها تحديدا وكثرت سفري وتغيبي عن اهلي ما كنت امتلكت واحد حتي يلج الجمل في سم الخياط ولكن سامح الله الحاجة هي من غصبت علي ان احمله
    المهم فتحت التليفون ورديت و دار هذا الحديث :
    هو : الو
    انا : لم ارد لاني كنت امضغ بعض الطعام فقلت اصبر حتي امضغ اللقمة فارد
    هو : مساء الخير يا حبيبتي مترديش انا عاوزك تسمعيني ياريت متتكلميش غير لما اخلص
    انا : طواعته ولم ارد اردت ان اسمع ماذا سيقول
    هو : انا عارف اني كنت مزعلك الفترة اللي فاتت بس حقك عليا انا حبيت اصالحك علشان الفالنتين قرب و مينفعش نبقي متخاصمين و الناس كلها في الفالنتين يعني الناس تفرح واحنا لأ
    انا : شكرا يا حبيبي علي الكلام الرقيق ده مع صوت ضحك مرتفع من جانبي
    هو : ايه ده مين معايا
    انا : النمرة غلط ياريس معلش انت اللي قولتلي مترديش وانا مردتش مش ذنبي
    هو : يا نهار اسود طيب مش تنطق من الاول ولا سايبني ارغي وخلاص
    انا : انا اسف والله ماكنش قصدي بس اصلي كنت باكل
    هو : انت اساسا لو كان عندك دم مكنتش تسيبني اتكلم ده كله
    انا : خلاص يا سيدي انا اسف سلام واغلقت الخط خوفا من استرساله في القباحة
    و كان هذا المقلب من جانبي هو بداية الخيط و جاء وقت تصفية الحساب و انتقم الله مني
    في صباح يوم 13 الساعه 8 صباحا وانا نائم كخلد الماء علي اخر قطعة خشب حصل عليها لاتمام بناء بيته ايقظني صوت الهاتف رديت بذهن مبلل وعقل نصف واعي
    انا : الو...سلام عليك...
    هي : كيمو ... صباح الخير يا حبيبي كل سنة وانت طيب بكرة الفالنتين انا حبيت اكلمك انا الاول
    انا : ايوه انا مش كيمو علي فكرة النمرة غلط
    هي : لا يا كيمو بطل هزار بقي انا عارفة انك نايم قوم اصحي بطل كسل
    انا : يا اختي انا مش كيمو
    هي : امال انت مين
    انا : يوووووووه والله انا مش كيمو انا اسمي محمود
    هي : طيب انا اسفه
    انا : اسفك معاكي سلام عليك...
    ولم اكمل الكلمة وعدت للنوم وبعد خمس دقائق لا اكثر استيقظت علي صوت الهاتف ثانية
    انا : الو ... سلام عليكم
    هي : كيمو ؟؟
    انا : تاني لا يا ستي انا مش كيمو انت مصرة اني كيمو
    هي : طيب انا اسفه بس دي نمرة كيمو
    انا : يا شيخة انتي ادري مني الحقيقة بس انا واثق اني مش كيمو
    هي : طيب انا اسفة هو انت نايم ؟؟
    انا : ايووووووووواااااااااااه نايم
    هي : انا اسفة اني صحيت من النوم
    انا : لا يا ستي محصلش حاجة
    هي : طيب هو انت في الجيش ؟؟؟
    انا : اللهم طولك يا روح ربنا لا تؤاخذنا بما فعل السفهاء منا لا يا ستي انا مش في الجيش
    هي : طيب انت فين ؟
    انا : اه دا انت فاضيه ورايقة انا في هدومي ممكن تسيبيني انام ابوس ايدك وايد كيمو وايد مصر كلها واحد واحد بس انام
    هي : خلاص انا اسفة ومش هتصل عليك تاني
    انا : اتعشم ذلك سلام عليكم
    واغلقت الهاتف تماما و عدت الي النوم و بعدما استيقظت فتحت التليفون و كأنه منتظر الاذن بالفتح فكأنه انفجر في وجهي رديت
    انا(بملل) : الو .. سلام عليكم
    هي : وعليكم السلام
    ولما وجدتها انثي انفجرت في وجهها : عارفة لو قولتي عاوزة كيمو او نطقتي الاسم ده انا هقتلك انتي وكيمو هجيب رقمك من الشركة وهخرب بيت كيمو وبيتك
    هي : كيمو مين مين معايا ؟؟
    انا : نعم انتو باين عليكو بتهزرو انت عاوزه مين
    هي : انا عاوزه مصطفي مش ده رقم مصطفي ؟؟
    انا : طبعا عاوزه تقوليلو كل سنة وانت طيب بمناسبة الفالنتين
    هي : ايوه انت عرفت ازاي وانت مين اصلا ؟؟
    انا : عرفت ازاي ده لاني ذكي جدا فوق ما تتخيلي و انا مين انا صاحب التليفون و النمرة غلط
    هي : انا اسفة
    انا : ماشي ما انا اتعودت خلاص
    يومان يا اخواني علي هذه الحالة ارقام لا اعرفها ترن عليا و رسائل غرميات مع العلم اني لا استخدم المحمول الا في الضرورة حتي اصحابي لا احد يرن علي الاخر اللي عاوز حد بيتصل بيه
    يعني عندما يرن التليفون المحمول بالنسبة لي فهذا يعني امرا مهما
    وبما ان لا شئ مهم فهو قابع كتابوت فارغ
    الله يخرب بيت الفالنتين الذي اطار النوم من عيني يومان
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا


  2. #2
    يوسف التلباني
    عضو لجنة تحكيم

    صور رمزية maxspider
    تاريخ التسجيل
    May 2004
    المنطقة
    <<<<EGYPT>>>>
    العمر
    32
    ردود
    5,585




    يخرب عقل الشيطان ... انت مشكلة يلا ....

    بس عندي سؤال ...








    ممكن أكلم كيمو لو سمحت ؟؟؟

  3. #3
    عضو متميز
    صور رمزية mmnoor
    تاريخ التسجيل
    Nov 2007
    المنطقة
    ساكن فين ؟؟ انت مخبر ولا ايه ؟؟؟
    العمر
    31
    ردود
    6,588
    جااااااامدة


    أنا بقى عايز أكلم مصطفى ممكن ؟ عشان النفتالين قرّب وما ينفعش نبقى متخاصمين خخخخخخخخ (تفكير عيال)
    (وَإِذَا قِيلَ لَهُمُ اتَّبِعُوا مَا أَنزَلَ اللَّهُ قَالُوا بَلْ نَتَّبِعُ مَا وَجَدْنَا عَلَيْهِ آبَاءنَا أَوَلَوْ كَانَ الشَّيْطَانُ يَدْعُوهُمْ إِلَى عَذَابِ السَّعِيرِ) لقمان :21

    الرد على من قال بحل المعازف

    http://www.abumishari.com/

  4. #4
    عضو نشيط
    صور رمزية telpo
    تاريخ التسجيل
    Jul 2004
    المنطقة
    في أي مكان .. تظل الهوية إسلامية عربية
    ردود
    972
    أيوه ... أيوه


    أنا كيمو .. مين عايزني


    والله انت حكاية .. موتني على نفسي من الضحك
    Telpo Gallery

    موقعي التعليمي
    www.cgcube.tv

    كثر المتساهلون فى الدين ، فظهر الملتزمون بصورة المتشددين ، فعلى الملتزمين إختيار الأسلوب الصحيح لتوصيل صحيح الدين لغيرهم باللطف واللين


  5. #5
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    اقتباس الموضوع الأصلي كتب بواسطة maxspider معاينة الرد




    يخرب عقل الشيطان ... انت مشكلة يلا ....

    بس عندي سؤال ...








    ممكن أكلم كيمو لو سمحت ؟؟؟
    حرام عليك يا عم يوسف انا لو شفت كيمو ده هقتله
    شكرا يا باشا علي المرور الغالي فعلا اليومين اللي فاتو طلعوا عيني رسايل وتليفونات مش عارف ايه الحكاية

    اقتباس الموضوع الأصلي كتب بواسطة mmnoor معاينة الرد
    جااااااامدة


    أنا بقى عايز أكلم مصطفى ممكن ؟ عشان النفتالين قرّب وما ينفعش نبقى متخاصمين خخخخخخخخ (تفكير عيال)
    لا ياريس ده مش تفكير عيال دول ماشيين مع التيار واحب اسجلكم هنا وانا من يملك حقوق الطبع والتوزيع والملكية الفكرية ان مصر ويا للاسف
    حطمت الرقم القياسي هذا العام عن اي عام مضي في الهيافة بصراحه اهيف سنة لمصر هي السنة دي و من كاس الامم اللي الناس نزلت الساعه 12بالليل في البرد علشان تهتف باسم المنتخب الي الفالنتين اللي خلي الدنيا كلها حمراء يا قلبي لا تحزن منتظرين الاهيف
    شكرا يا حبيبي علي مشاركتك الجميلة

    اقتباس الموضوع الأصلي كتب بواسطة telpo معاينة الرد
    أيوه ... أيوه


    أنا كيمو .. مين عايزني


    والله انت حكاية .. موتني على نفسي من الضحك
    كده يا تيلبو انت طلعت كيمو طيب ما تلم البت بتاعتك يا عم
    قولها الراجل عاوز ينام شوية
    نورتني يا باشا ربنا يخليك ويخلي الشباب كلهم
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  6. #6
    Registered User
    تاريخ التسجيل
    Aug 2006
    المنطقة
    مصر
    العمر
    30
    ردود
    7,129
    هههههههههههههههههههههههههه


    هههههههههههههههههههههههههههههههههههه

    آه يا قلبى
    هههههههههههه

  7. #7
    عضو قدير
    صور رمزية MiND ViSiON
    تاريخ التسجيل
    Mar 2006
    المنطقة
    جدة
    ردود
    5,524
    انت ماكملتش التصميم ليه ياكيمو ؟
    في داخلك منجم للإبداع فتش عنه ولكن قبل ذلك تعلم التنقيب حتى لا تكسر الألماس.
    الحياه أشبه بصندوق مغلق ، ومفتاحه هو العمل ، وإن أداء الأعمال بإتقان عال يفتح الباب أمام الحصول على أعمال أرقى وأكبر .
    لنركز على الحقيقة والمحتوى في النقد ، لا على لغة الخطاب ونبرة الكلام ، فقد يكون الناقد محباً وصادقاً لكنه لم يوفق لإلباس نصحه غلافاً هادئاً ومناسباً
    اللهم اعطهم ضعف ما يتمنون لي

  8. #8
    It's Me
    صور رمزية cortex
    تاريخ التسجيل
    Jul 2006
    المنطقة
    where i am
    ردود
    3,952
    هههههههههههههههههههه

    بالفعل الناس مؤمنة بفالنتاين بالشكل هذا ؟!

    أنا أكلم واحد على الماسنجر يقول لي : اليوم فالنتاين و أنت قاعد في البيت ؟ .. لوووول
    فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا

    اللهم أغفرللمسلمين و المسلمات ,الأحياء و الأموات

  9. #9
    مهندس ميكاترونكس
    صور رمزية Qemum
    تاريخ التسجيل
    Jul 2006
    المنطقة
    Jordan
    العمر
    28
    ردود
    5,417
    انا : اه دا انت فاضيه ورايقة انا في هدومي ممكن تسيبيني انام ابوس ايدك وايد كيمو وايد مصر كلها واحد واحد بس انام
    هههههههههههههههههههههههههه

    للتو عرفت ان الفالنتين اليوم , كنت أظنه غدا , , هُراء !!! .

  10. #10
    عضو متميز
    تاريخ التسجيل
    Oct 2007
    المنطقة
    FORGOTTEN CITY
    ردود
    4,893
    تسلم ياكيمو على الموضوع الحلو.........عفوا ً أقصد يامحمود
    درس راوتر{نمذجة+خامات+إضاءة} هنـــــــا

    درس سيف{نمذجة} هنـــــا

    تولة طيب{ نمذجة+خامات+إضاءة} هنــــا

    اصنع مكتبة خاماتك بنفسك
    هنــــا
    غائب للابد

  11. #11
    كيمووو
    صور رمزية kareem50
    تاريخ التسجيل
    Nov 2004
    المنطقة
    لايوجد انتماء
    ردود
    3,161
    انا كيمووو اهوه يا جماعة مين عايزني :d
    .


    MR. Kok Limited Edition

  12. #12
    ضياء الدين
    صور رمزية diaaking
    تاريخ التسجيل
    May 2004
    المنطقة
    مصر
    العمر
    30
    ردود
    3,679
    بص اول متكلمك تاني خد نمرت تلفوني وابعتهلها قله ده كيمو ...
    الحياة ألم يخفيه أمل
    أمل يحققه عمل
    وعمل ينهيه أجل
    ثم يجزى كل امرئ بما فعل

  13. #13
    م.احمد منسي
    صور رمزية mansy1985
    تاريخ التسجيل
    Mar 2006
    المنطقة
    مصر-بورسعيد-الامارات العربيه المتحده-ابو ظبي
    العمر
    32
    ردود
    2,260
    هههههههههههههههههههههههههههههههههه

    يخرب مطنك يا عم موتني من الضحك-انا معرفش بالظبط ما معني مطنك دي بس معتقدش انها حاجه وحشه-
    Junior Architect-Ahmed Abdel Aziz
    Mansy

    إن من يختلف معك فكريًا في العالم العربي هو على الأرجح ملحد أو عميل أو شاذ جنسيًا،




  14. #14
    هههههههههههههههههههههههههههههههههههههههههههههههههههه

    والله أدخلت علي السرور بقصتك الجميلة يا كيموووووووووو.!!!!!!
    اللهم أرحم أخي وحبيبي (أبو أسيد : محمد السبيعي )
    وتغمده بواسع رحمتك ، واجمعني به في دار كرامتك .... آمين

  15. #15
    طالب / مدرسة الأنيميشن
    تاريخ التسجيل
    Jun 2006
    المنطقة
    مصر
    ردود
    7,061
    MiND ViSiON هههههههههههههههههههههههههههههههه
    ضحكت أكتر من القصة وخايف تقولي انا كمان مكلمتش التصميم ليه يا شيمو

  16. #16
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    اقتباس الموضوع الأصلي كتب بواسطة إبن يس معاينة الرد
    هههههههههههههههههههههههههه


    هههههههههههههههههههههههههههههههههههه

    آه يا قلبى
    هههههههههههه
    سلامة قلبك يا ريس اهلين بيك يا معلم ربنا يتوب علي المسامين من التقاليع
    اقتباس الموضوع الأصلي كتب بواسطة MiND ViSiON معاينة الرد
    انت ماكملتش التصميم ليه ياكيمو ؟
    يا نهار قفش روحنا في داهية تمام يا باشا والله انا التصميم في دماغي بس تقدر تقول انا في حالة ابتعاد تام عن الماكس اليومين دول لاسباب نفسية هكمل والله بس حاسس ان المعين نضب
    اقتباس الموضوع الأصلي كتب بواسطة cortex معاينة الرد
    هههههههههههههههههههه

    بالفعل الناس مؤمنة بفالنتاين بالشكل هذا ؟!

    أنا أكلم واحد على الماسنجر يقول لي : اليوم فالنتاين و أنت قاعد في البيت ؟ .. لوووول
    ربنا يتوب عليهم يا كورتي
    اقتباس الموضوع الأصلي كتب بواسطة ضياء الدين معاينة الرد
    هههههههههههههههههههههههههه

    للتو عرفت ان الفالنتين اليوم , كنت أظنه غدا , , هُراء !!! .
    يا معلم سيبك انت من الفالنتين و خليك في زودياك مالك انت ومال الهيافه دي
    اقتباس الموضوع الأصلي كتب بواسطة العقرب77 معاينة الرد
    تسلم ياكيمو على الموضوع الحلو.........عفوا ً أقصد يامحمود
    تسلملي يا ابو العقارب و التعابين ولا ملكش في التعابين
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

  17. #17
    عضو متميز
    صور رمزية rekapidesign
    تاريخ التسجيل
    Jun 2007
    المنطقة
    between two edges
    ردود
    1,408
    اقتباس الموضوع الأصلي كتب بواسطة kareem50 معاينة الرد
    انا كيمووو اهوه يا جماعة مين عايزني :d
    ايه يا عم كيمو مش تلم البت بتاعتك عني مش عارفين ننام يا عم تسلم ياريس
    اقتباس الموضوع الأصلي كتب بواسطة diaaking معاينة الرد
    بص اول متكلمك تاني خد نمرت تلفوني وابعتهلها قله ده كيمو ...
    اه يا عم ضياء انحراف يعني لا ياريس لو كنت عاوز تنحرف عليك وعلي شلة فلاشاوي الجديدة هما هيودوك سيتي ستارز ويظبطوك
    اقتباس الموضوع الأصلي كتب بواسطة mansy1985 معاينة الرد
    هههههههههههههههههههههههههههههههههه

    يخرب مطنك يا عم موتني من الضحك-انا معرفش بالظبط ما معني مطنك دي بس معتقدش انها حاجه وحشه-
    مطنك في المعجم الوسيط يا باشمهندس تعني والله ما انا عارف بس مش حاجة وحشة علشان بيقولوها عندنا في الصعيد و ما دام في الصعيد بيقولوها تبقي مش وحشة
    اقتباس الموضوع الأصلي كتب بواسطة muteir معاينة الرد
    هههههههههههههههههههههههههههههههههههههههههههههههههههه

    والله أدخلت علي السرور بقصتك الجميلة يا كيموووووووووو.!!!!!!
    ادام الله عليك السرور يا اخي و الفرح
    اقتباس الموضوع الأصلي كتب بواسطة shady sobhy معاينة الرد
    MiND ViSiON هههههههههههههههههههههههههههههههه
    ضحكت أكتر من القصة وخايف تقولي انا كمان مكلمتش التصميم ليه يا شيمو
    انت ايه اللي جابك هنا ... انت عدو و لا حبيب
    اهلا يا عم شادي منفضلنا خالص علي الماسنجر ماشي يا عمونا شكرا يا ريس اللي علي علي
    Edge Loop
    ...........................
    ولدى نصحتك لما صوت اتَنَبح
    ما تخافش من جِنِّى ولا من شَبَح
    وإن هبّ فيك عفريت قتيل إسأَله
    ما دافعش ليه عن نفسه يوم ما اندبح ؟

    ........................

    عينى رأَت مولود على كتف أُمه
    يصرُخ تهنِّن فيه يصرخ تضمُّه
    يصرخ تقول يا بْنى ما تنطق كلام
    ده اللى ما يتكلمش يا كتر همُّه
    عجبى!!

    ......................................................
    تأبط شرا

Bookmarks

قوانين الموضوعات

  • لا يمكنك اضافة موضوع جديد
  • لا يمكنك اضافة ردود
  • لا يمكنك اضافة مرفقات
  • لا يمكنك تعديل مشاركاتك
  •  
  • كود BB مفعّل
  • رموز الحالة مفعّل
  • كود [IMG] مفعّل
  • [VIDEO] code is مفعّل
  • كود HTML معطل