يا ناااااااااااس عبروني , أنا حاسس إني كيس جوافة

[alaabasit]

عايزين ندخل فيل جوة الكباية نعمل ايه؟



نحط ورقة علي الكباية وبعدين نحط الفيل علي الورقة وبعدين نيجي بشويش ونشد الورقة بسرعة الفيل يقع جوة الكباية

[alaabasit]

جماعه مساطيل عملوا اتوبيس بيمشي بالعرض لييييه؟ عشان كلهم يركبوا قدام

[alaabasit]

محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!

[alaabasit]

مرو واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين

[alaabasit]

صعيدى شاف فى الجرايد حادثه واحد فى امريكا قتل مراته ودفنها تحت السرير والبوليس الأمريكى لم

يكتشف ذلك الا بعد 25 سنه قام قال لنفسه يبقى انا لو عملت كده البوليس عندنا مش حيكتشف ابداً راح فعلاً قاتل مراته وحفر تحت السرير وحطها مفيش ربع ساعه والبوليس قبض عليه فتعجب قوى وسأل الظابط انتم ازاى كشفتم الجريمه بسرعه قوى كده ده فى امريكا ماكتشفوهاش الا بعد 25 سنه رد عليه الظابط اصل فى امريكا الراجل كان ساكن فى الدور الأرضى وأنت ساكن فى الدور الخامس

[alaabasit]

سواق تاكسي قعدت جنبه بنت حلوة قوي قاللها : تعرفي تسوقي؟


قالتله : لأ
قالها : أنا تسوقي

[alaabasit]

واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..

.المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات زد العفريت:انا بعمل شاى

[alaabasit]

واحد رخم عرف ان الاموات بتحس وتسمع باللى بيحصل حواليها

راح الترب و شغل الكاسيت على العالى باغنية الحياه حلوه

[alaabasit]

واحد مسطول ركب تاكسي فالسائق قال له ممكن تشوفلي الاشاره اليمين شغاله ولا لا فطلع المسطول رأسه من الشباك قال للسواق شغاله مش شغاله، شغاله مش شغاله، شغاله مش شغاله!!!


النكت دى من مواقع مختلفه عشان افرفشكو شويه برضو الفن عايز فرفشه يا رب تكون عجبتكو

[alaabasit]

موقف حقيقى: واحد كاتبه فى مصراوى مرة كنت عامل مشكلة مع واحد جارى ومتخنقين خناقة جامدة المهم روحنا القسم عملت محضر واحنا قاعدين لقينا جماعة صعايدة داخلين وعاملين دوشة جامدة قوى فراح الظابط مزعق فيهم قوى وقالهم انتوا فاكرين نفسكوا فين يا بهايم انتوا هنا زى الجامع تدخلوا تقلعوا جذامكوا انتوا فهمين المهم محدش كدب خبر وقلعوا كلهم الجزم والشباشب واحنا واقفين مش قادرين نمسك نفسنا من الضحك حتى الظابط قعد يضحك عليهم

هو ده الجرافيك ابو جد يا عينى قصدى يا بقى

[ملك النسور]

هههههههههههههههههههه
الله يهديك , ضحكتني بعد ما كنت هتجن
و بالنسبة لإنشاء المنابر جديدة فقد شهدنا منبر جديدين في الآونة الأخيرة
إشمعنى جت على ده و وقفت مع إن إقتراحي كان قبلهم
حاجه غريبة و الأغرب إن منبر أعمال متميزة افتتح و لم تتم المشاركة فيه حتى الآن
يعني إقتراحي ليس الأسوأ